|--*¨®¨*--|شغل الملفات الصوتيه على سماعات السياره|--*¨®¨*--|
|--*¨®¨*--|شغل الملفات الصوتيه على سماعات السياره|--*¨®¨*--|
السلام عليكم ورحمة الله وبركاته. . .
اليوم جايبلكم طريقة تشغيل الجوال على سماعات السيارة وهذه الطريقة مفيدة خاصة في كثير من المواقف يتمنى الواحد وهو يكلم بالجوال وسط الزحمة انه مركب بلوتوث للسيارة ( ثمنه تقريبا 800 ريال )ومريح عمره من مسكة الجوال باليد واليد الثانية مهي ملحقة تلف الدركسون ولا تضرب بوري ولا تشغل الفلشر يسار واذا كنت مسافر أيضا بالسيارة فقط ضع جوالك على الطبلون واستمع الى أي ملف صوتي أو مرئي بجوالك
وبما ان تكلفة البلوتوث غالية.....عندي لكم طريقة أسهل ولاتكلف أكثر من 15 ريال
الادوات :
1- شريط mp3 (هذا الكاسيت هو اصلا لتشغيل السي دي بلير او mp3 على مسجل السيارة وفيه منه الرخيص والغالي على حسب الجودة)
2 - سماعات أذن للجوال
الطريقة :
1 - قول بسم الله وقص السماعات الثنتين من طرفها ، وروح للشريط وقص طرف السلك من جهة الراس المعدني.
2 - بعد القص والقطع صارت الشغلة واضحة وصل اطراف السلكين المقطوعة ببعض واذا الشغلة صعبة عليك شفلك اي كهربائي مسجلات يوصلك اياها وانت واقف بخمس ريال .
3 - الان بعد التوصيل صار الشريط مع سلك الجوال قطعة وحدة .
4 - الان ضع شريط الكاسيت بمكانه في المسجل في السيارة.
5 - خلاص اشبك السلك بالجوال مكان السماعات وحط الجوال في المكان المناسب.
الآن تمتع بصوت الجوال على سماعات السيارة ..
طبعا للرد على المكالمات او لاجراء اتصال حول المسجل على الكاسيت ..
بالضغط على زر ( TAPE ) والتحكم بالصوت من مسجل السيارة والدركسون
وبهذه الحركة تقدر تشغل اي ملف عندك بالجوال على سماعات السيارة لكن اذا تبغى الصوت يكون ممتازلابد تشتري كاسيت من الغالي حتى تطلع جودة الصوت ممتازة اما لاجراء المكالمات فالرخيص يؤدي الغرض
ان شاء الله الحركة اعجبتكم ، وطبعا هي تصلح لاي سيارة فيها كاسيت .
المشاركة الأصلية كتبت بواسطة SHEKHALARAB
رد: |--*¨®¨*--|شغل الملفات الصوتيه على سماعات السياره|--*¨®¨*--|
أو وش رايكم؟؟؟
