[بامية] شرح طبخة قلقاس و كوارع بالدمعة

[سامي.خ]

ماشي يا افندم، ما تنساش صينية البطاطس بالكفته
ننتظر الملف المبدئي عشان نعرف كيف اللعبة...

[||صقر||]

المستند المبدأى "نسخة 01. "

اسم اللعبة : قصة طبق (لسة الأسم ممكن يتعدل .. اللى عنده اسم كويس يرميه هنا)

الفكرة الأساسية للعب : لاعب واحد فقط بطريقة (mode) واحد للعب , فردى ... مع القدرة على التفاعل مع كل العناصر المحيطة , طابع المغامرات مع شوية حركة بين المراحل عشان نزيل الملل .

الشخصيات :-
معلقة :-
البطل الرئيسى ... هنخليه شخصية غامضة للاعب و نكشف عن شخصيته واحدة واحده خلال مراحل اللعب


عمة كوارع :-
قعدت أفكر فى دور مهم للكوارع .. وقررت ان البطل يكون محبوب من شخص واحد على الأقل "على عكس الصاروخ الثالث .. عارف ^^ .. بس زى ماقلت انا لسه فى مرحلة التصميم واى حاجة فى اللعبة ممكن تتغير " .. على العموم اخترت ان الكوارع تكون مربية معلقة ...و هيكون ليها دور رئيسى فى أحداث القصة ... .

الحج قلقاسة :-
معلم القهوة .. اه .. أقصد درج التلاجة .. أقدم عضو فى التلاجة ... له احترامه .. قوى جدا ومسيطر على التلاجة ..و بيبيع حشيش .. اه .. اقصد تلج للى فى تلاجة ... مسيطر على الموتور الرئيسى و اللى مبيسمعش كلامه بيقطع عنه التلج و نتيجة ده انه يموت من الجيفه ^^ ...

الواد بطاطا :-
فقد عائلته فى حادثة مفزعة ... حيث قرر أسامه انه يعملهم عصير @.@ .. دلوقتى الواد بطاطا عاوز ينتقم منك يا أسامه.

أسامه :-
أيوه يا أسامه ^^ .. حطيتك فى اللعبة ... بس و انت صغير ... أخدت عائلة بطاطا و حطيتها فى الخلاط ... عشان كده الواد بطاطا بيحاول ينتقم منك ... أسامه هيكون أحد الوحوش الرئيسية فى اللعبة .. ولما تحاربة المعلقة .. هيجى الواد بطاطا يساعده عشان ينتقم ^^ .

أكيد فيه شخصيات أكتر من كده .. بس ده اللى فى دماغى دلوقتى .. هبدأ اكتب القصة على الجزء ده و بعدين لما نضيف شخصيات جديدة نبقى نضيفها للقصة .

القصة "عامة بدون التفاصيل " :-
الجميع يعيش حياة سعيدة فى التلاجة تحت سيطرة الحج قلقاسة المعلم الكبير ... للأسف لا يعلم الجميع انهم تحت سيطرته المطلقة بعد ان باعهم الثلج وأصبحوا مدمنين عليه (لاحظ هنا ان الثلج ده زى الحشيش بالضبط . واخد بالك انت ؟؟ ) , كل واحد عايش فى منطقته فى التلاجة .. البيض فى الادراج المخصصة للبيض "عالم البيض" و الخضار فى الادراج المخصصة للخضار "عالم الخضار " و الفواكة فى الادراخ المخصصة للفوكه "عالم الفواكه" , و الأدراج السفلية فيها الحج قلقاسة و البرنجان و الكوسة "العالم السفلى " (ممكن نضيف عوالم تانية للعبة .. أفكاركم يابنى آدمين .. ارموها هنا ) , و فى يوم من الأيام يأتى أسامه ليزور العائلة اللى فى فبيتها التلاجة .. عشان يلعب مع ابنهم .. تقدم له العائلة طبق أيس كريم و فيه "معلقة"-البطل ^^.. يأكل اسمة الطبق و يرمى اللعقة على الأرض "العالم الخارجى" - هنا تبدأ مغامرة الملعقة فى الوصول للمطبخ .. ( المرحلة الأول) .. و بعد أن ينجح فى الوصول للمطبخ و يجد ان العائلة أخرجت عمة كوارع لتطبخها على الغدا ^^ " ... هنا يحاول "معلقة" إنقاذ مربيته .. (المرحلة الثانية- ستكون بتوقيت) .. عليه أن يوصلها إلى الثلاجة قبل ان تموت من العفن .. لكن للأسف عندم يصل لباب الثلاجة يراه أسامه "تانى؟؟" .. و يأخذ عمة كوارع و يلعب بها كورة .. و معلقة تقع فى الثلاجة ....
..... (يتبع)

[||صقر||]

(تكملة) ....
يقع "معلقة" فى عالم التلاجة المرعب .. اول ما يقع هيقع فى عالم البيض ... البيض مش عاجبة الموضوع فيهبدأ فى رمى صفار البيض عليه .. أتخيل بيض من جميع الأشكال والألوان بيضرب فى المعلقة ... ممكن نطور فى الشخصيات فى عالم البيض فى النسخة التانية من المستند .. لكن لوقتى خلينا فى القصة ... بعد ما تعدى المعلقة بصعوبة من عالم البيض هتكون أكتسبت نقاط خبرة و ذادت قوة سلاحها ... و ممكن نخط مفتاح العالم التالى"عالم الخضار" فى منطقة مخفية فى عالم البيض بحيث اننا نخلق عناصر مغامرة فى اللعبة ... برضة ده هيتناقش فى النسخى التانية مالمستند.. هنا بس بنحط المبادئ"الأفكار" ... بعد ما يوصل "معلقة" لعالم الخضار ... تظهر له عصابة الخضار الدامى "خخخخخ" ... مكونه من خيارتين و طمطاية وتلات حبات بامية ... يتعرفوا على بعض و بعدين تكتشف ان لإحدى حبات البامية طار عندك .. و تحاربك العصابة عشان تنتقم ..0.0 .. بعد ما تغلبهم هيسمعوا كلامك ويدلوك على طريق الخروج من عالم الخضار ... "هتكون فيه مجموعة متطلبات عشان تقدر تخرج من عالم الخضار .. هتتناقش برضة فى النسخة الجاية مالمستند " ....

.........................( فاصل)................................
دى الحاجة قلقاسة ^^ .. حاجة كدة عشان أريح تفكيرى شويه عشان أقدر أكمل تفكير فى القصة :-

[yukii]

حلوة القصه *-* انا اموت بالطماطم لازم دور البطوله للطماطم @-@

لول مسكين اسامه XD

[||صقر||]

و الله المنتدى ده تعبنى >< ... هيقصف عمرى بدرى ... مفيش حد هنا مستواه كويس فى البكسلة يشتغل على جرافيك اللعبة ؟؟؟ ....

حلوة القصه *-* انا اموت بالطماطم لازم دور البطوله للطماطم @-@

؟؟ ... خلاص ... نحط الطماط ونخلى ليها طار عليك و نحطك وحش مالوحوش ... موافق ؟؟ ..

[sparta22]

انا بقى بحب الكورنب و لبتناجان (^_^) لازم ليهم دور

[dante-55]

خخخ احب الطبخ اوي ..
خلاص ان شا الله معاك و راح اساعدك باللي اقدر عليه ..
شوف هالمعرض ..
http://hsn2555.deviantart.com/gallery/
فيه اعمالي البكسوليه ..

[Noor Xp]

القصة حلوة بعد مأكملت قرات الصواريخ
افتهمت القصة ان كنت حاسب الموضوع عن رمضان
المهم الطعام المفضل عندي هو هذه الصور المبكسلة بأيدي :

فخذ دجاج مقلي وطبعا الايس كريم

اذا عجبوك اعملك الشخصيتين متحركتين بس قولي اتجاهات المشي او اذا كان هناك حركات كالقفز والهجوم الخ من الحركات المرادة باللعبه..............

بالتوفيق

[||صقر||]

انا بقى بحب الكورنب و لبتناجان (^_^) لازم ليهم دور

اكيد^^ ... بس كده اللعبة هتبقى ريحيتها فايحة

خخخ احب الطبخ اوي ..
خلاص ان شا الله معاك و راح اساعدك باللي اقدر عليه ..
شوف هالمعرض ..
http://hsn2555.deviantart.com/gallery/
فيه اعمالي البكسوليه ..

اه .. مانا شفته ^^ .. جميل أوى كده ... أهلا بيك يا حج دانت فى عالم الألعاب ... تابع معانا بقى و أى أفكا تيجى فى دماغك علطول ارميها هنا .. انا هحط متطلبات الشخصيات دلوقتى و لو تحب تبدأ من دلوقتى ^^ .. الموضوع مفتوح ..

القصة حلوة بعد مأكملت قرات الصواريخ
افتهمت القصة ان كنت حاسب الموضوع عن رمضان
المهم الطعام المفضل عندي هو هذه الصور المبكسلة بأيدي :

فخذ دجاج مقلي وطبعا الايس كريم

اذا عجبوك اعملك الشخصيتين متحركتين بس قولي اتجاهات المشي او اذا كان هناك حركات كالقفز والهجوم الخ من الحركات المرادة باللعبه..............

بالتوفيق

جميل جميل جدا ... هكتب متطلبات الشخصيات دلوقتى ..

[||صقر||]

________________" فاصل"__________
متطلبات الشخصية "عشان الجماعة بتوع البكسلة يشتغلوا" :-(الحركات دى هتطبق على كل الشخصيات فى اللعبة)
1- خامل : "idle" .. الشخصية مبتعملش أى حاجة .. بتصفر , إيديها فى جيبها و بتهزر رجليها .. أى حاجة
2- مشى .
3- جرى .
4- هجوم : "كل واحد يختار السلاح اللى يعجبه لشخصياته .. ومينساش يبكسل مقذوفة السلاح بردك"
5- القفز .

و فيه حركات خاصة طبعا بس مش وقتها ...

اما بخصوص استايل الرسوم فانأ برشح كل واحد يشتغل باستايلة فى شخصية تجريبية دلوقتى و بعدين نختار منهم ...

[||صقر||]

بالمناسبة .. عاوز أقول حاجة ... اللعبة هتكون أصلية ميه فى الميه ... مش هنستخدم حاجة جاهزة .. موسيقى .. أداء صوتى .. سكريبتينج ..... بيتهيقلى ده وقته نشوف مين اللى يقدر يساعد فى الحاجات دى

1- موسيقى : "موسيقى تصورية طبعا ... بفكر أستخدم بعض المقطوعات المشهورة "عربيا" فى اللعبة (طبعا المقطوعات دى هتكون متوزعه خصوصا للعبة... حاجة زى المال والبنون لياسر عبد الرحمن أو رأفت الهجان لعمار الشريعى ... حد يقدر يشتغل على الحاجات دى ؟؟؟ "

2- أداء صوتى : تسجيل أصوات وحوارات وكده .. عاوزين ناس يكونوا شتغلوا فى الدبلجة قبل كده أو إمكانياتهم فى اللغة العربية"نطقا" كويسة يسجلوا أصواتهم معانا فى اللعبة .. حد مستعد ؟؟؟ "

3- سكريبتينج : " هنستخدم الجيم ميكر فى اللعبة دى .. لأنه أنسب حاجة للنوع ده مالألعاب و أكيد فيه ناس كتيرة هنا كويسين فى الـ GML يقدروا يشتغلوا معانا ^^ "

[yukii]

و الله المنتدى ده تعبنى >< ... هيقصف عمرى بدرى ... مفيش حد هنا مستواه كويس فى البكسلة يشتغل على جرافيك اللعبة ؟؟؟ ....


؟؟ ... خلاص ... نحط الطماط ونخلى ليها طار عليك و نحطك وحش مالوحوش ... موافق ؟؟ ..

لووول لوكي XD لازم اكون وحش كيوت

[||صقر||]

@ yukki : توقعت انك تقولى حاجة زى كده ... شايف شكل توقيعك (خلاص عرفت انك بنت من موضوع الدردشة )... شكلك هادية مش بتاعت مشاكل .. بفكر أعملك وحش هادئ وحكيم ... بعد ما يتغلب يساعد "معلقة" ... مممم .. طيب .. خلينا فى أسامة دلوقتى ...
دى بكسلة له .. "مستوايا بدأ يتحسن ^^ .. الحمد لله .." .. غيرت فى الاستايل شويه ... بدل ما كان بيعتمد على الخط الأسود الثقيل فى التظليل بدأت أشتغل بستايل تانى اللى هو ألون الحدود بلون أغمق من لون الداخل ... : كلوا يسلم على أسامه :-


لسه موافقة تبقى وحش ياحجة يوكى ؟؟ ..

[modyKun]

إسمها Yukii وليس Yukki
=P

[||صقر||]

.... مفيش كتير النهاردة بخصوص قصة اللعبة .. لكن أنا طلبت الإستعانة من منتدى الصرقعة يمكن نلاقى واحد دماغة طاقة يرمينى بشوية أفكار ....
دلوقتى قاعد بالعب Cave Story ... عاوز تكون من ضمن الألعاب اللى هستلهم منها البامية &.& ...
ياريت اللى عاوز يشارك فى المشروع ده يلعب اللعبة دى .." مش عارف عجبانى اوى اليومين دول عمال اكلم كل اللى حواليا عنها مع انها قديمة .. بس تستاهل "