السلام عليكم
بما ان الكل فتح قلبه وقعد يتكلم , وبما ان بوحا تم توقيفه خلوني اقولكم الصراحه
اول شي وبكل تواضع اقولها اني مااحب اشوف احد موقوف , انا عادي لأني رجل متفاهم واتحمل الكلام اللي اقوله , لكن ماادري غيري صدره وسيع ويتحمل كل كلمه يقولها او لأ , لكن انا شخصيا ما ودي اشوف بوحا او غيره موقوف , يمكن البعض يقول اني راح افرح بتوقيف بوحا بالذات لأن 5 سنوات اتوقف بسببه والحين اهو توقف
لا والله ما يفرحني هالشي , ولكن وبكل صراحه ويعذرني بوحا على صراحتي , اهو كان اذا موقوف على الكلام اللي قاله فوق , كان المفروض موقوف من زمان , من ايام اوتلاند , لأن نفس الطريقه اللي يتكلم فيها الحين كانت قبل 5 سنين , لدرجه اني قلت بوحا اهو مراقب بس يدخل بأسم ثاني عشان مايبي احد يعرفه
او ان المنتدى في واسطات وعنصريه وكل قسم بأعضائه ومراقبينه هم بالحقيقه اصدقاء خارج المنتدى , وطبعا اللي يدخل بينهم ويحاول يعمل شي مفيد يوقفونه
بوحا مشكلته ان مايعرف يسايس الناس , اذا زعل على شخص يرد عليه بالعميق , وهذا اللي كان يحصل من 5 سنين
لكن الحين يعني خف علينا شوي "على الاعضاء القدماء" وصار يدخل ويطلع تقريبا واهو ساكت , الا يوم دخلوا علينا الاخوان ورجع مثل قبل وزياده
اما المراقب انا مااختلف معاك يا اخ kkk واقولها لك اهو افضل مراقب مر على القسم بصراحه , ترتيب ومسابقات و قبل كان القسم مع العاب الكمبيوتر والحين صار له واجهه من الصفحه الرئيسيه وصار قسم مستقل وهذا كله بفضله ولا يهونون الاعضاء , لأن اعضاء القسم كلهم ربع وحبايب ويمكن اغلبهم عايشين مع بعض سنين
لكن المراقب عيبه الشرعي ان طيب فوق اللزوم , ويحسب مليون حساب لتاريخ تسجيل العضو , يعني يشوف عضو تاريخ تسجيله قبل تاريخ تسجيله اهو يستحي يعطيه انذار او توقيف , واذا صار المراقب ما يحسب حساب الدرجات يصير القسم فوضى والكل ياكل الثاني
يعني انت مراقب اعلى درجه من العضو العادي , والاداره سلمتك صلاحيات واذا تستحي تستخدم صلاحياتكم فأنت كتبت موضوع وقلت فيه طفح الكيل , الاغلبيه معاك وانا اولهم , بعد شنو ناطر ؟ اضحك وتغشمر وقول اللي تقوله محد قال لأ , والاعضاء بعد عارفين ان القهوه تسولف عن كل اللي تبي بلا حسيب او رقيب , لكن لا تسب احد او تغلط على احد شخصيا
يعني شيل الاعضاء وتكلم باللي تحب ماقلنا شي , وهذا الشي ضروري بكل قسم وحتى بالدوامات يسوونها , المهم المراقب تقولون لازم يضحك عكس المراقبين الثانيين اللي مايغشمرون , انا معاكم يسوي اللي يبي , لكن يكون راعي حق بالمقابل , يشوف فلان غلط يمسح مشاركته ويقوله يافلان لا تعيدها , اذا فلان هذا اعاد الموضوع يحذف مشاركته ويقوله يافلان هذي 2 مره , لاتعيدها
هذا الشخص المفروض يحس على دمه ويتوقف عن الاساءه , واذا اعادها الثالثه , المراقب يعرف ان هذا الشخص اول شي مايستحي , ثاني شي مو محترمني "يعني محترم المراقب" ثالث شي مامنه طب , تاريخ تسجيله قديم جديد حكه توقيف 3 ايام , واذا رجع بعدين نفس السالفه توقيف اسبوع , واذا رجع عطه مؤبد
يااخي kkk انت تقول انك تعرفني من اوتلاند , تدري يااخي الفاضل ان الناس اللي تشوفها معانا هني الحين , كلهم اجمعوا اني استحق وسام ؟ تدري اي وسام ؟ وسام اكثر عضو يتم توقيفه
مع اني اغلب التوقيفات اكون مظلوم فيها , لكن عمري ماارسلت رساله لمراقب وقلتله ليش موقفيني , الا مره سألت وطلع توقيف بقسم الاخبار , حتى يوشي لما صار مراقب اسأله قوله عمره سألك ليش متوقف ؟ انا نفس ماقلت اتحمل الكلام اللي اقوله , وتوقفت بعهد ازيروث و هت مان و يوشي عمري ماشلت بقلبي على احد فيهم
ايام اوت لاند اول مادخلت القسم كان ميت , سنه 2007 , كان القسم مجرد مجموعه شباب يكتبون شنو راح يصير بالباتشات القادمه ومواضيع عاديه , يوم دخلت معاهم وكانت بدايه كمساعده فقط , مالي علاقه بالبيع والشراء ولا اسأل عن شي معين , دخلت عشان اساعد الناس المبتدأه
وخلني اقولها لك بصراحه , بوحا كان ضدي وقتها , وكان يستعمل معاي نفس الاسلوب العميق ماله , قبل كنت في منتديات وكان توقيعي مندوب الغائب , بالقسم اول مادخلت حطيت اسمي مندوب ملك اللعبه , وانا مو متوقع شي للأمانه
ولكن بوحا وكم واحد والحين ماصرت اشوف ولا واحد فيهم كانوا ضدي , اول مادخلت مسكت قسم الاستفسارات ومازلت فيه , كنت اشوف ناس تسأل وتنتظر اسبوع ماتحصل رد , وصرت ارد على الناس واحاول ما اطنش احد وفوق هذا كنت ادخل بردودي روح الدعابه
كلامي ماعجب احد فيهم , والظاهر قالوا خلونا نسوي رايد و نهجم <----- نفس هالطريقه بالدعابه اللي ادخلها بالمشاركات . المهم قالوا شنو ملك اللعبه وهالخرابيط , كأنهم يغارون ان في واحد ملك اللعبه , ومن يومها ما استساغوني يعني ابلعوني , وكل مشاركه اكتبها واقول فيها مثلا
روح للمكان الفلاني تحصل الحل لأني اتصلت على الملك وقالي هالكلام , هني يصيرون مجانين الشباب و يطفشوني ويستفزوني لين ارد عليهم , ولكن لو تشوف الردود اللي اكتبها مافيها غلط بالاشخاص ولكن هم تشوف الغلط فيني شخصيا
انام اقعد من باجر وادخل اشوف تحت اسمي عضو موقوف , اقول ليش شنو سويت , وكنت دايم بروحي , و هم مجموعه مسوين رايد على اي شخص يدخل جديد , لكن انا نسمي طويل وقعد وتحملت عشان الناس اللي كاسره خاطري تكتب سؤال وماتحصل رد
المهم كل شوي موقوف موقوف لين توقفت نهائي , انا اعترف اني غلطت على ناس بالعميق مااقولك لا ولكن كنت يعني مدافع , و ارد بالمثل لكن توقعت انهم مراقبين ويدخلون بأسماء ثانيه كأعضاء , وبعد التوقيف سجلت ولد بطنها , واهو الاشهر هذا
بالبدايه لما كنت ادخل في مناوشات مع بوحا <------ leader
وباقي الرايد اللي تعاهدوا على قتلي , كنت في بدايه كل موضوع مناوشات اقول للناس , شوفوا ياجماعه من يبدأ بالهوشه , ويبدأون هم ولكن مااشوف احد يوقف معاي من الناس , مع ان كلهم اتفقوا على ان بوحا وباقي الرايد هم الغلطانين
اما التعقيب على مشاركاتي فحدث ولا حرج , كل موضوع ادخله وقتها واشارك فيه , يصير اكثر موضوع عدد مشاهدات وهذي حقيقه
لأن لما اكتب رد في موضوع يدخلون بعض الرايد مو بوحا , لكن بعضهم من ربع بوحا ويعملون اقتباس على ردي ويعلقون عليه , والكل الحين يعرف السالفه ويذكرها , كانوا يتركون الموضوع ويعلقون على مشاركاتي , وقلت للناس عن هالشي شوفوا شلون يبحثون خلفي
ولما تكبر السالفه يدخلون باقي الرايد ويقولون ولد بطنها انت راعي مشاكل , يعني 5 يدخلون الاول يعلقون على مشاركتي واذا صارت الهوشه , يدخلون 5 غيرهم عشان يحرضون الناس ويقولون ولد بطنها انت راعي مشاكل , ومني ومناك وشيل وحط , تدخل من بكره تشوف ولد بطنها عضو موقوف
يعني لايزعل مني بوحا وباقي الرايد , لكن الماضي الواحد وده يتذكره
انا من دخلت ومسكت قسم الاستفسارات , لأن اهو القسم اللي عاده يكون شغال يوميا , ولما يشتغل يوميا الناس تشوف في مشاركات جديده قاعده تكتب , فيدخلون ويشوفون شنو مكتوب
فوق هذا حس الفكاهه موجود بالمشاركات تخلي الناس يستمتعون بالقراءه , فوق هذا طلعلي بوحا وباقي الشباب اللي ضدي وكل يوم مشكله حببت الناس بالقراءه بمواضيعنا
يعني انا ماكنت نفس نخيلان اعلق على الناس وامشي , انا كنت متكفل بقسم كامل واشارك مني مناك لكن الناس تحارشني وانا مالي شغل فيهم
عاد بعدين الناس اعرفت ولد بطنها منو , ناس وبكل تواضع اقولها حبتني بسبب هذا كله , ومن البدايه يقولون انت مالك شغل كله من بوحا , وانا عمري ماكلمت احد خاص وقلتله اعمل مع بوحا كذا او ادخل بأسم و طفشه او جمعت ناس عشان اسوي رايد ضده
كنت اسكت واكفي خيري شري , الى ان جاء اليوم اللي اجمع الناس كلهم ان بوحا اهو راعي المشاكل , والحين كم واحد قالها بعد ان بوحا راعي مشاكل , توهم يعرفون ان بوحا راعي مشاكل
عاد انت بوحا مو تقطها براسي , الناس تقول شوفه عينك , او اعمل موضوع في تصويت هل انا راعي مشاكل , وحط نعم لأ وشوف
وفوق هذا كله ومن خلال 5 سنوات والله اني مازعلت على احد فيهم ولا على مراقب وقفني ولا شلت بخاطري على احد , لأني والله ياجماعه اقسم بالله اني عارف ان راح يجي اليوم اللي تعرفوني فيه وتعرفون كل شي , وعرفت ان راح يجي اليوم اللي يخلي بوحا ياخذ توقيف لأن بوحا نفس حسني مبارك محد يتوقع انه راح يطيح
لكن هذي حال الدنيا , والبقاء للأقوى هههههههه
وكم واحد من كثر ما استمتع معاي دخل بأسم جديد و حاول يضحك معاي , كم من الناس اللي من اقسام ثانيه يدخلون وكم من الشباب اللي يستخدمون نفس طريقتي واسلوبي بالكلام
مو غرور والله , لكن شوفه عينكم كل شي امامكم , انا قلتلها قبل 6 سنين , بعد 100 سنه راح تعرفون قيمتي , بس تفاجأت بسرعه عرفتوا قيمتي
لحد يزعل من كلامي , لا بوحا ولا غيره اوكي
انتهى الجزء الاول
المشاركة الأصلية كتبت بواسطة ALShamsi4544
