الموضوع الرسمي لإنطباعات الأعضاء حول الDemo's

[EVIL KNIGHT]

السلام عليكم

شباب طبعا كلكم حاسين انه موضوع الماركيت بلايس خلاص قديم وما عاد ماله داعي
وبعد المشاورة مع الأخ فارس قررنا نسكره ونفتح هالموضوع وراح يكون عبارة عن انطباعات الأعضاء عن ال demos اللي جربوها ونصايحهم

واول ذي الانطباعات راح تكون انطباع الأخ فارس عن لديمو بايشوك

توني جربت الديمو وصورت جم صوره بعد لوول..من اللعبة
اللعبة شي مو طبيعي..
جرافكس روعه , المناظر احلى , الجو كلاسيكي جدا يتلك الي الستينات..
التحكم مثل اي لعبة فيرست بيرسون طبعا.. جيد ..اللعبة مظلمة نوعا ما..
من العيوب الي شفتها في اللعبة انه قليل تلقى اغراض تقدر تكسرها..
طبعا للي يحبون الدمار الكامل لوول راح يلتفتون لهذه النقطة..
الفيزيائيه شي جميل... , اللعبة must buy !

ملاحظة : الموضوع راح يشمل اخبار نزول الديمو وبنفس الوقت الأنطباعات...

[ZiDaNe 5]

first first

اقول شباب BioShcok الديمو يحتاج Live علشان تلعبه ولا لأ ؟

[commmaando]

تحتاج اللايف علشان تنزل اللعبة ZiDaNe 5

إنطباعي عن لعبة بايوو شوك :

اللعبة مثيرة تخليك دايمن في ترقب شنو راح يصيرلك وشنو الي راح تواجهه الجرافكس فيها روعه والقصة مليئة بالغموض , هاللعبة راح تخليني أشتري الثري سكستي علشانها لأنه الجهاز الي نزلت عليه الديمو مو مالي مال رفيجي لانه الجهاز مالي عطاكم عمره من 8 أشهر تقريبا (وكان جهازي الثاني) وكنت ناطر النسخ الي فيها بروسسور الفولكن اليديد بس عقب ما لعبة بايوو شوك شكلي باخذ الجهاز والييصير يصير , هذا كان الديمو وعيني بغت تطلع من الإندماج عيل اشلون اللعبة الكاملة شكلها بطااطيييية .

[فوق المستحيل]

انطباعي عن اللعبه

اللعبه جميله خصوصا في تشويش ذهن اللاعب وتداخل الاحداث عليه..وعنصر المفاجأه فيها جميل جدا

الجرافكس في بيئه خلابه جدا..والماء فيه واقعي الى ابعد الحدود..والمؤثرات الصوتيه فوق الخيال

عامل الحركه والاثاره.جميل جدا

واللعبه اكثر مايميزها هو العنصر الفيزيائي المتميز

ومشكورين على الموضوع

[Snake-87]

نزل الديمو وخلصته للتو .
بصراحة انا ما كنت متحمس لها .. يعني كان عادي بالنسبة لي انها تنزل واشتريها بعدين .. على الرسوم والهايب الزايد .. بس لما جربت الديمو .... فعلا الرسم باللعب غيييييييييييير عن الفيديو . أحسن بدرجة كبييييرة ... حتى لما تنهي الديمو يحطون لك فيديو عن اللعبة وجودة الفيديو مو مثل اللعب حتى .

إنطباعاتي :
سبووولرز للديمو كله
الهايب الكبير تطلعت فعلا تستحقه . بداية اللعبة تكون ناجي من طائرة غارقة وتسمع واحد (يفاقق) يبي يطلع من الماي .. لما يطلع تعال شوف رسم الماي .. مو طبييييييييعي ونار الطائرة يلمع على سطح البحر شي خياااالي . تسبح (سباح سريع ابن اللذينة) وتوصل للرصيف .. المهم تمشي وحوسة بعدين عاد تشوف كم مقطع أثناء لعبك .. مقاطع روووعة بالرعب تشدك لدرجة كبييييييييرة . (أنصح الجميع انه يلعبها على مسرح منزلي والله ما تتطوف بدونه) .
راح تدخل مكان مثل الغواصة او المصعد وراح يوقف فيك لفترة وفي هذه الفترة راح تشوف من النافذة مشهد .. انسان عادي وانسان غير عادي .. الأول يتوسل للثاني انه ما يقتله والإضائة كانت 0% فجأة يطلع مثل البرق ويحطون الـ(وحش) يهجم بسرعة كبيرة وتنقطع الإضائة .. فجأة ترجع وتنقطع .. مشهد سنمائي بحت .

راح يكون عندك مثل القدرات تكتسبها مع اللعب .. القدرة الأولى هي كهرباء والقدرات تشحنها بنفسك على شكل حقنة (إبرة) والقدرة الثانية نارية (الديمو قدرتين فقط) بنهاية الديمو ذكرو انه يوجد 70 قدرة .
الأسلحة إلي خذيتها رشاش ومسدس و حديدة . زر الـR تستخدم الأسلحة العادية والـL القدرات راح تشيل معاك راديو واحد يكلمك ما ادري شنو يبي يبيك تنقذ اهله .
الوحوش (ما ادري إذا وحوش) مثل جسم الإنسان ولكن سريعين جدا .. ووجوههم متعفنة او ملعوب فيها .
في أحد العروض أول ما تكسب قدرة الكهرباء الهزاز يشتغل على الآخر بقوة + صوت يخرع عالي.. (والله العظيم حسيت بقيمة الهزاز ) ( بس سلملي على البطارية ) المهم .. في عرض آخر واحد يهاجم بنت صغيرة (طبعا البنت اسمها بنت ولكن اهي الله العالم) بعدين تصرخ فجأة يأتي الآلي العملاق (مو ميتل جير) إلي على الغلاف الغير رسمي على ما اعتقد ويطشر ام يابت الي تحرش بالبنت الصغيرة ويلصقه بالطوفة ويطشر دمه و و .. .. طبعا هالكلام وانت تتحكم باللعبة وليس عرض سينمائي تكون انت قاعد على جنب وتشوف الي قاعد يصير .
يوجد طائرات صغار يحملون رشّاش ذكروني بميتل جير 2 تقدر تطيحهم وبعدين يحطون لك مثل اللغز او دائرة لازم تحلها إذا حليتها الجهاز يصير معاك ويهاجم أعدائك . وتقدر باللعبة (مو الديمو ) تتحكم بأي شيئ ليصبح معك .

الأصوات دائما موجودة علشان تخليك خايف والمكان مظلم جدا جدا , الرسم يقول حق جيرز أوف وور أستريييييييح .
استجابة الوحوش لبعض الإصابات روعة .. مثلا قتلت واحد وهو في أعلى الدرج ردة الفعل انه طاح بظهره على (إلي يمسكونه بالدرج شسمه ؟) وارتد بالأرض (مشهد روعة) .
اللعبة تبقيك بجو غموض ورعب .

لعبة فيها رسم وصوت وجيم بلاي 10/10.. ننتظر بس القصة وراح احطها من أفضل الأشرطة لدي .
علما بأنه أفضل الأشرطة عندي ينعدون على الأصابع

[yawelle]

تحتاج اللايف علشان تنزل اللعبة ZiDaNe 5

إنطباعي عن لعبة بايوو شوك :

اللعبة مثيرة تخليك دايمن في ترقب شنو راح يصيرلك وشنو الي راح تواجهه الجرافكس فيها روعه والقصة مليئة بالغموض , هاللعبة راح تخليني أشتري الثري سكستي علشانها لأنه الجهاز الي نزلت عليه الديمو مو مالي مال رفيجي لانه الجهاز مالي عطاكم عمره من 8 أشهر تقريبا (وكان جهازي الثاني) وكنت ناطر النسخ الي فيها بروسسور الفولكن اليديد بس عقب ما لعبة بايوو شوك شكلي باخذ الجهاز والييصير يصير , هذا كان الديمو وعيني بغت تطلع من الإندماج عيل اشلون اللعبة الكاملة شكلها بطااطيييية .

حبيبي ريح نفسك وأشتر الأليت أو خذ النسخ الجديده من البريمير إلي من شهر يوليو لأنهم عدلوها وصار مستحيل يجيها الردلايت......وهذا رابط لموضوع يتكلم عن النسخه الجديده
http://www.montada.com/showthread.php?t=549226

[yawelle]

BioShcok

صراحه مبينه أنها بتصير لعبه أكثر من رائعه وفعلا أنها تخليك دائما في ترقب المهم نتمنى أن تكون اللعبه رائعه في الايف مثل ماهي مبين أنها بتكون رائعه في العب الفردي

[Artistic-Mind]

مع اني جاني صداع رهيب تو وانا في السوق
حسبت نفسي ابموت
والله اخترعت بس فعلاً خبر اللعبة خلا روحي تبي تقعد الله يستر اخاف تمشي وتطلع مني لا خلص الديمو
بس يمكن تقعد علشان النسخة الكاملة

لووووول مذكرات مجنون

[cantona222]

هذا انطباعي عن Demo BioShock من الموضوع القديم.

جربت Demo BioShock
اللعبة مثل ما توقعت. غامضة و ظلمة .
الـGraphics حلو، و Style الـ50s مميز.
فيها شوي من Metroid. اللعبة مو Pure FPS مثل Halo و F.E.A.R. ........ لأ. اللعبة فيها exploration و تعقيد
أول لقطة يطلع فيها الـbig daddy قوية "Real time مو cut scene". (فكرة حلوة) لعبوا الـDemo و راح تفهمون قصدي.

ما عجبتني طريقة الـCheck Point أحس ان بنص اللعبة راح أعلق. لأنها تعيدك بمكان الـcheck point بـ طاقة شوية و بنفس كمية الذخيرة. يعني اذا طلعت من الـCkeck point و استهلكت ذخيرنك كلها و مت، راح تطلع من الـCheck point بـ طاقة شوية و بدون ذخيرة ....... صارت فيني.

للي لعبواالـDemo محد فيكم تكلم عن الـSave System و الـCheck Points. أنا ما عجبتني الطريقة بصراحة . لعبوا الـDemo و موتوا روحكم أكثر من مرة علشان تفهمون الطريقة

[Mr.Chief]

شكلها بتحصل على GOTY بكل سهوله

دام هذي انطباعاتكم

[PremaFrost]

هذا انطباعي عن Demo BioShock من الموضوع القديم.

للي لعبواالـDemo محد فيكم تكلم عن الـSave System و الـCheck Points. أنا ما عجبتني الطريقة بصراحة . لعبوا الـDemo و موتوا روحكم أكثر من مرة علشان تفهمون الطريقة

iهذا انت ماتعرف تلعب تموت كل ساع موهاهاهاه

[NikoBellic]

ولله يا شباب شي جبار اللعبة وايد وايد جبارة

[عاشق 360]

ابي احملها وسرعتي 70 كيلو في الثانيه شكثر بياخذ لي وقت !

[NikoBellic]

ابي احملها وسرعتي 70 كيلو في الثانيه شكثر بياخذ لي وقت !

5 ساعات ونص بالكثير

[عاشق 360]

5 ساعات ونص بالكثير

بللللل 5 ساعات !

لا عيل انطر اللعبه احسن لي