JiuJitsu
تسلم عزيزي ,,
شوف كل ما كان الوزن اكبر وعدات اقل كان تضخيم - وكل ما كان وزن اقل وعدات اكثر فا بروز وشبه تقسيم
بالنسبة للآلة الأولى نعم علوي خصوصا انها تحد بالفاصل بين اخر الصدر من تحت و أول البطن في أول عضلتين علويه
35 نقدر نقول عنه وزن فوق الخفيف بالنسبة لهذا التمرين او للبعض يعتبرونه متوسط وباين على الكابتن عندك يباك تحرق دهون وتقوي العضل عموما التمرين ممتاز
التمرين الثاني
جيد جدا وعن موضوع بروز عضلاتك العلويه اكثر فا اقولك لاتنسى انك تلعب علوي بوزن وسفلي بدون وزن
والسفلي بروز عضلته اصعب من العلوي يعني يباله صبر اكثر
لكن مو خلاص تستمر على هالنوعين من التمرين وخلاص لا عادي نفس كل عضلات الجسم وكل ماتغير جدولك شهريا او على حسب انت متى تغيره لازم تغير نوع التمرين للبطن
في ناس يغيرون شهريا وفي ناس كل شهر ونص وفي البعض كل شهرين
تمرينين للبطن كبداية ممتاز لكن بعد شهر تحاول تضيف تمرين زياده مع تغيير نوعية التمارين وبعد شهر اخر تزيد تمرين اخر ليصبح عندك 4 تمارين بطن هاذا اذا حبيت تمشي شوي شوي واذا جسمك مؤهل وجاهز فا لايضر 3 تمارين او 4 حاليا لان تمرينين صراحتن مايكفي الا اذا كان تاهيلي تمام
ومثل ما نعرف فا عضلة البطن كغيرها من العضلات يجب ان ترتاح والافضل مره اسبوعيا او مرتين كحد أقصى
وتقدر تحط تمرين او تمرينين جوانب للخصر حاليا
بندر053
العفو عزيزي ,,
عزيزي عضلة البطن كباقي عضلات الجسم يجب ان ترتاح
اذا كان تمرينك بأوزان للبطن فا مثلها ك مثل باقي عضلات الجسم يوم واحد اسبوعيا او بالكثير يومين اذا ما كان للبطن اكثر من اربع تمارين
اما اذا كنت تمرن بدون وزن وبس تسخين وعدات لا بأس بها قبل بدايتك لتمارين باقي العضلات فا عادي اخوي ماراح يكون هناك ضغط كبير على العضله بشرط ماتزيد تمارين البطن عن 3 تمارين علوي وسفلي وجوانب فا تقدر تعطيها من 3- 4 مرات بالاسبوع
عزيزي الأرآء تختلف من شخص لآخر لكن الأفضل انك تفكر بعقل وتحسبها صح وتعرف ان عضلة البطن مثل أي عضلة اخرى وحالها من حالهم