سعر الwii بالرياض؟؟

[PlayStation3]

السلام عليكم ورحمة الله وبركاته

قبل مااكتب الموضوع دورت اذا في موضوع يتكلم عن سعر الجهاز بالرياض مالقيت فقلت خل افتح موضوع خصوصا اني افكر اشتري الجهاز بس ابي اعرف هو متوفر وين وبكم..

ياريت تفيدوني... وشكرا

[solid ss]

على اخر ماسمعت 2300 مع لعبتين وحده تختارها وحده مع الجهاز

[Leopard]

وعليكم السلام ورحمة الله وبركاته
شوف ياخوي الجهاز سعره في الرياض يتفاوت ما بين 2100-2300
في عندك بعض المحلات تقدم عروض مع الجهاز وفيه محلات تبيع الجهاز بروحه
محل بيت الكمبيوتر الجهاز عنده بـ 2300 مع لعتبين كيوب انت تختارهم
وطبعاً الجهاز فيه لعبة من الشركة نفسها (Including) اسمها Wii sport
للعلم اخوي الجهاز من فترة كان سعره 2400 (نفس المحل اللي قلتلك عليه) والحين نزل
فلا تستعجل لأن يمكن ينزل سعره مع الأيام
في الأخير القرار راجعلك

[PlayStation3]

غريبه محد يدري انه ينباع بالرياض ب1660 ريال؟و2110 مع لعبتين غير الوي سبورت طبعا المحل اللي يبيعه بالسعر هذا هو جيم نيشن بس المشكله انه الاجهزه اللي عنده خلصت ولا ادري متى يجيب غيرها

http://gamenation.cc/index.php?optio...2420&Itemid=29

عالعموم معروف انه بيت الكميوتر من اغلى المحلات بالرياض واكيد الجهاز موجود بسعر ارخص في محلات ثانيه


ويعطيكم العافيه شباب على الردود

[solid ss]

اخوي انا لقيته في مركز النسر 1800 مع لعبتين وفري لودر

[Leopard]

اخوي انا لقيته في مركز النسر 1800 مع لعبتين وفري لودر

طيب اخوي الـ Free Loader اللي يجي معه يشغل العاب الوي اليابانية على الوي ؟
ولا بس يشغل العاب الكيوب اليابانية على الـ Wii ؟
لأن ابي اتأكد الله يخليك لأن الفري لودر اللي نزل حتى الآن للوي بس يشغل العاب الكيوب (اي نسخة)
على الوي بدون ما يشغل العاب الوي (النسخ الأخرى غير الأمريكية)

[solid ss]

اخوي اكيد انه للوي

لان الفري لودر حق الكيوب تقدر تشغله عادي لان الويي يشغل العاب الكيوب

[wario2002]

انا سمعت ان عند جيم نيشن ب1600 ريال ،، وعند بيت الكمبيوتر ب2300 الحين ...

بس نصيحتي خذه من بيت الكمبيوتر لان يجي معه ضمان ،، اما الي بـ 1600 بدون ضمان

يعني لو خرب عليك شي لاقدر الله ماتقدر ترجعه ،، مثل واحد من الاخوان بمنتدى من المنتديات خرب عليه الوي بس يقول الحمدلله ان شراه من بيت الكمبيوتر عشان معه ضمان .. ورجع الجهاز وعطوه جديد

ارجو اني اكون افدتك واي سؤال انا حاضر

[Leopard]

اخوي اكيد انه للوي

لان الفري لودر حق الكيوب تقدر تشغله عادي لان الويي يشغل العاب الكيوب

ما اظن يكون للوي
انت سألت راعي المحل عنه ؟ بخصوص انه يقدر يشغل العاب الوي اليابانية ؟
لأن الـ Freeloader اللي نزل حتى الآن للوي هو هذا : هنا
هذا الموقع معروف ادخل عليه وشوف مميزاته وراح تلقى
(does NOT play import Wii™ games)
بذلك نعرف ان الفري لودر اللي لقيته عند المحل هو هذا و بالتالي ما يشغل العاب الوي اليابانيه

[PlayStation3]

اليوم رحت شفت كل المحلات اللي اعرفها وبالاخير شريته ب2597 ريال من بيت الكمبيوتر سوالي تخفيض 7 ريال :s شريت الجهاز ومعه Wii Play وnunchuck واللي قهرني العرض حقهم يقول شريطين قيم كيوب هديه حاولت فيه اخذ واحد wii على الاقل وواحد قيم كيوب بس يقول العرض كذا والمشكله ماعتده إلا 4 اشرطه قيم كيوب بس وكلها قديمه وبايخه,, بس قالي خذ اي شريطين ولا تفتحها وتعالنا بعدين بدلها لما ينزل شي يعجبك اتشاءالله يجيبون زيلدا علشان ابدل فيه اما الشريط الثانيه مدري وش اسوي فيه :d