شرايكم في شركات الدبلجة؟

[Rewayah]

خلود تقصدين "أنا وأخي"؟
أنا هذا يدمي قلبي!

الله ... ... .. .. . .

[Ranma Saotome]

توني أدري أن هاذي قصة حنين تصدق
مشكور على التوضيح
ومن ناحية الدبلجه اللبنانيه
أنا أقصد مالت ديزني... مثل ماقلت دبلجات زمان ماعليها كلام لكن ألحين...
خلها على الله

[orange road]

معاك حق يا رواية في موضوع حنين..
واللي كنت اقصده انا واخي .. اي
واكره شي لما ييون يغيرون في الاسامي باسامي اهبل من الهبل..
مثل اخي العزيز.. شنهو عصمت ونوال وهالاسامي الهبلة؟؟
وبعد اخي العزيز العنوا ابو خيره.. انا قاعدة احاول القاه بالانجليزي.. ومع انه مب موجه للصغار.. بس للكبار فوق ال 18 لانه yuri الا انه عاجبني وخاطري اشوفه كامل مب مقطع..
وحنين.. اي والله.. كان الرسم عاجبني.. بس القصة (وااااااااااع واااااااااع هذي صياح)
ما ادري.. اطرش لهم طرزون تخوزقهم؟؟
والحين يو على dragon ball z يللا اعفسوه لنا مثل ما عفستوا الباقي..
صدقوني اني الحين ما اشوف ولا اتعب نفسي.. اشتري من النت واخلص.. بالانجليزي اريح..
الله يرحم ايام ليدي اوسكار وصرختها جدام سجن الباستيل (الناااااااااااااااار)

[Rewayah]

والله صدقتي... الليدي أوسكار... والله أدائهم كان رهيب!

"فرساي نو بارا"... روز أوف فرسالِس".
عدنى ذكرياتنا. -_^

أنا وربعي ألحين ندور فارس الفضاء والمقاتل المضحك "يقضان الفضاء" والزهرة الجميلة "سوسن" والحوت الأبيض.

إن شاء الله نلقاهم.

[Rewayah]

إيه, ممكن الأسماء في أخي العزيز لتش عليها.
لكن الدبلجة حلوة صح؟ لأنها أردنية من نفس جماعة ليدي ليدي, لا تقطيع ولا يحزنون.
المسلسل لتيسوكا أوسامو الرهيب.

[orange road]

فارس الفضاء.. الله يا رواية.. الله كانت ايام..
والمقاتل المضحك.. والله بنات خالتي يحنون علي نبي سروع..
باييبه انشاءالله هو وساسوكي (والله اكن جامبو الجبار اللي قوته تعادل قوة مئة رجل مسخرة)
حاليا عندي ليدي اوسكار كل الحلقات..
وقصص عالمية (الولد التنين، بحيرة البجع، والباقي كلهم)
بعد شنو حصلت عليه؟؟؟ يعني..
الحمدلله الله يخلي الواسطة اللي تييب لك الكارتونات من التلفزيون حتى لو كانت مغبرة..

[Rewayah]

أها!! يعني جذييييه.
أنا بعد جبت النسر الذهبي "بيبيرو" كل الحلقات بعد من التلفزيون.
والله تلفزيوناتنا الغبية عندهم كنوز, وقاعدين يراكضون وراء الغث.

[orange road]

رواية.. لازم تطرش لي هالكارتونات.. كيفك.. والا اطرش لك طرزون تشوف شغلها معاك..
اهي بروحها مبطوطة جبدا لانها ما لحقت على الكارتونات القديمة..
مثلا سندباد الحين بعد ابيه.. على كثر المرات اللي شفناه فيها لكنه ما ينمل ابدا..
وبعد شنو من الكارتونات القديمة الحلوة؟؟
كان شطحنا عن الموضوع وقاعدين نتذكر ونتحسر على ايام زمان؟؟

[Ranma Saotome]

أشوفكم تتكلمون عن نفس الأسامي طول الوقت
نسيتوا سانشيروا ( أخاف نسيتوه )
هذا الكرتون كان مميز بالنسبه لي
كان في شي مميز
وحركة المعصم اللي لابسه سانشيرو ويربطه بإحساس جوماروا ( حركه عجيييييييييييييييييييييييبه )

[orange road]

سانشيروا..
والله كان هالولد مسخرة.. كان يفقعني من الضحك..
تصدقون ان تلفزيون الدوحة ما عرض لا رانزي ولا نينجا ولا سانشيروا..

[Ranma Saotome]

والله مثل ماقلتوا تلفزيوناتنا عندها كنوز لكن هم يدورون الجديد ( البايخ )
عندهم كل الكارتونات القديمه ولا يعرضونها
أصلا لو يعرضونها... احنا الكبار بنشوفها قبل الصغار

[orange road]

تذكرون جراند دايزر؟؟
والله كان عاجبني لانه كان اول كارتون اذكره عن الرجال الأليين.. وكان عاجبني وايد..
شفته من فترة.. بصراحة الرسم صح قديم.. لكنه تم عاجبني..
بس هاليابانيين بسرعو تطوروا في الرسم.. جوفوا الفرق بينه وبين الرسم اليديد..
تذكرون بعد الاميرة ياقوت.. كان بعد حلو.. وكنت اسجل كل حلقاته وكنت مصرة اني الاميرة ياقوت لحد لما طلع ليدي اوسكار صرت اصر اني انا ليدي اوسكار..
كانت كل وحدة منا تاخذ لها شخصية من الكارتون وتكون هي.. ونناديها باسم هالشخصية..
والله كانت ايام..

[shaheen]

ما رأيكم بقطعة 13؟

[Ranma Saotome]

قطعة 13 سالفتها سالفه
الزين فيها انهم اعرفوا يقلدون في اسلوب الرسم لكن القصص ماكانت لين هناك و مصخوها لما سووا جزء ثاني... They sould do better

[orange road]

شفت الحلقات الاصلية حق south park وكانت وايد ماصخ وقليل ادب.. ما صحكني فيه الا الشخصية اللي دايما يموت في كل حلقة.. (نسيت اسمه)..
قطعة 13 عجبني الجزء الاول منه، ومب كل الحلقات بعضها.. بس الجزء الثاني افتقد شي.. شنو ؟؟ ما ادري.. بس ما عجبني نفس الاول..
كان الجزء الاول بسيط وحلو.. عجب الكبار قبل الصغار.. اما الجزء الثاني.. لا..
اهم ليش دايما لما يسوون جزء ثاني من شي يخربونه؟؟؟