السلام عليكم ورحمة الله وبركاته
حبيت أشارك في هذه القصيدة وهي من آخر كتاباتي
أرجو إنها تنال إعجابكم
لاجِلْها مَوصوف في ريم البراري
والبدرحِسْنَهْ يكتملْ , من حَلاَها
***
طاوَعْها قلبي طيفها دخَل داري
حُسْنُ وجمال صفاتْ ربّي عَطاها
***
من الشوق فْ عروقي لها ساري
يحْلالَه نبض خفوقي يلْفِي عناها
***
طلّتها أميرة تِنهي بين الجواري
مطلبْها أمر من كل صوب يِفداها
***
جِسمي عقلي , وقلبي لها شاري
أفداها نَحْري وبَعد ماينقَصْ غلاها
***
تِشْكي هْمُومْ تِسأل رحمة الباري
تِحسب ايّام وتناجي تلقى دواها
***
عهودْ الغدرْ رمْسَتْها لها طاري
لانتهيتْ فيها ولاكنتْ مَنْ بَداها
***
تِحسبني منهمْ أتخلّى عن قراري
تَوْهَا أيام صبري ماتعرف مداها
***
أرْتِجف عنها يوم تبتعد عن ناري
واحنّ للدفا حينْ توصِفلي شْتاها
***
تتناسى ألمْها دمعتها عنّي تداري
والحزن مايبعد عن صورة شفاها
***
علّة الروح من اسبابه وأنا داري
يارب خذ قطعة من روحي ... وشفاها
=======
كتوضيح للكلمات التي باللغة المحلية :
معنى (رمْسَتْها ) كلامها
معنى ( طاري ) أي ذكرته .. طرى الشيء أي ذكره
معنى ( تَوْها ) للحين أو لحين هذه اللحظة
....... شكراً .......
,,,,,,,,,
,,