بعد مدة دامت 3 سنوات بعيدا عن فاينل فانتسي...ها انا قادم بالسؤال النوبي

[.::RaK_BoY::.]

السلام عليكم

كيف حالكم

بغيت اسألكم سؤال عبيط شوي

شو الenfeebling magics اللي لازم استخدمهم للوحش

وعلى حسب ذاكرتي ان في انفيبل يكنسل الثاني

فممكن حد يخبرني وش هم

[dark_dot]

اذا كنت في فالكيرم
لا تستخدم bio على crab
لان bio يلغي dia
( حاليا هذه اهم شي )

[DonMusallam]

السلام عليكم.
ال Enfeebling Magic ينقسم حق قسمين، واحد يكون على ال INT و واحد يكون على ال MND.

بالأول، عندنا ال MND:

Dia - يكون في damage على الوحش، و يقلل ال defense ماله.
Slow - من الأسحار المهمة حيل، يبطأ سرعة الوحش (delay).
Paralyze - تشل الموب لما يصير دوره عشان يطق، تفيد وايد.
Silence - تمنع الوحش انه يسوي سحر.

ال INT:

Blind - تطيح الأكورسي للوحش، فيصير miss أكثر من قبل لا تسوي السحر عليه.
Bind - توقف الوحش تخليه ما يقدر يتحرك، لين أحد يطقه.
Gravity - تخلي الوحش بطيء وهو يمشي (يعني ممكن تنحاش هههههه) و تقلل ال evasion بعد.
Dispel - تشيل أي شي ممكن الوحش يكون مسويه لصالحه، مثل Haste أو Protect.
Sleep/Sleep II/Sleepga - تنوم الوحش

آسف إذا نسيت وحدة منهم، توني قاعد من النوم. _-_

Bio ما تعتبر من ال Enfeebling Magic، هذي Dark Magic.

إذا سويت Dia، بعدين سويت عقبها Bio، تتكنسل Dia و تضل Bio، و العكس صحيح.
Bio تصير مثل سم على الوحش + تطيح قوة الAttack مالته.

انت شوف البارتي مالك شنو يحتاج، مثلاً عندك تانك نينجا و evasion عالي و تقريباً أغلب طقات الوحش miss، سو Dia لأن راح تطيح ال Defense فتذبحونه أسرع، لأن اهوا مو قاعد يحوش التانك فماله داعي تطيح ال attack. أما إذا كان عندك تانك Paladin مثلاً، ما عنده evasion وايد و يطقه الموب وايد، سو Bio عشان يقلل من قوة ال attack مالت الوحش.

ما أقدر أشرح أكثر من جذي لأن ال Enfeebling Magic كله يعتمد على نوع الموب اللي انت ضده، و البارتي مالك يتكون من شنو.

أتمنى أكون ساعدتك بشي واستفدت.