السلام عليكم شباب انا يوح الاحد بيليل الساعه عشر تقريبا رجعت من الدوام وقعدت شوي جان اروح اشغل البلاي ستيشن والعب بعد نص ساعه حسيت ان قلبي وقف جان اوقف بسرعه ودوخه وقلبي قام يدق بسرعة حتي تكرمون دشيت الحمام وحاولت اخرج ماقدرت شي منعني المهم رحت المستشفي وضربات زادت سوو تخطيط للقلب وطلع ضرباتي او الضغط واصل 150 عطوني ابره ومغذي, قالي الدكتور انت متضايق من شي او مفكر بشي يقول الي صارلك ازمة عصبيه المهم كان يجانبة كويتي جان اكلمة والظاهر اهو لابس لبس السستر قلتله السالفه قالي يمكن كهربا قلبك مو منتظمة. رحت يوم الاثنين بعد ضربات قلبي زادت وطبعا طبيعي الانسان يشعر بالخوف وشافتي الطكتور وعطاني تحميلة وسوو فحص قالو الاكسجين اوكي ونبضك اوكي المهم همن قال في احد مزعلك او شايل على قلبك ويوم الثلاثاء رحت بعد عشان اتأكد بسة هالمرة رحت عند اختصاصي قلب وفحصني قال مافيك شي بس التفكير الاعصاب تعطي آوامر للقلب بشكل غير منتظم وقال عشان نتاكد نسويلك سونار سو سونار وقال قلبك مافيه شي بس ابتعد من المشروبات الغازية وال منبهات عطاني دوااءinderalرحت رجعت بس للحين مرات عوار بالقلب واحس بحراره المهم نسيت اذكر نقطة قالي الدكتور المفتاح عندك ياعبدالرحمن حاول تتحكم باعصابك وكل شي تمام الحين مرات احس بثقل بالقلب ونقزات ومرات الواحد لما يكون يوعان بطنه يكلع صوت او يحاول يشفط انا نفس الشي بس يصير بقلبي ممكن تقولون شنو السالفه وهل هذا امر خطير ولا شسالفه ولكم اجر الثواب انشاءالله.