الحــلقهَ الاخيــرهَ .. !
//
\\
//
قساة الكون في عيني وقلبـي مـا إهتنـى ومـا إلتـم
قسـى هالوقـت يــا قلـبـي وضـيَّـع كــل راحـاتـي
جروحـي فـوق طاقاتـي بكيـت وفــي عيـونـي دم
رضيت آنـا علـى القسـوه وضاعـت كـل بسماتـي
تعبتْ ومـا صِـدَقْ حَظـي وفـوق الهـم أشيـل الهـم
صغيـرٍ فـي العـمـر آنــا وكبـيـره حـيـل مأسـاتـي
محـدْ يـدري عـن أخبـاري محـد فـي دنيتـي مهتـم
وحيدْ أمشي مـع همِّـي وكبيـرْ الحـزْن فـي ذاتـي
سِمَعْ قلبـي عَـنْ الراحَـه واهيَّـه مِـنْ الوهـم أوهـم
أعيـشْ آنـا بـوسـط واقــعْ نهايـاتـي فــي بدايـاتـي
ياليـت تفيدنـي الحسـره يالـيـت أرتــاح لــو أنــدم
صعـبْ أرتـاح فـي الدنيـا حـزيـنْ بـكـلْ حـالاتـي
سفينه مِنْ الصعب ترسى واهي مِنْ الموجْ تتحطم
أشـوف البحـر فـي عينـي لقيـت المـوجْ دمعـاتـي
كثير قلـوب غرقانـه واهـي مـنْ الوقـتْ مـا تسلـم
بحـر هالوقـت هَـمْ يـغـدر وهــذا معـنـى كلمـاتـي
يـا قلبـي الطِيـبْ مـا ينْفَـعْ عشـانـي ركِّــزْ وإفـهـم
أنــا ملِّـيـتْ أعـلِّــم فِـيــكْ وإنـــتَ تـزيــدْ آهـاتــي
أمانـه كـان لِـي خاطـر مِــنْ الـلِّـي صــار تتعـلـم
ويــا قلـبـي إتــرك الطيـبـه بـعـد قـصـة مُعانـاتـي
مر اليوم على فهد مخنوق يحس قلبه مو مرتاح في شي مضيق عليه انفاسه....
تمدد على سريره وعينه بالسقف يتأمل ويفكر ويتذكر حور بكل لحظه دموعها وابتسامتها وجمالها الغريب ..
بوسط افكاره دخلوه عليه خواته:مرحبااا ..
قعد فهد وابتسم لهم:هلا وغلا تعالواا قربووا ..
روان:لا نخليك شكلك تبي تنام بس قلنا نمر عليك ..
فهد:فديتكم تعالوا ماني نايم بس كنت متمدد ..
راحت رهف تركض ونطت بحضن اخوها:احبك
فهد:شي يديد يعني ادري انج تحبيني ..
رهف بنظره غضب:لا ما احبك خلاص ..
فهد يقرصها من خدها:ههههههههه عووبه ماينقدر عليج ..
رهف:ااااااي شوي شوي مو شايف خد حلو يعني .. بعلم عليك ..
فهد:منو تعلمين .؟؟ روان يعني؟؟
رهف:لا لا بعلم حور لانها تحبني وراح تطقك ..
فز قلب فهد وطالع روان الي كانت تبتسم له ورجع كلم رهف:وانتي بعدين معاج.. خلاص علمي حور نشوف شنو راح تسوي لج هالحور هذي..
تموا قاعدين مع اخوهم لين غلبهم النعاس وناموا عنده بالدار ..
:::
على اذان الفجر اطلعت ام حور من الدار راحت تتوضا عشان الصلاه بس لفت انتباها ليتات دار حور مفتوحين :معقوله حور قاعده للحين.. اي اكيد سهر ع التلفزيون .. خل ادخل اشوفها...وكانت الصدمه ... حووور على سجاده الصلااه من يصدق .. ؟؟؟؟؟!!!!
التفت حور على امها واهي تبتسم: هلا يمه حيااج ..
ام حور:الله يهديج يا يمه والله فرحت بشوفتج .. وانتي على هالسجاده تذكرين ربج ..
حور بدموع الندم:يمه راح من عمري الشي الكثير ولازم اعووض
ام حور تبجي وتحضن بنتها: الله يهديج يا يمه ويفرح قلبج دنيا واخره ويهدي باالج ..
حور:ان شاءالله يا يمه ان شاءالله ..
طلعت ام حور واهي مستانسه ومستغربه حال بنتها بس دعت لها بالصلاح والهدايه والله يستر عليها ويصلحها ..
::
حور:وينك يا فهد كل ماتصل عليك ماترد ..؟
فهد بصوت تعبان:اسف يالغاليه بس والله تعبان من الشغل ماعندي وقت .. ادري مقصر معاااج بس عذريني حبيبتي كل هذا عشانج وعشان خواتي ..
حور:فهد حبيبي عشان خاطري فكر بالي قلته لك . .
فهد:قصدج وضيفه بشركه ابوج؟
حور: ايْ
فهد:حور بيكون اخر يوم بحياتي ان فكرت بهالطريقه انا ما حبيتج عشان تساعديني وتوضفيني عند ابوج..
حور انا قادر اعيشج بس لازم تتحملين طبيعه شغلي.. شوفه عينج ليل نهار اشتغل ..
حور تبجي: بس جذي راح تتعب .
فهد بحنيه:وانتي ليش تبجين فديتج؟ انا متعود جذي ..
حور:بس انت كنت تشتغل عشان خواتك والحين انا صرت عاله عليك ..
فهد:حوووور شنو هالكلام ..؟ والله ازعل منج .. ليش صايره حساسه جذي ... انتي قويه وماعهدتج بهالطريقه ..
حور:فهد مو بيدي .. لاتلومني ..
فهد يبتسم:زين حبيبتي .. اهدي شوي .. وشرايج باخذ البنات الحديقه اتين تغيرين جو معاهم ..
حور:خلاص من عيوني الحين ايي ..
طلع فهد ومعاه خواته وهناك تلاقوا بحور ..
طبعا رهف علقت بحور وماتبي احد يقرب صوبهم وصارت تشكي من فهد ومن روان وكأن حور امها وبتاخذ حقها من الي زعلوها .. وشي اكيد حور واقفه معاها وزفت فهد وروان وبردت نار رهف.. ومن بعدها راحوا رهف وروان يتمشون ويلعبون وفضى الجو على فهد وحور .. وبدا فهد الكلام:ليش اشوف الحزن بعيون الغاليه ؟؟
حور تبتسم وتطالع فيه:من قال حزن؟
فهد:انا اقول .. لاني حاس قيه .. مو احنا واحد .. ومشاعرنا وحده ..؟ يعني حاس فيج ..
حور:فهد حزني الوحيد اني افقدك..
فهد لاشعوري مسك ادينها حيل:شتقولين حووووور؟؟ والله ودفنتي طول ما انا عايش انتي بتكونين معااي ..
حور تبعد ايدها وتطالع الفرااغ:فهد تقدر تقنع امي وابوي ؟؟
فهد:راح اقنعهم .. لاتخاافين .. حبيبتي تكفين عشان خاطري لاتفكرين وايد انا معاج صدقيني مابخليج ..
حور:فهد والله ماحبيت انسان كثرك ولا ضحيت عشان انسان كثرك .. عشان جذي انا اما اكون لك والا تحت الترااااب ..
فهد:سملا عليج شهالحجي؟؟ حور غيري الموضوع وربي ازعل منج ..
ارجعوا البنات:فهد يوعانين ...
فهد : وانتوا كله يوعانين وبس ..
حور:شنو تبون؟
فهد:شنو شنو يبون؟ انتوا قولولي شنو تبوون اليوم انا عازمكم ..
رهف بدت تطلب وتطلب وفهد يسمع ولا يعبر بالاخير طلب لهم عشى على ذوقه وذوق حور وتعشوا ورهف معصبه كالعاده ماعندها غير العصبيه ..
:::
حور:جد فهد اليوووم ؟؟
فهد:اي اليوم بعد صلاه المغرب بكون عندكم ..
حور طايره من الفرح:فهد قول الصج اكيييييد؟؟
فهد يضحك:حبيبتي وبعدين ؟ يعني اجذب عليج مثلا ... والله بكون عندج وبطلبج من ابوج ..
حور:يالله وربي مو مصدقه .. فهد انا فرحانه حيييييييل ..
فهد يبتسم وياخذ نفس:عسى دووم يارب .. يلا فديتج اخليج الحين بروح اخلص كم شغله وايي لكم ..
حور:اوكي حبيبي فمان الله ..
سكر فهد الخط وحور مستانسه تدور بالغرفه وتطلع ملابس وتعفس الدنيا بدون وعي اي شي المهم انها تطلع فرحتها وما تكبتها ..
صار المغرب ووصل فهد بيت حور واستقبله ابوها : حياك يا ولدي تفضل ..
فهد:الله يحيك عمي تسلم ماتقصر ..
ابو حور: تفضل بس اطلب ضيافتك وارجع لك .
دخل فهد الديوانيه واهو مبهور من هالفخامه الي شافته عينه والجاه والعز الي اهما فيه :اااه ياحور وربي احساسي يقول ماراح تفرحين معاي .. ياخوفي يكون كل هالحب اندفاااع منج مو اكثر .. صحيح اني احبج واموت بالارض الي تمشين عليها بس الماده راح تتعبج ووتتعبني .. بس بسوي المستحيل عشان اسعدج انتي ضحيتي عشاني وانا بتعب عشاانج...
رجع ابو حور وضيف فهد وبدا الحوار ..
ابو حور: والنعم منك يا وليدي .. بس ماقلت لي انت وين تشتغل ؟؟
فهد : عمي انا اشتغل اعمال حره .
ابو حور : مافهمت وين بالضبط؟
فهد محتار شنو يقول حق الريال:عمي بصراحه انـا مالي مكان معين اشتغل فيه بس ربك كريم .. واقدر ادبر عيشتي ..
ابو حور منعجب بقوه فهد وتحمله المسؤليه وبنفس الوقت مايقدر يضحي ببنته:بس ياولدي انت قادر تفتح بيت وزوجه وعيال..؟
فهد بكل شموخه واعتزازه بنفسه : عمي انا لو مو قادر ما طلبت ايد بينتك .. وان شاءالله اني بسعدها .. واحطها بعيوني ..
ابو حور : كفو يا فهد .. بس انت عارف حور تدرس ولازم تكمل دراستها وحياتها ومايقصرها شي .. بنتي اعرفها مدلله ماترضى بالقليل ..
فهد يحس الامور تصعب جدامه:وان شاءالله يا عمي مابقصر عليها وبخليها تعيش احلى عيشه ..
ابوحور:ربك كريم .. عطنا مجال كم يوم وانا برد لك الخبر بنفسي ..
فهد:على خير ان شااءلله .. بالاذن عمي .. ومشكور ماقصرت ..
ابو حور:اذنك معاك .. حياك الله ..
بعد ما طلع فهد طرشت حور مسج:طمني شصار؟
فهد مو عارف شنو يرد عليها لان للحين ماصار شي اكيد وخايف من الي بيصير بس مايبي يخوفها معاه..
طرش لها مسج {لا تحاتين فديتج كل شي بخير .. وادعي ربج انه يحلها ..}
وصل المسج ودخل ابو حور على بنته بنفس الوقت:
حور:هلا يبا حيااك ..
ابو حور بجديه تامه:حور عندج خبر بالي ياي يخطبج؟؟
حور بثقه : اي ادري ..
ابو حور بعصبيه:تدرييييين ؟؟ ومن وين تعرفينه انتي ؟؟؟ وان شاءالله موافقه بعد ؟؟
حور:اي موافقه ..
ابو حور:شايفه الدار الي انتي فيها .. والله مالج طلعه منها الا عالمقبره دام هذا الي تبينه ..
حور بصوت عالي:وانت شعليك مني ؟؟ اليوم عرفتني اليوم ياي تخطط لحياااتي .. محد له شغل فيني وفهد باخذه باخذه ..
ماخلصت كلامها الا والطرااق على خدها:جبببببب يا قليله الادب .. وتعليييين صوتج علي بعد ؟؟ صج اني ماعرفت اربيج بس صبري والله يا حور موتج على ايدي ولا هالولد ..
حور واهي ماسكه خدها من قوه الطراق:الي بتسويه سووه ماهميتني فهههد ليييييي انا وبس ..
صارت تبجي بصوت عالي وتشااهق ...
طلع ابو حور من الدار وقفل الباب واخذ المفتاح معاه ..
وقفت حور تطق الباب : حرااام علييييييك افتح الباااااااب افتتتتتتحه يا ظاالم .. اليوم عرفت انه لك بنت اليوم حسيت انك ابوي ويااااااااااي تتحكم فيني .... طلعوووووووووني ...
ام حور:حرام عليك يا جاسم لاتموت البنت .. افتح لها الباب لاتسوي فيها جذي ..
ابو حور بعصبيه:قسما بالله يا مره ان ماسكتي ولميتي نفسج انتي وبنتج الا تحرمين علي انتي فااااااااهمه ..
ام حور تترجاه:الله يخليك طول باالك .. وخلنا نتفااهم .. وبالاقنااع نقدر نمشي راينا ع البنت . بس انت لا تسوي فيها جذي ..
ابو حور:هذا اخر الدلع والتسيب .. تصارخ بوجهي انا ابوها تصارخ بوجهييي والله الا اخليها تندم على كل حرف قالته ..
وفهد هذا ان ما تركها وبعد عنها والله انه موته وموتها على ايدي ..
ام حور حاطه ايدها على حلجها:تذبح ضناااك يا ريااال شصار فييك شنو تقول انت ..
ابو حور:سمعي يا مره انا طالع بس والله ان انفتح الباب حق هالكلبه الي داخل ما بتلومين الا نفسج ..
طلع ابو حور وام حور تبجي على صوت بنتها وصراخها:يماااا فتحي الباااااااااب الله يخليج فتحي البااااب يماااااااااا ..
ام حور عند الباب:يمه يا حور لا تبجين والله مابيدي شي اسوييييييه ابوج مهددني والمفتاح معااه ..
فجأه سكتت حور بعد البجي والصرااخ....وراحت ام حور بعد ما تعبت واهي تنادي بنتها بس قالت اكيد انها نامت .
::
فهد كان قلبه ناغزه وحاس انه صاير شي حاول ينام بس ماقدر من كثر التفكير شوي الا يسمع صوت النقال يرن ارفعه بسرعه وكانت حور وصوتها مبحوح من البجي :فههههد ..
فهد:حوووووور شفييييييج ؟؟ شصاااااااير ؟؟
حور بصوتها التعباان البااكي:فهــد الحق علي ...
تعدل فهد بقعدته وقلبه يدق:حبيبتي شفيج فهميني شنو صار لج ... ابوج سوى شي .. قال شي؟؟
حور من بين دموعها:ابوي حابسني بالدااااار وطقني ..
فهد حس بالنار تسعر بجسمه:ليييييييش شسويتي تكلمي لاتخوفيني ..
حور:فهد ابوي مو موااااااافق .. مو موااااااافق ..
فهد تسكرت الدنيا بعينه بس لازم يهدي عليها :حور حبيبتي انتي طولي بالج ولا تبجين ..
حور:اطووول باااااالي ؟؟ فهد اقولك ابويييي مو رااااااضي << وصارت تبجي بصووت يقطع القلب ..
فهد:حور تكفين لا تبجين ابوس ادينج بس .. خلاص لازم نلاقي حل .. بس رجيتج لا تبجين .
حور:فهد انـا خايفه ..
فهد:عيون فهد ودنيته لا تخاافين .. صدقيني راح نلاقي حل .. بس انتي لا تبجين .. وحطي بالج على صحتج .. لاتنسين انج تعبانه .. لا تخليني اخااف عليج اكثر ..
حور:ان شااءالله نلاقي حل .. ولا تحاتيني صحيتي زينه ..
فهد:حبيبتي روحي نامي وارتاحي وابوج الله راح يهديه ويفتح الباب بس انتي لا تعصبين وتقولين له كلام يزعله زين عمري؟
حور بإنصياغ تام:ان شااءالله ..
فهد:عفيه عليج قلبي .. يلا حبيبتي تصبحين على خير .. وتغطي عدل عن البرد ..
حور:وانت من اهل الخير .. ان شاءاالله ..
:::
مرت اياام صعبه على الطرفين فهد يحاول بكل السبل والطرق انه يكسب موافقة ابو حور لكن بدون جدوى .. وحور حبيسه الدار والحاله الصحيه من انتكاسه الى انتكااسه .. مرتين يغمى عليها وتطيح بسبب ضعف بصمامات القلب ..
والامر والادهى من كل هذا الخبر الي زفه لها ابوها على طبق من جروووح وقهر لقلب هالبنت : جهزي نفسج ومن باجر راح يملج عليج سلطان ولد عبدالله الــ .. هذوول الناس الي نتشرف فيهم مو فهد ولد الفقر والزباله ..
حور بعدم تصديق:شنووووو باجر ملجتييييييي؟؟؟ لاااااااا يبااااااااا حراااااااام عليييييييك لااااااااااا مابيييييييه ..
ابو حور بعصبيه والنار تطلع من عيونه:حوووووووور كلمه زايده مابي اسمع وباجر الملجه والزوااج اذا مو عاجبج ...
حور تبجي وتطيح على ريول ابوها:يباا ابوس ريلك ابوس ايدك لا تسوي فيني .. يبا اذبحني بس لاتجبرني على سلطان ..
ابو حور بقلب قاسي دز بنته عنه : تسوين بعمرج كل هذا عشان واحد حثاله مثل فهد ؟؟؟ مالج غير سلطااان يا بنت جاسم وعينج تشوووف ...
طلع عن بنته واهي بالارض ملتمه على نفسها وتبجي ادخلت عليها امها واحضنتها:بس يا يمه خلااص لاتبجين شوفي شصار بحاالج .. اكثر من شهر وانتي على هالحال حراام رحمي نفسج ورحميني معااااااااج ...
حور من الخوف متمسكه بحضن امها وتبجي:يماا مااااااابيه ماااااابيه ليش تسوون فيني جذي؟؟ يمه فهد اهو الي غير حياتي يمه اهو الي حبني من قلبه .. اهو الي علمني على الطريج الصح .. يمه ابووووي وينه عني طول هالسنين ويييييينه؟؟
اليوم عرفني ؟؟ اليوم تذكر انه عنده بنت ؟؟ يمه فهد قدم لي الي انتوا ماقدمتوه لي .. فهد قدم لي كل الي كنت احتااجه وما خذيته منكم .. فقر فهد الي مو عاجبك علمني معنى الحياااااه علمني شلون الصبر علمني وايد اشياااء ..
يمه تكفوووووووون لا تحرموووووني منه تكفوون ابوس ايدج يا يمه كلمي ابووووي ...
ام حور تبجي وتمسح على راس بنتها : اهدي يمه اهدي .. خلاص الي تبينه يصير بس اهدي .. لاحول ولاقوة الا باالله...
.....
باليوم الثاني كان ابو حور على وعده وفعلا المعرس موجود وابوه والشيخ الي بيملج عليهم .. وحور الصدمه ماخذه دور عندها .. مو قادره تسوي شي ولا تفكر من الحيره .. تليفونها عند ابوها والباب مقفل عليها وابوها راح يزوجها غصبا عليها....
حاول ابو حور انه يقنع الملاج بانه يوقع عن بنته لكن الشيخ رافض ولازم موافقة البنت قبل كل شي ..
طلع ابو حور عند بنته عشان تنزل معاه وتوقع حتى لو وصل معاه الحل للطق ..
وقف عند الباب وطقه قبل لايدخل بس ماردت عليه فتح الغرفه بس صار الشي الي ماحط له حساااااب .. حووور مو موجوده ...
.........
رهف بخوف:فهد البااااااب ينطق صوته عاااااالي ..
طلع فهد يركض لان طقت الباب مو طبيعيه اول مافتحه انصدم من الي شااافه:حوووووووور ...
حور بدموع الضعيف المغلوب على امره:فهـــــد يبون يزوجوووني ..
اخذها فهد داخل وتم ماسكها من ادينها ويهدي عليها : عمري تكفين لا تبجين سمعيني حوور وقفي دموعج ..
حور:فهد اموت ولا اتزووج غيرك ..
روان ورهف كانوا ورا الباب ويبجون على حال حور ...
فهد:حبيبتي عمري انتي .. الي قاعد يصير مو بإيدينا .. وابوج رافضني رفض قطعي لو اقدم له كنوزالدنيا ماراح يرضى فيني .. وهذا الكلام قاله لي بالحرف الواحد ..
حور:شنو يعني ..
فهد:يعني يا حور شوفي حياتج ..
حور تبجي وتطالع فهد:تتخلى عني ؟؟؟
فهد بقهر :مو بكييييفيييي.... ابوووج ما ترك لي مجاااااال .. قوليلي شنو اسوي شنو الحل ..
حور: يعني خلاص .. ما تبيني ..
فهد بجنون:انا ابييييج اليوم قبل باااااااجر ابيج زوجه لي وحبيبه وكل شي بالنسبه لي انتي يا حووور .. بس القدر اقوى مني ومنج .. انا حاوولت والله حاااولت .. ولو بيدي اخذتج وطلعت فيج من الديره بس مابي سمعتج يحوشها غبار بسببي .. ياحور انا احبج واحب الارض الي تمشين عليها .. بس ..
حور:بس نفترق صح ...
قرب لها فهد ومسكها من كتوفها:حطي عينج بعيوني .. شنو تشوفين فيها ؟؟
نزلت راسها ودخلت بنوبه بكااء : احببببببك والله احببببببك ..
ضغط عليها اكثر وغمض عيونه:وفهد يموت فيج .. ويعشقج .. وماله حياة من دونج ... حوووور ..
حور:لبيييه ..
فهد:تعالي معاااي ..
حور:وين..
فهد:نروح حق ابووج ..
حور:يذبحني
فهد يبتسم لها:يذبحج وانا معاج مجنونه انتي ..؟
حور:خايفه .. فهد انا انحشت من داري والشيخ وسلطان بالبيت ..
فهد:انتي تحبيني صح؟؟
حور:اكييد
فهد:مستعده تعيشين معاي بكل حالاتي صح؟
حور:اي..
فهد:خلاص تعالي معاااي ..
حور تمسك ادينه:فهد
فهد:هلا
حور:اذا طلعت من بيتك اما اني ارجع له او اموت ..
فهد:مصيرنا واحد فاهمه ..
حور تبجي:خواتك ؟؟
فهد:راح نرجع لهم .. يلا امشي ..
طلعوا فهد وحور كان الجو باارد والسماا متلبده بالغيووم
طول الطريج كانوا ساكتين والاحلام تنولد وتموت بعيون فهد وحور ..هل بيجمعهم المصير والا لا ...؟
...
ابو حور:بنتج سودت ويهنا وانحاااشت اكيييييييد رااحت عند الحقير فهد .. والله ان مسكتها ما بتركها الا واهي ميته ..
ام حور تبجي : الحين مو وقت كلامك روح شوف البنت وين راااااحت اخااف صار لها شي .. البنت مريضه لا يصير لها شي ياريااال تكفى قوم دورها ..
ابو حور والشرر يتطاير من عيونه: مابرتااح لين اشرب من دمها سودت ويهي الله يسود ويها ..
....
نزل فهد من السياره وفتح لها الباب واخذها من ايدها يمشيها لانها من الخوف فقدت كل توازنها :شفيج؟؟
حور بنظرات غريبه:احبك ..
فهد خايف عليها:عمري فيج شي تحسين بشي ؟؟
حور تبتسم بألم:لا ..
فهد:اكيد..
حور تهز راسها تأكد له انها بخير..
وصل فهد عند الباب ودخلتهم الخدامه وراحت تركض تقولهم انه حور رجعت ..
ماري:بابا بابا ماما حور يجي براا ..
ابو حور فتح عيونه من الغضب وطلع بسرعه وام حور وراه تركض : لا تسوي شي تكفى خلنا نفهم من البنت شنو الي صااار ..
اول ماشافها وشاف فهد يمها جن جنونه وطار عقله مسكها من ايدها وقبل لا يسحبها وقف بويهه فهد وبعده عنها:لا ياعمي لا ما رجعتها عشان تطقها .. طول بالك وخلنا نتفااهم احسن ..
ابو حور فقد صبره واعصاابه دز فهد بكل قوته لين فقد توازنه وطاح ع الارض...
صارت حور بين ادين ابوها ومارحمها من اول لمسه له كانت كفيله انها تذبحها رفسها بكل قوته على بطنها والضرب القاسي على كل انحاء جسدها .. وفهد كان يبعده عنها ويصرخ فيه : بنتك يا رياال ارحمها ابعد عنهااااااا ..
صارت الطوفه ورا فهد بالضبط وقبل لا يسحب حور من ابوها وتصير بين ادينه رفسها ابوها للمره الثالثه وكانت هالرفسه مثل الي تقصم ظهر البعير قوة جسدها وضربت ابوها اثرت فيها وبفهد الي طق فيه الطوووف والاام ظهره صرخ فهد من قوة الالم وحور على صدره متشبثه فيه والدم يسيل من حلجها وخشمها...طاح فهد ع الارض وحور بين ادينه اخر صوت يطلع من حور كان صوت الالم والانين :اااااااه ...
فهد بالم حاول يتمسك فيها:حوووور حووور كلمينييييي ...
حور بأنفاس متقطعه:روح روح لايذبحكــ ..
فهد يبجي : حور فتحي عينج كلميني ... حوووور
حور بقمة تعبها مدت ايدها وامسكت ادينه ..
رجع ابوها كان بيكمل عليها بالسكين الي بيده بعد ماحبس امها بالصاله وسكر الباب عليها .. لكن قشعر جسمه من المنظر الي شافه وحرك كل الاحساس فيه .. بنته غرقانه بدمها وبحضن الغريب طايحه .. السما بدت تمطر رفع عينه وراح صوب بنته يسحبها عن صدر فهد .. دزه فهد ورجع يحرك حور من كتوفها .. حور حور فتحي عينج حبيبتي تكفين خليج معاي كلميني .. حور لا تخليني انا وعدتج بنكون لبعض ..حبيبتي رديييييييييييي ...
فهد ميت بجي وابوها واقف مصدوم موقادر يجمع افكاره ويسوي شي ..
همست حور واهي دافنه راسها بصدر فهد:فهد
فهد بلهفه:عمر فهد بس كلميني ..
حور:أحبـكــ .. بموت على صدرك .. برداااانه حبيبي البرد ذبحني .. لا تبعد عني بموت فهد بمووووت ..
سحب جاكيته بسرعه من ظهره ولفها فيه واهو يبجي .. كان بيشيلها ياخذها الطبيب بس خرت كل قواه من شافها مستسلمه وادينها طايحه يمين وشمال يمه صرخ بصوت عالي:حوووووووووووووووووووووور
زلزل اركاان المكان بصوته ونحيب بكاااه .. لييييش ياحووور ليييييييييييييش ..... حووووووووور اصحي اصحي كلميني .. انتي مامتييييي لاااااااا يااااااااااااربي لااااااااااااااااااااااااااا ....
طاح ابو حور على ركبته موقادر يقرب صوب بنته الي ماتت بسببه وسبب ظلمه وجشعه :سامحيني يا بنتي ساامحييينييي
لمها فهد على صدره وكأنه يعوض ايام الحرمااان والخوف والضياع الي عاشتها حوور بعيد عنه ...
انكسر قلب فهد وتهشمت ليالي حبه وايام الحنين .. ..
بكت السماء امطار على حب مات بسبب الظرووف عشق انولد وتوفي بلحظاته ..
لاخر مره ضمها ولملم دموعه على خدها وهمس بأذنها:
ناااامي و [ قلبي ] لگ وسادة ..
إلا گلي لك وسادة ..
وإحلمي حلم السعادة ..
ياحياتي والمنى ..
يالسعادة والهنا ..
................................
انتهت حيااة حور ومات احساس فهد بالحياه .. اجمل ما عطاه ربه فقده بيوم وليله .. ماتت حور نوبه قلبيه ..
ومات فهد من حنينه وشوقه .. مات واهو حي يتنفس هوا الدنيا.. اظلمت الحياه بعينه ..
رهف صارت تبجي ليل نهار على فراق حور وروان صارت لهم الام الي تحاول تهدي عليهم وتنسيهم الي مااات ومضى ..
صار القبر من اساسيات فهد .. يومي يزورها ويكلمها .. واليوم ودعها الودااع الاخير ..
يا قبر أعز إنسان غالـي رقـد فيـك
خفف عليه مـن التـراب الثقيلـي
يا قبر ما ني طيبـه عقـب راعيـك
إلي راعانـي صـار عندكـنزيلـي
أغليك أنا يا قبر من حب الي نزل فيك
مرحوم يا راعـي الوفـا والجميلـي
ياللي سكنت القبر صوتـي يناديـك
موتكـجرح قلبـي وهـد حيلـي
ما أنساكـوالله لين قبـري يوازيـك
وأعلن من الدنيا العريضـه رحيلـي
مــع تحيــَاتيِ واحترااَميِ ..
{غــُـــربَـــــــَةَ الأحــَزاانْ}
//
\\
//
{ ,, ليـَلهَ بكـَتَ بِهاَ السمَااءْ ’’ } / لـِ : غُربة الأحــَزاآن ..!
المشاركة الأصلية كتبت بواسطة *غربة الأحزان*
