مع العالم
ولأني مع العالم
ابعد بعيد من الفضاء
اقرب إلى حدود السماء
وجسمي هنا ... وروحي هناك
امشي ولا دري وين رايح
يا خطوه مجهوله
وكل دربٍ اسلكه ... يواجهني الألم
وكله ندم
كله جروح عيت تطيب
كله دموع عيت تجف
وناس ظني بهم دايم يخيب
وخوف حولي يلف
امشي ولا ادري وين أرسي
ضياع ما بين اليوم وأمسي
وين الفرح أللقاه
وينه وأنا أجيله
اتعبني الحزن وعمري ما اشكي
ياخطوه مكتوب الشقا فيها
ماعرفت غير الهم
تمشي ولا تهتم
وجروح بالقلب تعبت أداريها
يا أماني عاشت بقلبي ... هنا
وماتت هنا ... بنفس المكان
يا جروح صرخت .. صرخت
الين بالواقع أرضخت
تتمنى الأمان
اي أمان ... مافي أمان
من هالزمان
يا ملامح وجهي الصامت
رغم كل إلي حصله ما اشتكى لـ الناس
ولا بكى قدامهم
واختار مهما حصل يكون ساكت
ويموت مثل النخل شامخ
ياسنين ... مرت سنين
وانا حالي على حاله
نفس جرحي ما برا
ولو نسيت شوي
يجرحني القريبين
ويزيدوني شقا
يا مدينه من المشاعر
ما سكن فيها احد
لا ملك .. ولا حرس
ما تعرف إلا النجوم
والقمر
والليل
والصبح
وأمواج البحر
ومن بعيد .. إلى بعيد تلمح طيوف البشر