سوريا بلد الكل

[hanna sorya]

انا و عيلتي الكبيرة قدرنا ندبر اجازة بآخر شهر تموز و رحنا على سوريا بلدي تسوحنا و صيفنا و شفنا آثارها يللي كل العالم بيحكي فيها.

برنامجنا كان كتير حلو شمل خلال عشر ايام معظم سوريا و اهم المناطق فيها... كان عنا مجال انو نستأجر سيارة نروح فيها وين ما بدنا.

شفنا انا و المجموعة (صرلنا بكندا 18 سنة) كتير من قلاع سوريا (قلعة الحصن - حصن سليمان - قلعة حلب...) و مناطق التصييف (صافيتا - كسب - مشتى الحلو...) و المواقع الاثرية المهمة (ايبلا - افاميا - بصرى - تدمر...) و طبعا شفنا المتاحف و الاسواق القديمة بكل مدينة..

جبنا هدايا انتيك و خشب و حفر عالخشب و النحاس... اراكيل و مسابح زجاجية ... كلا لقيناها باسواق الاعمال اليدوية

وازا بقدر آخد اجازة السنة الجاية بدي ارجع مع غروب كندي هالمرة مشان خليهون يعرفو بلدي اديش حلوة

[Ana Mosh Ana]

معك حق hanna بلدنا كتير حلوة وبتجنن فيها مناظر عنجد بتطير العقل بس بتعرف شو

نحنا ما في عنا تنظيم كويس للسياحة وناقصنا اهتمام بكل الاشياء اللي حكيت انت عنها واللي زرتها

يمكن سوء تنظيم من الحكومة او يمكن من الشعب نفسو . بس ان شاء الله منصير وعم نصير أحسن

رحتوا على اللاذقية ولا لا هيدي مدينتي الحبيبة بتجنن ( لاذقية العرب )

تسلم أخوي على الموضوع

وما ننحرم منك

[hanna sorya]

طبيعي شفنا اللادقية، بصير نشوف حصن سليمان و نطلع عكسب بدون ما ندور باللادقية و نحضر الغروب عبحر بلدي؟

[ROONEY.10]

مشكور على الموضوع