مرحبا أخوي
أشكرك لطرح هالموضوع ولو إنه سبق وإنطرح
إلا إنك طرحته من ناحية جديدة
وهي التأييد لسياقة المرأة للسيارة
وبما إني من دولة تسوق المرأة فيها السيارة بشكل عادي
فحبيت أشارك لمجرد المشاركة
يمكن أخوي أنت ما تعرف إن حسب الدراسات أغلب النساء
عندكم ما يبغون يسوقون سيارة
وأنا بشرح لك الأمر من ناحية تفكير المرأة
المرأة تفكر بأنها لو ساقت السيارة ما بيتحمل الرجل مسؤوليته
وبشكل عام هذا اللي حاصل كثير من الرجال يتركون المسؤولية
على السائق ، والمراة في الدول اللي تسوق فيها السيارة بما إن عندها
سيارة فهي تتحمل مسؤوليات كثيرة
أضرب لك مثال لو المراة تبغي تروح السوق فهي بتروح بروحها أو مع أخواتها
لو تبغي تروح الصالون بتروح بروحها لأن عندها سيارة
وكل الأمور المتعلقة بها تسويها بروحها
وممكن الأمور المتعلقة ببيتها مثل إنها تشتري أغراض
البيت ، تلاقي كثير من النساء يتحملون هالمسؤولية
وعلى هذا فالمرأة عندكم ما تبغي تخلي المرأة يترك مسؤوليته
ويعتمد عليها وهي لها حق
لأنكم يا الرجال ما تنعطون وجه ، المرأة لما تساعدكم ما يبين في عيونكم
مو الكل بس الأغلبية . وبما إن الرجل مسؤول عن المرأة سواء
فهو لازم يتحمل هالمسؤولية ولازم يتعب لأن القوامة والولاية
ليست تشريف بقدر ما هي تكليف وإشلون تبغون الحور في الآخرة
وأنتوا ما تأدون واجباتكم
هذي نقطة
النقطة الثانية
أنا ما أؤيد إن أي بنت تسوق سيارة لأن في بنات
يطلعون من البيت بشكل يومي
كل يوم تلقاها في مكان ، غير البنات اللي يستغلون
هالثقة والسيارة اللي عندهم في أمور سيئة
أنت تعرف إن في بنات يروحون للمجمعات مو عشان يشترون
ويتسوقون لا ، تلقاها متزينة وأنت عارف إن الهدف هو التعارف
طيب هذي البنت وهي عندكم ماعندها سيارة ومع ذلك تروح لمثل هالأمور
لو صار عندها سيارة شنو بيصير .؟؟؟؟؟؟؟؟؟؟
أنا عارف هدفك ومصلحتك خير لكن للأسف
الكثير الكثير من الشباب ما يتركون البنت في حالها
الكثير الكثير من البنات مو أهل للثقة
صحيح نعطي البنت الثقة لكن لا تثق في الشيطان ولا تثق في الذئاب البشرية
وأساليبهم اللي ما تخطر على البال
الحل يتمثل في التالي
التربية للشاب والفتاة تربية صحيحة
لأني بصراحة أشوف إن الكثير من الشباب ما ربوهم أهلهم
ولو الشاب كان متربي ما رفع وجهه في وجه
وأركز على التربية لأنها الأساس
وإذا ما تربوا الشباب والبنات صح فصدقتي أخوي ما ينفع البنت تسوق
الشي الثاني الثقة بالبنت والولد لازم يكون لها حدود
أنا ما أؤيد إن الشاب يخرج على كيفه ومتى ما حب من البيت
فإشلون البنت .
وهذي الثقة المفرطة هدمت أسر بأكملها
الشي الثالث والأخير
لازم الرجال يتحملون مسؤولياتهم إتجاه
زوجاتهم ، بناتهم ، أمهاتهم ، أخواتهم
تلقى الرجل يطلع يومياً مع أصدقائه أو بشكل شبه يومي
ليش كل هذا ؟؟؟
يكفي مرتين في الإسبوع تشوف أصدقائك إذا كنت زوج أو أب
ولو كنت شاب ف3 مرات تكفيك
طبعا مو طول اليوم يكون مع أصدقائه بس 4 ساعات
إذا الرجل ما صلح نفسه فما بتنصلح الأسرة
وإذا المرأة ما صلحت نفسها ما بتنصلح الأسرة
وعلى هذا ما بينصلح حال المجتمع
وعذرا على الإطالة