-
نصائح مهمة لطلاب علوم الحاسب
هادا الموضوع هو خصوصي كنت مساويه لطلاب المعلوماتية بالشام عنا وحبيت شارككم فيه يلي بيدرس علوم حاسب او بشكل حر يمكن يستفاد من هدول النصائح
ترجمة لأهم الأفكار
هناك 6 نصائح مهمة لكل مبرمج لح ترجملكون ياها بلغة عامية لحتى تفهمو يلي بدي ياه وكمان لانو مالي خلق قعد ساعة تدقيق لغوي هادا كوني ما بطيق الفصحة (:
ولح احكي وجهة نظري بالقصة ببعض الاحيان وحكي دكاترة
ارجو الفائدة واعذروني على عدم التنسيق اللغوي
1*-تعلم كيف تكتب قبل ان تبرمج :
يتسائل الكتاب هل كان لينوس تروفالدس (مؤسس لينكس )لينجح لولا قدرته الإبداعية بالكتابة ووصف ما يريد ببساطة
إن المبرمج الجيد يجب ان يكون لديه اقدرة على إيصال الأفكار بلغة واضحة بعيدة عن الغموض وهنا ينصح الكاتب المبرمجين في الويلايات المتحدة ان يكون لديهم قدرة إبداعية على الكتابة
بالإنجليزي تخيلو هالشي بقى نحنا شو بدنا نقول منشان هيك لازم نتقن الإنجليزي كتابة ومحادثة ونحاول أهم شي انو نقدر نبلور أفكارنا بلغة مكتوبة
الكتاب مرة تانية عم بيتسائل هل كنت لح تسمع بالإكس بي لولا قدرة أشخاص معينيون على بلوة أفكارهم وتسويقها بشكل رائع
ونحنا بنشوف انو المبرمجين ذويي القدرات الكبيرة هم ممن يملكون قدرة على الكتابة باللغة الإنجليزية والقراءة والمحادثة بشكل فطري
منشان هيك لازم نطور اللغة عنا وانا بتذكر انو مرة بحديثي مع الاستاذ رأفت زرقا قلي ونصحني كتير كتير انو قوي الإنجليزي تبعي محادثة قواعد لغة ألخ ...
للأسف نحنا عم بنشوف انو بكليتنا طلاب المعلوماتية بيعتمدو بشكل كبير على المناهج وخلص يعني لازم نهتم باللغة الإنجليزية كتير كتير ومنشان العربي بتصور هي كمان نفس الشي بس مو بأهمية الإنجليزي كشغل
وبيكمل حكيو المعلم وبيقول انو الفرق بين المبرمج الجيد والمشموس مو هو لغة البرمجة يلي بيستعلمها او بقدرته على استعمال اللغة بشمل متقن قد ما هي بجد قدرة المبرمج على إيصال افكار وإقناع الشخص بأفكاره
يعني بجد انا بتذكر كشي شخصي انو وقت عملي البرمجة 1 ما كان عندي قدرات برمجية قد ما كان عندي قدرة على إقناع الاستاذ اني فهمان بهالشي يلي عم بشتغل فيه
وفي كتير من رفقاتي كانو فهمانين أكتر مني بكتير شغلات بس ما كان عندون قدرة التعبير ووقت فحوصة العملي كان ياكلها نظامي بقى بتصور انو فحص العلمي هو أكبر مثال يمكن يوضحلكم الفكرة
المبر مج الجيد لازم يمكل قدرة تعبيرية عن يلي ببالو ويحط تعليقات كمان لا ننسى انو التعليقات مو معقولة تكون كتير طويلية بيتلخبط الكود بعدين يعني أقل عدد ممكن من الكلمات لأفضل فكرة
كمان لا تنسى انو كمان لما بتقدر تفهم غيرك الكود تبعك لح تكون بمستوى جيد جدا كمان لا تنسى انو يمكن تكون انت هالزلمة يلي بدو يفهم الكود بعد 6 اشهر من قيامك بالكود
منشان تحقق هالشي مالك غير التالي :انشى صفحة بلوغ على النت او مفكرة شخصية على الانترنت وضلك احكي عن حياتك اليومية او اي شي بالإنجليزي ممكن يفيدك كتير هالشي
2-* تعلم لغة السي قبل ما تتخرج
لاحظ ان الكاتب قال سي مو c++ بالرغم انو لغة ال c صارت كتير قديمة ونادرة الاستعمال بس هي اللغة مهمة من ناحية انو هي أقرب شي الى لغة الآلة حسب قوله ولازم المبرمج دايما يكون على قرب من الهاردوير
وبحب احكي شغلة تتذكرو الدكتور زهير صندوق لما قلنا انو لازم نتعلم الهاردوير قبل ما نبرمج لانو المبرمج يلي بيعرف بالهاردوير بيكون أحسن من يلي ما بيعرف فيو شي منشان هيك لازم تحاول تخصص وقت ولو شي صيفية لتعلم لغة السي بشكل جيد هالشي
حطوه ببالكم بالمستقبل مو هلق لنتعلم باسكال بالأول ؟؟؟ وينك يا فرح
يعني انت لما لح تشتغل لح يكون عندك بلغات برمجة توابع جاهزة لكل شي يعني تتذكرو bubble sort هي تعتبر من الأمور يلي ما حدا بيفكر فيها وخصوصي يلي جرب حدا ويبرمج على الفيجوال بيسك متلي
لح يلاقي انو هاللغة كتير بتعودك على التنبلة وهادا توجه حديث للغات البرمجة وانا كرأيي شخصي منيح وضار بنفس الوقت يعني يلي بدو يقوي حالو لازم يشتغل فيون ومن ناحية تانية كتير بتوفر وقت ومجهود
يعني كل شي بالحاسب بيعتمد على الجمع والطرح وعمليات بسيطة منطقية او غيرها يعني لما بتعمل عملية ضرب فإن المعالج بالذات إن كان معالج CISC يلي بيعتمد على تعليمات معقدة وكتيرة يلي هو عكس RISC يلي بيعتمد على تعليمات بسيطة وقليلة
لما بتتعرف هالشي لح تلاقي انو مثلا انت فتت على الآلة الحاسبة وفتحت الحاسبة وعملت ضرب عددين الضرب بمعالجات RISC بيعتمد على الجمع
بس حدا سال حالو الجمع على شو بيعتمد شو هو يلي أبسط من الجمع ؟؟؟ طبعا مالح تلاقي جواب وحتى إن قلتك اكتبلي برنامج بباسكال يجمع عددين بطريقة بديهية مالح تعرف بعمرك إذا ما بتعرف الآلة شلون بتشتغل ؟ وحتى إذ1ا بتتذكرو البرمجة 1 لما كان الدكتور غسان كويتر يجبلنا امثلة جبلنا مثال
ضرب وقسم ةعن طريق القسمة والطرح بس ابسط من هدول مالح نلاقي
3-* تعلم اسس الاقتصاد قبل ما تتخرج
حاول تاخد دورات بمجال الإقتصاد وفي دورات حتى بمعهد النيوهورازين بهيك اختصاص وهالشي بيدل انو المعلوماتية والاقتصاد بيرتبطو ببعض
لازم مهندس البرمجيات يكون عندو قدرة على فهم المتطلبات السوق بشكل جيد لانو ياما في مهندسين رائعين ومعون افكار رائعة من ناحية برمجية بس بتضل إلون
والسوق ما بيستفاد منها يعني المهندس لازم يعرف سوق العمل بشكل جيد وشو بيتطلب لانو إذا ما عملنا هيك لح يكون كل شغلنا عبارة عن نظريات
والمهندس يلي بيفهم المتطلبات هو ذو قيمة أعلى عند المدير من المبرمج العادي
4-* حبيت هالجملة ومالح عربها لانو بتعبر لحالها عن المضمون
Don't blow off non cs Classes just cuz they're boring
دار مرة بيناتنا حديث انا والمهندس القدير رأفت عن هي القصة كمان وعرفت منو انو الشركات بيهمها كتير انو تعرف معدل الجامعة GPA
منشان تعرفو شو هالاختصار .
ومن وقتها ما كنت اعرف ليش هالسبب يلي بيخلي مدير شركة معلوماتية بدو مهندس برمجيات انو يشوف علامة مواد سئيلة متل الفيزيا والجر العام هادا كسنة أولى بالنسبة إلي
بس لما قريت المقالة فهمت السبب .
السبب بكل بساطة انو المدير لما بدو يوظف مهندس برمجيات لح يشوف علاماتو لا أكيد لا كل يلي لح يشوفو هو معدل التخرج ككل
بس لما بيكون الطالب المعلوماتي عم بيقدر يصبر على مواد معتة ويجيب فيها علامات حلوة فهو قادر على الصبر واحتمال العبىء طبعا القصة انو الشغل معروف عنو منذ الأزل انو بعمرو ما كان مسلي
يمكن يكون في لحظات حلوة في بشكل عام الشغل مالو مفروض يكون مسلي يعني مالح تشتغل بشركة غوغل يلي بتوفر هالشي (: لول
يعني بقى لما الواحد بيقدر يصبر على مواد تعيسة ومالها مسلية ويجيب علامة كويسة فيها فهو قادر على تحمل الضغط
وبتصور وصلت الفكرة
5-*
عميل دورات برمجة مكثفة وهالشي ما بقدر اشرح فيو كتير كوني لساتني غر بالبرمجة بس القضية المهمة انو معظم لغات البرمجة إلها نفس الأسس على الرغم من اختلاف قواعد الكتابة
بس بيضل التفكير البرمجي هو هو
نصيحة لا تحاول تتعلم كتير لغات قد ما تحاول تتقن وحدة .وانا مالي مخول اشرح بهالشي
6-*
شو ما صار حاول تاخد فترات استراحة واستجمام
يعني هالشي أكتر شي نحنا شاطرين فيه بس كمان هو شي ضروري يعني لانو كل شي لازم يكون بحدو الوسط
مقالة Advice for Computer Science College Students
By Joel Spolsky
Sunday, January 02, 2005
Wazzz
________________
-
رد: نصائح مهمة لطلاب علوم الحاسب
هلا اخونا العزيز موضوع شيق
سلمت
-
رد: نصائح مهمة لطلاب علوم الحاسب
مشكور خيو وموضوع مفيد جدا ^^
-
رد: نصائح مهمة لطلاب علوم الحاسب
موضوع جميل أخي الكريم ^_^
وأحب أضيف شي 
يحبذ أدقان اللغة العربيه الفصحه لأنها ستفيدك في التسويق عندما تريد كتابة خطابات 
-
رد: نصائح مهمة لطلاب علوم الحاسب
مشكور
سلمت يداك موضوع مهم
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
