إلى طلاب السنة التحضيرية في جامعة الملك عبد العزيز الرجاء الدخول قبل بداية الاختبارات
السلام عليكم ورحمة الله وبركاته
إلى طلاب وطالبات جامعة الملك عبد العزيز المستجدين
حبيت أنزل الموضوع دا عشان نستفيد منه ونفيد بما أن الاختبارات الدورية الأولى قربت وبما أن الاختبارات موحدة بين كل الشعب وبين الطلاب والطالبات
والصراحة إحنا عندنا لخبطة في قرارات بعض المواد وكل شوية يغيروا وشوية يقولوا لمن يقرروا عند الطلاب وما دري ايه .... فحابه اسمع من أطراف أخرى (طالبات وطلاب)
أبغى كل واحد يدخل يكتب لنا مسار – خطة دراسته – مواده – والقرارات وأي ملاحظات قالها الأستاذ عن الاختبار و أي شئ يخطر على بالك
اوكي أنا حبدأ وأتمنى أشوف ردودكم قبل بداية الاختبارات
مساري تحضيري علمي
خطة أ
مهارات الاتصال – أساسيات الحاسب – إنجليزي – رياضيات - فيزياء
مهارات الاتصال
كان اختبار في الفصل الأول (مدخل الاتصال الإنساني) و الفصل الخامس (الاستماع) و الفصل الثامن (الإلقاء) واليوم أضافوا الفصل الثاني (الإدراك)
وكانت الدرجة من 15 بس مدري اذا غيروها
الحاسب
أكثر مادة عاملتلنا مشاكل كل يوم بقرار أول شئ بدأنا الدراسة بالانقليزي ويوم الأحد إلي فات الأستاذة اختبرتنا اختبار تجريبي بالانجليزي وبعد قالتلنا أن تحول عربي لكن المصطلحات بالإنقلش واليوم نسمع أن رجع انجليزي والحين مننا عارفين نذاكر بأي لغة والصراحة بالانجليزي مرررره صعب
ولا أدري من كم حتى
English
اختبار الانجليزي كل ع بعضوا من 100 درجة المفترض أن لكل مادة على قولة الأستاذة 25 درجة بس في مادة خامسة مدري كيف مقسمين عليها الدرجات
Grammar
حيكون الاختبار الين الفصل الثالث
EAP
إحنا سمعنا أن الأولاد بياخذو الكتاب EAP الجديد الأحمر لكن إحنا بعد ماشترينا غيروه وخلوا EAP الأزرق الكبيييييييير إلي هو حق السنة إلي فاتت فما >ري اذا اختبارنا موحد مع الطلاب كيف بيكون اختبارنا فدي المادة ؟؟
والاختبار عندنا في فصل واحد بس
Writing
اختبارنا الين الفصل الثاني بارت 1و2و3 فقط من الفصلين
قالت الأستاذة أن بالاختبار ببجي مواضيع للتعبير نختار منها واحد ونعبر وسؤال ثاني تجري قطعة فيها اخطاء ونصححها وسؤال ثالث تجي مجموعة عبارات ونختار العبارة الصحيحة منها
Reading
بكون الاختبار في فصلين بس مدري اش نذاكر غير الفوكابيري والصناديق الزرقة إلي هي(strategy)
Lessening
غابت الأستاذة في أخر محاضرة فما ادري بيكون للفصل الثالث ولا الثاني
بس قالتلنا قبل كده أن بيسمعونا شي و عليه سؤال اختياري
الرياضيات
اول شي كان اختبارنا الين CH1.3 واليوم طلع قرار جديد بان الاختبار فقط في كل CH0
لان الأولاد ما بدأوا في CH1 << دايما خليكم كذا متأخرين *ـــ^
وطلبت مننا نطبع من موقع استاذ \حمزة أبو جبل (انزل الين ماتنتهي سيرته الذاتيه وبعدين من عند Math110 اضغط على الزائد الي بجنبه وتلاقي التمارين)
تمارين للشباتر إلي أخذناها وقالت ضروري نذاكر منها لان حضرت الاساتذه ولا الأساتذين ولا ..(مدري وش جمع أستاذ) هم الي حاطينها
الفيزياء
مدري ما افتكر ان الاستاذة قالت شي عن الاختبار لكن ع العموم احنا واصلين الين CH4 فمدري لوين الاختبار
دا إلي عندي وأتمنى تصححوا لي أو تضيفوا لي متغيرات إذا عندكم
وأي تغيرات باضيفها بلون ثاني
المشاركة الأصلية كتبت بواسطة Dr.NAِِِ
