السلام عليكم ورحمة الله وبركاته وبعد
مبارك عليكم الشهر الكريم
يا اخوان صدقوني ما خليت منتدى ولا سجلت فيه يخص البلاسيتيشن 3
قصتي قصة ومشكلتي اكبر وسالت ودورت ونصحوني في هذا المنتدى
مشكلتي بسيطة جدا بس الحل اجده انا معقد جد جدا
يا اخوان انا عندي بلايستيشن ( سوني 3) اشتريتها من الرياض قبل سنتين تقريبا
ولا اعرف شئ المهم مليت منها وسالت احد الاشخاص من اقرابائي في الرياض قال
انت تشغلها على اي وصلة قلت فيديوا قال لا العب بلاي ستيشن 2 احسن لك قلت ليش
قال سوني 3 لازم تشغلها على وصلة HDMI
قلت هذه وش هي قال هذه تعطيك صورة عالية الجودة
قلت كيف احصل عليها قال قبل ما اقولك ايش نوع تلفزيونك
قلت وش دخل التلفزيون انا عندي تلفزيون عادي
قال لازم تشتري شاشة بلازما او ال LCD
على شان تكون الوصلة موجوده قلت طيب المهم
بعد معانات انا والشايب وافق يشتري الشاشة المهم قبل ما اشتري اي شاشه اشتري
قال عادي لو هي صيني ماعندك مشكلة المهم الوصلة موجودة HDMI
المهم اشتريت شاشه اسمها ATC
والوصلة موجودة
ويافرحة ماتمت
حاولت بكل الطرق ما فيه فايدة عجزت اشغلها اظغط على زر التشغيل لين اسمع نغمة
وتصير زرقاء
ما فيه فيه فايده تطلع الشاشة سوداء ومكتوب انتظر 30 ثانية وترجع لي الشاشه زرقاء
صار لي سنه اعاني من المشكلة مليت طفشت
المنتديات الاخرى يقولون لي رح لاقرب محل يشغلها لك
ما يدري اني بالشمال وبمحافظة اسمها طريف ليس لديها كل التقنيات الحديثة
المهم قبل ما اشتري الوصلة خبصت فيها
وسعر الوصلة اللي عندي اشتريتها من الرياض بسعر 130 ريال
تكفون تكفون تكفون سااااااااااااااااااااااااااااعدوني