:
:
رحلت وأخذت الأمان من قلبي
وصرت خايــــف من دنيــــــا مافيها أنفاســــك
أختفت ضحكاتي وابتساماتي وعبرات عيوني
ومرّت الذكريات على خافقي وأهتزت مشاعري
وانتثر صوتي وعاندت القدر وملكت الامل وكل الاماني
جلست على أطراف الموج أتخيلك أتأملك أرسمك صورة
واللوّن أطياف أطيافك حنين وشوق وأنتظر منك رجعه
بس للاسف خذلني موج البحر ورد مكانه سكون
وهبّت الريح أعلنت فصل الخريف وذبلت فيه أوراقي
وأمطرت الدنيا تواسيني مشتاقه لك ..
والبحر هايم في عيونك يشتاق يسمع صدى صوتك
تدري مريت كل مكان أنت مشيت فيه وظنيت أنك فيه
وجلست أسلّم على الورد يمكن يذكرني بشي !
يعيد لي أيـــام النرجس والياسمين وصدى ضحكاتك
بس أختفى عطره واختلف لونه وضاعت أوراقة
وتذكرت أنك مو معي وضاعت أوراقي معه
وصرت أخاف أكمل مشوار عمري بدونك
وتكرهني كل الأماكن وعزّي نفسي بعالم حزين
رحلت وأخذت الأمان من قلبي
وصرت خايــــف من دنيــــــا مافيها أنفاســــك
تحياتي
غالي الساهر
09 / 01 / 2008
