أوّل ما تدخل بتلاقي الاب فيه فتحتين(هذا البسيط)، و بتلاقي على الجدار اليمين و الجدار اليسار جوهرتين(الspheres)، خذهم و حطّهم على الباب و بيبفتحلك. و امش قدّام، بتلاقي صخرة عليها جوهرة، و جدار عليه رسمة، و على يمينه و يساره جوهرتين. خذهم(الجوهرتين اللي جمب الجدار واترك اللي على الصخرة) و رح لليمين و بتلاقي فتحتين حطّهم فيها. بيشتغل شي كهربائي معلّق، رح دف الصخرة(و فيها هذيك الجوهرة طبعاً) تحت هذا الشي. و بتتكهرب هذي الجوهرة. بعدها خذ الجوهرة اللي تكهربت و حطّها في الفتحة اللي موجودة يمين الجدار. بينفتح الجدار. و بتلاقي إن في حفرة كبيرة نوعاً ما و مكهربة. و طبعاً ما تقدر تمر من خلالها. احين ارجع للجوهرتين العاديّتين و حطّهم على الصخرة(الصخرة تقدر تحط عليها جوهرتين). بعدين رح دف الصخرة في الحفرة و بتطوففي الحفرة(لازم يكون على الصخرة الجوهرتين). و طب على الصخرة هذي(يطب تلقائياً إذا مشيت على قدّام). و بعدين طب للناحية ثانية. بتلاقي صخرة ثانية عليها جوهرة، بس دفّها قدّام. بعدين ارجع ورا(للمكان اللي قبل الجدار). و رح يسار. بتلاقي شي ينوّر على الأرض، ادعسه. بعدين ارجع، بتلاقي الصخرة اللي رميتها رجعت و معها الجوهرتين. خذ هذول الجوهرتين ركّبهم في أوّل مكان دخلته و حط الجوهرتين. بعدين ارجع للمكان اللي فيه الجوهرة المكهربة. و شيلها(لا يهمّك إن الجدار انغلق). و حطّها في يسار الجدار. و بترتفع دائرة من الأرض. رح لها و اضغط عندها زر الآكشن و بترتفع.
و الباقي سهل ما يبغاله شرح.
أعتذر إذا كان الشرح مو واضح مرّة، بس هذا اللي قدرت أسوّيه.
النهاية
)
)) ....
