PLAYSTATION 3 FAQ - أسئلة وأجوبة حول البلاي ستيشن 3

[Thunder Strike]

السلام عليكم
شنو آخر أصدار حق لعبة super robot war.?
وجهاز بلي ستيشن 3بالكويت جم سعره.؟

.........................................

[wishbagi]

انا لا اطلب ردود على تساؤلاتي وتساؤلات الاعضاء
لكن اقول للمشرف اذا فتحت موضوع استفسار لا تقفله
ما اعرف فكره احتكار الموضوع للتسؤلات اش بتفيد!!

[al5a6er]

صح كلامك !

[No `AnGel]

المنتدى ميّت .. الأعضاء كلهم طلعو
المشرفين تركو الاشراف

مافي احد يجاوب على تساؤلاتكم

[PS Player]

شكرا حبيبي على الرد بس انا غلطت جهازي مو 60 جهازي 40 فتعرف شي عن الأشاعة الي تخليه يشغل العاب البلاي 2 عن طريق اب ديت فقط ؟

بالنسبة لتغير الأسم شكلي حسوي واحد جديد بس كيف يا ريت تقولي؟
وهل يمديني امسح الأسم القديم عشان اخلي الجديد هوا الأساسي وحق الأون لاين وبرضو كيف ؟

والله يعطيك العافية على المساعدة

مرحبا

والله ياخوي بالنسبة لجهاز 40 مادري عنه بصراحة لكني سمعت انه له سوفت وير تنزلة عن طريق الستور
والطريقة ماعرفها للأسف لاني ماجربتها من قبل

اما بالنسبة لعمل يوزر جديد روح على اول قائمة عاليمين اعتقد اسمها USERS اختر منها Creat New User ومنها تقدر تعمل حساب نتوورك جديد

عندي مشكله في صوره ما يظهر شي لاني غير مكان جهاز وحاليا ابي استخدم AV

اخوي انا ماني عارف مشكلتك بالضبط

هل كنت مشغل الجهاز على HDMI وانتقلت الى AV وصارت الشاشة سودة ؟

جاوبني عشان اعرف اجاوبك

السلام عليكم كيف الحال يااخوان كل عام وانتم بخير عندي طلب:
1- وهو اني اذا جيت بشبك اون لاين يطلع عندي ايرور(خطأ) ماأدري وش السبب لاليت واحد يعلمني وش الحل
2-وايضا كيف ادخل اون لاين بالظبط عن طريق فيديو
3- وايضاا كيفية تحديث نظام

وعليكم السلام

1- تأكد من الانترنت اذا كان شغال او لا وتأكد من التوصيل بشكل صحيح والافضل انك تشبك عن طريق كيبل ايثرنت بعد ماتركب الكيبل اعمل ريستارت للبلايستيشن وبأذن الله راح يتم عمل الاعدادات تلقائيا

2- اذا كان ودك تلعب اونلاين تقدر تدخل عن طريق اللعبة نفسها من القائمة الرئيسية للعبة واذا ودك تدخل الستور من القائمة الرئيسية للبلايستيشن روح على قائمة Network ثم اختر Playstation Store

[PS Player]

شباب عندي سؤال ومحتاج احد يساعدني

جهازي 80 جيجا امريكي...سويت حساب امريكي واوربي

السؤال هو هل اقدر احمل العاب بلاي ستيشن ون من الستور الاوربي واشغلها على جهازي الامريكي؟

أتمنى الرد وشكرا

العاب البلايستيشن ون لا ماتقدر تشغلها على جهاز اوربي من ستور امريكي اما العاب البلاي3 سواء كانت كاملة او ديمو عادي تقدر تشغلهم

السلام عليكم
انا جهازي اوربي
و سويت لي حساب ((امريكي))
وتالي يوم بدش ياخذلة وقت تالي يقول بلستيشن نتورك هذا الي عرفت اترجمة واخر كلمتين time out
رحت للسيتنق تالي نتورك ستنق سويت تيست تالي طلع لي اول ثنتين اوكي والثالثة تاخرت تالي كتبت خطا ووقف ليش
انا ابي العب اون لاين

السيرفر داون او مسكر حاول بوقت ثاني

كيف طريقة اتسجيل في الستور الامريكي اريد3(الشوارع)من مدينة نيويرك
انا عندي الستور الاوربي والاسترالي والصيني
لكن اريدالامريكي

عادي حط اي شيء ماراح تكون في مشاكل مو لازم عنوان صحيح

لكن احتياطا حط المدينة نيويورك والكود 11314

عندي مشكلة مع اليد اذا ضغطت على الps اللي في الوسط يعلق مايضغط ولا زر من الازرار بس الاتجاهات تتحرك ، بس في اللعب عادي تشتغل كل الازرار. ياليت اذا احد عنده حل يرد .

اعمل لليدة فورمات عن طريق ضغط زر صغير تحت باليدة بواسطة ابرة مثل الصورة

شباب ممكن تقولي لي سعر البلاي٣ (محلات جده او الرياض لو تكرمتوا) خايف يغشوني
وايهم افضل 80 gb ,60gb or 40 gb.
وكم سعر الدل شوك٣؟
وسعر ميتل قير حاليا كم؟

والله ياخوي انا من الكويت ولا اعرف الاسعار بالسعودية

اما بالنسبة للأفضل اكيد نسخة 60 اذا حصلتها اشترها وبعدها تأتي نسخة 80 القديمة وبعدهم النسخ الجديدة

3fyaaaaaaaaaaa rdooooooooo
shloooooooon a'3yer el5alfya(wallpaper) malat el ps3 wshloon ashbka bel net aby shar7 bel taf9eel???????????????????????????????????????????????

بالنسبة للخلفية تقدرين تروحين على الصورة نفسها وتضغطين مثلث راح تطلع قائمة اختاري منها Set as Wallpaper

اما بالنسبة للشبك فقط اشبكي كيبل الايثرنت من الراوتر الى PS3 وشغليها واهي من نفسها راح تعمل الاعدادات تلقائيا وراح تشبك وبالنسبة للعب اونلاين هالشي راح يكون من اللعبة نفسها من القائمة الرئيسية للعبة تختلف الطريقة من لعبة لأخرى

واما بالنسبة للدخول الى الستور فقط روحي على قائمة Netwok واختار Playstation Store

السلام عليكم
شنو آخر أصدار حق لعبة super robot war.?
وجهاز بلي ستيشن 3بالكويت جم سعره.؟

وعليكم السلام

والله ياخوي ماعرف اللعبة

اما سعر البلاي3 بالكويت اخر مرة شفت اعلان النسخة الجديدة 80 GB بسعر 150 او اقل وهالعرض كان بالعيد

[PS Player]

انا لا اطلب ردود على تساؤلاتي وتساؤلات الاعضاء
لكن اقول للمشرف اذا فتحت موضوع استفسار لا تقفله
ما اعرف فكره احتكار الموضوع للتسؤلات اش بتفيد!!

بالعكس ياخوي

لو كانت كل التساؤلات بموضوع واحد راح تكون الفائدة اكبر

بمعنى لو عندك سؤال معين

ادخل على هالموضوع وابحث عن سؤالك اكيد غيرك سأل نفس السؤال وتمت الاجابة عليه

ولو ماعندك سؤال تقدر تستفيد من الاسئلة والاجوبة الموجودة في الموضوع وتكتسب معلومات اكبر

_______________________________________________________



اعتذر للجميع عن التأخير اللي حصل بالاجابة على اسئلتكم لانشغالي في امور خاصة

وشكرا للجميع

[wishbagi]

شكرا على الرد اخوي

بالعكس ياخوي

لو كانت كل التساؤلات بموضوع واحد راح تكون الفائدة اكبر

بمعنى لو عندك سؤال معين

ادخل على هالموضوع وابحث عن سؤالك اكيد غيرك سأل نفس السؤال وتمت الاجابة عليه

ولو ماعندك سؤال تقدر تستفيد من الاسئلة والاجوبة الموجودة في الموضوع وتكتسب معلومات اكبر

كلامك عين الصواب لكن انا نقطتي كانت على الاحتكار
اقصد ان فكره الموضوع جميله بل ممتازه اذا كان فيه نشاط لكن اذا قل النشاط الموضوع يفشل فشل ذريع
الزبده فك الاحتكار..خل الموضوع ذا وخل الناس تسأل كمان
_______________________________________________________



ا

عتذر للجميع عن التأخير اللي حصل بالاجابة على اسئلتكم لانشغالي في امور خاصة

وشكرا للجميع

ولا اعتذار ولا حاجه
حنا الي نشكرك
بل هذا من طيب اصلك

[wishbagi]

يا اخوان متوسط مساحة ديمو الالعاب كم؟

[PS Player]

500MB

في اقل 300MB

وفي اكثر توصل احيانا 1.5GB

[ذا كيد]

بالأمس جاتني هذه العابره حينما شغلت الجهاز Rebuilding Database والمشكله انه كان امرا اجباريا الا اذا اطفأت جهاز من كيبل كهرباي
المهم وافقت على هذا الخيار وتعأء الخط الى وصل 100% وقد تأخر حتى وصل
المهم النتيجه كانت على حسب ما شاهدت انه اعاد ترتيب مقاطع الفيدو والاغاني بحيث اعاد تسميتها واختفت عندي بعض الاغاني ( لا اعرف فعلا اختفت او تغيرت اسمها ولم اميزها)

س : هل لهذه الحركه ظاهرات اخرى
س: هل اقدر على منع حصولها مره اخرى

[city95]

خلااااص , حليت المشكلة


هذا الحل من منتدى ثاني




انا جربت واستوا , وارجو ان صديقي city يستفيد

مشكور اخوي وانشئ الله نهاية الاسبوع بجرب

[wishbagi]

اوووه كويس اجل اريح راسي من ناحيه المساحه لان كنت احسب ان الاربعين او الستين قيقا ما تكفي

جزاك الله خير ps player

[mjowdi]

السلام عليكم ورحمة الله وبركاته

اخوي انا عندي استفسار حول اتش دي كيبل انا امس شاري شاشة ال سي دي

الحين لازم اشتري كيبل علشان يصير وضوح عالي

ولا مافي فرق الا بعض الالعاب تحتاج اتش دي كيبل

وشكرا

[KasiH]

سؤال اخواني :

اذا عندي حساب امريكي اقدر اضيف احد حسابه اوروبي ؟ ولا لازم يكون حسابي اوروبي ؟؟
واذا جهازي اوروبي وابغى العب اونلاين هل لازم تكون اللعبة اوروبية ؟ ولا امريكية عادي ؟ ولا على نوع الحساب ؟