[ مشــــارك ] ::([ طـــبق المـنـتـو ])::

[Al Bhed Girl]

||السلام عليكم ورحمة الله وبركاته ||

واااو ماشااءلله شي فظييع ،،!!
اول مرة اسمع بهالطبخه وفوق جذي طلعت بسيطه + خفيفة + لذيذه ،،

اخوي انا بطلع الحين اشتري مقاديرها واللي ينقصني ،،

امي تبيني بالمطبخ الحين ×.× "بس ولي باك مطول ،، مع اخر اخبار الطبخه والمانتو
.. ويمكن في صورة للطبق ،،،

سيي يااا

[TURKi]

~ Al Bhed Girl ~

||السلام عليكم ورحمة الله وبركاته ||
وعليكم السلام و رحمة الله وبركاته





واااو ماشااءلله شي فظييع ،،!!
شكرا ً على الإطراء الجميل

اول مرة اسمع بهالطبخه وفوق جذي طلعت بسيطه + خفيفة + لذيذه ،،
ان شاء الله تصيرين من المدمنين عليها

اخوي انا بطلع الحين اشتري مقاديرها واللي ينقصني ،،
ديري بالك على نفسك ، و لا تنسين تاخذين كيلو ليمون تراها تجنن معه

امي تبيني بالمطبخ الحين ×.× "
الله الله بطاعة الوالدين

بس ولي باك مطول ،، مع اخر اخبار الطبخه والمانتو
.. ويمكن في صورة للطبق ،،،
بانتظار الباك على أحر من الجمر


سيي يااا
وعليكم الـ سي يااا

[shjoonal3in]

واصعب شئ بالفوتوشوب ( تعديل الصور المائلة ) لذلك حنيت الورقة الي فيها اسمي

الصراحة إذا فيه وحدة منهن راح يكون صعب تعديلها فهي الصورة العاشرة ><'

والا لو اني مصور في شقتي ( كان لقيتوا بدال الورقة) فأر متربع

متربع و مطنقر ويقول لك اخلص علينا العيال يحترون المنتو

في المرفقات ... صورة المنتو بتاعي^^
ترى ما حطيت مثلك خس وديكور ... ما كان عندي حد أقدمها له وأسويله ديزاين ... محد فيه إلا أنا ... ولذلك خليته مثل ما هو ...

[ابتسامــــــه]

http://montada.com/attachment.php?attachmentid=291483&d=1191081771
ما كأنج حارقتنه إشوي


حركااات شجونو
انزين ليش ما تشتركين ويانا
بدل ما تيلسين تقلدين طبخات الأعضاء

[TURKi]

~ shjoonal3in ~

في المرفقات ... صورة المنتو بتاعي^^
ما شاء الله عليك ، عيني عليك باردة يالعيناوية ^^
بس ما شاء الله عليج ( الصورة ضابطتها ) افكرها لج

ترى ما حطيت مثلك خس وديكور ..
ما كان عندي حد أقدمها له وأسويله ديزاين ...
محد فيه إلا أنا ... ولذلك خليته مثل ما هو ...
عقبال ما تتزوجين و تجربين على زوجك

[shjoonal3in]

ما كأنج حارقتنه إشوي


حركااات شجونو
انزين ليش ما تشتركين ويانا

بدل ما تيلسين تقلدين طبخات الأعضاء

امبلا حارقتنه ... لأني بصراحة ما شفت الـ 10-15 دقيقة
اتحسب شرات الكيك تخلينه وااايد ... لا وكل ما أمر عدال الفرن أعلّي عليه وأتحرطم أقول ها بلاه ما استوى
الييين طلع بهالطريقة ... عاد مب محروق وايد إلا عالأطراف يتقرمش ^^
عاد أنا قلت شجون انتي شجاعة حتى لو الشكل تعبان والديزاين ما يتشاهد ...
لكن ما عليه حطي الصورة.. و أوي ألبك

و فخاطري أحط موضوع هاليومين... بعدني بستخير وبستشير

بس ما شاء الله عليج ( الصورة ضابطتها ) افكرها لج

طخ طخ طخ تش تش تش <<< نقع الليت
وين ضابطتها يا شيخ ... تعديل تعبان سويته بعشر دقايق <<< لا عيل خلاص صدقوا إنج محترفة ><'

عقبال ما تتزوجين و تجربين على زوجك

قبل شوي بس كنا نقرا خبر بالعربية أظن... واحد قالع عين زوجته لأنها مسويتله طبخة ما يبيها ... انتبه !! ما يبيها !!>>> لأن الأخو مسويلها جدول بأيام الأسبوع ...
يعني لا حارقتها ولا خاربتها ولا غارقتها ...!!
وانت الله يهداك تقولنا جربوا ...><'
الظاهر ان الدعوى خاربة ...
يا نحرق الطبخة ويقلعون عيونا يا نضبطها ويقلعون عيونا ... ><'

[TURKi]

واحد قالع عين زوجته
استر يا ستار O.O

لأنها مسويتله طبخة ما يبيها ... انتبه !! ما يبيها !!
وش ذا عايش بشيكاقو و متعرف على عرب ×.×

وانت الله يهداك تقولنا جربوا ...><'
يمكن الله يرزقك واحد " طيب ، حبوب " تسوين له خبز مع جبن يقولج " كلفتي على نفسك "

الظاهر ان الدعوى خاربة ...
يا نحرق الطبخة ويقلعون عيونا يا نضبطها ويقلعون عيونا ... ><'
هههههههههههههههههههههههههههه الله يسعدك وربي ضحكت على ردك

الله يرزقك الزوج الصالح ، الخفيف دم ، و سيع الصدر ، مايتهم وش طبختي له ،
آمين يارب العالمين

[Sweet n Charmed]

ماشاء الله ماشاء الله
انا شفتها وحسيت انها لذيذه وع طوووول رحت وسويتها
وهذي صورتها ^^



يسلموووو ع الطبق الحلو
تشاو

[TiTaN]

حركات ! منتو في المنتدى ؟ عجيب والله !

المنتو أكلة بخارية ^^ ما أعرف معنى إسمها بصراحة عمري ما سألت ، بس لها أكثر من طريقة لصنعها ^^

في طريقة بإستعمال قدور خاصة بالبخار أشوف جدتي تستعملها بس ما أدري إيش هرجتها لإن الخبرة في الطبخ عندي صفر

و أنا أحب المنتو

موفق أخي !

و عقبال أشوف الفرموزا و الششبرى و الرز البخاري

[sweet Mio]

بااااااك بعد التجربه >> ناسيه تكتب ردها من اول ما جربتها خخ
ما علينا
المهم بصراحه الطبخه كانت رهيبه وصرنا يوميا نسويها نظرا للطلبات عليها
بس للاسف ماعندي كاام سنعه اصورها XD

يلاا حطو اللي عندكم من طبخات عشان نجربها
موفقين ..

[TURKi]

~ Sweet n Charmed ~

ماشاء الله ماشاء الله
الله يسلمك

انا شفتها وحسيت انها لذيذه وع طوووول رحت وسويتها

ما شاء الله عليك ... ضبطت 100% ما احترقت زي بعض الناس



يسلموووو ع الطبق الحلو

يسلمك ربي انتبهي لا تعضين السانك

مشكورة على الزيارة و تطبيق الطبق

[TURKi]

~ TiTaN ~

حركات ! منتو في المنتدى ؟ عجيب والله !
ايش عرفك انت


المنتو أكلة بخارية ^^ ما أعرف معنى إسمها بصراحة عمري ما سألت ، بس لها أكثر من طريقة لصنعها ^^
بس طعمها جناااااااااااااااااااااااااااان


في طريقة بإستعمال قدور خاصة بالبخار أشوف جدتي تستعملها بس ما أدري إيش هرجتها لإن الخبرة في الطبخ عندي صفر
جدتك شكلها من شعب الـ 60 ـستنينات ،،، لاحقة على هتلر وهياطه


و أنا أحب المنتو
عليك بالعافية ياحلو :kissi:

موفق أخي !
آمين يارب العالمين

و عقبال أشوف الفرموزا و الششبرى و الرز البخاري
الله يسمع منك

مشكور على تشريف الموضوع بطلتك البهية يا تيتو

[TURKi]

~ sweet Mio ~

بااااااك بعد التجربه >>
ولكمووووووووووووووووووووووووووو

ناسيه تكتب ردها من اول ما جربتها خخ
ما علينا

همك الأكل وانا قاعد انتظر رايك
بالعافية عليك ياوخيتي ...!

المهم بصراحه الطبخه كانت رهيبه وصرنا يوميا نسويها نظرا للطلبات عليها
احم احم .... ان شاء الله الأجر لي

بس للاسف ماعندي كاام سنعه اصورها XD
صوري بالكاميرا حق جوالك الـ6600 خخخخخخخخخخخخ
ترى ينفع

يلاا حطو اللي عندكم من طبخات عشان نجربها
موفقين ..
اي والله إلى هالحين 2 مشاركين بس
عطووووووووووووووووووووونا أطباقكم علشان ننتفخ صح

[مـُـحـب العجمي]

السلام عليكم ورحمة الله وبركاته
أخوي
ENG. TURKI
ماشاء الله تبارك الله
وش هالفن هذا
تسلم إيديك
أقول وش رايك نفتح مطعم أنا واياك
أنصحك غير اسمك
من
ENG. TURKI
إلى
۞ الشيف ENG. TURKI ۞
لقب حلو صح
تستاهله
ماقصرت
كل شيء واضح
الله يسلمك
أشفوك على خير
جاري تجربة الوصفة

[TURKi]

~ مجنون العجمي ~

السلام عليكم ورحمة الله وبركاته
وعليكم السلام ورحمة الله وبركاته ،،،،

أخوي
ENG. TURKI
هلا يالطيب ؟ وش بغيت ؟ ^^

ماشاء الله تبارك الله
وش هالفن هذا
غصب عنك تقول كذا ، لاني تلميذك خخخخخخخخخخ

تسلم إيديك
الله يسلمك و يحفظك

أقول وش رايك نفتح مطعم أنا واياك
ابد ما طلبت شئ ؟ حدد الموقع و رأس المال علي ؟

أنصحك غير اسمك
من
ENG. TURKI
إلى
۞ الشيف ENG. TURKI ۞
لقب حلو صح
تستاهله
ماقصرت
مشكور د. عجمي ، و شهادة اعتز فيها بس لا تعيدها << عصب

كل شيء واضح
الله يسلمك
ومن قال

أشفوك على خير
سم ؟ الأخ فيه لتغة بالكلام ؟

جاري تجربة الوصفة
الله يعين بطنك ^^

اسعدتنا في طلتك بابا عجمي << ما تلاحظ ما يقول مجنون ؟ ياخي ليه ماتغير اسمك ؟ صراحة اسمك سبة