مساعده في الـ Custom Firmware !!

['L']

السلام عليكم

كيف حالكم ياشباب ..

انا عندي PSP Slim v4.05 << لا ياشيخ

وودي العب عن طريق الميموري ..

وبيني وبينكم صدع راسي من كثر المواضيع اللي شفتها بهالخصوص ..

ولا ادري منين ابدا ..

فـ الله يجزاكم خير .. ابي مساعدتكم ..


وشكرا ..

[C.P.T]

هلا اخوي انا كنت مثلك في ها المشكله وفي حلول وايد بس بتخبرك عندك بي اس بي ثاني ولالا ولو كان فات يكون احسن عسب تحول بطاريته لبندوراااااا

وفالك طيب

['L']

اخوي انا ماعندي الا هالـ PSP

.. ..

طيب وش المشكله لو اخلي بطاريتي بندورا ..؟؟

واذا حولته لبندورا ... هل اقدر ارجعه طبيعيه ؟؟

شكرا على الرد اخوي

[C.P.T]

اخوي ماتروم تحول البطاريه لبندورا الا عن طريج بي اس بي فات السليم ماينفع ولا حتى بطاريته تنفع انا تتحول لبندوراااا

تقدر تحولها وترجعها بس بالفات

العفو طويل العمر وانا اجوف دام ماعندك الا ها البي اس بي انك توديه لمكان يصلحه لك او تاخذ لك بندوووراااا وتعدل مشكلتك بروحك

[AL ADMIRAL]

اخوي ماتروم تحول البطاريه لبندورا الا عن طريج بي اس بي فات السليم ماينفع ولا حتى بطاريته تنفع انا تتحول لبندوراااا

أو بالأصح يستلزمك بطاريه فات , وتقدر تعدلها على أي PSP أو يدوي

['L']

الله يعطيكم العافيه على الردود ..

بس ابيكم تتحملوني شوي ..

الـ PSP Fat قدرت ادبرهـ .. لا ومعدل عليه بعد ..

السؤال : طالما ان الجهاز معدل .. هل اركب بطاريته والميموري واعدل جهازي عن طريقه على طول ؟؟

والا لازم اسوي الطريقه اللي بموضوعك اخي ALADMIRAL كامله ..

لان الجهاز مهوب لي وخايف يجيه شي لاقدر الله ..

بعدين هل يستلزم فرمته الميموري حقته ؟؟

وشكرا ..

واسف على الاطاله ..

[C.P.T]

لازم اخوي تتبع الشرح

ولازم مومري غير مومري الرجال عشان لازم تفرمت المورمري قبل لا تحط فيه الملفات ويستحن لو كان فاضي

لا ياخوي الجهاز مابيصير فيه اي شي ان شاء الله