( للتفضل بمشاركتك واعلامنا بافضل منتج حقق نتائج واضحة معك )

[toto jeddah]

هلا فيك اخوي

صارلي العب حديد 5 سنوات والحمدالله ماقربت صوب الابر والهرمونات
اول شي طول 179 وزني 88
الفائدة ان الكورس المكملات اللي ماشي عليه ممتازة ومعطية نتايج معاي من ناحية الكتله العضليه وبروز العضل والاكتاف .

ماشاء الله تبارك الله ,,
اذكر المنتجات وتجاربك معها ليستفيد الجميع
بالتوفيق

[P r e s t i g e]

بسم الله الرحمن الرحيم

مشآء الله تبآرك الله موضوع ثري بالمعلومآت والتجآرب وصراحه انا استفدت منه بشكل كبير بآرك الله فيكم

ولا عدمنآ معلومآتكم وتجآربكم القيمه

انا راح اتكلم عن تجربتي مع المكملات قبل رمضآن طبعآ واتمنىآ انكم تستفيدون لو اقل الاستفآده

طبعآ اول منتج النيترو تيك الجديد

صراحه مدري وش الي خلاني استخدمه كنت ابآخذ البروكومبلس العآدي فسمعة كلام العالم تمدح فيه و يمكن عشآن شهرته ولا كثر الدعآيآت طبعآ شريت منه اربع علب <<لانه يقلون ماراح يفرق معك الى بعد العلبه الثالثه

اول علبتين في اول شهرين من الاستخدآم كنت استخدم سكوب قبل وبعد النوم وبعد التمرين

طبعآ كآن وزني 70 في زآد خلال شهرين 1كيلو عضل فا انصدمت فقلت بآقي علبتين فقالي الي شريت منه المنتج ارفع عدد السكوبآت خقتك ل6سكوبآت وفعلا خلال شهر زآد وزني الىآ 73 فلازلت غير راضي لان المنتج يقول يرفعك خلال شهر
من 3 الى 8كيلو عضل صافي الحمدلله ع كل حال ودخل علينآ رمضآن الله يشرفه وخسرت الـ3 كيلو الي فرحآن فيهآو كل الي تعبت فيه من اول اسبوعين رآح ^_^
<<مأسآه

ثاني منتج جبآر صراحه وغني عن التعريف

مع كل كورس مكملات هو يكون اول الحاضرين معروف كيف هو مهم للتكوين العضلي

ثالث منتج وهو ان او اكس بلود

طبعأ منتج قوي وفرق معي وقت التمرين بدآيتآ كنت اكل الحديد اكل والتركيز والاوزآن ارتفعت والعروق انفجرت بشكل ملحوظ لدرجة اني اطلع من الجيم اطلع امشي في طريق الملك عبدالله ادور احس فيني طآقه ودي افجرهآ بس مشكلته ارق فضيع تقعد تتقلب في السرير بالسآعآت تحاول تنآم هذا طبعآ اول استخدآم

العيب الوحيد والي زعلني منه يوم استخدمه للمره الثاني استمر وعطآني شغل ابو اسبوعين بعدين خلاص احس بتركيز بس و برود في العضله فا زودت السكوبآت فمشآني لين خلصت العلبه عشآن كذا قررت استخدم منتج ثاني

رابع منتج

الانيمآل كتس اسخدمته في رمضآن وصراحه عطآني شغل طبعآ مع الدآيت كآنت نسبت الفآت في جسمي 20 وصلتهآ ولله الحمد الىآ8 طبعآ مع المجهود والدآيت يبين ويحدد معالم العضله ويبرزهآ بشكل ملحوظ منتج قوي وغني عن التعريف
هذا المنتج ما اخذته الىآ بتوصيه من توتو جده وعطآني شغل جآمد بحكم اني اول مره استخدم حارق دهون طبعآ استخدمته لمدة 15 يوم فبآقي العلبه ما خلصتهآ بحكم انه دخل علي العيد

طبعآ مو شرط ان اي منتج ما مشىآ معي انه فآشل او شي زي كذا يعني كل انسآن وطبيعة جسمه ومو هذي كل المكملات الي استخدمتهآ بس هذي المكملات الي تستحق تذكر

مثلا استخدمت السيريس مآس مرتين وكيسين كبآر اول مره رفعني 2 كيلو فآت او عضل ماني متأكد
الكيس الثاني ما رفعني حتىآ نص كيلو <<راسه يابس يبي يعرف وش نهآيت المنتج
بس العالم تقول العيب يا مني يا مني جسمي في كل الحالتين انا
بس يقلون جسمك قافل مدري شلون قافل

واستخدمه حآجه من جي ان سي اسمهآ اب يور مآس
والواي بروتين قولد استآندر
غيرهآ الكثير

اما كورس المكملات حقي الحالي والي بآدي فيه من قريب

هو البرو كومبلكس العآدي

والجآك ثري دي منتج بور الاول في البودي بيلدنج
واحمآض امينيه
والانمآل كتس <<حالف يخلصه

انشآء الله اخلصهم واوافيكم بالنتآئج دعوآتكم ^_^

عمومآ الله يعطيكم العافيه واتمنىآ ان تكون تجآربي خفيفه عليكم

موفقين شباب

[THh Rock]

^^^^^^^

ماشاء الله عليك نتائج جدا رائعه وتقدم ملحووظ استمر يا بطل

[بيت طين]

المره هذي بجيب المنتجات الي فشلت معي
ومو بس انا لاحضت انه كثير مثلي

nitro-tech-hardcore-pro-series



منتج غالي على غير فايده وتهورت واخذت نكهه الفراوله استغفر الله تجلس بحلقك يوم كامل
ولا فيه اي فايده بس يسد نفسك على الفاضي

المنتج الثاني من شركه مصل تيك الي خلاص غسلت يدي منها
naNOX9 Hardcore



لا بور ولا شي الا كلام فاضي وبالعكس لمن تمسك الحبه ويدك فيها مويه تطبع على يدك لون احمر يعني كله بويه
فاشل بكل المقاييس

المنتج الثالث
امنيو 2222 كابسول لاحض كبسول مو تابلت



الحبه تنشب في حلقك ولا تحس انه تلصق بالمرئ لانه كبسول
من تجربتي ما اشوف اي نتيجه فيها ابدا
التابلت صح الحبوب كبار بس اجيد منه ولو كانت بس فرق التغليف

المنتج الرابع
Xpand Xtreme Pump


الحقيقه المنتج بور وسط مو ذاك الزود وسعره غالي مره ولا بعد نادر تحصله واضطريت اني اوصي عليه وبالاخير خذلني
والي يجرب السوبر شارج ويجرب هذا بيحس بالمعنى الحقيقي للبور والسوبر شارج رخيص نوعا ما ومتوفر

وفيه ان شاء الله المزيد

[مدمن كمال اجسام]

مادري على كثر ما قريت وبحثت عن هالمنتج حسيته من تشربه بخليك تحوس بالنادي من النشاط والطاقه وحسيت الاوزان عندي بتتفرتك
عنــدي تعليق على كلامك تقول انه خلاك تحوس بالنادي من النشاط .. وبعدين تقول هنا انه فاشل جدا ودعاية هنا تناقض بكلامك يا الغالي
(استخدمته مده اسبوعين بصراحه حسيته منتج فااااااشل جدا جدا والدعايه الاعلانيه اهي السبب في انتشاره ) مجرد راي لانه ما استفدت منه اي شئ يذكر ويختلف من شخص لي شخص وهذا رايي بصراحه

وقفته واخذت راحه اسبوع ورجعت حق Super Charge (يالبي قلبك والله )



ياجماعه هالمنتج اخاف اظلمه من وصفي له بصراحه امس اول يوم لي معاه بعد استخدام قبل رمضان بشهر يعني رديت له للمره الثانيه اقسم بالله احوس بالنادي من كثر النشاط والمشكله اني خلصت تماريني وانا احوس ماعندي شغل بالمختصر المفيد (ظلموك يا سوبر جارج لما فاتك بالمبيعات الجاك ثري دي)

اولا احب اشكر كل الاخوان القائمين ع هالموقع وبصراحه قريت الموضوع هذا حرف حرف تعليق تعليق صفحه صفحه
بعد ما اضفنــآ التعليــق يا اخوان احــب اقــدم لكــم تجربــتي مع الجـآكس3دي jack3d
ادري اني سويت زحمه عن هالمنتج ولكن لانه يستاهل انا صار لي اسبوع استخدمه واحس ان اوزاني كلها تغيرت وباور ماهو طبيعي ماشاء الله في التمرين
انصح كل اللي يلعبون حديد باستخدامه {ملاحظه اني كنت اتعب من بعد التمرين الثاني} الان اخلص التمرين السادس حتى والعب معه عضله ثانيه ولسى فيه باور
اختلاف في رفع الاوزان بشكل قوي وملحوظ راح تلاحظ ان اوزانك تتغير والله ياجماعة جببببببببــآر المنتج تحس ان ودكـ تاكل الحديد اكل بدون مبالغه يخليك ماتخاف من الاوزان انصحكم فيه واشوفه اقوى من الاكسبلود

انا حاليا استخدم سيريس ماس .+ انابوليك 10000 امينو الامينو 4 قبل النوم و5 قبل التمرين و5 بعد التمرين

والجاكس3دي سكوبين صغيره جدا قبل التمرين تسوي عمــــــل ^_^
واستخدم قلوتامين لكن ع خفيف مره يعني في الايام اللي العب فيها صدر بس


وزايد وزني ولله الحمد الاسبوع هذا 3 كيلوٍ بس طبعا مع التغذيه الجيدهـ .. وراح اقولكم كم كيلو زدت خلال الشهرٍ هذا مع الجاكس 3 دي

انا شفت تعليق اخوي ابو قحط عن المنتج واعلانه عنه وبصراحه لفت انتباهي الان ابو قحط اكثر وحسيت انه انسان واعي وفاهم بالبروتينات وساخذ مشورته باي منتج اشتريه باذن الله

اتمنى لو شاف ابو قحط او احد الاخوان الخبرٍهـ في المكملات يعطوني نصائح عن النيترو تك لاني افكر اشتريه بالكورس الجاي وبيكون معه كورس هروموونات هل تنصحون بالنيتروتك ام لا

[.ابوقحط.]

اولا احب اشكر كل الاخوان القائمين ع هالموقع وبصراحه قريت الموضوع هذا حرف حرف تعليق تعليق صفحه صفحه
بعد ما اضفنــآ التعليــق يا اخوان احــب اقــدم لكــم تجربــتي مع الجـآكس3دي jack3d
ادري اني سويت زحمه عن هالمنتج ولكن لانه يستاهل انا صار لي اسبوع استخدمه واحس ان اوزاني كلها تغيرت وباور ماهو طبيعي ماشاء الله في التمرين
انصح كل اللي يلعبون حديد باستخدامه {ملاحظه اني كنت اتعب من بعد التمرين الثاني} الان اخلص التمرين السادس حتى والعب معه عضله ثانيه ولسى فيه باور
اختلاف في رفع الاوزان بشكل قوي وملحوظ راح تلاحظ ان اوزانك تتغير والله ياجماعة جببببببببــآر المنتج تحس ان ودكـ تاكل الحديد اكل بدون مبالغه يخليك ماتخاف من الاوزان انصحكم فيه واشوفه اقوى من الاكسبلود

انا حاليا استخدم سيريس ماس .+ انابوليك 10000 امينو الامينو 4 قبل النوم و5 قبل التمرين و5 بعد التمرين

والجاكس3دي سكوبين صغيره جدا قبل التمرين تسوي عمــــــل ^_^
واستخدم قلوتامين لكن ع خفيف مره يعني في الايام اللي العب فيها صدر بس


وزايد وزني ولله الحمد الاسبوع هذا 3 كيلوٍ بس طبعا مع التغذيه الجيدهـ .. وراح اقولكم كم كيلو زدت خلال الشهرٍ هذا مع الجاكس 3 دي

انا شفت تعليق اخوي ابو قحط عن المنتج واعلانه عنه وبصراحه لفت انتباهي الان ابو قحط اكثر وحسيت انه انسان واعي وفاهم بالبروتينات وساخذ مشورته باي منتج اشتريه باذن الله

اتمنى لو شاف ابو قحط او احد الاخوان الخبرٍهـ في المكملات يعطوني نصائح عن النيترو تك لاني افكر اشتريه بالكورس الجاي وبيكون معه كورس هروموونات هل تنصحون بالنيتروتك ام لا

حيالك اله اخوى واشكرك على الثقه
نعم الجاك ثرى منتج جبار وجربته قبل لاينزل السوق واعتبره الافضل على الاطلاق
بالنسبه للنترو تك الجديد ممتاز والى يستخدمه يلاحظ تقسيم بالجسم
اما بالنسبه للضخامه والزياده فيه منتج جديد تونى مخلص منه من جى ان سى منتج جبار جدا
راح اوافيكم باسمه قريبا
دمت بود

[Be Alone]

انا منتج البور الي اعجبني منتج اسمه Platinum Pump Fuel
سعره غالي شوي لكن ماتوقعت نتائجة قوية
عندي الجيم اول مادخلت لقيت طاوله عليها منتجات بور كثير وتجربه مجانية برعاية جي ان سي، وقلت له انصحني وعطاني البلاتينيوم بومب وشربته وبعد ربع ساعه رحت اتدرب وحسيت صراحه بفرق كبير، لكن لاحظت اول يومين يجيب جفاف بالفم بعدها راح.

[.ابوقحط.]

ط¨ط±ظˆطھظٹظ†.jpg

GNC Pro Performance® AMP Amplified Mass XXX™
بصراحه هذى الويت قنر استخدمته فى رمضان وقدرت معاه احافظ على وزن العضله المكتسب
منتج جبار للضخامه مع ملاحظه انى اخذ سكوب واحد مع 300 ماى او حليب
لما بديت ازيد سكوبين بدى الوزن يزيد
مع ان السيرفنق ماله 4 سكوب
منتج قوى من شركه جى ان سى
طبعا معاه كتيب صغير يشرح لك شنو الستاك الى تقدر تاخذه معاه مثل كرياتين جى ان سى حبوب قوى جدا وجى ان سى نترو اكسايد

انصح فيه بقوه للاشخاص الذيب يبحثون عن الضخامه
دمتم بود

[. الـشـمـري .]

سلام عليكم و رحمه الله و بركاته

مشكور اخوي ع طرح الموضوع ,, و الشكر موصول لجميع من شاركـ فيه ,, للأمانه أستفدت منه كثير

انا صارلي 5 الي 6 شهور متواصله في رياضه كمال اجسام

اول شهر كان طبيعي بدون مكملات

الشهر الثاني ,, بديت في واي بروتين و جلوتامين فقط وهذي صور للمنتجات ,,:

واي بروتين



نسبه البروتين فيه 18g ,, نسبه الفات 2g ,, ومفعوله طيب بالنسبه لي كنت مبتدئ

الجلوتامين



ايضا جميل و حسيت بـ فرق في نمو العظله ,, استخدامي كان ,, 5 حبات قبل التمرين ,, وحبتين قبل النوم


طبعاً انهيت هذا الكورس بخيره و شره قبل لا اعرف المنتدى


الكورس الثاني :: عباره عن واي بروتين ,, جلوفيت ((أحماض امينيه + معادن )) ,, ليبو6 X


الواي بروتين



جلوفيت



ليبو6 X



النتائج كانت أكثر من رائعه ورائعه جدداً ,, بروز في العضل ,, دهون كثير رااحت خصوصاً الفخوذ و البطن

الكورس هذا كان شهرين ,, لأنه حقق معاي نتائج مرضيه ولله الحمد


الكورس الحالي ,, وراح أوافيكم بــ نتائجه بعد الانتهاء بإذن الله

برو كومبلكس ,, امينو انابوليكـ 10,000 ,, جاك 3 دي







هذا وصلو على النبي محمد ,,,


تحياتي

[Protein]

صراحه هذي الشركه بروتينها بطل بكامل معنى الكلمه واستفدت منه بصوره خياليه

[.hamad.]

حبيبت اتكلم عن هذا المنتج اللي بصراحة يعطي بور 200% مع انه محفز وليس منتج بور ولكن حبتين منه قبل التمرين يمكن بعدها تتمرن 10 ساعات بدون تعب ..

[فيصل444]

السلام عليكم

كيف الحال يا شباب


امس خلاص الكورس والله الحمد زاد وزني 6 كيلو في شهر و6 ايام

1ـ سوبر ماس

طعمه مررررره حلوووو

2ـ انا بوليك10000

ما يحتاج مدح معروف
3ـ سوبر شارج

قوي جداً

بس ملاحظ(( اني عصبي مررر بعد كل تمرين وحس ان دمي يطبخ ))

[القرشي 1414]

السلام عليكم كيفكم ياشباب

باعرض لكم تجربتي الشخصيه مع المكمل الغذائي البرو كمبلوكس فقط مع نظام غذائي بدون فات

لي هالحين4 شهور استخدمه وزاد وزني 2 كيلوين
توقفت شهرين ورجعت له وزاد وزني 3 كيلو عضل بدون فات
طريقه استخدامه اسكوب الصباح واسكوبين قبل وبعد التمرين يعني ثلاثه فقط في اليوم
فيه فرق في حجم العضل والحمد لله

[يوسف000]

تجربتي مع الان او اكسبلود

اول سبوع احس بمفعول جميل واوزاني زادت فعلا

وثاني سبوع مفعوله نقص مع اني زدت الاسكوبات

ومن ثالث سبوع ورايح الصراحة كاني اشرب عصير فقط لا يعطي لا بور ولا شي ومن ثالث تمرين اكون تعبان وودي اوقف اللعب واروح البيت انام

[CHILAVERT]

اولا اشكرك على هذا الموضوع الجميل

انا راح اطرح تجربتي مع منتج انا اعتبره من افضل وارخص منتجات التي تستخدمها قبل التمرين وتساعدك على التركيز وحمل اوزان

JACK3D
من شركة USP LABS


منتج فعال وطعمه لذيذ ورخيص على فكره البعض راح يقول العلبه صغيره ومن هذا الكلام لكن الشركه تقول ان السر وراء هذا الشي هو عدم احتواء المنتج على اي اضافات

مميزياته: تركيز في التمرين وحمل اوزان زياده والمزاج الجيد ولا يسبب السهر اذا اخذته في وقت متاخر من الليل

ايضا من نفس الشركه منتج انا اعتبره ثوري في علاج مشاكل المفاصل

SUPER CISSUS RX

منتج قوي جدا في علاج المفاصل وانا شخصيا ارتحت من اصابه في الركبه حصلت بعد رفع وزن ثقيل في الاسكوات وايضا زادت قوة المفاصل لدي لحمل المزيد من الاوزان وانا عن تجربتي ارتحت من الالام من اول استخدام وفي الحقيقه بعد الاستخدام وعند حمل اوزان في النادي تشعر بشئ دافي داخل مفاصل اليد مما يزيد قوة حملك للاوزان او هذا الذي احسست به على اي حال المنتج مجرب وانصح الكل يستخدمه سواء كان رياضي او شخص عادي

منتج عباره عن بروتين اسمه MHP UP YOUR MASS

منتج طعمه لذيذ جدا وممتاز في زيادة الوزن والضخامه