( للتفضل بمشاركتك واعلامنا بافضل منتج حقق نتائج واضحة معك )

[mashkaljey]

تم دمج اكثر من 60 رد ايجابي او سلبي والتفرغ فقط لردود التجارب

وحذف اكثر من 132 رد اخر بعد ما هنق المنتدى

والنتيجة

حذف 19 صفحة من الموضوع ليعود 10 صفحات مفيده بالاضافة الى مسح 194 رد كان منهم الرد على الاستفسار او ابداء الاعجاب بالقسم او الخ من هذه الامور اللي تقرأ ويكون الرد في وقتها فقط والابقاء على باقي الردود المفيده

طبعا بعض الاعضاء راح يشوف مشاركاته قلت وهذا عادي نتيجه الدمج والبعض راح يشوف ردوده حذفت هنا لكنها ليست ردود تجارب

موفقين خير وهذا الرد راح يحذف في اول ابريل وهو للعلم فقط لمن يسال عن ردوده بالموضوع

[آبو رآشـد]

راح نص الموضوع : )

حلوة الطريقة نتقاعل ما المجربين ومن ثم نحذف الردود الجانبية والاستفسارات وغيرها بعد مدة

[Y2 JERICHO]

السلام عليكم ..

الفكره حلوه جدا وحاب اشارك بالنسبه للمنتج اللي قاعد استخدمه حاليا ..



المنتج طبعا مشهور وهو السوبر ماس غينر Super Mass gainer
انا بديت استخدمه من اسبوع تقريبا والطعم في البدايه كان من عادي الى سيء ..
ومن ثم اصبح شي ممتاااااز جدا .. وطعمه بالتوت طبعا كماهو موظح بالصوره

وبالنسبة للنتائج مافيه فرق واظح بيّن .. لكني صرت اشيل اوزان اول مره اشيلها والتمارين صارت ممتعه اكثر من السابق ،،

وانا ان شاء الله ناوي استخدم البروكومبلكس غينر بعد مااخلصه لو ماحسيت بالفرق .. لانه قيل لي انه يزيد الوزن بشكل كبير البروكومبلكس علما بان وزني حاليا 62 وطولي 175 وعمري 19 سنه ،،

ويعطيكم الف عافيه على هالموضوع المهم ،،

[merdweesa]

السلام عليكم و رحمه الله وبركاته ..

انا لي فتره في رياضه الحديد ..

من المنتجات اللي استخدمتها

الوي بروتين .. منتج خفيف ولذيذ .. و زادني عضل ولله الحمد



جربت الفراوله .. والحين شغال عالفانيليا ..بس بالنسبه لي الفراوله احلى ..

و شغال بعد على الامينو 10000+ من شركه MUSCLE SYSTEMS
ما لقيت صوره حقه بالنت .. المنتج حباته صغيره وبطعم الفراوله ..
وحسيت بتغير بجسمي من خذته صارلي فتره استخدمه.. خلصت تقريبا 3 علب منه

واستخدمت L-Carnitine
لانه قريت عنه فايدته في حرق الدهون من الجسم لانه عندي الخصر يباله حرق بسبه الدهون المخزنه عالجوانب..



وبس

حاليا شغال ابي اخلص هذوله .. وابدأ بشي يديد ان شاء الله بستشيركم فيه ... ادريبكم مابتقصرون ..

تحياتي ..

[آبو رآشـد]

مشاء الله مدمن الوي بروتين

حلو صراحة والله يوفقك

بالنسبة لليو تو يا ليتك انتظرت شوي علشان نشوف نتايج سوبر ماس معك لانة داخل وبقوة في السوق

[sami1989]

1.









افضل المنتجات الي استعملتهن لحد الان اعطني نتايج حلوه

[عشــق البطــوله]

الله يعطيك العافيه يابو ابراهيم على المجهود الطيب وكل الشكر لك على تصفية الموضوع من الردود اللي مالها قيمه .. كل الشكر لك عزيزي

----------------------------------


نرجع مره ثانيه مع منتجات من تجربتي الشخصيه :

بروتين مايبلكس ديلوكس


طبعا انا خذت الحجم الكبير 38 كيس بصراحه المنتج بطل بطل بطل بمعنى الكلمه هذا افضل بروتين استخدمته
حقيقه وجاب معاي نتائج جباره .. وهذا افضل من النيتروتك بوجهة نظري .. هذا الأفضل ويأتي بعده النيتروتك


المنتج الثاني

الأنابوليك امينو 10000



وكنت مستخدمه مع المايبلكس ديلوكس والنتائج ذكرتها لكم فيما سبق المنتج جيد نوعاً ما


المنتج الثالث
كرياتين منوهيدرات



المنتج بطل يعطيك ضخامه بشكل ملحوظ وبصراحه شهادتي فيه مجروحه


وان شاء الله راح ارجع لكم بتجربه جديده بعد الانتهاء من التنشيف

[عشــق البطــوله]

ياليتك ياخوي لو وضعت سؤالك في موضوع مستقلّ

هذا الموضوع يتعلق فقط بتجارب الأعضاء

[looolz]

امس شريت 3 منتجات وان شاء الله راح أبلش الأسبوع الياي

SUPERIOR AMINO 2222 LIQUID




Iso mass extreme Gainer




N.O-Xplode

[nassernasser123]

السلام عليكم و رحمة الله وبركاته :

شباب انا الصراحه مليت من نفسي كل شي جربت وماكو فايده اذا بزيد ازيد كيلو بالكثير كيلوين وبس اهد الحديد اسبوع رد وزني انا طولي 170 ووزني 60 وانصحوني بكورس gakic leukic creakic وباخذ معاهم بروتين بروكومبلكس وابي اعرف في احد جربهم او يعرف ناس مجربينهم وفاد معاهم لانه وايد امدحولي اياهم وهذي صورتهم

[toto jeddah]

خلي استفسارك في موضوع مستقل يابطل ,,
هذا الموضوع فقط لطرح التجارب ,,

[عشــق البطــوله]

ياجماعه شفيكم شسالفه كل شوي يجي واحد ويحط استفسار ؟؟؟!

مع اني كاتب في بداية الموضوع تمنع الاستفسارات منعاً باتاً في هذا الموضوع بس على مايقولون عمـّـك اصمخ ...!!!

هذا الموضوع فقط للي جرب منتج وحب يفيدنا بتجربته .. واللي مايشوف اي تجربه عن المنتج اللي في باله لايستفسر في هذا الموضوع يتكرم ويضع استفساره في القسم

[nassernasser123]

خلاص اخوي عشق البطوله آسف كليتنا شدعوا ما قريت يعني خو ما كفرت اوكي شيل الموضوع انا يديد على المنتديات واذا ما قدرت وتشوف اني سويت شي يخليك تتنرفز وتعصب جذي اطردني من المنتدى مره وحده .. يسلم راسك

[Leaner]

السلام عليكم



أمينو سائل بطعم الفواكة

استخدمت هالأمينو قبل 18 يوم تقريبا وأمس خلص، عطاني 2 كيلو زيادة مع استخدامي للقينر وطعمه مركز جدا ولكنه مقبول

نوعا ما أنصح فيه للضخامة واذا بقيمه أعطيه 6/10

طريقة الاستخدام: قبل التمرين وبعد التمرين

تحياتي

[آبو رآشـد]

خلاص اخوي عشق البطوله آسف كليتنا شدعوا ما قريت يعني خو ما كفرت اوكي شيل الموضوع انا يديد على المنتديات واذا ما قدرت وتشوف اني سويت شي يخليك تتنرفز وتعصب جذي اطردني من المنتدى مره وحده .. يسلم راسك

اخوي حنا وضحنا اكثر من مرة ان هذا الموضوع للمجربين فقط والعنوان واضح ما يحتاج تفكير انا وخوك
عندك شي افتح لك موضوع خاص فيك لاهنت

وبالنسبة للردود الجانبية ومنها هالرد وغيرها راح تحذف بعد فترة بعد ان تاخذ حقها من الفهم