حصريا: بأعين عربية TGS ومحل سكوير اينكس

[mojahid00]

مرحبا شباب

صارلي فترة ماشاركت معاكم ما بقى لي من اللعبة غير الصحبة و

الشباب الطيبين الي تعرفنا عليهم و مثل ما وعدت مشرفنا بو خدود

وردية بحطي بعض الصور لزيارتي لمعرض طوكيو للالعاب قبل

اسبوعين و السموحة على التاخير في رفع الصور هذي ثاني زيارة

لليابان خلال ثلاث شهور وحبيت اشاركم بالصور و اعذروني على

جودة التصوير صراحة المعرض زحمة جدا ما قدرنا نلعب او

نجرب للاسف فاينل 14 ماعرضوا فيها غير الفلم البسيط

اخر الصور لمحل سكوير اينكس في طوكيو

[mojahid00]

[Hawu]

عجبتني طريقة عرضك للصور

مشكور ع الموضوع واللي لفت انتباهي انه اكثر اليابانيين يلبسون كمامات !!!!!

ربيعتيه راحت هالمعرض بعد, بس ما اتذكر اي وحده فيهن ولا كنت بقولها تعطيني صور احطها هنيه!

[.dark man.]

مشكور اخوي مجاهد

اشترى لي خاتم من هناك حق ساندوريا ^^

[Hawu]

مشكور اخوي مجاهد

اشترى لي خاتم من هناك حق ساندوريا ^^

انا بعد اريد خاتم!

عندي ميدالية سندوريا يمكن اصورها واحطها

[.dark man.]

خاتم سندوريا 115 دولار . غالي مره

اطلع لاقرب محل واقل اريده نفس الشيء واشتريه برخص التراب

عطينا الصوره حقت الميداليه

[Angel Of Night]

ياحظك والله أبي أروح وياك <== ماشاءالله مانبي نحسدك

بس تصدق أنت قلت لي قبل ماتسافر أجيبلك شيء معاي قلت لك لاوالله ماأبي شيء
بعد هالصور أبي شيء أبي الخاتم ولعبة القطن هذه مالت الوحش النار والله نسيت إسمه اللي يطيح منه خاتم BBQ و Action figure مالت سيفروث خخخ أمزح وياك

بس أنت قلت بتحط صور المعرض بعد يومين مرت إسبوعين على اليومين حقتك خخخخ

بس أهم شيء سلامتك عزيزي وإذا للحين هناك ترد بالسلامة إن شاءالله

[.dark man.]

خاتم ساندوريا في موقع سكوير

سيفروت شفته في احد المحلات بالرياض

[mojahid00]

سلام شباب اعذروني على تاخري في التعقيب و الرد و اشكر الشباب على ردودهم الطيبةو ان شاء الله عجبتكم الصور

**المعرض مجملا كان جيد من حيث العرض والزخم الجماهيري و الاعلامي الكبير الغريب ان بعض الشركات الامريكية و الكورية ما شاركت في المعرض مثل Blizzard و NcSoft معظم الشركات المشاركة يابانية

** سكوير اينكس كانت الاقوى من حيث العروض و الاكثر جماهيرية و لا مقارنة مع باقي الشركات و عندها شاشتين كبار و منصة لتجريب فاينل 13 .. شاشة تعرض فاينل 13 و شاشة اخرى تعرض الالعاب القادمة مثل فاينل 14 و باتمان و الباتش اليديد لفاينل 11

** قسم المبيعات سكوير اينكس بعد استحوذت على التركة و عرضت اغراض مش موجودة في المحل للاسف و ال cosplay من احلى العروض في المعرض الي يحب اي شخصية يلبس مثله و يجي يصور هناك شفت واحد لابس مثل الريد ميغ بغيت اصيح ذكرني بالماضي الجميل

** كان في قسم خاص للجامعات تعرض العاب يقوم بتصميمها الطلاب طبعا نحن نحلم يكون عندنا جذيه

أختي Hawu

الكمامات و المعقمات في كل مكان و عندهم حاجة طيبة لو واحد فيهم مريض يلبس كمامة عشان ما يعدي الناس مب شراتنا *علي و على اعدائي

و عن الخواتم الشباب المرة الماضية يوم سرنا ما خلو شي ما اشتروه و رجعنا ايد ورا و ايد جدام بعد ما فلوسنا و فاينل 11 مالها اغراض كثيرة تنباع قليله جدا

حبيبي دارك مان

لو اعرف انك تبي الخاتم لو طرشتلك انا حدي أكواب شاي هههه طبعا موغل و شكوبو حق خليفة و غاية عيالي يتصافعون فيهم ...

سورد مان

خلاص انا ناوي على E3 في امريكا خاوينيه على قولت بو مهير بسني من اليابان كنت ناوي اجيبلك cosplay مال Luffy واحد من ربعنا اشتراه و لبسه عجيب

سامحونا على القصور و الي يبي اي معلومات عن اليابان حاضرين للطيبين