موضوع كامل للطلبات والاستفسارات .. تمارين .. مكملات .. تغذية !!

[AI_BARCA]

اخوي مجهووووووووول الحين انت بتقسم ولا بتضخم بصراحة خربطتني ^_^

بخصوص الكلمة تقصد في وين بالضبط انها تدل على التقسيم او التضخيم !!

بخصوص التكرار لو بتمشي على احد الجداول التزم فيه افضل لانه يكون له تكنيك معين وهدف معين وطريقة معينة

بخصوص زبدة الفول السوداني .. ادري ان فيها دهن .. ومن قال الجسم ما يحتاج دهون ^_^ لا تنسى جسمك يحتاج 20% دهون ولكن دهون زينة اللي تجي من زبدة الفول السوداني ومن المكسرات ومن زيت الزيتون ومن هالامور فلذلك وخاصة في الصباح ملعقتين او ثلاث مع التوست المحمص والخبز يكون اسمر او مصنوع من النخالة يبقى تمام التمام ومية مية ياعم الحج ^_^

وبخصوص الجدول ما ادري اي جدول تقصد ياريت تحط لي اللنك

تحياتي

[Kuwaty]

شـلوونك اخوي البرساا ..

انـا صاارلي اسبوعين الحين من الشهر السادس ..

قبل شهر كان جسمي جذي يووم حطيت الصور..

الحين بعد هالفتره اللي تقريباا 3 اسابيع في ناس قالولي في فرق بسيييييييط

فحبيت اعرف منك ..

هـذي صـورتين قـبل وصوره بعـد ..


الحـين قـبل ...



وهذي الثاانيه ..




وهذي الصووره الحين بعـد هالفتره ..

[Kuwaty]

آسف لأنه الصوره طلعت كبييره ..

هذي صوره نفسها بس صغيييييييييييييييره ..

[maroc4ever]

السلام لدي بعض الاسإلة يا أخي البارصا
هل الكرياتين يساعد على التضخيم ؟
ما هو أحسن برنامج يمكن أن أتبعه من أجل التضخيم مع العلم أنني لا أستعمل مكملات
كم هي المدة التي سوف يظهر فيها التغيير في جسمي مع العلم أنني شديد الإلتزام بالتمارين
أريد منك أخي بعض تمارين البطن وكيفية مزاولتها

وشكرا على نصائحك

[AI_BARCA]

اهلاً اخوي Kuwaty

نعم في فرق وان كان بسييط جداً ولكن واضح في تطور حتى على مستوى الاذرع في الصورة الثانية افضل وحتى البطن والصدر نوعاً ما

واصل ومع الفترة اكبر ستلاحظ الفرق بشكل اكبر

اخوي maroc4ever ثلث ساعة وارجع اجاوبك علشان عندي شيء ضروري اخلصه وارجعلك واعطيك الجواب الشافي

تحياتي

[AI_BARCA]

هلا اخوي maroc4ever

هل الكرياتين يساعد على التضخيم ؟

بالطبع ويعتبر عنصر من اهم عناصر التضخيم ان لم يكن اهمها

ما هو أحسن برنامج يمكن أن أتبعه من أجل التضخيم مع العلم أنني لا أستعمل مكملات
كم هي المدة التي سوف يظهر فيها التغيير في جسمي مع العلم أنني شديد الإلتزام بالتمارين

بخصوص البرامج تقدر تستعين بأحد البرامج اللي وضعتها للاخ روضان في الصفحات الماضية .. وبخصوص التضخيم مما لا شك فيه تحتاج لزيادة الوزن وبذلك تحتاج زيادة سعراتك الحرارية المطلوبة يومياً وذلك بزيادة الاكل والاكثار من الاكل .. ويفضل مع بعض المنتجات لكي تساعدك في ذلك وخاصة المهمة منها مثل البروتين والملتي فيتامين والكريتين والجلوتامين على اقل تقدير

وبخصوص المدة طبعاً كتغيير ملحوظ جداً تحتاج على الاقل شهرين او ثلاثة ولكن اكيد خلال كل ثلاث اسابيع ستلاحظ بعض الفرق

أريد منك أخي بعض تمارين البطن وكيفية مزاولتها

بخصوص تمارين البطن بكرة اعطيك تمارين ممتازة وكيف مزاولتها ان شاء الله

تحياتي

[Homoud]

يعطيك العافية وما تقصر ..

لنفترض إني راح أبدأ اشيل حديد لأول مرة في حياتي اليوم ..
وعندي جدول ممتاز للمبتدأ اللي هو هذا
http://www.muscleandstrength.com/wor...g-routine.html

وعندي جدول تغذيه ممتاز للتضخيم وحاسب السعرات الحراية وكل شئ متعلق بالتغذيه
هل اقدر استخدم الوي بروتين والامينو والملتي والكرياتين والـpump من أول يوم ؟
لأنه مذكور بالجدول عادي فما رأيك ؟

وعندي شئ معقدني ..
أول ما أبدأ ألعب بأقل وزن موجود صح ، على أي أساس أقدر ازيد الوزن بعدين ؟
هل مثلا كل تمرينين أو ثلاثه أزيد وزن ؟

ويعطيك ألف عافية على جهودك والله لا يحرمنا منك

[AI_BARCA]

بخصوص سؤالك الاول تقدر نعم ولكن الافضل او اسبوعين لا تستخدم شيء

وبعد الاسبوعين تقدر تستخدم الوي بروتين والملتي فيتامين والكريتين

واعتقد انت لاعب من قبل صح ولالا

وبعد شهر ونص او شهرين استخدم امور السوبر بمب او امور ثانية افضل

بخصوص الاوزان وانت ماشي في جدول التضخيم طبعاً اسبوع بعد اسبوع تحاول تزيد الوزن ولو شوي وحتى لو ماتقدر تكمل جلستك خل المدرب او احد يساعدك علشان تقوي العضلة وشوي شوي بتقدر تزين في الوزن على قد ماتقدر

والله لا يحرمني منكم بعد ^_^

تحياتي

[مجهووووووووول]

اخ برسا اسف ازعجتك ولخبطناك انا كنت بلعب تضخيم واشيل الكرشه لكن انت قلت لي ماينفع تضخم وتشيل الكرشه فنصحتني بالتقسيم واتفقنا على 20 15 12 بعدين اعطيتني مجموعه جداول ونصهتني بالاول اللي هو هذاhttp://www.muscleandstrength.com/wor...n-routine.html
(مع اني اشك ان هالجدول تضخيم وليس تقسيم لان فيه كرياتين)

لكن بالجدول هذا التكرارات 15 12 10 فايهم استقر و بعدين في اعلى الصفحه اللي فيها الجدول في كلمه split(Workout Type:Split هل هي الداله على ان الجدول هو تقسيم
هل بامكاني توزيع الباي والتراي على الايام الاخرى (في الجدول)علشان يصير لعبي 4 ايام بدل 5ايام لضيق الوقت

نظامي الغذائي 2000كالوري مدة التقسيم ان شاء الله شهرين وخلالها انشيل الكرشه يارب

[AI_BARCA]

اخوي مجهول

الكريتين يستخدم حتى في الوضع العادي او وضع التقسييم فهو يساعد كذلك على الحفاظ على العضلة ومدك بالنشاط كذلك

فلا تخاف الكريتين والجلوتامين والملتي فيتامين والبروتين هذه العناصر تجدها دائماً في التقسيم او التضخيم

وبخصوص الجدول اذا ماتقدر خمسة شوف احد الجداول بو اربع ايام افضل

تحياتي

[aboOoOody77]

السلام عليكم
لو سمحت انا صاااااااااار لي سنه ونصف اتمرن حديد
بس مليت من الصاله ما احس انه فيق فرق كبيرررر
المهم ممكن جدول من ايدك ضخاامه لو سمحت
مع العلم وزني 59 وطوولي 169
اقدر اشل اوزان ماتخاف
ممكن ارجوووووووووووك انا محتاجهاااا
مع الصور جدول اسبووعي
مع العلم ابي جدول جاامد خاصتا الصدر مشكله الدهوون
ومش شااد وايد ابي اشده كتير
ارجوو الرد

[AI_BARCA]

اهلين حبيبي

قبل ان اضع لك برنامجاً معين

ماهي تغذيتك وكيف التغذية عندك وايش الاشياء اللي تاكلها

هل تستخدم مكملات وماهي

كم ساعة تنام في اليوم .. هل تنام من 6-9 ساعات يومياً او تعشق السهر

تحياتي

[Tenkai]

السلام عليكم

أخوي أنا مبتدء في هذي الرياضة وكنت زمان أتمرن ولكن بدون برنامج معين ،،
الان أتمنى تعطيني برنامج معين أبدأ فيه ،،
طولي 167 ووزني 65 ،،

وبالنسبة للأيام مستعد ألتزم باللي تقوله يعني ما تهتم بالأيام ،،
وبالنسبة للفترة اللي كنت أتمرن فيها قبل 12 سنة تقريباً وجسمي الحين صار عادي ،،
بالنسبة للمكملات الغذائية بصراحه ما فهمتك ،،
وبالنسبة لهدفي فأتمنى جسم رياضي متناسق تكون العضلات بارزة نوعاً ما ومقسمة ،،
بالنسبة للسهر بصراحة أسهر للساعه 4 ،،
وأي سؤال ثاني مستعد أجاوب عليه ،،
ومشكور يالغالي ،،

[AI_BARCA]

اخوي Tenkai تقصد 12 شهر ولا بالفعل 12 سنة ^_^

بخصوص المكملات انا اقصد مثل البروتين او الامينو اسيد او الكريتين او مكملات اخرى

بخصوص السهر والله شاقولك بس حاول تخفف منه لانه الجسم ينمو في وقت الراحة والنوم ولازم الشخص ينام من 6-9 ساعات يومياً علشان تحصل نتايج زينة وما إلى ذلك

طيب سؤال ثاني انت متى حاط لك هدف تبي تجوف نتايج حلوة .. او متى حاطلك هدف انك تصل لمبتغاك

وكيف بالنسبة لاكلك هل تقدر تلتزم بالنظام الغذائي واكل الاشياء المفيدة والابتعاد عن السكريات والدهنيات والاشياء المقلية والوجبات السريعة

بعد الاجابة على هذه الاسئلة ان شاء الله اقدر اضع لك شيء يناسبك

تحياتي

[maroc4ever]

شكرا أخي البارصا على الردود المفيدة ولكن مازلت أنتظر تمارين البطن بالصور لو أمكن

ومبروك الفوز على الريال