المشاركة الأصلية كتبت بواسطة safi4all
مشكوور لكم ياخواني انا الحين المدرب غير لي نوع البروتين الى musle builder
تحياتي ,
شوف حبيبي اكرر لك اللي يجي بسرعة يروح بسرعة
ففي امور تساعد وفي امور تعطي وتنفخ وهذا منها فايدة مؤقتة ولها مضاعفات واضرار في المستقبل وجسمك بيتأثر وبتخسره بسرعه وتتحول لترهلات
والمدربين صدقني كل واحد تشوفه جسمه كبير يقولك لا ما استخدم شي بس كذا وكذا وهو تلاقيه يستخدم بلاوي
نصيحة لك لا تصدق كل ما يقال لك بل صدق كل ما تقتنع فيه والمكملات ماهي الا قضية ربحية اكثر من الفائدة
فمثلاً هناك مثل النو اكسبلود من منتوجات نتريكس اوكسيد هذا لو استخدمته اول مرة مرتين راح تحس بشكل غير طبيعي انك ترفع اوزان ما تقدر ترفعها بعد شهرين يمكن بس مرتين ثلاث ويروح النشاط والقوة ويصير عادي كأنه ماي ومجرد اخذه مضيعة للوقت
والكثير الكثير من المنتجات من مختلف الشركات
قلتها واكررها اهم حاجة سواء لبناء العضل او خسارة الوزن الاكل بالدرجة الاولى وكم تاكل وكم تحرق والاكل السليم فهو مصدرك الاساسي
وتستطيع استخدام مكملات تساعدك وتعطيك فائدة دون ضرر مثل الامينو اسيد - الوي بروتين - الملتي فيتامين وممكن الجلوتامين كذلك كمسحوق وبالاخير زيت السمك او الاوميجا 3 او 6
فقط الصبر ثم الصبر
المشكلة اغلبنا يريد يصير له جسم كبير وعضل ما يحتاج في 3 ولا 4 شهور وهذا صعب جداً طبيعياً كلشيء يجي تدريجي افضل علشان ما يروح مرة وحدة لو تركت وتجيك الاعراض بعدين
وبالتوفيق لك للوصول لمبتغاك
تحياتي