###مناقشات وحوارت عن PES2010 - WE2010 ###

[hamadino]

بالعكس يا الحبيب أحسن شي اضافة منتخبات الخليجيه ..
حلو انك تلعب بطولة كأس الخليج أو تلعب بمنتخبك بكأس العالم ..



حلوه أجواء المطر بس ليش ظلمه ؟؟

اي والله كونامي فيها غباء
و بعد في بعض الاشياء ممكن تحلي اللعبة
مثلا يكون اكو ثلج باللعبه ؟ مو بس شمس صحو
يعني اشياء يسييطة بس شوي تسوي تحليه للعبه

[hamadino]

ياجمااعه
fc bayern munich
موجود ولا لا ؟

[صقـــر Q8]

بايرن ميونخ ان شاء الله موجود( جميع الفرق المشاركة بدوري الابطال وكأس الاتحاد الاوربي موجوده)

[الوصلاوي]

السـ عليكمـ ورحمة الله وبركاته ـــلامـ ..

أتوقع بالنسبة لمنتخبات الخليج .. ماعتقد إنها راح تكون موجودهـ .. اللهمـ السعودية والبحرين والإمارات وأحتمال قطر .. على أعتبار إن هذه المنتخبات هي الموجوده في التصفيات النهائية لكأس العالمـ ..

خصوصاً إن البحرين " قد " تتأهل لكأس العالمـ على حساب السعودية ..

ومنتخب كوريا الشمالية تأهل .. فشي طبيعي يضيفونه .. ومنتخب العراق بطل آسيا .. والمنتخب الأوزبكي إذا كان موجود فبالتأكيد قطر موجودهـ ..

أتمنى عدمـ حذف منتخب الإمارات كما حصل في ويننج أليفن 4 ..

وشي جميل لو تكون جميل المنتخبات الخليجية موجودهـ .. لكني لا أتوقع إن هالخبر صحيح ..

فالفرق الخليجية بشكل عامـ ضعيفة جداً ..

[صقـــر Q8]

الوصلاوي كلامك حلو وتحليلك احلى
في رأيي وتوقعي:
ما اتوقع ان كونامي بتحذف منتخب الامارات بالعكس اهم بضيفون منتخبات وما راح يحذفون شي
بالنسبه للبحرين اتوقع انهم بحطونهم والسعوديه اكيد ان شاء الله اما الكويت وقطر وعمان !!!! في شك
اتمنى يضيفون كل منتخبات الخليج.....
اعارضك بنقطه:
منتخباتنا مو ضعيفه و في اضعف منها بآسيا ووايد بعد شنو اوزبكستان؟؟ وتايلند؟؟ وكوريا الشماليه؟؟ شنو انجازاتهم باسيا؟؟

[Stam]

مساء الخير أجمعين

اي والله كونامي فيها غباء
و بعد في بعض الاشياء ممكن تحلي اللعبة
مثلا يكون اكو ثلج باللعبه ؟ مو بس شمس صحو
يعني اشياء يسييطة بس شوي تسوي تحليه للعبه

أخوى كان الثلج موجود ب Winning Eleven قبل ما تتحور اللعبة إلى ال Pes اللى من بدت كونامى بإنتاجه قبل Winning Eleven واللعبة مروسه بالطين وهذا الواقع اللى خلا الفيفا الفاشلة بحاجات خلاها تتربع على عرش الألعاب الإلكترونية الرياضية وهذا واقع ما ينزعل منه
و عل و عسى إن شاء الله اللعبة القادمة تعود بشيئ من تاريخ ال winning eleven

-------
الوصلاوي أخوى كلامك متناقض أول شيئ ما تبى المنتخبات الخليجية و بعدين تتمنى ما ينشال منتخب الإمارات ...
المهم هو منتخباتنا الخليجية كلها دون إستثناء اللى كلها افضل من ماليزيا وتايلاند

[Sanabsie]

هلا
انا اتمنى يحطو افرقه بعد مو منتخبات بس يعني من كل دوله بطل الدوري على الاقل في الاوذر ليقا

[salah.vamp]

الشباب الكبارية في هذا المنتدى و أخص بالذكر (سنايبر/ بيكهام / صقر ) ارجوا منكم ان تلبوا لي هذا الطلب.
ابي اعرف من كل واحد منكم اهم المزايا و العيوب في pes2010 وياريت لو تكون على الشكل التالي(للترتيب فقط)
المزايا:
1-
2-
3-
العيوب:
1-
2-
3-
وذالك لما لكم من خبره في هذا المجال و ليستفيد الجميع و تكون النظر لل pes2010 نظرة واقعية
ولكم جزيل الشكر
ملاحظة : الرجاء من كل واحد ان يكتب المزايا و العيوب من وجهة نظرة هو فقط و لا يرى اراء الاخرين
pes for ever

[aaymann]

لما نضع رد بالمناقشات نلاقيه منقول لموضوع اخبار PES2010 بعد ما ينقل يحذف ليش يا مراقب !!!

[الوصلاوي]

الوصلاوي كلامك حلو وتحليلك احلى
في رأيي وتوقعي:
ما اتوقع ان كونامي بتحذف منتخب الامارات بالعكس اهم بضيفون منتخبات وما راح يحذفون شي
بالنسبه للبحرين اتوقع انهم بحطونهم والسعوديه اكيد ان شاء الله اما الكويت وقطر وعمان !!!! في شك
اتمنى يضيفون كل منتخبات الخليج.....
اعارضك بنقطه:
منتخباتنا مو ضعيفه و في اضعف منها بآسيا ووايد بعد شنو اوزبكستان؟؟ وتايلند؟؟ وكوريا الشماليه؟؟ شنو انجازاتهم باسيا؟؟

كونامي عادي تحذف بعض المنتخبات وصارت من قبل ...
مثل ماحذفوا منتخب الإمارات في فتره .. ومثل ماحذف منتخب المغرب ..

تايلند نعمـ أتفق معاكـ إنها لاتستحق التواجد .. لكن هل بتقول منتخب أوزبكستان وكوريا الشمالية أضعف من منتخبات الخليج ؟

أختلف معكـ في هذي النقطه ..
بتسأل عن أنجاز كوريا في آسيا ؟ .. تأهلت مرتين لكأس العالمـ .. وحالياً منتخبهمـ من كبار آسيا وتغلبت على الإمارات والسعودية ..!

قطر والإمارات لمـ تفعل أي شي في التصفيات .. وفشلت خصوصاً منتخب الإمارات الي كان بادي بداية قوية في التصفيات الأولية .. ومن ثم أخفق بقوه في النهائيات ...

عمان والكويت والعراق لمـ تتأهل للتصفيات النهائية ..
ولكن العراق بطل آسيا ... وشي طبيعي لو يتمـ إضافته في الجزء الجديد ... أما عن الكويت وعمان .. حتى لو قدمت هذه الفرق مستوى فني جيد .. لكنها لا تتواجد في النهائيات ولا في الأدوار النهائية للبطولات الآسيوية ..


أوزبكستان يمكن مثل منتخب الإمارات .. لم تحقق الكثير في التصفيات النهائية .. ولكنها منتخبات جيدة في الفتره الحالية على الصعيد الآسيوي ..

تصنيفي لمنتخبات آسيا " حالياً "

- اليابان
- كوريا ج
- استراليا
- كوريا ش
- السعودية
- إيران
- البحرين
- الإمارات
- أوزبكستان
- قطر
- العراق
- عمان
- سوريا
- الكويت

وتليها باقي المنتخبات ..
يعني كونامي لمـ تخطأ إلا في وضع المنتخب التايلندي .. غير هذا باقي المنتخبات هي الأقوى في آسيا الضعيفه .!!


أخي STAM

أنا كلامي مب متناقض .. وياليت تراجع ردي مرة ثانية لأنكـ ماقريته عدل ..
أنا ماقلت إني أرفض أو لا أتمنى منتخبات الخليج ..

وهذا سطر من ردي :

وشي جميل لو تكون جميل المنتخبات الخليجية موجودهـ .. لكني لا أتوقع إن هالخبر صحيح ..

وقلت أتمنى عدمـ حذف منتخب الإمارات .. لأني أتوقع إن كونامي من الممكن إنها تحذفه كما حصل سابقاًُ ...

[obie trice]

^
^
^
(وصلاوي

بخصوص المنتخبات الخليجية .. الخبر مو تأليف من عندنا .. الخبر نقله WENB عن كونامي !!
و نتمنى تأكيده عن قريب .. <<<<< أتمنى !!

تصنيفي لمنتخبات آسيا " حالياً "

- اليابان
- كوريا ج
- استراليا
- كوريا ش
- السعودية
- إيران
- البحرين
- الإمارات
- أوزبكستان
- قطر
- العراق
- عمان
- سوريا
- الكويت

كيف بس !!
انت قلتها تصنيفك .. و أزيد .. مع تعاطفك مع منتخب بلادك .. ..

راجع تصنيف الفيفا الأخير
و لا تدري تفضل تصنيف المنتخبات الآسوية و بالأخص الأسوية العربية
1- البحرين
2- السعودية
3- عمان
4- قطر
5- سوريا
6- العراق
7- الكويت
8- الإمارات
و هذا هو المصدر : http://www.fifa.com/worldfootball/ra...ion=0&rank=185


و على فكرة إضافة المنتخبات مو علشان انها تتأهل كأس العالم .. و لا على أدائها القوي ..
مثلاً .. عندك تايلند .. ليش موجودة في بعض الأجزاء السابقة ..
و كذلك النمسا !! في أوروبا ؟؟ و لاتفيا ؟؟!
و عندك الإمارات ليش ظافوها باجزء 2009 على شنو ؟!
هم عندهم طريقة معينة لإضافة المنتخبات تسألني شلون روح اسألهم ؟..
--

و بعدين ..
منتخبات آسيا دائماً تكون قليلة جداً في الأجزاء السابقة ... يعني شيء طبيعي لو يزيدون المنتخبات .. مادري وين المشكلة .. و المنتخبات الخليجية من أحسن المنتخبات في آسيا بعد اليابان و كوريا و استراليا و أوزباكستان

أتمنى هذه إجابة شافية و وافية >>> أخي وصلاوي ..
و بالنهائية أتمنى إضافة المنتخبات الخليجية .. .. .. .. .. ..

[صقـــر Q8]

اهم المزايا و العيوب في pes2010 وياريت لو تكون على الشكل التالي(للترتيب فقط)
المزايا:

شوف يالغالي ما اقدر احكم من اخبار لازم نجرب بس بجاوبك من خلال الاخبار اللي قريتها والصور اللي شفتها.....
المزايا:
1- حركة 360 درجه اضافه قويه وتحسب لكونامي
2-طور الماستر ليغ ودوري ابطال اوربا وكأس الاتحاد الاوربي مصدر قوة للعبه
3-Mocap حركة حلوه وتخليك تعيش الواقع

اما العيوب:
1- المحرك تمنيته غير
2-الركضه ياريت لو تتغير
3-تمنيت لوفي انديه اكثر ومنتخبات

هذا من وجهتني نظري بس ان شاء الله باللعب والتجربه يبين اكثر

[الوصلاوي]

obie trice

اضافة المنتخبات في الويننج اليفن مب على التصنيف العالمي ..

إنما على مستواها فاللعب .. وحتى التصنيف الآسيوي والفيفا .. كله كلامـ فاضي وليس له أية أهميه من وجهة نظري .. لأن التصنيف هناكـ يبنى على النقاط المأخوده من المباريات .. يعني لو منتخب يلعب وايد ويفوز تكون له نقاط أكثر .. ومن يخسر يخسر نقاط أيضاً وتصنيف الفيفا ليس على المستوى الفني .. ولكـ أن تأخذ نظرة فالجدول سترا الكثير من المنتخبات تتقدمـ على منتخبات أقوى منها فنياً .. ولكنها لم تحقق النقاط في مبارياتها الأخيره ..

يعني بذكر لكـ مثال .. هذه كلها منتخبات فوق منتخب الإمارات .. ولكن حالياً منتخب الإمارات أفضل منها فنياً بشاهدة الجميع :

Guyana
Sierra Leone
Suriname
Congo DR
Rwanda
Luxembourg
Thailand
Estonia
Cape Verde Islands
Georgia
Guatemala
Kuwait
Haiti
Grenada
China PR
Antigua and Barbuda
Malawi
Kenya
Barbados
Fiji

هذي المنتخبات كلها فوق منتخب الإمارات في تصنيف الفيفا .. فهل تقدر تقول إن كل هالمنتخبات أفضل من منتخب الإمارات ؟ ..

وبالنسبة لتصنيفي . هذا شي شخصي فيني حددته من نظرتي الفنية ..
وحدده عن طريق المستوى الفني للفرق .. وليس لنقاطها مثل مايفعل الفيفا والإتحاد الآسيوي ..
أنا ماتعاطفت مع منتخب الإمارات .. بل تكلمت بحياديه .. لو كنت متعاطف لقلت لكـ نحن أحسن عن اليابان ! .. خصوصاً إننا تعادلنا معاهمـ في اليابان هناكـ في مباراة ودية في منتصف التصفيات ..

أتمنى إضافه المنتخبات الخليجية .. وأعلمـ إن هناكـ ناس تتمنى منتخبها بكل شوق للتواجد فاللعبة .. لكني بس حبيت أبدي وجهة نظر على الموضوع لا أكثر ..

أحترامي

[صقـــر Q8]

نحترم وجهت نظرك

بس بالحقائق والدلائل كل شي يكون واضح

وتصنيفك ناااار لالالازم يعينونك بالفيفا يا خليفة بلاتر>>>>امزح معك

انا اتوقع الافرقه اللي فوق منتخب الامارات والكويت والخليج......

افرقه ماتلعب مباريات وايد انصدمت من افرقه اول مره ادري ان لهم منتخب لكرة القدم!!!!

يعني معقوله يلعبون وايد!!!! اكيد احنا نلعب اكثر منهم بطولات ومباريات وديه ونخسر وهذا يأثر على تصنيفنا....تحليل شخصي

[obie trice]

أنا ماتعاطفت مع منتخب الإمارات .. بل تكلمت بحياديه

أوكي وصلاوي ..
يعني الآن تعتبر منتخب الإمارات .. أفضل من البحرين و قطر و أوزبكستان و العراق و سوريا ؟
-- -- --
أبي جواب بكل حيادية ؟!