الرجاء المساعدة فى اختيار جهاز من مركز العين فى دبي

[crysis]

السلام عليكم ورحمة الله وبركاته

ممكن مساعد فى اختيار جهاز جديد

الميزانية 9000درهم غير الشاشه و الماوس و الكيبورد

- هل فى محل افضل فى الامارات غير مركز العين فى دبي .... وشكرا

[wael_yemen]

روح مركز الكمبيوتر بلازا (اللي هو مركز العين ) بدبي ( أول محل تدخله محل الارشاد الطابق الثاني فوق ...لما تطلع بالسلالم المتحركة روح يسار واشمي شوي وبعدين لف يسار كمان وامشي بعدها على طووووول الى آخر الممر بتلاقيه قدامك)واختار القطع التالية
http://www.montada.com/showthread.php?t=553113
بالنسبة للباورسبلاي الثيرمالتيك ما راح تلاقيه أعتقد واذا لاقيت بدبي خبرني لأنه أنا أدور عليه كمان
واذا تبي واحد هاي كوالتي روح لمركز المصلى اللي بالتقاطع عند الاشارة (دقيقتين مشي من مركز العين) ادخل مركز المصلى...في محل تحت يبيع باور سبلاي زلمان 850 واط وهو بارو سبلاي ممتاز كمان ما عليه كلام بس اسم المحل ما عندي ياه لأنه واحد قال لي عليه ونسيته
بالنسبة للكيس روح مركز الخليج اللي هو مقابل مركز العين بالجهة المقابلة وروح محل اسمهpoweroptions بتلاقي عندهم كيسات Thermaltake وما شاء الله من أفضل الكيسات
بالنسبة للكيبورد ما عندك غير النت اذا تبي نفس اللي بالموضوع
وبالنسبة للماوس بتلاقيها بمحلات فيرجن بسيتي سنتر أو فرع فيرجن آخر
بالنسبة للهيدست والكامير كمان ما عندك غير النت

[blold]

هلا اخوي ^^

بخصوص كلام الاخ وائل انا معاك في كل كلمة قلتها إلا شيئين

الريال ما في داعي يعقد السالفة و يسير اماكن ثانية ^^

في محل في مركز العين اسمه far east و اتحصله في ال far east يعني سير الطابق الثاني بالدري المتحرك و لف يمين و امش سيدة لين آخر الطريج و بتحصله آخر محل جدامك عالكورنر


بتحصل عنده cases و power supplies و حتى ال power cooling و ال paste الي اتحطه عال processor عنده إياهم كلهم من شركة Thermaltake

و الاسعار حلوة ^^ و إذا تبغي يركب لك كمبيوتر يكربونه لك لكن بدون الويندوز ب 50 درهم إذا تبغي الويندوز لازم تشتريه ><" xp ب 550 درهم و الفيستا اسعاره مختلفة شي ثلاث نسخ

انا ما ركبت عنده اعرف اركب روحي لكني اشتريت كمبيوتر لعمي قطع و ركبته عندهم لن الفلوس زادت و بصراحة التركيب

فانا انصحك تشتري القطع الي قالك إياها الأخ وائل

و إا اشتريت القطع الي قالك عنها من مركز العين بتزيد عندك فلوس فانصحك انك تشتري شاشة samsung syncmaster 226bw بصراحة انا اشوفها احسن شاشة للكمبيوتر ^^ 22 بوصة و الإضائة روعة لل gaming مركب عليها الكمبيوتر و ال xbox 360 فيها port vga and dvi
و تشتري لك سماعات speakers 5.1 logitech x 530

و الماوس و الكيبورد ما اظن انك بتحصل اي منتجات ل razer في الإمارات

فانصحك تاخذ كيبورد g15 و ماوس mx518


و الموذر بورد شي محل اسمه golden system هذا عميلي يعطيني اسعار حلوة المهم سير عنده و اشتر لك موذر بورد محترمة لأنه وكيل gigabyte في الإمارات و عنده بعد القطع الثاني

و نصيحتي الأخيرة لك سير خذ لك case نوع thermaltake tsunami و power supply 800 watt من محل far east و خذهم وياك و ادخل محل golden system اشتر عنه القطع الباجية يعني الموذر بورد و الرام و الهارديسك و البروسسور و الدي في دي رايتر و السوالف الباجية ^^
و إذا قالك ما عندي من هالنوع قوله انا بييبه و سير دور في محلات ثانية و ييبه له و خله يركب لك كل شي ب 50 درهم



و اسحملي عالتدخل ^^