الله يعطيك العافيه وكل الشكر لك
الله يعطيك العافيه وكل الشكر لك
تسلم حبيبي على الرد وماتقصر كلك خير,,,, والأخ ديزايية ماقصر بعد نصحنا ونفعنا..
هلا اخوي اولاً لازم كلنا نضع في راسنا انه المكملات ليس بجيدة لمن هم دون 18 سنة
عمري 29
ولذلك كل واحد مثلاً يكتب الاستفسار ياريت يؤكدلنا بصدق لو كان اقل من 18 علشان لا نكون نصحناه بشيء خاطئ ويصير فيه شي لا سمح الله وبعدين نكون احنا السبب
الله يبعد عنك كل شر ويوفقك يارب ويعطيك اللي بخاطرك..
نرجع لاخونا ابوغادة بخصوص البروتين هذا ماعندي علم عنه بس شوف النترتيشن فاكت اللي مكتوب ورى او القيم الغذائية من سعرات والحصة جم سكوب وجم بروتين فيه وكاربز ودهون وهل فيه كريتين او غيرها
هذا اللي فية من الأخ كاتبنها لي الأخ الكريم ديزايية.
Nutrition Information
Per 90g (daily serving - 3 scoops)
Energy357Kcal/1493 kJ
Protein (on dry matter)72g*
Carbohydrates 4.95g
Fats4.05g
*Equivalent of 76g measured on dry matter
Please note: virtually lactose free
Key Ingredients
Per 90g
Glutamine Peptides 5g
Methoxyflavone300mg
N-acetyl-cysteine (NAC) 200mg
Taurine 100mg
Chrysin100mgBeta-ecdysterone(97%)40mg
Chromium Chloride200µg
ايظا يحتوي على :
Contains 72g* of whey protein per daily serving (82% whey protein content) 200mg n-acetyl-cysteine (NAC) 200µg chromium polynicotinate 5g glutamine 300mg methoxyflavone 5g creatine monohydrate 100mg taurine
لذلك لو تبي توفر فلوسك اخذلك موزة قبل التمرين مباشرة ولازم يكون وجبتك اللي قبل التمرين ملئية بالكربوهيدرات مثل بطاطا مسلوقة وشوفان وهالامور كلها تعطي طاقة وقت اللعبة وكذلك خذلك موزة كبيرة معاك التمرين وبعد كل تمرينين ثلاثة اكلك نتفة مثل ما نقول بالبحريني او قطعة يعني لين ماتخلصها على مدار التمرين
الله يعطيك العافية ..
سكوب من البروتين في 8-12 اونص من الماء + موزة + ملعقتين زبدة الفول السوداني + شوفان 4-5 ملاعق واخلطهم في الخلاط وبعدين اشربهم
انزين لو اكلتهم كل شي بروحة فية مشكلة؟؟ احس الخلطة مابتجيب الراس بتفر راسي.
..وتستطيع اضافة الكريتين بيفيدك في التضخيم وزيادة الوزن ولكن اكرر الكريتين يعني زيادة شرب الماء بشكل كبير جداً خلال فترة استخدامه
اي واحد اخوي اللي حاط انت صورتة لبعض الأعضاء في موضوعك السابق اذا هذا هوة خلاص عرفتة.. وانا من النوع اللي احب اشرب ماي واجد..
صالة كاليبر جيم خوك اللي في سند وانا من سند... والله يعطيك الف عافيات ويعطيك اللي بخاطرك..وما قلتلي في اي جيم في البحرين تلعب
تسلم برسا اوكي نكمل عالواي بروتين ^^
هلآ بعودتك وحيآك الله عزيزي الـ AI_BARCA
بالتوفيق ان شاءالله
merci mon amie
اخوي البرسا
وزني هذا 80% عضل ما عندي فات كثير
وابي ازيد ضخامه زي ما ذكرت لك
اخويي البارسا : هل يتم اخذ استخدام المكملات ( الأمينو10000+الواي بروتين ) بنفس الكمية في يوم الراحة؟ ولو كان لدي يومين راحة هل استعمل ام اتوقف؟
خبيرنا البرشا منور من جديد وحياك الله بعد انقــطاع
عزيزي انا من المتابعين بشغف لمواضيعك وردودك واستفدت بشكل كبير منك
الله يجزاك الف خير عن اي حرف تعلمته منك بموضوع الضخامة والتقسيم ونوع المنتجات
اخوي سؤال يقول
ان لي 5 شهور وانا مستمر العب حديد والحمد لله راضي بشكل معقول عن جسمي
لكن انا استعملت اول مادخلت الحديد النواكسبود مع الواي بروتين وبعدها انقطعت لمده شهر
واخذت منتج انيمال بمب ومستمر معاي لحد الان هل تنصح بعد ماخلص الانيمال بمب اكمل
على منتج كرياتين او لا
لان محتاج مكمل يعطيني بور اختار لي مكمل عن تجربة لرفع الحديد وانا عارف ان التغدية بالمقام الاول وبعدها المكملات
تغذيتي ممتازه من وجبات الكاربو قبل التمارين ووجبات البروتين بعدهــا لا
مع العلم وزني 74 وطولي 172 سم وعمري 26 سنة
نسيت أخبرك حبيبي البرشا ان الجدول مو شغال..
نعود من جديد
الاخ " بطل أجسام "
ان شاء الله في اقرب فرصة ازودك بالرقم
====================
الاخ " JiuJitsu "
بلا ادنى شك تلعب حق تخسيس لانه وزنك غير مناسب لجسمك بالاضافة لنسبة الدهون كبيرة واذا تبي جسم حلو المفروض تكون نسبة الدهون عندك مابين 7-10%
كلمة نتائج اسرع بصراحة انا ما احبها لانه مافي شي اسمه نتائج اسرع .. متى ما التزمت بنظامك الغذائي ونومك الصحيح وتمرينك الصحيح بتوصل لنتائج حلوة
بخصوص المكملات حلوين بس مشورتي تقولك انك تستبدل الجلوتامين بالكازين بروتين يعني يصير عندك
وي بروتين + كازين بروتين + ملتي فيتامين سواء انيمال باك او غيره
لانه الكازين بروتين بطئ الهضم ويستعمل حق بعد التمرين وقبل النوم بمعنى
الصبح تستخدم الوي بروتين - بعد التمرين تستخدم سكوب وي بروتين تخلطه مع سكوب كازين بروتين - قبل النوم تستخدم سكوب من الكازين بروتين
لانه الكازين يحتوي السكوب الواحد على 10 غرام من خليط الجلوتامين والاحماض الامينية او ما يسمى BCAA
بخصوص السباحة ودام انت تبي جسم حلو ومفصل فلا ضرر من السباحة من 2-4 ايام في الاسبوع حسب وقتك ورغبتك وطبعاً بخصوص المدة يعني بين 20-30 دقيقة على الاقل وبالاضافة لذلك المسافة عليك انت هل بتروح بطئ مسافات طويلة ولا مسافات قصيرة سريعة وبينها شوية راحة والتنويع زين مثل ما يقولون
بخصوص السؤال الاخير لم افهم سؤالك جيداً ياريت توضح او هل تقصد كم سعرة حرارية تحتاج في اليوم لتخسر وزن او ارجوا توضيح السؤال بشكل افضل لكي تصل لي المعلومة
====================
الاخ "ابو غاده"
ترى بخصوص العمر ماكنت اقصدك انت بس اتكلم بشكل عام علشان لا احد ينضر فلا يروح فكرك اني كنت اقصدك انت
بخصوص البروتين اشوفه جيد حسب القيم الغذائية له
ولا تحتاج لكريتين وجلوتامين لانه به نسب جيدة من الاثنين
بخصوص الخلطة بالعكس انت اعملها وجرب وشوف وادعيلي ومع حليب خالي الدسم تطلع احلى واحلى بس ما انصح بالحليب بعد التمرين لانه الجسم ما بيمتص البروتين عدل فلذلك لو تبي تعملها قبل التمرين بـ 45 دقيقة للطاقة او مثلاً كسناك بين الريوق والغداء تقدر تستخدم الحليب الخالي او القليل الدسم ولكن بعد التمرين مع ماء
لو حاولت تاكلهم قطعة قطعة بتحسها مستحيلة او صعبة يعني كيف بتاكل الشوفان وملعقتي زبدة الفول السوداني راح تسد نفسك وما بتقدر تواصل تاكل شي وعندك موز وبروتين فلذلك خلطهم في الخلاط افضل شيء
====================
الاخ " mashkaljey " هلا فيك ومرحبتين
الاخ " safitop " حياك الله ولا شكر على واجب ولكن رجاءاً مرة ثانية الكتابة بالعربية
الاخ " M.S.B "
خلاص حلو دام الموضوع جذي يعتبر ممكن تزيد وزن وعضل وخاصة الحين مع الشتاء بيكون في نفسية مفتوحة اكثر للأكل
طبعاً وزع اكلك 50% كربوهيدرات 30% بروتين 20% دهون والياف
بخصوص المكملات ممكن تستخدم بدال الوي بروتين البروكومبلكس اقوى وافضل اذا كنت تبي تزيد ضخامة عضلية ولكنه يمكن يكون غير اقتصادي وهذا عيبه وانت وميزانيتك
فلذلك ممكن تستخدم التالي
بروكومبلكس - انيمل بامب - انيمال باك - كازين بروتين
وتقدر تستغني عن الجلوتامين لانه البرو فيه 10 غرام والكازين كذلك وخاصة انك بتحتاج الجلوتامين بشكل اكبر بعد التمرين وقبل النوم والبرو بعد التمرين والكازين قبل النوم يفون بالغرض
ولكن اكرر لازم تركز على اكلك بنسبة 70% وتخلي وجباتك من 6-7 او كل ساعتين ونص تاكل لان هو اللي بيجيب لك نتايج للتضخيم وعليك بأمور الكربوهيدرات مثل الشوفان - البطاطا المسلوقة - الحليب القليل الدسم او الخالي الدسم - زبدة الفول السوداني الخ الخ الخ
ممكن تستخدم مكملات ثانية لو ماتبي الاولية وممكن انصح فيها
بروكومبلكس - سوبر بامب 250 - وممكن تضيف له السايز اون من نفس الشركة + الانيمال باك والكازين بروتين
====================
الاخ " باب خيبر "
نعم بنفس الكمية ماعدا تستغني عن الحصة اللي تستخدمها بعد التمرين يعني مثلاً بروتين بعد التمرين تستغني عنه في يوم الراحة ولكن في الصباح وقبل النوم مثل ماهم .. الامينو اذا كنت تستخدمه قبل وبعد التمرين تلغي هاي الحصتين وتستخدمه مابين الوجبات كما تستخدمه ايام التمرين
====================
الاخ " ESKOBAR "
الف شكر على الاطراء
لما تخلص الانيمال بامب وقف ثلاث إلى اربع اسابيع وبعدين اخذ والخيارات عندك
في السوبر بامب 250 + السايز اون
في النانو فابور + الانابولك هالو
في شركة اسمها مجنوم ما اادري هل موجودة عندكم او لا فتقدر تستخدم السيروم + الاي بمبمب + الدي ان اي من نفس الشركة
وفي امور اخرى ايضاً ولكن واحد من الخيارات يعتبر ممتاز شوف المتوافر واللي يشور عليك به قلبك
====================
الاخ " ابو غاده "
اللنك شغال فقط انسخ الرابط والصقه في المتصفح وبيشتغل معاك
كل التوفيق للجميع
http://www.montada.com/blog.php?u=87594
تفضلوا بزيارة المدونة الشاملة سيكون فيها ان شاء الله اغلب الامور المهمة من مواضيع أنواع الدايت .. المكملات وفوائدها وأفضل الأنواع .. بعض الاكلات وطرق اعدادها ... وأكثر ان شاء الله لتكون مكان شامل لكل المعلومات التي يحتاجها اي شخص
مشكور اخوي البرسا
وجزاك الله خير
مشكور اخويي البارسا وجعلها الله لك في ميزان اعمال الخير
عندي استفسار ثاني عن الدهون وانا افرفر هنا في المنتدى اسمع واحد يقول قست الدهوت طلع12% وواحد يقول 14% وانتون تقولوا مشان تطلع عضلات البطن لازم الدهون أقل من10%
ابي اعرف انا كيف اعرف نسبة الدهون في جسمي هل اشتري جهاز خاص من الصيدلية وكيف طريقة استخدامه؟
ام اروح المستشفى اسوي تحليل دم وهم يقولوا ليي كم نسبة الدهوون
وجزاك الله خير ياخ بارسا عالرد الوافي
وبخصوص السؤال الي مافهمته بوضحلك
انت تقول الي يلعبو حديد لازم ياكلو قبل التمرين وجبه فيها كاربوهيدرات عشان تعطيهم الطاقه بالتمرين
طيب والناس الي يلعبو كارديو هل يحتاجو كاربوهيدرات تمدهم بالطاقه (( واذا كان الجؤاب نعم كيف اعرف الكميه الي احتاجها من الكربوهيدرات ))
وعندي سؤال ثاني واسمحلنا على الازعاج بخصوص الليبو 6 اكس لازم اخر مره اخذه الي هي المره الثانيه باليوم تكون قبل 6 ساعات من النوم
يعني لو واحد مثلي ينام الساعه 12 ياخذه على الاقل 5 العصر صح ولا لانه مكتوب لازم بالليل اخذه اناامس اخذته بالمغرب وسهرت بالغصب بسببه خخخخ
والسموحه عالاطاله
الجهاز اللي يقيس الوزن والدهون مو دقيق لانه يقوم بس بعملية حسابية يعني يقول اللي طوله173 لازم وزنه 73 والزيادة كله دهون وما يحط في عين الاعتبار حجم العضلات اللي عندك يعني مو دقيق