موضوع كامل للطلبات والاستفسارات .. تمارين .. مكملات .. تغذية !!

[ryaan160]

لو سمحتوا اي احد يفيدني في كيفية استعمال superpump2500 و هل يتعارض استعماله مع MuscleTech Nitro-Tech Hardcore مع العلم اني استعمل الاخير 3 مرات في اليوم اول ما اصحى من النوم و قبل التمرين بنص ساعة و بعد التمرين مباشرة و شكرا .

[mloook]

اول شي مشكوور أوي البرسا على هالمجهود الاكثر من رائع في خدمة رواد هذا المنتدى..

بصراحه اخوي .. انا لي اسبوع حاليا العب حديد وكان اول اسبوع كوكتيل .. وناوي ادخل عالاسبوع الثاني .. وبصراحه محتاج بروتين أو أي شي يساعدني في بناء جسم جيييد وفي فتره ماتكون طويله..

وبصراحه لما سألت بعض الشباب عن بعض البروتينات حيروني كل واحد يقولي بروتين معين وبصراحه احترت.. وابي رايك بهالخصووص..

وعلى فكره .. طولي 175 تقريبا ووزني 70 تقريبا .. وانا جسمي مو من النوع اللي يسمن بسرعه يعني غالبا مايكون وزني ثابت دائماً واذا زاد يزيد شي بسيط على مرور السنوات ...

فيه ناس قالت خذلك السل تك ... وناس قالت السيرياس ماس.. وامينو 2222 ..

وانا ابيك تسويلي جدول بالنسبه للمكملات اللي راح تفيدني وطريقة استعمالها ..وابي همتك معي ..لاني راح امشي مع كل شي راح تقوله لي ...

ويعطيك العافيـه مقدماً

[رونالدو09]

كيفك ياكابتن ويعطيك العافيه عالمجهود الرائع
عندي سؤال ياكابتن
أنا طولي 179

وزني 74
وإشتريت سيريس ماس طبعا بودره+ أمينو 10000 الكبسولات

هل هل هي مناسبه لي ولو تعطيني طريقه إستخدامها لأني أول مره أجرب المكملات وأنا أبغى عضل بارز بدون دهون

[alij4]

السلام عليكم ورحمة الله

ما اكتب لكم إلا وأنا متعقد

لي في كمال الأجسام ما يقارب سنتين وتسع شهور
في البداية لعبت تخسيس كان وزني 110 ونزلته

حاليا الوزن ما بين ال90 وال85 وطولي 180
وترهلات ما شاء الله في البطن والصدر
لي مع المكملات بس 9 شهور تقريبا

اول شي استخدمت ايليت وي بروتين حق ديمتايز مع امينو 2500
بعد ما انتهى خذت 10000 امينو بعدها 4500 ما ادري 4000 حق ديمتايز
وفي الفترة اللي استخدمت فيها الامينو 4500 خذت نيترو كور 24 حق اون

بعدها وهذا ما استخدمه حاليا وي جولد بروتين حق اون سكوبين بعد ما اصحى من النوم
وبعد التمرين مباشرة

اللي قاهرني اني ظليت فترة متضايق جدا لأن يقولون لي ما يبين على جسمك انك تلعب حديد كل هالمدة -_-

هذا اللي خلاني حاليا اتفق مع مدرب يسوي لي برنامج اكل وتمرين وخذ علي 300 ريال
في البداى عطاني برنامج

فيه تخسيس مرتين في الأسبوع نص ساعة وجري 4 مرات في الأسبوع 10-15-20 دقيقة
وحديد 3 تمارين صدر ظهر 4 اكتاف 3 رجل4 وباي وتراي على ما اذكر على 3 تمارين
ظليت على هالبرنامج اسبوعين بعدها قالي التخسيس مرة بس لمدة شهر ونص

طبعا نظامي الغذائي دايت

الحين عندي برنامج على يومين ويوم راحة لمدة شهرين

صدر + باي
سمث بار 4 جلسات 12 10 8 10 لعضالت الصدر العلوي والسفلي والمستوي
تالي كيبل تقاطع 12 12 12

باي مرجحة بار 8 8 8
دمبل مطرقة نفس العدد
تالي تكوير كيبل 12 10 10

ظهر
سحب 12عقلة 10 10 8
سحب عكسي 8 8 8
سحب بار على شكل v 888
سحب لعضلاات الظهر العلوية الوسطى 888
أسفل ظهر بار حر 12 12 8 8

أكتاف + تراي
دمبل أمامي 8 8 10 10
دمبل جانبي 8 8 10 10
على الجهاز خلفي 8 8 8 10 10
ترابيس دمبل 15 15 8 8

بار متموج وضع مستلقي 8 8 10 8
بار على شكل في دفع لأسفل ...مب متذكر
بار مستقيم دفع لأسفل 8 8 8


الأرجل
سكوات 10 8 8 8 8
دفنش 8 8 10
هوك سكوات 15 15 15
خلفي مستلقي 8 8 12 12 12
الكالف تمرينين جهاز 15 15 15
وحر 15 15 15

في ناس انتقدوا هالبرنامج ما علينا

المهم ابي رايكم الكريم في البرنامج ومشكورين مقدما ......

و فعلا الواحد محتاج يتعلم كيف يسوي بنفسه برامج اكل وتمرين عشان يرتاح وما يحتاج لأحد

[s.k.g]

كيف حالك ياكابتن

انا عندي سؤال بخصوص المكملات هل متعارضه مع بعض ام لا لاني ارغب في استخدامهم مع بعض
وهي:
amino 3000
power muscle من شركة super power technology
cellmass
T 7 محفز تيستسترون

وهل هناك شي فائدته متكرره مع بعض

وبخصون المحفز والسيل ماس كيفية طريقة استخدامهم

ولي اربع سنوات العب حديد
الطول 179
الوزن 79
حاليا طولي لائق على وزني وارغب في زيادته في جميع المراحل القادمه بعض صافي
فياريت تعطيني جدول للاكل يفيدني ويكون عندي عضل صافي

وابتديت بالحديد من وزن 62

تحياتي لك

[salah.vamp]

السلام عليكم
الرجاء من الشباب ان تعطوني رايكم في هذي التشكيلة
و كتابة اسم المنتجات الافضل لتتناسق مع هذا البروتين لتوافره عنديMuscle Juice 2544
مع العلم اني جديد في هذي الرياضه
Muscle Juice 2544
Creatine / اي منتج افضل
Multi Vitamin / اي منتج افضل
Amino Acids / اي منتج افضل

ملاحضة:
الطول 175
الوزن 59

و لكم جزيل الشكر

[bu mohd]

السلام عليكم عزيزي البرسا تحية طيبة وبعد

انا عمري 31 سنه وطولي 172 ووزني 95

لقد كان وزني 122 كيلو وعملت حمية غذائية والحمدله نزل من وزني تقريباً 27 كيلو خلال 5شهور والآن انا اعاني من الترهلات وترسبات بعض الدهون في منطقة الصدر والخواصر واعرف ان الوزن المثالي لي هو من 65 ,لغاية 70 تقريباً لذى قررت استعمال الليبو6+ الوي بروتين واريد المساعده منك في برنامج اللعب وبرنامج التغذي وكيفيت توزيع الوجبات ال6 ست على اليوم وكم سعره حراري احتاج في اليوم علماً بني العب 4 ايام حديد في الاسبوع و4ايام كورديو وهي كالتالي:
السبت : صدر + ترسبس
الاحد : صباحاً كورديو ساعة واقسم الوقت 20دقيقة لكل جهاز مشي+ هروله+ سيكل+ استب مشين
مساءً: ضهر + اكتاف امامي
الاثنين:صباحاً كورديو ساعة مشي+ هروله+ سيكل+ استب مشين
مساءً: راحة
الثلاثاء:اكتاف خلفي + بيسبس

الاربعاء:صباحاً كورديو ساعة مشي+ هروله+ سيكل+ استب مشين
مساءً فخـــذ

[mashkaljey]

كل الشكر للاخ المميز البرشا

ولمتابعه الموضوع الجزأ 2

ادخل الرابط التالي

http://montada.com/showthread.php?t=649228

سيتم غلق الموضوع

بالتوفيق