إحذروا :بدائل السكر ؟ تعريفها - تركيبها - أعراضها الجانبية ؟! (1- الأسبرتيم )
السلام عليكم ورحمة الله وبركاته
نبدأ علي بركة الله
ده مقال أعجبني جدااااااااا من موقع http://www.bodybuilding.com/
وكان لازم أنقله لكم لأنه موضوع خطير
في العصر الحالي بيعتمد معظم لاعبي كمال الأجسام والمتبعين للحميات الغذائية علي بدائل السكر الطبيعي أو المحليات الصناعية أيا كان إسمها التجاري وتنوعت الأبحاث وصناعات بدائل السكر في الأونة الأخيرة علما بأن معلقة السكر تساوي 4 كالوري لذلك يتجه الناس لبدائل السكر حتي يحصلوا علي مذاق جيد للأكل والشرب بدون سعرات حرارية عالية
ولكن معظم العلماء والأطباء ترددوا كثيرا في الأعلان عن بدائل السكر نظرا لأعراضها الجانبية وتأثيرها علي جسم الإنسان مثل الأسبرتيم والسكرين وحتي أخر أنواع بدائل السكر إستحداثا Sucralose لم يدرس حتي الأن ولم تنتج عنه أي دراسات كافية.
نبدأ علي بركة الله بأول نوع بقي من أنواع المحليات الصناعية أو بدائل السكر
الأسبرتيم Aspartame
الأسبرتيم ياجماعة أكثر حلاوة من السكر 180 مرة عشان كده بيعتبر صفر كالوري مع إنه يساوي نفس السعرات الحرارية للسكر بس عشان حلاوته المضاعفة
علي سبيل المثال لو مسكنا كانز كده لنفرض إن فيه 40 جرام سكر عادي يعني ما يعادل 160 كالوري لو جينا إستعملنا في نفس الكانز ده الإسبرتيم بديل للسكر مش هنستخدم غير ما يعادل بالضبط 1 كالوري من الأسبرتيم
وده كفيل إنه يوصل لنفس الحلاوة في المذاق لأنه أكثر 180 مرة حلاوة من السكر ولأن الأسبرتيم بيحتاج كمية بسيطة جدا للتحلية بيه فال FDA صرحت بيه كبديل وسمحت بتداوله في الأسواق كمنتج عادي بديل للسكر
المشاكل اللي ظهرت أثناء إستخدامه والأعراض الجانبية ليه
رغم فعلا إنه منتج ترددوا في طرحه ورغم إن ال FDA صرحت بيه إلا إنها أصدرت ادارة الاغذية والعقاقير وثيقة تحتوي على 92 من الأعراض المعروفة من إستخدام الإسبرتيم وهي كالأتي :-
- صداع
- قئ
- دوخة
- ألالام في البطن
- تغير في الرؤية
- إسهال
- فقدان الذاكرة
- الضعف العام
ده علي المدي القصير أما بقي عن المدي البعيد من إستخدام الإسبرتيم بشكل موسع في حياة الإنسان بيؤدي إلي تفاقم الأزمة وأمراض خطيرة زي
- الصرع
- أورام المخ brain tumors
- التصلب المتعدد multiple sclerosis
- التعب المزمن
- مرض باركنسون
- الزهايمر
- التخلف العقلي
- السكري diabetes
- العيوب الخلقية birth defects
- الغدد اللمفاوية Lymphoma
- Fibromyalgia
وغيرها من الأعراض الجانبية وبسبب كده ياجماعة يعتبر الأسبرتيم الأن حسب تصنيف الأطباء أخطر مادة في السوق تستعمل كبديل للسكر سواء في الأكل أو الشرب
طيب بيتكون من أيه وتركيبه أيه المخفي ده اللي بيجيب البلاوي دي كلها
- phenylalanine acid
- aspartic acid
طيب المركب اللي فوق ده رقم واحد phenylalanine acid موجود أصلا في الدماغ ولأن في بعض الناس أساسا عندها
إضطراب وراثي يسمي PKU يعني الجسم لا يستطيع إيض phenylalanine فده بيتسبب في رفع مستويات phenylalanine في الدماغ
واللي بيؤدي طبعا في النهاية إلي الوفاة
طيب بقي دلوقت أبعد عنه إزاي يعني موجود فين ده بالظبط
ما تخافش سهل جدا تعرف هو فين لأن الأسبرتيم ما ينفعش يستخدم في المخبوزات لأنه مابيستحملش درجة الحرارة وبيتكسر ويفقد حلاوته
ولذلك المنتجات اللي بتبقي فيها الأسبتريم هي سوائل أو منتجات غير مخبوزة أو مطبوخة زي الزبادي والجلاتينيات والحلويات
يعني الدايت كولا والبيبسي دايت بأنواعها
بإذن الله كده خلص الأسبرتيم فاضل معاكم كام نوع
والبدائل الصحية للسكر وبإذن الله هكتب كل واحد في موضوع منفصل
عشان الناس ماتدوخش ورا الصفحات والكلام ده
يتبع بإذن الله
منقول
المشاركة الأصلية كتبت بواسطة wetete
؟؟؟!!!!!!!!!!!!!! ا
رد: إحذروا :بدائل السكر ؟ تعريفها - تركيبها - أعراضها الجانبية ؟! (1- الأسبرتيم )
