السلام عليكم ورحمة الله وبركاته
لكم هالقصة صارت معاي... وطبعا موقف مثل هاي صج يبيله كاميرا...
اولا... وانه طالعة من غرفتي ومريت على الصالة "غرفة المعيشة" إلا أشوف شي عالطوفة!!
شي يمشي فووووق قريب من الصقف
ولما دققت زيادة شفته بريعصي!!!... اللي هو البرص والا ما ادري شي يسمونه
فرجعت الغرفة وأخذت الكاميرا وصورت صور عادية والثانية فيديو "بس آنه ما بعرض صور الفيديو"
عقب رحت أنادي اخوي علشان يجيب المسجمة ويذبحه "البندقية"... هو صج الواحد يستغرب لما نقول له ان احنا نذبح البريعصي بالمسجمة بس احنا جذي ^.^"
فراح وجابها... ومن أول ضربة طيحه "وهاي فيه فيديو بعد"
عقب طااااح!!! فقلت حق اخوي لحظة لا تذبحه!!!....
قربت منه وصورته... طبعاً اول ما يخاف البريعصي يقط ذيه يبالفيت يبي يخدعنا انه مات
رحت صورته... والحظ أن الرصاصة ما طلعت من جسمه "وفي فيديو وهو يحرك الذيل بعد" ^^
وبعدين بدال ما ياخذ اخوي النعال وضربه علشان يفتك منه ضربه برصاصتين زيادة ^.^"
ما عنده سالفة بعد هو عالارض ليش خساير رصاص!!
المهم... بس الرصاصتين ما تموا في جسمه... طبعا جسمه ما بكفي كل هالرصاص هههه
فأخذت الرصاصتين "والثالثة تمت في جسم البريعصي" وحطيتهم على طاولة الكمبيوتر وصورتهم كآثار للجريمة
وطبعاً آنه مب طبيبة جنائية علشان افتح بطن البريعصي وأطلع الرصاصة منه... فخليت الرصاصة الأخيرة
وجذي شهدتوا جريمة قتل صارت في بيتنا... ومات المقتحم بثلاث رصاصات... وللمعلومية هذا السفاح كان من بينكم في المنتدى بعضوية اسمها Thinkful Guy بس ترك المنتدى من فترة >.<
ان شاء الله عجبكم الموضوع... بس ما نبي السالفة توصل للمخافر
خلوها بيننا وبينكم بس
<<<< عاد ان شاء الله ما يكون بينكم شرطي وآنه ما ادري
يالله... انتظر ردودكم
سلام