ابحث عن اي رسام يجيد التحبير يرغب بالمشاركه @@
السلام عليكم ..
بدون مقدمات طلالية راح ادش الموضوع..
المختصر المفيد اني ابحث عن اي رسام يجيد التحبير..يعني لما يحبر السكتشات الاشكال مايطرأ عليها ذاك التغيير الكبير و عنده صبرعلى تحبير كمية كثيرة نوعا ما من الصفحات ..
حاليا قاعده ابحث في اكثر من موقع و مكان ..على امل الا اضطر للجوء الى الديفيانت -_-"..افضّل التعامل مع فنانين عرب احسن مية مره من الفنانين الاجانب لانه ماتعرف شو نواياهم و ممكن عيني عينك ياكلون حقك (( معروف انهم يتعاملون بفلوس )).
المهم ..رغم انه عندي احساس كبير اني ماراح احصل احد مهتم بس قلت خلني اجرب يمكن يصير شي عكس توقعاتي ..
طيب..
اذا مهتم \ مهتمه هذي تفاصيل زيادة عن الموضوع :
التحبير من اجل الستوري بوردس لقصة مانجا بديتها سنة 2002 ..و بعدني مستمره في رسمها حتى الحين ..انا ماراح اطالبك تستمر على طول الخط معي ..لانها كميه كبيره و ماتوقع في احد راح يوافق يحبر كل هالكمية ..(( 136 عدد و بعدها ماخلصت ..))
و كل عدد بين ال35 -40 صفحه ..
راح يكون خير و بركه لو مجموعة بسيطه منها تحبرت @@
اذا حاب تلقي نظرة عليها و تاخذ فكرة اكبر عنها
هذا العدد الاول
بعدما عدلته و حبرته مستعمله تقنيات كثيرة و مختلفه..يعني كان حقل تجارب بمعنى الكلمه
و هني 4 اعداد من الستوري بوردس اللي مافضيت احبرهم و لا اعدلهم (( مرسومين في 2002 ))
اذا كانت الصفحات المسكنرة للستوري بوردس مش واضحه و حسيت ان تحبيرها صعب مب مشكله اقدر اسكنرهم مره ثانيه بشكل افضل ..يعني محلوله @@
لو كان بيدي و كان عندي الوقت الكافي كنت اشتغلت التحبير بنفسي ..غير ترتيب الكوادر و طباعة الحوار فهذي سالفة ثانيه بس ممكن احصل لها اي احد مب بالضروري يكون رسام ..
بس الوقت ضيق و المسئوليات و الخ ماراح تسمح لي غير اني اتم على الرصاص و الستوري بوردس و السكنرة الممله -_-"
و ان شاء الله احصل من يرغب بالمشاركه لانه راح يقلل كمية الشغل و الجهد المستنزف اخف و الوقت المستهلك اقل ..
راح اعمل bump للموضوع من حين لآخر اذا ماكانت الادارة تمانع @@ ..
و..بس ..
و ان شاء الله خير ..
