السلام عليكم ورحمة الله وبركاته ...
كيف حالكم ؟! عسى الكل بخير ..
حبيت أعرض عليكم مشكلتي مع الأطفال ..وأتمنى الاقي الحلول المفيدة والتفاعل ..
انا فتاة اموت في الاطفال بشكل مو طبيعي ...يعني اذا حد يبي يذبحني والا يقهرني يجيب لي بيبي حلووو وما يخليني امسكه او ابوسه ...
وكمانا احس انو هالحب متبادل ...خخخخخخخ يعني احس الاطفال يحبوني كثييييير وينجذبو لي بشكل رهيب ...
ما شا الله عليا انحب بسرعة حتى الكبار يرتاحو لي من اول مرة
الموهيم ...
انت بتقولو ذا شي طيب ...اش المشكلة ؟!
المشكلة يا طويلين وطويلات العمر ...اني ما اعرف اطنش طفل لما يجيني يبغى ادلعه والا العب معاه ...
والمشكلة في اطفال بس تعطيهم وجه شوية يسيرو لززززززقة وما ينطاقو ...
من جد الواحد يسهق من هالنوعية ...
حتى دحينا نحنا في المدينة معي بنات خالي من نفس عمري في الفندق ومحد من الاطفال لازق فيهم ..
اكله الاطفال يلزقو فيني ومرات يعملو حركات عبيطة ومزعجة جدا ...
واعتبر انا المسؤولة لانو على حد قول بنات خالي انتي اللي تدلعي الاطفال !!
انا ما احس اني ادلع بس اعطي وجه ...لانو ما اعرف اطنش حد صغير والا كبير ..
واحس اني اتوهق معهم وما اقدر اقول شي اخاف اهلهم يسمعو ويزعلو والا حاجة ...
وهاذي الحكاية تحصل لي كثير والكل يقول لي الله يستر من اطفالك شكلهم بيكونو دلع × دلع ..
مع اني اكره الدلع الماسخ ...
ولا اعرف السبب اللي يجذب الاطفال لي انا بالذات ..
مرات اقول يمكن عشان صوتي والبيبي فيس تبعي بس احس مش معقولة ...
لانو مرة كنت في السوق بس عنوني مبينة الا قربت مني طفلة صعينونة وتجنن تقول لي " ماما "
وانا تشققـــــــــــــــــــــــــــت من الفرحة ....جيت بطير ...
بس القهر جا ابوها وحملها قبل لا احكي معها
الخلاصة اني ابغى حل لانو قلبي ما يطاوعني اكسر خاطر الاطفال