عندي أسئلة عن الiphone

[FARES360]

طبعا معروف انه الي مسويه iphone هي نفسها صاحبة الipods الا وهي apple
المهم .. انا حبيت الجهاز وناوي اشتريه قريبا .
بس عندي جم سؤال
- جم سعر الجهاز في الوقت الحالي عندنا بالخليج ويكون احسن بالكويتي السعر
- شنو هي عيوب الجهاز غير الكامره الضعيفه ؟
- للي جربوا الجهاز تنصحوني فيه ولا لأ ؟
- انا ما ندي ipod فبشتري هذا كبدايه ومع الفون مره وحده........خطوه جيده ولا اشتري ipod بس من غير phone line

[shark99]

حتى انا مثلك اخوي ابي استفسر

[FARES360]

سلام عليكم
اولا باركولي الجهاز بأيدي
فبجاوب عن نفسي .. اولا شريت الجهاز ب175 دينار.. ابو 8 جيجا من محل من محلات حولي..
اما اسعار الباقي.. في الوقت الحالي بأيوريكا سعره 199 مع التعريب ..اما الغانم عندهم جهاز بحجم 16 جيجا ب245 دينار, اما المحلات العاديه فالأسعار مو ثابته فيه الي يبيعها ب250 وفيه الي يبيعها اقل وفيه اسعار مميزه مثل الي شريته يديد , المهم أستخدام الجهاز سهل وبسرعة تتعلم عليه .. معرب لكن في المسجات فقط .. القوائم غير معربه ..
عيوب الجهاز .. انا شخصيا ماني شايف عيوب فيه لأنه انا مأخذه حسب مواصفات الي انا ابيها ! .. مبدئيا الكامره 2 ميجا بيكسل ..واصحه الصوره لكن مافيه فلاش.. الفيديو فيه واضح حيل ! وبشهادة الجميع الي جربوا بعضهم قالو مافيه تلفون نزل بهذا الوضوح في الvideo لول .. , صحيح من عيوب الكامره انه مافيها video record ..مجرد صور فقط , طبعا ألأغاني فيها شي مو طبيعي لا تحط الهيد فونز تدخلك جوو ! ما تأذي العين وواضح .. يستقبل ملفات mp4 للفيديو لو حاب تنزل فيه من الكمبيوتر .. اممممم انصحكم فيه ؟ انا راضي بالجهاز والحمدلله مرتاح له , انت شنو متطلباتك اذا ماشيه ويا الجهاز أخذه واذا لأ.. لا تأخذه .. فيه بلوتوث لكن لحد الحين ما تم تطويره قصدي ما تقدر تدز وتستقبل..فقط للسماعات لكن شركة apple وعدت انه هالشي بيصير في الأبديت القادم 2.0.0 .
أتمنى اني اعطيتكم تقرير صغير يفيدكم انشاءالله .. والي عنده اي أسئأله ثانيه يفضل انه يرسل رساله خاصه لأنه انا قليل الدحول في قسم الأتصالات والهواتف بالذات .. فأحتمال ما ارد عليك في هالموضوع..

[TURKi]

مبروك .. فارس

الله يعطيك خيره و يكفيك شره