"مذووب" ..
عشق البطولة عطاك الجواب الشافي وهم اصحاب الخبرة وانا فقط مستهلك مالي خبرة في النصايح P: .. بس للامانة هالمنتج انا مستخدمه شخصياً وافضل منتج مر علي .
"د/عمرو" - "عشــق البطــوله"
انا استخدمت هالمنتج بعد مادخلت في محادثه جماعيه مع شباب ماشاء الله عليهم كل واحد يقول الزود عندي ، بنادي الجولد جيم (سابقاً) عندنا وهو نادي محترم وفيه لاعبين محترفين كثر وكنت انا توني ببدايتي ووزني بين 53 الى 55 .. وكنت استخدم ويت غيرنر وكان كريه مافادني وبعدها قلبت على بروتينات عديدة ما ارتحت معاهم .. المهم ..
نصحوني بهالمنتج والتعليمات كانت ان استخدم الاوريجنال بالاول علشان يزيد وزني وبعد ما اوصل لوزني المناسب اقلب على الديلوكس لانه يساعد على التضخيم .. وبالفعل اخذت الديلوكس لما وصل وزني قريب الـ 70 وبعدها لاحظت ان جسمي بدء يتضخم بشكل ملحوظ وحجم العضلات بالجسم كبرت .. ودائماً كان عندي 6 باك فلاتخاف من الدهون لاني ماعانيت منها ..
بالنسبة لتجربتي بشكل عام اشوفها ممتازة مع هذا المنتج .. ويمتاز هالنوع بنتائجة الملحوظه وطعمه المميز وكثرة المواد فيه وتقدر ترجع للمواقع وتشوف الفارق الشاسع في بعض المكونات ، ونسبة الدهون ماكانت تزيد عن 12% في اسوء الحالات .. ومعظم الوقت اكون بين 10% الى 7% .
السلبية الوحيدة للمنتج هو انه غالي لانه يخلص بسرعه جداً ولازم تشتري كمية .. لان لو بتاخذه كل يوم مرتين والعلبة فيها 36 كيس .. يعني ممكن 3 علب لشهرين بس .