[بامية] شرح طبخة قلقاس و كوارع بالدمعة

[||صقر||]

السلام عليكم

رمضان كريم .... بقالى زمان مكتبتش مواضيع هنا ... يالله .. نبدأ

طبقنا النهرضة هى لعبة قلقاس مع شوية كوارع .... و سلطات من جميع الأنواع و عليهم دمعه "عشان عنصر الرعب فى اللعبة "

وانا برد فى موضوع العنف فى الألعاب جاتلى فكرة لعبة كويسه وعاوز أطورها هنا وأورى الناس الألعاب بتتصمم ازاى .. أولا أنا مش قد كده فى التصميم بس الحمد لله خيالى واسع و مبعانيش من نقص الأفكار ....

بس رجاء للحج سامى "رجاء عدم تغير عنوان الموضوع"

[towfieee]

السلام عليكم

رمضان كريم .... بقالى زمان مكتبتش مواضيع هنا ... يالله .. نبدأ

طبقنا النهرضة هى لعبة قلقاس مع شوية كوارع .... و سلطات من جميع الأنواع و عليهم دمعه "عشان عنصر الرعب فى اللعبة "

وانا برد فى موضوع العنف فى الألعاب جاتلى فكرة لعبة كويسه وعاوز أطورها هنا وأورى الناس الألعاب بتتصمم ازاى .. أولا أنا مش قد كده فى التصميم بس الحمد لله خيالى واسع و مبعانيش من نقص الأفكار ....

بس رجاء للحج سامى "رجاء عدم تغير عنوان الموضوع"

أنت عندك مرض الكوارع في دماغك يابو حميد

[Kamuri-San]

لا
الصيام ماثر عليه شوية
^_^

[Kamuri-San]

حط شوية صور و أفكار
عشان التريقة هتكون كتير (شوية)
و بالذات من شخص في بالي
>_<
شخص دمو خفيف لكن لسانه مثل الكرباج
اظن انك عرفته

[||صقر||]

@ towfieee :
انا قاعد بسمع أيس كيوب دلوقتى وهو بيقول

I started this gangsta sh**
And this the m********kin thanks I get?

على رأى الحجاج ^^ ... حماقة من حماقات العجم بس مش عارف الحاجات دى معبرة أوى ليه ؟؟ .. الظاهر مدرستش عربى كويس فى المدرسة


@ياسر : ^^ ..

[||صقر||]

هكتب الموضوع على مراحل وأمرى لله ... على الرغم من ان ده هيحد من المرونة اللى محتاجه فى التصميم بس نعمل إيه بقى ....

1- صواريخ الأفكار العجم بيحبوا يسموها الـ Brain Storming او ترجمتها فى العربى تعصف الأفكار .. بس انا بحب أسميها صواريخ الأفكار... بعد ما تضرب الفكرة فى نافوخى ... بيبقى شكلها وحش غير مهذب و محتاجة للتهذيب .. عشان كده هتحتاج للتهذيب ... قوم أبعتلها كام صاروخ يأدبوها .... نروح للعبتنا بقى :-
الفكرة لسه جايالى من تلات دقايق تقريبا ... بس من ساعتها و الأفكار بتجيلى من كل ناحية .. الفكرة هى انى اعمل لعبة طبيخ ... عالمها الواسع هو المطبخ ... لعبة بسيطة .. ثنائية الأبعاد مع شوية بيكسل أرت جذاب و قصة كوميدية ... دى الفكرة الرئيسية ... شايفين وحشة إزاى ؟؟؟ مينفعش نعمل بيها لعبة كاملة .. عشان كده محتاجة لكام صاروخ يظبطوها ...

الصاروخ الأول :- بما انها عن الطبيخ ... ممكن نخلى الشخصيات حاجات نية"خضار و فواكه وفراخ و مش عارف إيه " .. وبتحارب عشان متتطبخش ... ونخلى الوحش الرئيسى أو البيج بوس زى ما بيقول العجم هو الطباخ أو الطباخة و نحط كام عدو تانى زى نار الفرن و السكاكين إلخ ... دلوقتى بدأت اتصور اللعبة فى دماغى .. متصورها معايا ؟؟

الصاروخ الثانى : الصواريخ دى عشوائية .. عشان كده هتنقل من التصور العام للعبة .. للشخصية الرئيسية فى اللعبة .. لأن القصة هتعمتد عليها .. بفكر فى ان البطل يكون خضار أو فاكهة ... بس عندى احساس انها هتكون تقليدية بالطريقة دى ...بفكر تكون حاجة منبوذة أو بقية أنواع الأكل مبتحبهاش ^^ ... مممم ... ثوانى أروح أشوف مراجع ............ اه ... لقيتها ... نخلى البطل معلقة "ملعقة " (أى حاجة .. المهم تكون عرفت قصدى إيه ) ... بالتأكيد الأكل بيكره المعلقة ... وبرضة بالتأكيد المعلقة بتكرة الوحوش اللى بيكرهها الأكل " عشان الناس اللى بتاكل أكيد هتلعق الملعقة .. يععععععع " ...

الصاروخ الثالث : اللعبة بدأ يبقالها قصة ... جميل ... دلوقتى أتخيل ان عالم اللعبة كله بشخصياته بيكره المعلقة ... بس فيه معالق كتيرة أوى .. عشان كده بفكر أخلق عالم بديل .. أو قصة بديلة مليهاش علاقة باللعبة ذاتها لكن تساعد فى الخط الدرامى ... قصة عن البيت اللى فيه المطبخ اللى هو عالم اللعبة ... بتخيل انها عائلة صغيرة زوج وزوجته وولد مشاكس "تقليدى .. صحيح .. لكن خلينا نتنازل المرادى ونخلى القصة البديلة دى تقليدية " دلوقتى كل واحد فى العيلة ليه معلقتة الخاصة و حاطين مجموعة معالق للضيوف .. وهنا تنشأ كراهية الوحوش "العيلة" للمعلقة دى ^^ ... شوفتوا طلعت إزاى ؟؟

الصاروخ الرابع : استنتج من كل اللى فات ده ان البطل هيكون وحيد ومكروه ... جميل .. ده هيبعدنا عن صداع المساعدين و الدوشة دى .. بس لازم يبقى فيه مجموعة شخصيات npc عشان تساعد على إثراء القصة .. تعطى اللاعبة معلومات وكده .. فى الغالب الحاجات دى هتكون عناصر جامده مش شخصيات .. بفكر ان الشخصية يكون ليها تاريخ عائلى مثلا انه من عائلة راقية "مجموعة معالق وسكانين من عند الحج كريشنا البقال ^^ مصنوعة خصوصا فى الصين مثلا " ...

دى مجموعة الصواريخ الأولى .. ودلوقتى محتاج أرسم ملامح المشخصية شويه و بعدين أفكر فى الحاجات التانية بعيدن ....

"الكام صاروخ الأول دول أخدوا منى عشر دقايق تقريبا ... الفكرة لسه مولوده من دقايق ... عشان كده لسه محتاجة لتطوير ... استنوا بقية الخيار هنا .. اه .. أقصد .. الشغل فى اللعبة "

[Kamuri-San]

الفكرة حلو كتير
عقبال التنفيذ ان شاء الله
^_~

في امان الله

[PrinceOfSorrow]

سلام عليكم ورحمة الله وبركاته

LOOOOOOOOOOOOOL
جميل جميل
اظني فهمت مغزى تبي توصله وتشرحه
منتظر المشروع اللعبة Ops أقصد منتظر الطبق للفطور XD

[||صقر||]

زى ماتقولوا .. دى فتره راحة من التفكير .. بدأت أتخيل شكل الشخصية بالبكسلس .. ودى النتيجة الأولى ... تقريبا خمس دقايق :-

انا مش قد كده فى البكسلينج .. بس ربنا يسهل و نلاقى صرفه فى الموضوع ده ... المفروض دلوقتى انى أبدأ فى كتابة الـ "Concept Document" على رأى العجم أو اللى هو اسمه بالعربى المستند المبدأى ... يلا بقى .. رايح أنام ولما أصحى ابقى أكمل مع كام رسمة للشخصيات اللى ممكن تتحط فى اللعبة ..

[||صقر||]

سلام عليكم ورحمة الله وبركاته

LOOOOOOOOOOOOOL
جميل جميل
اظني فهمت مغزى تبي توصله وتشرحه
منتظر المشروع اللعبة Ops أقصد منتظر الطبق للفطور XD

^^ اتمنى فعلا انك تكون فهمت ... انا جتلى فكرة دلوقتى ... كل عضو يخض يقول اسم الأكله أو الفاكهة أو الخضار اللى بيحبه عشان نحطه كشخصية فى اللعبة ^^ "

[PrinceOfSorrow]

الشخصية والله ممتعه وظريفة
تذكرني بالعبة Worms Armageddon
منتظرين بقية تفاصيل الأخرى

كل عضو يخض يقول اسم الأكله أو الفاكهة أو الخضار اللى بيحبه عشان نحطه كشخصية فى اللعبة ^^

بحب الأيس كريم
لو حاب تخلي كل عضو يشاركك بالبكسلة بحجم معيا ووصف معيا منك انا مستعد اعمل شخصيتي =)

[||صقر||]

لو حاب تخلي كل عضو يشاركك بالبكسلة بحجم معيا ووصف معيا منك انا مستعد اعمل شخصيتي =)

^^ ... كنت بفكر فى كده ... بس لما نعمل ستايل فنى للعبة نبقى نشوف الخطوة دى .. ربنا يسهل ... الشخصية دى مجرد تجربة لا أكثر ... ممكن أغير فى الفكرة فى أى وقت ^^

[modyKun]

حلو إستمر ^^..
لكن لسبب ما مش فاهم أي حاجة xDD ..
على العموم شكل اللعبة حلوة ^^ .. بس مبتتلعبش في نهار رمضان عشان أزمة المجاعة xDD


والسلام عليكم ^^ ~

[oms]

أنا أحتج وبشدة ...

وين البطاطا ؟؟ وحتكون من الأخيار ولا من الأشرار ؟

إذا كانت من الأشرار حأوصلك على بيتك في مصر وأغتالك .

[||صقر||]

متخافش ياأسامة ^^ ... والله عشان خاطرك هحط عصير بطاطا فى اللعبة ^^ ... ولا تزعل نفسك
دى محاولة كده عالصبح عشان أعرف الاستايل اللى هستخدمه :-
الحجم الطبيعى :

مكبرة :-


هبدأ دولتقى فى كتابة المستند المبدأى ... أو يمكن حتى أبدأ فى التصميم علطول