زكريات أب الحلقات الكامله والنهايتين

[اشرف عثمان حلبي]

.ذكريات اب

القاهرة 1980:
أخر يوم في الكلية وأنا خارج من الباب وبودع 4 سنين قضيتهم فيها, قابلت أماني عند الباب, (متغيرتش كتير عن اول يوم قبلتها في نفس المكان نفس الضحكة نفس الخفة فراشة طايرة من حته لحته زاي ماهية جميلة من يومها بدر منور سبحان من صور) وانا كالعادة ملبوخ لشوشتي عاوز اتكلم امد ايدي واسلم انطأ يا بجم بألي اربع سنين على الحال ده اقدم رجل واخر رجل واقول بكره اتشجع بكره اكيد لازم اروح اكلمها هية يعني هاتكولني دي مجرد كلمة(صباح الخير يا اماني)اهو شوفت سهلة ازاي! واقعد طول الليل احفظ فيها واشجع روحي وامنيها ويطلع النهار البس هدومي واتوضب واستعد للمقابلة واروح الكلية من الساعة 8 الصبح واعد استنى في نفس المكان واحفظ في نفس الكلمة(تقولش مقرر)وافضل مركز عيني على باب الكلية عشان المحها اول ما تيجي(واجري عليها واسلم ونعد طول اليوم نتكلم عن احولنا والي جرلنا والي راح يجرلنا وعن احلامنا وعن ايامنا واحلم بخيالي في اليوم الي راح تبقى حلالي واخدها واطير زاي الاساطير على حصان ابيض ونجري في ارض بلدنا(وفجأه يصحيني عبد الوارث من احلام متقولش كوابس ويقولي المحاضرة بدأت بقالي 3 ساعات على الحال ده والي جرى في اول يوم يجرى كل يوم لحد انهارده, بس انهارده انا مصمم لازم اتكلم لازم اتكلم لازم اتكلموالا ده اخر يوم مش راح اشوفها بعد اليوم, لازم اتشجع اهي قدامي فتاة احلامي راح اكلامها مش راح اسيبها غير لما تعرف الي في نفسي وقررت واتشجعت ومشيت خطوة لقدام, الله عليا ده اخر تمام وكمان خطوة لقدام فاضل كام خطوة وأدي كمان خطوة انا رايح في الاتجاه الصحيح تمام ,دلوقتي بقيت قدمها تمام وفجأه سمعت صوت بينادي ويقول يا امام!
دا صوت جدي : الحاج عبد السلام ! ده وقته ياجدي!!!! مستكتر عليا الكلام؟ دقيقة واحده -0 استني شوية.. مكان قدامك 4سنين !! ( حاولت اطنش كأني ماسمعتش) واتقدمت كمان خطوه ... عيني جت في عنيها * لحظت انها مياله ... هااقول كل اللي في قلبي .... عينها بتتكلم
ياامام................ استني ياجدي!!!!!!!!!!
ياامام............... استني ياحاج عبد السلام !!!!!!!!!!!!!!
ياامام............... يحرق امام !! وسنين امام!!!!!!!!!!!!
يا اﻣــــــــــــــــــــــــــــــــــــــــــــــام !!!!!!!!!!!!!!!!!!
اضطريت ارجع لورا حزين مقهور وانا شايف عنيها بتقول وكأنها كانت مستنيه زيي اللحظه دي !!!!!!
كل شويه وانا باأرجع خطوه.... أحس انها بتندهلي ... ءاقدم خطوه ........ اسمع صوت جدي .... ارجع خطوه
(يعني هوه ده حظ ياربي) .....
كل ماببعد هي بتبعد ....وفجأه تلاشت من قدامي.......
ندهت عليها( بصوت مخنوق بيموت جوه ضلوعي ) ياأماني ..... يااﻣـــ ـــاني .... ياأﻣــــ ــــــ ـــــــ ـــــــــاني ...... امتي هاترجعي تاني؟؟؟؟؟؟؟؟؟؟؟؟؟!!!!!!!!!!!!
واخيرا قربت من العربيه (وانا راح افرقع من الغيظ ) وكمان جاي لي بفورد... ماركة (50) .... دي فضيحه في الكليه .... الحمد لله اني ماشي وسايبها..... والا كنت بقيت ضحكة علي كل لسان!!!
جاي لي بفورد(50) ياحاج عبد السلام!!!!!!!!!!!!!!!!
ده انت عندك اكتر من 600 فدان ..... لكن هو ده جدي.. الحاج عبد السلام عين اعيان محلة سرحان..........
ايوه ياسيدي ماهو انا بقي ابقي .... (امام كامل عبد السلام امام سرحان ) الوريث الوحيد لكل دي الاطيان (600 فدان)
واظن فيه بنت كمان... بنت عم وهدان الله يرحمه ... اسمها ايه اسمها ايه ..... مش فاكر انا ماشفتهاش من زمان .. عموما كانت صغيره واعتقد ان كل اللي لها 100 فدان ميراث ابوها (علي فكرة الحاج وهدان يبقي اخو جدي عبد السلام الصغير والوحيد , اصل امام الكبير جابه علي كبر من الحاجة زبيده مراته الله يرحم الجميع )
بس ايه اللي جاب جدي هنا !!! ده طول عمره مافات علي في الكليه !!! يكونش رايح يزور الاوليا زي مابيقول ؟ عموما انا هااشغل بالي ليه ياخبر بفلوس دلوقتي يبقي بلاش!!!!!!!
قربت عليه وحاولت اشمشم عن سر حضوره ؟ لكن ماعرفتش حاجه !!!!!!!!!!! حاكم اصل الحاج عبد السلام قليل الكلام!! ويتكلم ليه.... ماهو كل اللي هوعاوزه بيتنفذ ويمشي علي رقاب الكل الكبير قبل الصغير !!!!!!!!!!!!
علي فكره اصحابي في الكليه مسمينه قرقوش !!!! الكل قدامه مابيكحوش ... صعب جدا جامد جدا الكل بيعمله مليون حساب وفي كل المحله مهاب .... كلامه قانون!!!!
-بس ساعات بااحس انه طيب رغم حزمه وسطوته وفي احيان كتيره قسوته!!!!!!!!!!!!!!!!!!!!!
انا حاسس اني راكب دي العربيه بقي لي سنه!!!! انا لزقت في الكرسي !!!! مالها المرسيدسياحاج عبد السلام ؟؟؟؟؟؟؟؟؟؟؟؟؟؟؟ ماسك في القديم علي طول .. عدو التطوير .. دايما يقول علي رأي جدي.. جدي عمل .. جدي سوا .. طب واحنا ايه دورنا ؟؟؟؟؟؟!!!!!!!!!
اخيرا وصلنا بلدنا .. ايه ده !!! ايه الزينات والتعاليق دي!!!!ايه الانوار الكتيره دي هو فيه انتخابات ولا ايه؟؟؟؟؟
حاولت اعرف من جدي... لكن كالعاده مارضيش يقولي؟؟؟
وصلنا الدوار ونزلنا من العربية ... واستقبلونابالزغاريد والشربات!!!! كل ده علشان انا نجحت في الامتحانات!!!!!!!!! انامتهيألي مبالغ فيه ؟؟؟؟؟ واللي يقول مبروك ياعريس !!! عريس ايه؟؟؟ هو فيه ايه ؟!؟!؟!
وفجأه سمعت صوت جدي بينادي ياأمام ...... جريت عليه وطبعا بست ايديه زي المره الاولي في العربيه ........! واخدني ودخلنا المندره ( حجرة الجلوس يعني) وقال لي اقفل الباب ( اه .. يبقي اكيد فيه شئ مهم ... انا حاسس بس مش مصدق والله)وقفلت الباب وبدأ يحكي لي حكاويه المعتاده....... ازاي بدأ من الصفر وازاي صنع نفسه لما بقي كبير البلد وازاي بقي عنده 600 فدان؟؟ طب ده كلام هو يعني اخترع الديناميت ؟؟؟؟؟؟؟؟؟؟؟!!! دول كانوا 100فدان ميراث من ابوه امام الكبير .. وجدتي الحاجه امينه كان عنها100فدان ... واتجوز الحاجه فرح برضه كان عندها100فدان.... وجوز ابويا الحاجه كوامل الله يرحمها وكان عندها 100فان .... واخيرا اتجوز ابويا امي الحاجه زينات وبرضه كان عندها 100 فدان وحطط ايده علي ارض بنت عم وهدان كده يبقوا 600 بالتمام!!!!!!!!!!!!!!!!صفر ايه اللي بيحكي عليه!!!!!!!!!
المهم ماأقدرش اقول له حاجه هزيت دماغي دليل علي الموافقه وانا فاتح بقي ومبرأ عينيا !!!! قال يعني اعجاب وانا هاأوجع دماغي ليه ماأنا اوافقه علي كل اللي بيقول عليه........ ماهو كله في الآخر ليا زي ماطول عمره بيقول.... وقعد يقولي انت كبرت ياأمام ... النغمه دي جديده !!!! يارب سلم وقالي لازم تتجوز0(الله ياجدي ايه الحلاوه دي داانت مكشوف عنك الحجاب ) انت لازم تكمل نص دينك .... انت هاتتجوز تهاني ....... ايوه هاتجوز اماني (مش قلت لكم مكشوف عنه الحجاب )............ (لكن الكلمه رنت في وداني زي مااكون ماسمعتهاش كده هو قال حاجه فيها(ني) بس مش هي) ايه انا ماسمعتش ياجدي هااتجوز مين ياجدي.... رد بكل حزم..تهانيمين تهاني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟كلمت نفسي وانا مطلع لساني ومدلدل وداني دي اكيد مش اماني وفجأه افتكرت اسم البنت مش كفايه 500 فدان انت عاوزهم كلهم ملكك تمام اتاريه طول عمره يقول 600 فدان اناكنت فاكره حاسبهم لانه واضع ايده عليهم اتاريه حاسبهم لانه متاكد انهم في جيبه!!!!!!!!!!!! بالطريقه دي هايجوزني نص المحله !!! ده ذنبي انهم ماخلفوش غيري !!!!!!( وهنا هبيت من مكاني واقفا لأ علن اعتراضي ,انا متعلم متنور مش ممكن اتجوز بالطريقه دي انا كنت عاوز اتكلم انطق ..... لكن الكلام ماطلعش!!!!!!!!!!) لاحظ جدي اني وقفت قال لي مستعجل علي ايه كلها كام ساعه والمأذون يكتب (( يكتب أيه!!!!!!)) كتابك علي بنت عمك وهدان ( والله ده حرام .... اتجوز واحده ماأعرفهاش ماشفتهاش.... هو احنا سنة كام!!!!!!!!!!!!!!!!!!)
وصرخت بأعلي صوتي ..لأ .. مش هاأتجوز تهاني .. اناعاوز اتجوز اماني ... هو لامتي هايفرض رأيه علينا احنا نملك اللي يكفينا!!!!!!!!! ( طبعا الكلام ده قلته لأمي )
وهنا قالت لي : ياابني ارضي بنصيبك .. ده قدر ومكتوب والمكتوب عالجبين لازم تشوفه العين .... وجدك الحاج عبد السلام طول عمره عارف بيعمل ايه ... وبيعمل لمصلحة المحله والعيله ... وانت لما هاتبقي مكانه هاتعمل اللي كان بيعمله ... وكله في النهايه لك ولولادك !!!!!!!!!!!!!!!!!وبمنتهي الطيبه طبطبت علي وقالت: عادي اتجوز تهاني زي ما جدك عاوز وبعدين اتجوز اماني زي ماأنت عايز الراجل له اربعه .... والراجل مايعيبوش الا جيبه!!!!!!!!! حاولت افهمها ان ده ماعدش ينفع دلوقت لأسباب كتيره واني كده بااظلم الاتنين .....(ده طبعا لو فرضنا ان اماني ها توافق ؟؟؟؟؟ وده طبعا في المشمش!!!!!!!!!!!!!)وقعدت أشرح واقول كأني بااترافعفي المحكمه يجي ساعه .... لكن في النهايه برضه مافهمتش ....!!!!!!!!!!!!!!!طب اعمل ايه؟؟؟؟؟؟؟؟؟؟؟؟؟
قررت اهرب واروح القاهره واشتغل هناك .... ماأنا متخرج وعندي شهاده وأقدر اعتمد علي نفسي مش عاوز من جدي حاجه ..... لكن أول ما طليت بدماغي من باب الدوار لقيت سبعين !!!!!!!!!! حمدان ومخيمر ( دول غفرين من غفر جدي) .... وبصوت غريب قالو لي علي فين ؟؟؟؟؟ قلت خارج .. قالو لازم اوامر الكبير ..... وطبعا طلع موصيهم اني مااخرجش من البيت ( عامل حساب كل حاجه) عرفت بعد كده ان ابويا الله يرحمه كان ناوي يعمل اللي كنت ناوي عليه في الجوزتين ( طبعا مع احترامي لأمي ) يعني ايه مش هاأعرف أهرب ولاأيه .... هي مالها قفلت كده ليه !!! ؟؟؟؟؟؟؟ هو يوم مايعلم بيه الا ربنا!!!!!!
وقعدت في حجرتي افكر ....والظاهر عليا غفلت من التعب (عرفت دلوقتي ايه لازمة العربيه الفورد 50 في اليومده) صحيت علي صوت جدي بينده عليا وماسك في ايديه جلبيه........ خد ياامام البس ديه..... اخد ايه والبس ليه؟؟؟ (الجلبيه دي ليها معزه كبيره عندي انا عينها لك من زمان ....طول عمري بحلم باليوم ده .... دي الجلبيه اللي لبسها ابوك في فرحه واشترها له امام الكبير يوم جوازه من امك .. الست الطيبه الكمل هي دي الستات اللي تعمر .. من يوم مامات ابوك مارضيتش تسبنا انا وجدتك ... ست الستات بصحيح )....ابويا ياخراب اسود !!!!!!!!!!!!!!!!!! جلبيه بقالها يجي 24 سنه !!!!!!!! صحيح مايبنش عليها لسه بشوكتها جديده كأنها متفصله النهارده !ّ!!!!!!! بس دي برضه قديمه .. جايبلي في فرحي جلبيه قديمه !!!!!! لكن انا عارف جدي مش بخيل!!! هو صحيح طماع لكن عمره ماكان بخيل !!!! لكن مش قلت لكم بيحب القديم قد عينيه !!!! الحمد لله انه ماجبليش جلابيته اللي اتجوز بيها !!!!!! واتحججت وقلت ياجدي دي مش ممكن تبقي مقاسي ؟ ابويا كان ضخم شويه عني ... ثم دي قديمه ..ده حتي يبقي فال وحش !!! احنا لازم نأجل الفرح لحد ماأشتري جلبيه جديده ....(والله أهي حاجهأتحجج بيها ... وأهي جت من عند ربنا )لكن فرحه ماتمت لقيته بيضحك وبيقول تأجل الفرح ... ونادي وقال ياواد ياشعبان... وفجأه لقيت شعبان قدامي تقولش كان علي جن ينادي!!!!! ولقيته شايل عشر علب !!!!!!؟؟ وقال لي اختار !!! وتركني وانصرف !!!! وفتحت العلب !!!!!!!!!!! هو هايجوز كام عريس ؟؟؟؟؟؟؟ والله الراجل ده غريب وجنان بس لو عنده حبة حنان ... لو يبطل القسوه والطغيان!!!!!!!!!!!!!!!!!!!!!!!!!!!!!!!
رضخت لجدي واتجوزت تهاني !!!!! وقلت هي موته ولا اكتر... واديني قدمكوا حاولت افلفص ..لكن الامر ليك ياصاحب الامر!!
طلعت تهاني هي زينات .. علي رأي جدي ست الستات .. مالهاش في أي حاجه !!!! عشرين سنه عايشه في قمقم !! (اكتشفت بعد كده انهم كانو قاريين فاتحتي عليها من يوم ماأتولدت !!!! ماهو احنا كده عندنا في البلد يخطبوا البنت اول ماتتولد!!!!!)
حاولت اكيف عيشتي علي ماهي وارضي !! علي رأي امي بقسمتي ونصيبي !! وقعدت أدير اطيان العيلة ... وأقعد مع جدي في وسط الناس .. اتحدث وأقول !!! والناس مبهوره وتقول هو ده المتعلم المتنور !! اه لو يعرفوا ان المتعلم المتنور مايقدرش يأخد أي قرار الا بعد رأي الحاج عبد السلام !!!! وايه يعني ! حتي لوعرفوا ماكلتهم كده !!! واتحولت قوام قوام وبقيت واحد تاني !!!! وان كان في بعض الاحيان أحن وأفتكر أماني !!! آه ياأماني !!
ومرت الايام وربنا رزقني أول خلفتي .. وكانت بنت .. وفرحت بيها جدا.. احمدك يارب بنت .. رغم ان الدار كانت في جنازه .. حاكم البنت عند جدي مالهاش عازه !!!! هو عاوز الولد اللي بيه يتشد ضهره ويتفرد !!!! وسميت البنت أماني .. أيوه اماني واتفاءلت خير بقي عندي تاني أماني .. أقدر أعيش علشانها .. وكنت كل يوم أصحي الصبح أكلمها وأقعد بالساعات أحكي لها وألعبها .. وعودت روحي علي ان هي دي أماني وان ماكنش فيه حد تاني!!! ورضيت بحياتي !!!
لكن .. وأه من لكن !! زي ماراحت اول مره اماني ... ضاعت مني تاني ... والسبب برضه الحاج عبد السلام
أول ماجبت البنت السنه ووقفت علي رجليها خدها يلف بيها البلد وقرا فتحتها لابن عم عبد الصمد عين أعيان محلة حمدان !!!!!!وطبعا وريث للأطيان اكتر من 400 فدان ..!! لكن وهو راجع انقلبت الكرته وانكسرت مية حته ووقع هو والطفله في الترعه وطبعا غرقت هي ونجا هو !!! لأن ماحدش لحقها كله كان بيدور علي كبير البلد !!! ويتحرق باقي البلد؟!؟!
وآه يابلد !! ازاي يموت فيكي طفله بريئه غريقه! ومايتحرك لها بشر! يمد ايده ويسحبها من القدر ! ياناس وليها قلوب حجر ! هو انتوا ايه مش بشر؟ والا انتو شوية بقر !!!!!!! والله نظلم البقر ان شبهناه بيكو !!! ده البقر بيرق قلبه وينفطر علي طفله ماكملتش السنه تموت غريقه !!! اه ياشوية غجر!!!
(انا انجنيت؟؟؟ ايه اللي قلته ؟؟؟؟ ايه اللي حصل؟؟؟؟)
ولقيت الناس حوليه !!! قدام الترعه بتواسيني!!!!!
وجتت بنتي مرميه قدام عينيا !!!!!!!!!
واللي يقول : عنده حق ده أب برضه وقلبه انفطر والغضب طبع البشر..... واللي يقول لأ ده كفر كان لازم يعرف ان ده قضا ربنا وقضي أخف من قضا!! واللي يقول ده انجن !!! واللي يقول لا ياناس احنا اللي غلطانين كان لازم ننقذ الاتنين كان لازم ندور علي البنت برضه ؟ ده الضنا غالي وجرح الضنا مايندملش!!!!
وكالعاده فض الموضوع الحاج عبد السلاموبمنتهي الهدوء قال : مانجلكوش في حاجه وحشه ياناس ! الموت ده كاس وداير علي كل الناس !! واللي مايموت منين يفوت !! وانصرف الناس راضيين!!!!!!!!؟؟؟؟؟ هم خسرانين ايه !!! بقي لو واحد فيهم دي بنته كان عمل كده !!!!!؟؟؟؟؟
النهايه قعدت في البيت ....اترميت !!! ماأفرقش عن أي حيط !!! لاباأخرج ولاباأكلم حد ..
لكن بعد كام شهر أراد ربك يخرجني من اللي انا فيه
ويفهمني اني لازم ارضي بقضاءه .. وبعت لي أماني بعد موتها من تاني !!!!!
وجات البنت ... والمره دي فرحتي مش قادر اوصفها ... رغم ان جدي هاج وماج وحلف بأغلظ الايمان وبراس الجدود وكل الحلفانات انه لازم يجوزني جوازه جديده تجيب الواد!!!!! كفايه عليها كده دي خلفتها كلها بنات !!!! طبعا انا الوحيد اللي ضحكت رغم المآسي اللي وقعت علي راسي انه عاوز يجوزني آمال !!! جوازه طبعا كلها مال 100 فدان !!! هو مابيشبعش ؟؟ ماكفايه كده احنا هانعمل ايه بكل اللي معانا؟؟!! ده احنا كلنا في الدار دي حزانه!!! ....
أد ايه صعبت عليا تهاني ( لأول مره) وهي بتعيط!!!.
وان كنت أفتكر انها ماعيطتش علي ضناها اللي ماتت
أد ماعيطت علي بنتها اللي ولدتها !!!!!!!!!!!!!!
والكل كان عمال يواسي في جدي وطبعا طظ في حضرتها !!!!
انا بالعند فيك ياجدي راح اسميها برضه أماني !!!! رغم انه حذرني وبكل قوته حاول يمنعني !!!!! لدرجة انه غير اسمها في شهادة الميلاد وسماها علي اسم أمه اعتماد!!!! بس أنا برضه فضلت أقولها ياأماني أنا حر في عيالي!!!!!!!!!!!!!!
لكن زي ماماتت البنت الأولانيه ماتت برضه البنت التانيه!!!!! ماطولتش !!! هما كام شهر والنوبه دي كانت موتة ربنا ..... !!!
ليه ياربي ؟؟؟ هو أنا عملت ايه في حياتي؟؟؟ أذنبت ولا كفرت !!!!!!!!!!! بقي يعني لو كان سابني أتجوز أماني كان جري ايه كانت الدنيا اتهدت!!!!!!!!!!!! ده قضا ربنا !! مين اللي قال دي تحكمات عبد السلام !! ياراجل اتقي ربك ماله بقي جدك !!!؟؟ المره الأولي قلت كان غلطان !!! انت هاتشيله دي كمان!!!!!!!!
هو اللي غلطان من البدايه !!؟؟ لوكان سابني أعمل مابدا لي ماكانش كل ده جراي لي !!!؟؟؟؟
هــــــــــــــــــو اللي غلطـــــــــــــــــــــــــــان اكيد ... تمام
وهنا فعلا وحقيقي باين عليا انجنيت !!!!!!!! مااقدرتش استحمل وهربت وسبت البيت !!!! وجريت علي مصر ومااستنتش مشيت في العصر ... مشيت زي المجنون هاأدور علي أماني !!!لازم ترجع لي أماني ...!! من اليوم هاأعمل مابدا لي ... أصحي بالليل وانام بالنهار ... اطلق تهاني ... اتجوز أماني .. مش هاأركب عربيه فورد تاني ....وكده هاأجيب فيكي يادنيا جون !!!! انا مش مجنون....!!!!!انا مش مجنون !!!!!
انا مش مجنون !!
الصبحيه رحت الكليه أدور .. وأفتش .. وأخد عناوين لزمايل وأتحايل علي ده وديه !!!! وأترازل في بعض الاحيان !!!لفيت عليها كل شارع .. كل حاره ... كل بيت... لكن عن أي أماني مالقيت !!!! كأنها فص ملح وداب وأجيبك منين ياأماني !!!!!!!!!!!!!!!!!!!!!
بقي لي شهر دلوقتي مادقت النوم ب ألف عليها وأدور كل يوم !!! وقعدت علي قهوه جنب الكليه!!! وسرحت في الملكوت ... ماأعرفش ان كنت حي ولا بأموت !!! باأفتكر أيامنا الحلوه في الكليه !! والظاهر اني غفلت شويه !! وفجأه صحيت علي حد حاطط ايده عليا وبيقولي هو انت لسه بتسرح تاني !!
والتفت !... مين ! .... عبد الوارث .. وش الكوارث ..
وقالي ياأبني هو انت مش اتجوزت وزمانك عندك أرطة عيال !!! وهي كمان اتجوزت الدكتور كمال ! .........هي كمان يقصد مين ! أماني ! ولايقصد حد تاني !! مش قادر أميز الكلام !!! لأ مش ممكن تكون اتجوزت حد تاني !!!!!!!!!!!!!!!!!!!!!!!!!!!!!!!
وصرخت فيه انت بتكدب.... طول عمرك بتغير مني لأني ابن أكابر وأنت مش لاقي تأكل !!!! وكسرت كراسي القهوه عليه ... وهاجت الناس وماجت وقامت ويايا تتشاكل ... قام هداهموقال معلش ده صاحبي وعنده شويه مشاكل .. وقال وهو مجروح الحساب كله عندي ياحاج نوح !!! وقالي قوم ويايا ياامام عالبيت عندي نكمل الكلام.... رجليا مش قادره تشلني انا اتشليت !؟؟؟ قالي اتسند عليا والا اشيلك لحد البيت .. ( طول السكه وانا باتأسف له علي اللي جري مني في حقه .. واستسمحه وأبوس راسه وكان ناقص عليا أبوس ايديه (علي ايه) هو اللي عملته فيه كان شويه دا أنا طلعت عنيه .. دا أنا فرجت الكل عليه ... بهدلته وشتمته وكمان مديت ادي عليه ) ..... قالي ياراجل ماتشلش الهم ياما بيحصل بين الاخوات , مصارين البطن بتتعارك .......والله فيك الخير ياعبد الوارث من أيام الكليه واحنا اكتر من الاخوات....( مش عن ضعف بيسكت عبد الوارث اوعن خوف لكنه صبور وصاحب صاحبه زي مابنقول .... أنا فاكر انه كان بطل الكليه في المصارعه لما كنا طلبه ... وفاكر انه مره مسك بطل الجامعه ورنه حتة علقه .. أصل لمحه بيعاكس بنت من الكليه عمره ماشافها عبد الوارث غير مره لمحها في محاضره!!!! ...علي فكره عبد الوارث من أسيوط وكنا مسمينه عبده كوارث !! لأن أخباره دايما كانت سيئه ... كان بيقرا كل الاعلانات اللي مات واللي سقط في الامتحانات .... والملاحق والسكاشن والمحاضرات.... وزبون دايم علي كل المكتبات ... مايعرفش في حياته غير المذاكره والامتحانات !!!!! أسود من يومه .. وشه ؟أ خباره ؟! حتي هدومه ( حاكم أمه كانت من السودان ) لكن قلبه أبيض ويحب يخدم .. يصور لده ملزمه ويشرح لده مسأله ... حتي البنات رغم انه كان زيي قليل الكلام الا انه كان دايما ملخصاته ومحاضراته معاهم واعتقد ان هي اللي نجحت نص الدفعه بالتمام.... ورغم انه كان غلبان وعلي قد حاله الا انه كان يسلف المحتاج ويمكن يستلف له كمان !!!!ولما كنا نرضي عليه كنا نسميه نصير الطلاب ومجمع الاحباب.
لما وصلنا البيت ... حكي لي انه شافها من سنه بعد ماخلص جيشه وراح يعمل دراسات عليا وضحك وقالي ماانا انتصيت0 3 شهر وانت في بيتكم في النعيم متجوز ومتهني ياسيدي ناس ليها بخت !!!!!!!!! (وضحكت من الهم وقلت في نفسي طب يبادلني ..) وقالي انها سألته عليا ....وقالها علي أخباري واني اتجوزت وجبت أماني !!! ( وطلع عبد الوارث وش الكوارث ماعرفش كل الكوارث!!! وبعد مده من كام شهر يعني اتجوزت الدكتور كمال ابن خالتها وسافرت معاه تكمل دراستها ( فضلت مستنياني ... آه لو الزمن يرجع تاني !!!!!! راحت خلاص ضاعت مني ياناس!!! وبقيت مش عارف أعمل ايه واستأذنت من عبد الوارث علشان أرجع البلد قبل الليل وحلف ليوصلني لحد القطر ... فيه الخير ... ورجعت البلد مكسور .. حزين .. مقهور .. ودخلت الدوار .. ولقيته قدام عيني ... أول مالمحني طلع فيا وقعد يزعق ويهلل ويتوعد!!!!! وفجأه مسمعتش حاجه وماشفتش حاجه ؟؟؟؟؟؟؟؟؟؟؟ فتحت عنيا بعد يومين وأنا مرمي علي سريري جثه مابأتحركش؟؟؟؟؟؟؟؟؟؟!!!!!
وشخص الأطبا حالتي شلل نفسي مع الأيام يزول !!!
( مش فاهم ؟؟ يعني ايه أوديه لنفساني ؟؟!!يعني أوديه المرستان !! ايه اللي جاب الشلل للجنان ؟؟؟ فين الدوا ؟؟فين الحقن؟؟ فين حتي العمليات ؟؟ انا مستعد ادفع دم قلبي .. ادفع آخر مليم عندي ... ابيع كل الطين بس يقوم ويرجع زي ماكان ..قوم ياولدي !!! قوم وأنا أعمل لك كل اللي انت عاوزه قوم ياولدي)...............(دلوقتي هاتعمل اللي انا عاوزه... بعد أيه ماخلاص!!!!!دلوقتي الارض ماعاد لها عازه وبقيت أنا أهم !!!!!!!ماطول عمرك بتفضلها علينا !!! والا عشان ماخلاص ماعاد لك الا الغم ؟؟ لا ولاد ولا احفاد !! أقول لك اتجوز !!انت أهم!! حتي دي ماتقدرش عليها!! راحت العزوه وبكره تروح الأرض !! يعني عملنا ايه بيها ؟؟ ماجابت لنا غير الهم !!!!! بتبكي ياحاج عبد السلام !!!!!!!!!!!!!!!!!!! أخيرا شفت لك دموع !! عمرك مابكيت !! ولا علي ولدك ولا أبويك !!! فينكو ياأهل البلد تشوفو كبير البلد بعد ماانكسر؟؟؟!!!)
((((بتقولو عليا ان أنا شمتان .. واللي باأقوله كله جنان ..وده مايصحش مني كمان.. وان أنا أستاهل اللي جرالي ومش غلبان استنو شويه وبعدين احكمو عليا )))
لكن ماتقولوش انا نحس !!! ولا هو اللي من الأوليا!!! أنا قربت أحس انأنا ظالم الرجل ده وأظن انتو كمان هاتشمتو فيا!!!!!!!!!!
يدوبك ماكملتش أفكاري الا والاقي أمي والجده جايين مهللين وبيضحكو ؟؟ علي أيه ؟؟ وزفولنا البشري ...حرمي المصون اللي ولدت مرتين !!! مش عارفه انها حامل للمره التالته مكن اكتر من شهرين قبل مابنتي تموت وقبل ماأطفش من دي الدار !!!!!!!! آه لوكنت أعرف ؟!!!!!!
ونزل الخبر علي دماغي .. مش عارف افرح ولا أحزن ...!!!! لكن كنت حاسس اني مش زي كل مره !! النوبه دي الحاله اختلفت !!! زي مااختلفت حالة جدي تمام!!!!! لملم روحه وقعد يضحك !! يضحك!! وزي ماعمري ماشفته بيبكي عمري ماشوفته بيضحك الضحكه دي !!!!!!!!!!!!!!!!
ضحكه كلها أمل .. فيها غطرسه وكبرياء ضحكه عاليه هستيريه جلجلت كل الفضاء !!! خفت .. اترعشت .. انكمشت لما صرخ وقال ولد اكيد ولد وهاأعيش تاني يابلد في ابن ابن ابني ... اللي هايتولد!!!!!!!!!!
وتقولوش أبواب السما كانت مفتوحه والا ده راجل مستجاب والا مكشوف عنه الحجاب !!!!! وقربت اصدق في دي خرافات لما جاله بدل الولد اتنين وسماهم كامل وعبد السلام !!!!! بقي أنا تموت أمانيا وهو يجيله اتنين!!! وطبعاانتو فيا شامتنين!!!!!!!!!
ايه اللي باأقوله, دول ضنايا ودول ضنايا , هو انا ها أقلب الآيه, دول ولادي موش ولاده وزي ماحبيت البنتين .. هاأحب بر ضه الولدين .... وعموما ربك هو المعين
صحتي بدأت تتحسن والشلل اتلم... صحيح مارجعتش زي الاول لكن اهه راح نص الهم !! وبقيت قاعد علي كرسي بيحركني بدل رجليا!!!وايدي خفت ووشي وعنيا .. وبقيت باأروح المركز أعمل علاج طبيعي لرجليا ... والأطباطمنوني اني هاأقدر أمشي بعد شويه .... الحمد لله قضا أخف من قضا !! وضحكت وقلت : دلوقتي افتكرت ربنا !! صحيح أنا ماصبرتش علي مابلاني !! لكن مين منكو ياناس يقدر يتحمل ماجرلي !!!!!! حب فاشل؟ بس !! وموت عيالي والا الشلل اللي جالي !! ولاهو كلام ببلاش ياناس!!؟؟؟
بدأ الولدين يكبرو شويه شويه .... وأنا باأحبي معاهم علي رجليا !! واتعلمت المشي معاهم ثانيه بثانيه !!! وقدرت أقف تاني علي رجليا ..... وبدأ كامل يتعلق بيا وتسألوني فين عبد السلام ؟؟؟؟؟ أقولكو ......
لزق له جدي بالتمام وخده في حضنه !!! ومعاه بينام !!!ومايصحاش الصبح الا ويدور عليه !!!!وهو دايما ماشي في رجليه !! وبيأخده ويخرج ويلف بيه البلد !! وخطب له بنت الحاج حسين ..جمالات ..وليها من الفدادين 350 وكتب له 100فدان باسمه تمام ولما قلت له طب والتاني قالي خطبت له بنت عم خطيبة أخوه !! وليها من الفدادين 90 !! ولما أمي شفتني زعلان كتبت لكامل 30 فدان ده طبعا بعد اذن الجد وكتبت قصدهم لعبد السلام باقي المية فدان!!!!
بيفرق بينهم!!!!! أنا ملاحظ دول توأم ياعالم !! يكبروا ويحقدوا علي بعض!! وقلت له ليه بتميز واحد عن التاني .. رد وقالي أنا حر في مالي !!!! ليك ربنا يابني !!! يمكن لما يكبروا يصلحو الغلطه دي ......
لكن مش باين !! عبد السلام بيتغير كل شويه !! معانا ومع أخوه حاسس انه أحسن منه !! وبيتعالي عليه وكل شويه يشكيه لجدي ويضرب فيه !!!! دلع الجد زاد عا ألحد !!!( مش باأتجني عليه) وأههدلعه أثر فيه ... موش نافع في علام !! قعد سنتين في الابتدائيه !!! وزيهم في الاعداديه !!!! وأخوه دخل الجامعه نفس الكليه اللي كنت فيها .... دول فرقوا سنين عن بعض !!!!!! وهنا قرر الكبير انه يطلع من التعليم !!!! هو يعني ها يعمل ايه بيه ؟؟؟؟ يجي يساعد ني في ادارة الارض !!!!! هويعني هايعمل ايه لما يتخرج !!! انت يعني عملت ايه بالشهاده !!!! هو يعني حايأخد كام ؟؟؟!!!!!!
ده كلام ياعالم !!!! العلام مهم ضروري مش مهم فلوس .. ومش مهم يشتغل بيه .. المهم الفهم والادراك ... يعني هايبقي كبير البلد وبيعد علي ايديه !!!! طب يأخد الثانويه أهي معقوله شويه !!!دا ولاد المحله كلهم في الجامعه .. ده الزمن اتغير ياجدي وكده الهيبه مش هاتبقي ليه !!!! قال الجد: بالطين مش بالعلام .. انت تملك من الفدادين كام !!!! وراح كاتب له 200 فدان ... !!! وجوزه كمان!!!!!!!!!!!
وكانت ليله مهوله واتفجأت انها عاالموضه !!! وجاب له عربيه عاالموضه !!!! الله يرحم الفورد 50 ( وان كانت لسه عايشه !!! كل ده مكافأه علي فشله ياناس !!!!! وأصبحت طلبات سي عبد السلام كلها أوامر !!!! وبقي عبد السلام هو عبد السلام!!!!! والله يرحم الايام !!! وأه يازمن !!!!!!!!!!!!!!!!!!!!!!!!!!!!

النهايه الأولي

دي حاجه تغيظ وتحير , ازاي جدي اتغير !! كل أوامر عبد السلام بتتنفذ بالتمام ! هو خلاص الجد ده خرف ؟؟ صحيح عدي التمانين بسنين لكنه جامد, ومتين ... ذي الوتد في أرض بلدنا . ... لابينخلع ولا بيلين .. لكن انا من رأيي انه مال لابن حفيده علشان ملقاش غيره !! خصوصا ان انا بعيد عنه من يومي وكذلك كامل!! يعني ايه كل حاجه هايأخدها عبد السلام !!! مش ممكن أرضي بده .. وخصوصا وأنا شايفه من ورا جده بيلعب وبيتفق علي بيع الارض ! ماعدش بيهمه أي حاجه ولا أي حد !!! حتي عياله عبد السلام وسرحان أهمل فيهم !! الفاشل ده هايضيع كل حاجه ! ( والله مابعيره ده برضه ضنايا ) لكن انا لازم أربيه وأعلمه حاجه تنفعه بعد مماتي كفايه كده دلع عليه !!!
وقررت أعطي له درس هو وجدي !!!!!!!! ووقفت في وسط الناس وصرخت انا عندي مشكله ياأخوان !!أنا عايز مجلس أعيان ... واتلم المجلس في ثواني ماأنا برضه حفيد الكبير !!! ولعبت علي الوتر الحساس وقلت ياناس هو خلاص انعدم الاحساس !!! ازاي الصغير يسوس الكبير!!! ازاي ولدي ينكتب له كل الاطيان وأنا عايش !!!هو الطين مش دايما في يد الكبير؟ ولاهو العرف راح وانمحي ؟ والا انا مت وأثري اختفي؟ والا انجنيت وفي الخنكه اترميت ؟ دلوني ياناس هو خلاص زمن الانصاص !!!!! (وهمهم الناس دليل علي ان الحق معايا ).... ولما لقيتهم في صفي صحيح قلت أكمل ويا الريح .... وقلت أهه أخوه كتب لي مبايعه بفدادينه ...( وهمهم الناس تاني دليل علي الاستحسان ) ... والله لأربيكو ياعبد السلام وهاأخد كل الاطيان !!!
وفجأه لقيته قام واتقدم نحيتي !!؟؟ قلت أه !!؟؟ ده هايعمل ايه !!؟؟ رد فعله ايه !!؟؟ محسبتش ده!!!!!!؟؟؟؟ لكن ده عمل ايه !!!!! قال وياك حق ياامام !!! أنا ياناس غلطان !!! معلش ياولدي فاتتني وذاكرتي خانتني ماأنا كبرت والظاهر اني تعبت وعجزت وجه أوان الراحه !!!! خلاص من دلوقتي ياناس امام هو كبير البلد محلي !! والحمد لله اللي هايخلفني خلاص اتوجد !! انا كنت مستني اللحظه دي من سنين !!! ياولدي كنت فين ؟!!! دلوقتي أقدر أموت وأنا مرتاح وأسيبكم في يد أمينه .. يد حفيدي الحاج امام.. ( وفجأه لقيت الناس انقلبت بعد ماكانت ضده ... بقت وياه!!!) قلت ياأه!!!هو بيعملايه !! مش فاهم!!
بيورطني.. باين!!!
وفجأه لقيته نده وقال: ياولد ياعبد السلام ... ! سلم لأبوك كل الأ طيان !!! تكتبها له بيع وشرا ... زي ماعملت معاك تمام !!! وهمهم عبد السلام دليل علي العصيان ؟ وفجأه لقيت الجد سكعه قلم !!!! وقال : بتعصي أوامري ياكلب .. وهمهم عبد السلام من تاني .. قام ناوله التاني علي خده التاني ........!!!؟؟؟ عمري ماشفت الجد بالحاله دي !!! أول مره أشوفه بيعمل ده !!!! وفجأه الحال اتغير الواد زق الجد ...!!!!؟؟؟؟؟ يانهار ... غره دلعه فيه .. وافتكر انه هايصبر عليه !!!!! وان صبر الجد !! الناس هاتعمل ايه ؟؟؟؟؟ كله الا الكبير !!! وهاجت الناس وماجت ... ايه اللي جري لها .. عاوزه تأكله بأسنانها ( صغير مابيفهمش ان ده عرف الناس .. وان كبيرهم هو ابوهم مهما ان عامل ايه فيهم حتي لو ظالمهم حتي لو قاتلهم برضه أبوهم ... دي حته كبيرهم يوعي عليه!!! وعلي رأي مثلنا (اللي مالوش كبير) .. ها أسيبه يتربي شويه يمكن يتعلم بعد مايضربوه !!. لكن فجأه .. لقيت أصغرهم سلاحه في دماغ الولد !!! وقال أقتله ياجد !!! ........................ ومااتكلم الجد !!! ؟ دليل علي انه باع الولد !! ولقتني فجأه بأجري ورفعت سلاحي ... وقلت ياناس .. صغير مابيوعاش ....
ورحت علي يد الجد أبوسها ... وقلت : الولد ....... بص في وشي وقال أهه عندك انت كبير العيله من الليله !!!!
أعمل ايه ؟؟؟؟؟ غلطه كبيره !! ورطه كبيره !!! أحكم بايه ؟؟؟؟؟قلت الناس تحكم أحسن ماأظلم ... قالوا يبوس الأدم ويبدي الندم ....وشالوه هيلا بيلا وعلى راس جدي وايده ورجله أهه باس كده يكفيكو ياناس ..
قالو يمضى ويبصم عاالبيع بايديه والا نفحت له قبر وأبوه يتاويه فيه !!!! والله العيشه خساره فيه !!! بيزق كبيرنا !!! عاد ناقص ايه ؟؟؟؟؟ صحيح ياحاج امام زى ماقلت ده زمن الأنصاص ( دهكلام الناس )
ومضي وبصم بالعشره علي بيع الأطيان ..! ماقدر يتنفس بعد ما انهان وبقي عبد السلام من غير اطيان !!! حتي فدادين مراته صارت تحت يدى !!!!!!
أقولكو الحق أنا حسيت انى اتغيرت ...!! خصوصا بعد ماجدي قعد في البيت يرتاح وبعد كام شهر فتنا وراح !!! الله يرحمك ياجدى كان شايل عني كتير من الهم ..وبقي تحت يدى 1000فدان بالتمام والكمال
وشويه شويه بقيت عبد السلام !!!!! باأقول اللى كان بيقوله باعمل اللى كان بيعمله !!! واخترت بنت وحيده مالهاش اخوات ولايمكن هايكون لها ووريثة اطيان 300 فدان علشان أجوزها لكامل ..!!!! وعديت العده للفرح ونورت كل البلد وعلقت الزينات زي مايكون يوم الانتخابات !!! وعملت حساب كل حاجه !!!! ايوه كل حاجه !!!!
وأخدت الفورد 50 وأنا رايح علي مصر أجيبه ماهو راح يشوف النتيجه والنهارده آخر يوم له فيها .......
ووصلنا بالعربيه عند باب الكليه .. هى هى مااتغيرتش!!!! وفجأه لمحته عند الباب بيقرب من بنت جميله ... سبحان من صور .. وفجأه لمحته بيبعد عنها ... بيقدم رجل ويأخر التانيه ولمحت عنيها كأنها بتنادى عليه .. وهو مش قادر يواجها ..................
ولقيتنى من غير مااشعر نطيت من العربيه وجريت بعزم ما فيا !!!! وبصيت لها وقلتلها : ازيك ياأماني كامل ياما كلمنى عليكى قايم نايم يفكر فيكى انتى عملتى ايه فيه ؟؟؟ ابتسمت ودارت عني عنيها لااعرف ايه فيها وحطت وشها فى الارض بكل كسوف ....طب ماأنا عارف انها بتحبه شفت ده فى عنيها وهى مستنيه خطوته الجايه وقلت لنفسي
كفاني.....مش راح أطلع زى جدى أناني ..... مش هاأتجوز تاني تهانى...!!!!

تمت

النهايه الثانيه

واتجبر عبد السلام ... وبقي عنده ياما من الاطيان .. واتجوز تانى على أم عياله عشان مابتخلفش غير البنات .. أصلها جابت ينتين توأم !!!
وساب له الجد أمور العيله والمحله ... يبرطع فيها يعمل مابدا له ....
ده حتي كان عاوز أخوه يخرج من الكليه قبل مايكمل علامه ....مش قلتلكم الحقد ملا قلبه على أخوه نفسه يجيب جورة نار يرميه فيها !!!!!! أو يفحت له قبر ويتاويه فيه !!!!
ووقفت وصممت ان مالوش دعوه باأخوه .. وحلفت الجد براس جده وراس ابوه انه يسيب الولد يكمل علامه .... قال خلاص سيبوه !!! المره دي قدرت أقف له المره الجايه مش عارف هايحصل ايه ؟؟؟؟؟؟؟
حاولت ألملم روحى وأقف له .. لكن مش قادر خيوط اللعبه بقت في ايديه !!!! الجد عمال يكتب له فى الاطيان وخصوصا بعد ماخلف سرحان ووعبد السلام !! وطوي الناس تحت جناحه واللى يقوله .... يقولو آمين !!!! ماهو جدى واقف له كأنه خياله كل غلطه يفلسفها له !!! كأنه مابيغلطش!!!!!
وهو برضه لئيم كسب الناس وياه !!! بيجامل فى الافراح .... وفى الاحزان ... ماهو عنده كتير من المال والاطيان !!!!!
مات الجد وساب له كل الارض !!!!! وانا مش قادر أقف له ... ما أملك م الفدادين فدان
(((( آه لو ترجع يا زمان !!!! ياريتنى كنت قعدت جنب الجد آخد بالي من الاطيان !!! وأبقي كبير العيله !! مش يبقي ابني وأنا عايش علي وش الدنيا هو كبيرها وكمان يتحكم فيا!!!! لكن أنا اللى غلطان .... أنا ماوقفتش وقفة راجل من الأول !!!!!يقطع دا الحب ويقطع يوم ماعرفته !!! ايه بس اللى خلاني أتنيل وأحب !!!! ضيعت العيله وأولادي وماأخدتش غير الذل !!! ماعملتش حاجه في دنيايا !!! عملي ايه بقى دا الحب !!!! صحيح جدى كان غلطان !!! لكن انا برضه كمان ازاى أقعد كل دي سنين أدور على حب قديم وأبكى على أطلاله ؟؟؟؟؟ الراجل هو اللى بيقف على رجليه وان ضاع يوم فيه التاني يعوضه فيه وان ضاع حب !!! حب تاني كان يعني مالها تهانى ؟؟؟؟؟ أم عيالى واهى شيلاني عمرها ماكلت ولاملت حتى وأنا مشلول ,صحيح بنت أصول .... لكن بعد ايه عقلت واتندمت على اللى راح !!! ماخلاص عمر الزمن ماحايرجع !! غلطه ومش قادر أصلحها .
قلت أجرب معاه المسايسه والحيله وقعدت أقوله انى أبوه وانى باأحبه قد أخوه .. وان الاخ مايتعوضش ده هما اتنين مش عشرين .. وانه مادام بقي كبير العيله لازم ياخد باله من اخوه ويرعيه !! أويسيبه فى حاله ماله دعوه بيه !!!! وهنا لمحت علامة فرح جوه عينيه وانتصار كأنه كان واخدها تار !! ورد وقال :مش ده المتعلم !!! مش ده المتنور !! مش دى البلد اللى ولادها فى الجامعه وأنا ماأخدتش حتى الثانويه طول عمرك بتفضله عليا !!! مش جدك قال لك انها مش بالعلام . انما معاك كام !!! كامل راح يتجوز انشراح أخت مراتى الجديده !! عندها من الفدادين ياما !! وبرضه ايدى هاتكون عليهم والفرح بعد مايتخرج ... مش علشان خاطرك ... لكن علشان تورونى هاتعملوا ايه بالشهادات !!!! غلى الدم فى عروقى ازاى ابنى يكلمنى بالطريقه دي؟ ازاى يرفع صوته عليا ؟ هو نسى انى أبوه ؟ أكيد نسى هو أنا كنت عملت ايه يفكره ؟ طول عمرى سلبى لاباأحل ولا باأربط !!!! وكل شىء في يده من صغره !!!!
فجأه لقيتنى باأطلع سلاحى وأضربه بيه وبأقوله : أنا سكت لعبد السلام مره ... وأسكت لعبد السلام تانى ليه !!!طب الاول كان جدى وسكوتى واجب عليا ليه !!!!
لكن ماماتش وما أرتاحت الناس من شره !!!!!! جه العيار في ايديه !!!!!!!!!!!!!!!!!!!!!!!!!!
واتلملمت الناس في البلد وقالو ده اتجن ....عاوز يقتل ضناه !!! ( ضنايا مش ممكن ده شيطان لابس فيه ولازم يموت )..........
وساومنى سكوته .. قصاد سكوتى !! والا الناس هاترمينى فى المرستان أقضى فيه بقية عمرى !!!!!
وقلت أسكت!!!!! ماأنا طول عمرى ساكت (( معدش ممكن أخبيها وأتنصل منها مع الأيام ... لاالحب له دعوه ولا جدى كمان !!!! أنا اللى جبان .... أنا اللى جبان !!!!!!!!!!!!!!!!!!!!!!!!!!!!!!!!!!!!!!!!!!!
وبقيت خيال مآته ....عموما مش جديده عليا!!!!!!!!
وجه يوم النتيجه وعمل عبد السلام الفرح !!! ونور البلد وعلق الزينات والتعاليق وكأنها مشانق للولد !!!
لكن كامل شم خبر من أصحابه فى الكلية ... هاج وماج وحلف ماهو راجع البلد ديه ... وقال : هو انا صغير ازاى يجوزونى بالطريقه ديا!!!!!! داأحنا عدينا
الأ لفية
واستنانى أنا وأخوه وأحنا رايحين ليه بالعربيه الفورد 50 ولما وصلنا عند الكليه كان واقف مع زمايله وندهنا عليه ..... جالنا وجايب بنت فى ايديه !!! وعرفنا وقال نسرين بنت الدكتور عبد العظيم مستشار كبير وأنا ونسرين هانتدرب عنده فى المكتب فى القاهره .. وعلى فكره أنا هاأتأخر هنا شويه موش راح أرجع معاكو لحد ماأتمم تدريبى ... وأنا كمان من بكره هاأقدم ورقى فى الكليه ....... ماأنا اتعينت معيد أصل أنا طالع أول دفعتى ديه .... وبص لأخوه وقال له : على فكره ياعبد السلام ماتنساش انت معزوم الخميس اللى بعد الجاى علشان تحضر خطوبتى علي نسرين .... واخدها ومااستناش حتى مباركتنا
والله راجل يا كامل ياريتنى عملت زيك زمان!!!!!!
نزل الخبر على د ماغ عبد السلام خلاه اتجنن في الحال بس أنا كنت مبسوط .. وعبد السلام منتوف الريش ... شمتان فيه وفى اللى جراى ...له وقعدت طول السكه أبكت فيه وأبكيه على حاله .............. وهو بيغلى من جواه .. مش عارف يعمل ايه ... وقعد يكلم نفسه... (طلع ازاى كامل من تحت طوعى !!!!!!وازاى خرج من ايدى !!!! بعد ماانتصرت عليه ... كل ده يجرى ليه ؟؟؟؟؟؟؟)
ورجع البلد وقفاه يقمر عيش ... والزفه دى هايعمل فيها ايه !!!!! وعلشان يدارى خيبته اتجوز التالته فى نفس الليله !!!! وقال انه كان عامل دى الهليله ليها!!
واتجوز كامل نسرين وجاب بنت وسماها ابتسام ... ويومها جاب عبد السلام امام من مراته الجديده ...وبعد كام سنه سبت عبد السلام ورحت قعدت معاهم فى مصر .... وانقطعت أخبار عبد السلام عنا !!!!!!
وعشت قد ماعشت وشفت البنت وهى بتتخرج من نفس الكليه ويوم ماراحت تشوف النتيجه رحت وراها ... علشان أجيبها وهى راجعه وفوجئت بالعربيه الفورد 50 عند الكليه وسمعت صوت عبد السلام وهو بينده ويقول ياامام!!!!!!!!!!!!!!!!!!!!!!!!!!!!

تمت

[اشرف عثمان حلبي]

فين التعليقات ياجماعه

[RANTY]

مشكوووووووووووووووووووووووووووووووووووووووووووووووور