أهلا فيج في المنتدى
ومع اني ما ادخل وايد ولا أعلق وايد
لكن في العنوان انتي طالبة راينا بصراحة
وبصراحة أجوف ردود الأعضاء لاتودي ولا تييب..
تبين الصراحة
في اشياء وايد لازم تهتمين فيها
أولها هي طريقة عرضج حق الرسمة
مبين من الرسوم انها مصورة بكاميرا جوال
أول شي انتي هني تغلطين في حق نفسج لانج ما تعرضين رسمتج بشكل واضح وتظهر حق المشاهد على النت بأقل من جودتها
حاولي تسكنرين الرسوم يكون أحسن
وتضبطين ألوانهم بعدين على الفوتوشوب او اي برنامج ثاني وبعدين تعرضينهم بعد ما تكتبين اسمج عليهم بطريقة مرتبة
والاحسن تسوين لج توقيع يكون ثابت وبعدين تركبينه على كل رسوماتج
ثاني شي نيي حق الرسم نفسه
شكلج ترسمين انيمي..
فحاولي انج تهتمين اكثر انج ترسمين مقاسات الجسم والوجه صحيحة
انج ترسمين عين وبس هاي ما بيعلمج انج ترسمين شي كامل
حاولي تدورين دروس في النت وخصوصا موقع
www.devianart.com
عن دروس في الرسم والتلوين وتطبقينهم
بتستفيدين اكثر
رسمة المراكب
شكلها بألوان الشمع او الاويل باستيل
اذا كنتي تحاولين في هالرسمة انج ترسمين منظر طبيعي فحطي في بالج ان المراكب الحقيقية من الزاوية اللي انتي راسمتها مستحيل تبين بهالطريقة
جوفي المركب البرتقالي اللي علي يسارنا راكب فوق الاخضر
وهاي مستحيل يصير لان المركب له عمق من ورا
حطي الاعماق والابعاد في بالج وانتي ترسمين
وبعدين طريقة التلوين
طالعة الرسمة كلها على بعضها مثل الرسوم اللي نرسمها أيام ما كنا في ابتدائي في حصص الرسم
حاولي تكونين احترافية أكثر في رسمج وتلوينج
ما اقصد اني ا حبطج من الكلام اللي كتبته
لكن انصحج علشان تساعدين نفسج انج تتحسنين في الرسم
والا اذا تمينا على تعليقات نترقب الجديد على احر من الجمر ويعطيج العافية واستعملي الزيتي
ماراح نوصل مكان
ما اقول اني رسامة خطيرة.. انا لين الحين اتعلم
وان شاءالله ما تاخذين تعليقي بحساسية
يعطيج العافية
رد: معرضي الأول >> ابي رايكم بكل صراحه .. بس بدون تحطيم هههههههههههه
