هوايتي تلميع سيارتي وجعلها SHOOW....ادخل وتعلم %^&$%&
مرحبا اكيد الشغلة هذي امجربينها ....ولكن ... ما اصبحت هواية عندك
بس لما اتصير راح اتحبها
اولا من صغري كنت اغسل سيارات البيت كنت اغسلها الانه ماكان احد غسال
سيارات في المنطقة ....
وبعدين لما اشتريت اول سيارة عندي كان نوعها اسبورت ..... وكنت حبها حيل ها السيارة
وصرت كل يوم اغسلها وعتني فيها .... كنت لما امشي فيها الناس يطالعونها من كثر تلميعي لها
وهي رياضة في نفس الوقت ... وكنت استمتع فيها
طبعا التلميع غير والغسيل غير
نبداء بالغسيل :
الادوات :
1- صابون لولو ( ممنوع تايد يحرق الصبغه) 2- 2 فوطه 3- كودري 4- قطعة اسفنج 5- فرشاة
اسنان
خطوات:
1- رش الماء للسيارة كلها
2-نضع الصابون في سطل من الماء
3- نأخذ الاسفنجة ونضعها في السطل المملوء بالصابون ونمسح السيارة كلها
( حاول كثر ماتقدر لاتخلي الصابون ينشف على السيارة .. وحاول ان تمسح السيارة كلها حتى السقف) + مسح الكفارات او التواير
4-فرشات الاسنان اذا كانت سيارتك يوجد بها اتربه في اماكن ضيقة حاول ان تنظفها فيه
5- نرش الماء مرة ثانية على السيارة لي نزيل الصابون
6- نمسح السيارة بالفوطه او الكودري وكل ما يمتلئ الفوطه بالماء نعصرها لكي تنشف
ونمسح مرة اخرى حتى تنشف السيارة تماما
طبعا يفضل مسح الزجاج بالكودري
جاء دور التلميع:
ادوات:
اشتر قطن ( يجي رول كبير) + بوليش خشن + بوليش ناعم او يسمونه ماي او يسمونه
شمع + STP ( نوع الرغوة + النوع العادي ) + ورق صنفرة حجم 2000
الخطوات:
1- اهم شي اتكون السيارة مغسولها .... وحنا الحين امغسلينها
( طبعا اذا كانت سيارتك قديمة يعني اقدم من 5 سنوات تحتاج بوليش خشن... اذا جديدة
فقط بوليش ناعم) يعني اذا كانت سيارتك فيها خدوش كثيره وفيها دعمات بسيط هنا تحتاج
الى بوليش خشن...
2-اخذ جزء بسيط من البوليش الخشن ووضعه على ( الكبوت او الغطى )
مقدار اصبع ( مثل ما تدهن وجهك بالفازلين ) ولكن اكثر شويه وحاول توزيعه على ( الكبوت)
ومن ثم اخذ القطن بحجم (كف اليد) وفرك السيارة فيه .... طبعا كل ماتحس ان نشف البوليش
زيد شوي وحاول تفرك بطريقة مرتبه لكي تغطي المساحه كلها ...اضغط بقوة ... طبعا تبولش
السيارة كلها حتى السقف ... حاول تضغط بقوة جدا جدا ولا تيأس
3- يجي دور بوليش الناعم وهو مثل الماء .... وزعه على السيارة كلها طريقة التوزيعه
تختلف شوي ... يعني (الكبوت) يتم وضع مقدار (فنجان قهوة) ليس بكثير وتوزعه بالقطن
مجرد توزيع لاتضغط .... وتوزعه على جميع اجزاء السيارة ثم تنتظر قليلا يعني دقيقتين
وتمسح بالقطن .... راح اتلاحظ ان الماي صار مثل البودر وبسرعه يروح دون الحاجه
الى ضغط... ومن هنا راح اتلاحظ الفرق في لمعة سيارتك
4- رش STP الرغوة على التواير ودعة ينشف
5-لمع الطبلون بالاSTP العادي + الديكورات .... اما فتحات التكيف فا نظفها بالفرشاة الاسنان
6- اذا كانت اليتات الامامية نوعها بلاستك ... مثل الفورد ... وتحس انها مصفرة وفيها ( طوز) رمال ... اخذ سطل من الماء وضع فيها ورق رمل حجم 2000 وفرك فيها اليتات ...وحاول بين
الفرك والاخرى ان تضع الورقة في الماء
طبعا عند الانتهاء من التلميع لا تغسل السيارة الانها ملمعه
وهنا تكون قد قضيت وقت استفدت منه وملئت وقتك في شي يفيدك ولعبت رياضة
ووفرت عليك النقود ..... وتحس انك فعلت شي جميل
ملاحظات :
ليس بالضروري كل مرة اتغسل سيارتك اتلمعها .... كل ماعليك فقط تلميع التواير + تلميع الطبلون
وانت تشتغل بالسيارة شغل المسجل وسمع قرآن ... او اسمع درس
حاول ان تكون فوطه حق مسح السيارة من الخارج + فوطه مختصه للسيارة من داخل
علشان الاتربه الي بره ما تمسح فيها داخل السيارة
انشالله اكون قد علمتكم شي افيدكم
انشوف ردودكم
