-
خدمة من اهل الكويت ولا يهونون
السلام عليكم ورحمة الله وبركاته
كيف الحال يا اخوان
في بداية الامر بغيت اتخبركم عن الاستيديوهات الكبيره اللي في الكويت واتبيع جميع انواع الانمي القديم والجديد وبالذات اللي على DVD لان عندنا في الامارات كل ما اروح محل يقولولي ان الانمي مش موجود وبييبونه طلبية من الكويت فقلت اذا اتخبروني وين اكبر استديوهات وبالذات اللي عندها انمي عربي ومعروفه في الكويت ولها سمعه طيبه وينها لاني يمكن اذا مريت الكويت اسال عنها وما اتقصرون
جزاكم الله خير
-
رد: خدمة من اهل الكويت ولا يهونون
أخوي إذا تقصد أنمي ديفيديات أصلية حقيقة ما عندي فكرة ^^ أما كوبي فعندك (محل تاز) في حولي مجمع
الرحاب ميزانين في الجهة المعاكسة للكفتيريا و صالة ألعاب PC بس حسب علمي لازم تتفق معها بالأول
ثم يسوي لك كوبي لأن في حجمة على البضائع المقلدة في الكويت
و صح الأنمي العربي تبيه ديفيدي و لا أشرطه ؟
-
رد: خدمة من اهل الكويت ولا يهونون
مرحبا اخوي والله الانمي ابيه DVD واذا كان كوبي فهل هو واضح واللا لا لاني اريد الانمي يكون واضح جدا من ناحية الصوت والصورة واذا تقدر ادلني على غيرة اتسوي خير لان يمكن الانمي اللي اريده ما احصله عنده فياريت ادلني على كذا واحد في الكويت
واريد اسالك كم اسعارهم
وماقصرت طال عمرك وجميلك هذا على راسي
-
رد: خدمة من اهل الكويت ولا يهونون
^
عصب جدا تحصله بنقاوة DVD بالكويت ولكن تقدر تحصله DVD محول من فيديو .
-
رد: خدمة من اهل الكويت ولا يهونون
مشكور اخوي سنيك
بس اذا تقدر ادلني على استديوهات ثانيه واحسن اتسوي خير واذا تعرف كم اسعارهم ماتقصر
وجزاك الله خير
-
رد: خدمة من اهل الكويت ولا يهونون
يا هلا
في مثل ما قالو لك الاخوان مجمع الرحاب بمنطقة حولي
الاول :
هوبي جابان hoppy japan هذا عنده انمي بس قليل و ممكن يطلب لك ان بغييت
والاسعار مادري عنها
الثاني :
مادري شنو اسمه بس يكون بالزاويه المقابله لكافيه انترنت وعنده اكثر من اللي فوق واسعارهم الدي في دي بـ 3 دنانير كويتي تقريبا 30 درهم اماراتي و عنده عرض انك اذا شريت منه 8 اقراص خلال شهر يعطيك واحد مجاني ^_^
الثالث :
محل اسمه جيم شارك game shark هذا مو متخصص نفس اللي قبله لكن عنده كميه كبيررة من الانمي
الرابع :
اسم المحل ناروتو لاصق بمحل جيم ونفس الشي مو متخصص لكن عنده
الخامس :
اذا وصلت صوب جيم و ناروتو هالمكان فيه اربع اوخمس محلات كلهم نفس النظام اللي فوق مو متخصصين لكن عندهم ... وانا ذكرت جيم وناروتو لاني اتعامل معاهم
اي وعلى فكره هذيل يبيعون القرص الواحد بدينار او دينار ونص للي ما يعرفونه يعني 10 او 15 درهم ^_^
----------------------------------------
خلصنا من حولي نروح السالميه
بشارع اسمه البلاجات او البدع في دخلات فرعيه تدخلك صوب العمارات احد هذي الدخلات شارع اسمه البحرين في ثلاث محلات يبيعون انمي
الاول:
فيديو الارقام
الثاني:
فيديو المنوعات
الثالث:
سلفر فيديو
والاسعار دينارين و المحلات كلها نفس السعر
-----------------------
بس هذا اللي عندي الحين
وعاد نبيك تنورنا ^_^
-
رد: خدمة من اهل الكويت ولا يهونون
أخوي الواحد منا ما يقدر يعطيك ضمانات لأن في النهايه مجرد كوبي العرض الأخو الي بمكة عجيب
و لو تقدر تعامل معاه و تاخذ هاردسك إكسترنال راح يكون أحسن من ديفيدي في رايي شخصي
أما إذا ملزم على الكويت أقولك شوف تاز الي ذكرته في ردي السابق و لزم عليه يتأكد لك من الديفيدي
بذات آخر حلقة من أي ديفيدي تطلبه و إذا عن تشكيلته فلا تخاف عند أشياء عجيبه و سعر الديفيدي
3 دنانير للفيديو ديفيدي فيه 12 حلقة أو 2.5 لديفيدي Data ممكن يكون فيه 24 حلقة
و سلاااام
-
رد: خدمة من اهل الكويت ولا يهونون
اخوي (animation) واخوي ShinGundam جزاكم اللله خير وماقصرتو وهذا العشم فيكم ياهل الكويت ومشكورين مرة ثانية
-
رد: خدمة من اهل الكويت ولا يهونون
اخوي
الحين في الكويت في مشكله كبيره بالنسبه للانمي الكوبي
يسووون انذارات للمحلات الي تبيع كوبي
انا من يومين رحت الرحاب ما يبيعون انمي الا للناس الي يعرفونهم يعني اذا انت رحت يمكن والله اعلم ما يبيعون
-
رد: خدمة من اهل الكويت ولا يهونون
لاتقووووووووول يا خوووووووى
ومشكووووووووور اخوي
Wing_Zero0 وماقصرت ويعطيك العافية
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
عضو جديد
