قرائه سريعه للعبة WE5 Final Evolution وقوائم الفرق باللغه الأنجليزيه والفرق السريه

[da7imtuta]

اولا احب اهني الجميع على صدور هذه اللعبه اللي بالفعل كانت الحل المثالي لبعض المشاكل اللي وقعت في PRO EVOLUTION SOCCER مثل الاسماء غير الصحيحه وعدم المرونه في المراوغه .......جايكم بالكلام والحين نشوفها حبه حبه:-

* اللعبه باللغه اليابانيه وكذلك اسماء اللاعبين والمعلق
* قؤائم الفرق صحيحه معدله لتتناسب مع الموسم الحالي ,فبامكان عشاق الانتر اللعب بمحمد كالون لاول مره على الشريط وكذلك لعشاق روما وانا منهم بنقدر نلعب الحارس الرائع بيالازولي ..والجميع يستغرب منهو بيلازولي ..اقول شوف كم كوره شال يوم نزل بعد طرد انتتنيولي قدام كيفيو وخاصه ردود افعال هالحارس الناشي 21 سنه بس ...شكلي طلعت من الموضوع وبعد عشاق لازيو كسترومان وعشاق برشلونه سيجدون الحارس بونانو ..الخ ومع الوقت كلن بيلقى في فريقه قائمه صحيحه ومعدله المستويات
* الحارس صار التحكم فيه واخراجه في حالات الانفراد افضل بزياده عن النسخه الاوربيه اللي اذا استمريت ظاغط مثلث تلقاه ناصي مكان غير الكوره ويترك الباب فاضي ..الحين صار يتجه ويتوقع المكان الصحيح بس انت اضغط له مثلث وشف وش بيسوي
* الكور العرضيه صارت اقوى وصار ممكن ترفع اوفر ملعوب واحترافي من منطقه بعيده او تلعب مرتده عن طريق الدائره بس باحتراف ,,مو يجي احد بكره يشرشحني ويقول انا لعبت عليه ..اول تدربو بعدين قولو اللي تبون
* التحكم باللاعب صار افضل بكثير ,واهم شي صار فيه انتشار للفريق حسب التكتيك والخطه

@@@@@@@@@@@@@@@@@

قوائم الفرق باللغه الأنجليزيه :
الاسماء تلقونها هنا معدله وصحيحه باللغه الانجليزيه ,وطبعا راح تكون اسماء المنتخبات ,,والفرق العالميه, والفرق السريه .....ايه اثاريني نسيت اقول لكم وش الفرق السريه طيب اول شي نقولها بعدين اعطيكم اللنك الخاص بالأسماء وكل لنك راح يكون شي معين
الفرق السريه :
1/ All-Stars Europea
فز بكاس العالم
2/ All-Stars World
فز ببطلوة الدوري للمنتخبات
3/ Europea Classic
فز ببطولة اوربا اما بايطاليا او انجلترا اويوغسلافيا
4/Holanda Classic
فز ببطولة اوربا بهولندا
5/ Germani Classic
فز ببطولة اروبا بالمانيا
6/ Brasil Classic
فز ببطولة امريكا الجنوبيه بالبرازيل
7/ Argentina Classic
فز ببطولة امريكا الجنوبيه بالارجنتين
8/ نجوم ليسو في منتخبات او فرق, 33 لاعب منهم باجيو ورفانيلي:
فز ببطلوة المساتر ليق 3 مرات من غير الدرجه الثانيهوكل مره راح يطلع لك 11 لاعب بس اول شي لازم تتاهل للدرجه الأولى .

الحين نعود لسالفة الأسامي النجليزيه ........

للحصول على اسماء المنتخبات العالميه على قولة هل الونديز

انقر هنا

للحصول على اسماء الفرق (الأنديه
انقر هنا

للحصول على اسماء الفرق السريه
انقر هنا

واسفين على الأطاله ...ومع تحياتي داحم توتا ":"

[The King Of Roma:Totti]

مشكـــــــور يــا داحم توتا

[da7imtuta]

في حالة حصولك على ضربة حرة في مكان معين وتفاجئت بلاعب ما تبيه يسدد الكرة . هم اظافو خيار جديد لتغير الاعب الي سدد الكرة . كل المطلوب منك ضغط ستار وثالث خيار بيطلع لك أسامي الفريق بالياباني . هذا إذا أنت لسى ما بعد غيرة الأسامي الى الأنجليزي . المهم بعد ظهور الاسماء اختر الاعب الي تبية يسدد الكورة . هالحركة تغنيك عن في كل مرة تبي تغير منفذ الكرة عن الدخول للخطة ، وهذة الحالة ما تطبق الا في الكور الثابتة ( ضربة ركنية - فاول - ضربة جزاء - رمية أوت - تسلل)
مع تحياتي داحم توتا":"

[عماد 18]

موضوع مميز يا داحم و تم تثبيته ..

[SoZu]

نعم نعم بالفعل موضوع مميز جدا و جاء في وقته ... بس أقول يا دحوووم بيلازولي مهما فعل لن يغطي على أنتونيولي ... مو بس على شان صد كم كورة بمبارة صار سوبر ستار "ناشيء و قدامه الطريق" بس انتونيولي أفضل ... وعلى فكرة همه خلوه اساسي لانه اهو اللي كان الحارس الاساسي في مباراة روما و ريال مدريد بالشامبيون ليج اللي انتهت لصالح ريال 2-1 :P .. ... "تره انا بافارياني يعني بايرن ميونخاوي" ..

سي يو و شكرا مرة ثانية

[+b.s]

هذا اللى نستفيد منه<========واحد مصلحه


مشكووووووووووووووووور

بس كيف اطلع الفرق السريه

[Kubaj]

انا ودي اعرف اذا شفرات برو ايفولوشن فاينل تنفع ولا لا على الويننج اليفن؟؟

[باباسنفور]

مشكوووووور

[PCman]

ثنكيـــــــــو

[concours999]

في البدايه احب اقولك الله يعطيك الف عافيه على الموضوع الرائع والاشايء المهمه اللي ذكرتها, بس عندي
استفسارالي هو:
انا عندي موميري كارد مخزن فيها الفرق السريه واسماء اللاعبين الخاصه بالجزء السابق من وينج اليفن اللي هو الخامس , وشريت الجزء الجديد وطلعت الفرق الجديده وكتبت بعض اسماء اللاعبين اللي اعرفهم ولكن بعد ماسويت لهم خفظ وطفيت الجهاز ثم شغلته مره ثانيه مالقيتهم هل السبب اني مخزن الجزء القديم ولازم امسحه علشان احفظ الجديد ؟ والا وش المشكله ؟
ساعدني الله يخليك او اى احد يعرف يقول لي

[ssaww8]

مشكووووررر ... وماقصرت اللعبة ممتازة بشكل كبيييييييييييييير وافضل لعبة في البلاي ستيشن ...

============
concours999

لازم ييكون في الممري كارد مساحة تخزينية عشان تخزن فيها الoption
لانه مافي تعارض بين الشريط we5 و we5 evolotuin

[da7imtuta]

العفو للجميع , وبالنسبه لبعض الملاحظات ...فبسم الله الرحمن الرحيم نبدا:-

الاخ Cloud Strife :
شي جيد يكون في اي فريق حارسين يتنافسون , وانا ما فضلت بيلازولي على انتينيولي , ولو الود ودي ما اخلي لوباتولي يطلع من روما والكل شاف شلون هو شايل حراسة كيفيو ,وبالنسبه لي انا قصدت انهم اضافوه لقائمة الفريق وصار فيه مجال للتغيير بحيث تلعب وانت واثق ان القائمه هي المطابقه للفريق وفي نفس الوقت تحتوي على ابرز النجوم الجدد , وثالثا واخيرا , روما كفريق حاليا هو افضل فريق يطبق خطة 3 6 1 في العالم واجاد فيها وهي تحتاج الى 22 لاعب ولما يكون الاحتياط لاعبين كبار تلعب وان واثق كمدرب وتلعب بحماس كلاعب .. وعموما اهنيك على تجشيعك للبايرن ..والاختلاف لايفسد للود قضيه

@@@@@

الاخ عماد 18 :
تسلم حبيبي على التثبيت والاهم يرجع بالفائده على الجميع , وترى حبيتك من شفت شعار الهلال جنبك ..بدون اي ضغينه لمشعي الفرق الأخرى وانا اقرى لك كتابات في منتدى الزعيم وبالتوفيق

@@@@@

الاخ +b.s :
اقرى المقال زين عشان تعرف شلون تطلع الفرق السريه يا غالي

@@@@@

الاخ king_kubaj:
شفرات البروايفلويشن ما تنفع لـ WE5 ابدا

@@@@@

الاخ concours999:
اللعبتين ما يتعارضون بس غالبا فيه احتمالين :
* اما ان الكرت مليان وهنا لازم تحذف بعض الامور اللي ما تحتاج وانصحك تحذف اي شي يتعلق بـ we5 القديمه لانه مالها اي داعي في وجود النسخه الجديده , وتقدر تعرف عن طريق انك تروح على تخزين خطه مثلا ولما يقبل منك تخزينها فمعناه الكرت فيه مكان.
* او انك لما اشتغلت اللعبه وطلع لك ثلاث خيارات للميميوري رفضت تنشيط الكرت ..والتنشيط عن طريق الخيار الثالث
//////////////////////////////////////
في وجود اي ملاحظات انا حاضر
مع تحياتي داحم توتا


":"

[Kubaj]

طيب الان يعني نترك برو ايفولوشن ...ونلعب ويننج اليفن الجديد ...


يعني ودي اعرف ...استمر ببرو ايفولوشن ولا ولا!!?:

[da7imtuta]

انا رايي ان الكل يترك ايفليويشن ويتجه لوينيق الجديده فبصراحه كل المميزات اللي موجوده في ايفليويشن موجوده فيها بالاضافه الى انهم تلافو اغلب عيوب الاصدار اوربي بالاضافه الى انهم اضافو بعض المزايااللي جت لصالح اللعبه وانت جرب تلعب فيها وراح تلاحظ الفرق , ويكفي ان الاسامي صحيحه
مع تحياتي داحم توتا
":"

[مايكل اويـــــن]

الف شكر اخوي داحم توتا على المجهود الاكثر من رائع واللي واضح انه متعوب عليه
وتسلم وما قصرت
واقدر اسميك
(( محلل الاشرطة))
لانك ما شاء الله عليك تجيب الايجابيات والسلبيات

بس عندي استفسار بسيط وهو

في اخر رد لك قلت
ويكفي ان الاسامي صحيحه

طيب الاسامي بالياباني وشلون



والف مليوووووووووووووون شكر