آنآآلغرقآن في بحرگ..
وموجگ عآلي مشتد ترى مآهمني موجگ ..!
"غريق وحظنگ مرآدي
جنون آلحب
سميتگ,,
"عرفتگ حظيآلآسعد مدآم آني
ملگت آسمىآ "عيون آلعشق بعنآدي"
آبمشي لگ دروب
آخلآص..
طويله مآلهآ آي حد.. آجيگآزحف
آجيگآمشي..!
گلآ آلآمرين شي عآدي
.
..
.
.
.
.. تُوالت الايام والكادي مافي فبالها الا زيد .. وزيد مافي فباله الا كآدي .. بالرغم من انكار زيد لمشاعره اكثر من مره
لكن شعوره اتجاه الكادي اكبر من انه يقدر ينكره او يتجاهله ..!
بالجامعهْ :
مرح: كوكو وين سرحانه ؟
كادي:مو سرحانه عادي ..!
مرح حاسه فيها :انتي مو ملاحظه شي ؟!
كادي عارفه بس تمثل عدم الفهم:شنو؟
مرح:من رجع زيد وانتي مو علا بعضج ..
كادي بحزن: لاتلوميني .. والله زيد ماكان انسان عادي بحياتي من كنت صغيره، وبعدين عشت عمر طويل على اساس انه ميت بالاخير تطلع جذبه عشان ما اسأل عليه .. ويطلع زيد عااايش ..! مرح حسي فيني والله شي صعببببب ..!
مرح بجديه:صارحيه .. لازم تعرفين مشاعره لج ..! لايكون حب من طرف واحد وتتعذبين ..
اهو كبير الحين مو صغير ويمكن يكون في احد بحياته .. لاتنسين هالشي ..!
كادي: ااااه الله يعين .. خلاص سكري الموضوع قومي نروح محاضرتنا قبل لاتفووت. . .!
مرح:اوكي بجاريج واشوف وين اخرتهاا ..!
...
زيد ..
عايش مع اخوانه الشباب الاربع .. الكبير بس متزوج والباقي للحين عزابيه .. بسبب اخر مشكله اقتحمت حياتهم
واخسروا بسببها كل مالهم .. وبيتهم انباع في المزاد العلني .. وعايشين بشقه مع مصرف يادوب يكفي حياتهم ..
محد فيهم يفكر يتزوج واهو بهالوضوع ..!!
زيد بعد مارجع من لندن قدر يحصل على وظيفه بأحد الشركات وبراتب بسيط .. وان شااءلله مع الايام كل الامور تنحل ..!!
كان زيد يدخن بالبلكونه وباله وتفكيره بكادي:معقوله يازيد حبيتها ؟ صح انا كنت احبها من كانت صغيره ومتعلق فيها
بس مو معناه يبقى حب هالبنت بقلبي لي هالعمر .. !
بس الاكيد احبها والا شلون لليوم مانسيتها ..؟ ااااه منج ياكادي .. والله كان بخاطري لو اقدر احضنها مثل ماكانت صغيره
ودي امسح دمعتها .. ابعد الخوف عنها والالم .. والضيقه ..
للحين فيها ملامح البرائه والطفوله .. للحين احسها كادي الطفله .. الحساسه .. الدلوعه ..!
ااااه لعبتي فيني ياكاادي .. لعبتي فينـــي ...!!!
...
اليوم متفقين بيت كادي وبيت خالها يطلعون الشاليه .. والكل مجهز نفسه ومستعد للطلعه ..!
وبعد ما استقروا في الشاليه .. انزلوا كلهم البنات والشباب واهلهم .. وصار الازعاج واللويه مالها اول من تالي ..
الكادي وريم وهديل وغدير اربع بنات عن 10 ..
غدير : اليوووم ابي اتسببح لين اشبببببع ..
ريم: اي والله ولهانه عالبحر ..
كادي:انا اعتذررر اخاف من البحر ..!
هديل:انا بدخل بس ما اتسبح .. ماحب عفسه البحر والتراااب .. اعذروني
غدير : بلا مصاخه انتي معاها .. والله تتسبحون معانا .. مالي شغل
ريم : اي اي اي كلنا ندخل ..!
كادي: انزين لا تحنون .. تعالوا ندخل ونحط اغراضنا ونرتاح شوي تالي نفكر شنو نسوي ..!
البنات: اووكي
ادخلوا البنات غرفهم .. كادي وريم مع بعض .. وهديل وغدير مع بعض ..
الي بسن واحد بينامون مع بعض عشان يقضون الليل سوالف وسهر ..
ريم:اممممم .. كوكو شنو البسس
كادي:الي عليج حلو تو لابسته لا تبدلين .. انا ماراح ابدل ..
ريم: لا بخاطري ابدل ..
كادي:براحتج
ريم:شفيج تقطين كلمه وكلمه .. لاتصيرين بايخه .. تكلمي ..
كادي مالها خلق كل ماتتذكر اسم زيد قلبها يعورها وتحن له حيييل : ريوم حياتي لبسي على ذوقج .. او اخذي البدله السوده روعه عليج .. !
ريم:اوووكي اووكي خلاااص ..
اطلعت الكادي من غرفتها وانزلت الصاله .. قابلها ولد خالها عبدالعزيز ..
عبدالعزيز:شفيها الحلوه مبوزه ..
كادي :مافيني شي
عبدالعزيز :افا منو مزعلج ؟!
كادي:محد .!
عبدالعزيز يقعد قبالها : كل هذا ومحد ..!؟
كادي تطالعه وتذكرت حنيت زيد معاها ابتسمت له ونزلت راسها :...
عبدالعزيز :فديت هالابتسامه اي خلج جذيي .. يلا تامريني على شي .؟
كادي:ابي سلامتك .. !
طلع عبدالعزيز من عندها واسمعته يتكلم تليفون وتم واقف قبل لايطلع من الباب يعني الصوت واضح لها : ياهلا ياهلا براعي هالصووت .. شلونك شخبارك ؟؟ عسى دووم يااارب .. اي والله انا والاهل طالعين الشاليه .. .. اي .. لا والله حلفت عليك الا تمر علينا .. دامك بروحك .. يلاا زيوود مالي شغل ان مايييت بعلم ابوي واهو يشووف شغله معاك .. اهاا .. اوكي اوكي .. ننتظرك .. يلا فمان الله ..!
كادي قلبها بيطلع من بين ضلوعها :: زييييد .. اي بلى سمعته قال زيييد .. معقوله زيد راح ايي ؟؟
ريم:كوووكووووووو .؟؟!
كادي خافت:بسم الله .. ليش تصارخين :؟؟
ريم:يلاا قومي نتمشى برااا ..ترا ملييت ..
كادي:يلا امشي ..
اطلعوا البنات يتمشون لين مر عليهم الوقت وبدت االدنيا بالغرووب .. حسوا بسياره ادخلت الشاليه .. واهم بعيد عنهاا ..
نزل منها هذاك الشااب الطويييل الجذاااب .. ريم اول ماشافته اشهقتتت : حركااات شوفي الطووول والجسم اااخ ياليت نهار واقدر اشووفه عدل ..
كادي نار الغيره راح تذبحها اهي عرفت انه زيد : ريم ويعه هذا زييد رفيج اخوانج عيب ..!
ريم:وانتي شعرفج انه زيد ؟؟
كادي : سمعت عبدالعزيز يقول .. لاتتمين واقفه جذي يلا مشينااا ..
اسحبتها ومشوا بعيييد والتفتت كادي تشووفه ماتحرك وكان واقف للحين ويطالع صوبهااا .. كانت تتمنى لو تروح عنده .. بس ماتقدررر .!.
\
\
زيد:االسلام عليكممم
الكل:وعليكم السلام .. حياك الله ..
زيد : الله يحيكم ..
عبدالعزيز :مابغيت ..
بدر:اي والله ننتظرك من زمان ..
زيد : السموحه بس على ماخلصت شغلي ..ِ!
قعدوا مع بعض قهوه وشاي وسوالف لي وقت متأخر ..!
\
\
البنات اتفقوا بالليل بعد ماينامون الشباب يدخلون البحر على راحتهم بدون احراجات ووجود الشباب معاهم .. بس هديل وكادي تمنوا لو عبدالله اخوهم معاهم .. لانه مسافر يكمل دراسته ببريطانيا .. !
صارت الساعه 1 بالليل استأذنوا البنات من امهاتهم .. وراحوا فرشوا سجادتهم الخفيفه على الشاطئ وادخلوا البحر ..!
كادي:بنات انا ماراح ادخل ..
الكل: لااا تصيرين ياهل .. يلا مانروح بعيد .. نلعب قريب ..
كادي بخوف:يابنات االدنيا ليل تكفون مانبي فضايح .. حتى من يصير شي مافي احد يمنا ..!
غدير:اوووه علييج .. شراح يصير يعني جربي وشوفي ..!
كادي : انزين ..
ادخلوا البنات الماي واهم يصارخون من برودته : اااح بااارد .. يا امييييي ثللللج اشاااااه
كادي راح تبجي من برودت الماااي :بنااات بررررد
البنات:الحين بس ندخل ندفى يلا يلا ..
صج كل مايدخلون شوي يدفون .. وكلهم لابسين شورتات ليما الركبه .. وبديات كيووت ..
غدير تحذفهم بالماي :بنااااااات اخذوو
البنات:لااااااااااا ياغبيه برد
غدير :هههههههههه اشكالكم نكتـــــــــــــــــــــه..
كادي ترجف من البرد:حراام عليييج والله انتوا مجانين ..
ريم:انا بخاطري نسوي سبااق .. شرايكم ؟
غدير وهديل:اووكي موافقين ..
ريم:طبعا كادي لااا
كادي:اكييد
صفوا البنات يم بعض وبدوا يتساابقون .. وصراخهم بقلب السما .. وكادي تطالع لهم وتبتسم وفجأه حست الموج يزيد ..
قامت تنادي عليهم :: بناااات لاتبعدون الماااي يزيييد تكفون رجعوا .. بس ماكانوا يسمعونها من صراخهم وضحكهم ..!
التفتوا البنات على كادي وشافوها وبدت الدنيا تلعب فيهم والخوف ركبهمم .. كادي تغررررق
البنات:كاااااااااااااااااااااااادي
حاولوا يرجعون بسسسرعه ويقربون صوبها بس المااااي كان يحذفهم بعيييد ، وكادي تصااارخ وتبلع الماي وتصارع الموووج بدون فاايده ..!
....
زيد موقادر ينام وطلع يتمشى برا واهو يدخن ويحذف الرمل بريوله :اااه ياحلااات الجووو .. ... .. لحظه كأني اسمع صوت صراااخ ؟؟!!!
..
البنااات :كاااادييييي .. كاااااااااااادي
راح زيد يركض صوب البحرر وشاف البنات يصارخون ويبجووون وفي وحده غرقاانه .. سمع البنات يصارخون بإسم كادي وجن جنووووونه .. ركض صوب الماااي بسسسرعه وحذف نفسه بالماي يتسبببح بأقوى ماعنده عشان ينقذهااا ، والبنات يبجوون ووحده ماسكه الثانيه ماقدروا يساعدون كادي واهي تغرررق .. !
اختفى زيد والخوف زاد عند البنات ودموعهم تناثرت بجنون .. على الكادي ..!! معقوله اغرقت معقوله ماتت .؟؟؟
الافكاااار شلت حركتهممم ... وبوسط الافكار .. طلع زييد وكادي بحضنه ماتتحرررك
نزلها بالاررض والبنات اركضوا ورا العمود يتغطون عن هالريال الغريب محد فيهم تعرفه .
اخذ زيد فانيلته وغطى فيها جسم كادي وقعد يضغط على صدرها ويطلع الماي من حلجهااا بكميه كبييييره .. وللحين مافي فايده النفس مارجع لهاا ..
اشهقوا البناااات بقووه من شافوه يقرب لهااا ويسوي لها تنفس صنااعي ..
هدييل:وقققققح
غدير من بين دموعها:سكتييييي مو وقته خلي البنت تصحى لا تمووووت وتالي سوي الي تبييينه سكتي الحيييين ..
ريم:ااااه ياحسرتي علييج ياكادي ..!
...
زيد بخووف يضرب على خدها عالخفيف ويهمس بأسمها:كادي .. كادي اصحيي .. لاتنامين اصحييي ..
انا زيد ياكاادي .. فتحي عيووونج .. عمري كله فدوتج بس لاتخليني ..!
صحت كادي واهي تكح بقووه .. رفعها زيد وحط راسها على صدره وخلاها تكح براحتها لين ترجع لوعيهاا ..
كادي ماكانت حاسه بشي فجأه بدت ترجع لوعيها .. وتفتح عيونها .. شافت شخص جدامها بس ماقدرت تركز منو هالشخصص .. ادفنت راسها بصدره اكثر واهي تمتم:مابي اموت .. زيييد .. زيييد
حاول يستوعب اكثر اهي تهذي بأسمه شمعنى ؟؟ شافته والا حست فيه ..؟
ماقدر يحرم نفسه منها ضمها اكثررر واهو يهدي عليهااا .. رجع مره ثانيه حطها بالارض وفانيلته عليهاا .. اول ماصحت
وبدت تستوعب الوضع ، ارفعت راسها بسررعه وحاولت تغطي نفسها عنه ..
زيد:لاتخاافين انتي بخييير ..!
كادي وشفايفها ترجف ودموعها نزلت ماقدرت تتكلم ..
وقف زيد ولف عنها وكلم البنات وظهره عليهم:تعالوا ساعدوها .. ودخلوا داخل .. اذا صاار شي قعدوا اهلكم .. فاهمين ؟
البنات بدون ولاهمس ركضوا عندها وحضنوها:كوكووووو
كادي تبجي: كنت راااح اموووووت
البنات:اسم الله علييج .. الحمدلله انقذج هالريال
كادي حست جسمها كله حاااار وقلبها يدق بقووه غمضت عينهاا وخذت نفس عميق :اااه ابي ارتااح
اسندوها البنات وادخلوا داخل ..
غدير وهديل:راح ننام عندكم اخاف يصير لها شي
ريم:خلوها ترتاح اذا صار شي راح ابلغكم .. يلا طلعوا
غدير:طرده
ريم:اي طرده يلا سلام
اطلعوا البنات وريم وكادي بروحهم بالدار:شلونج الحين ؟
كادي وجسمها يرجف:بردااانه
سحبت ريم اللحااف الثاني وغطتها فيه:الحين تدفين .. بروح اسوي لج شي حار وارجع .. ارتاحي
انزلت ريم ... وكادي بفراشها ترجف ودافنه راسها بالمخده وريولها بصدره :ااااه هذا زييد .. زيد الي انقذني .. لو اهو مو اهني جان انا مت .. اي اكيد متتتت !!
..
رجع زيد الغرفه .. اخذ ملابسه ومفتاح سيارته وطلع من الشاليه .. وين مايدري .. وبهالوقت .. وشنو سبب طلعته ماترك اي سبب حق الشباب اذا قعدوا .. بس ماتحمل الي يصير حق كادي .. ماتحمل منظرها واهي بين ادينه كانت بتموووت ..ماتحمل ضعفها واهي متمسكه فيه .. تهذي بأسمه .. تمنى لو يدخلها بين ضلوعه ولايمسها مكرووه ..
تمنى ياخذها من هالعالم كله .. ويحافظ عليها ويحميها من كل شي ممكن يضرها ويتعبها ..!
..
ارجعت ريم وسمعت صوت كادي واهي تبجي وتشااهق:ليييييش البجيييي ؟؟ شفيييج
كادي:خااايفه .. خااايفه
ريم تهدي عليها:خلاص انسي الي صار .. الحمدلله كا انتي الحين معانا وبفراشج لاتخافين حبيبتي ..!
كادي:لو ما اانقذني زيد جان مت .. متتتتت
ريم تعفس حواجبها:شسالفت هالزيد ؟
كادي ساكته : ....
ريم: صج امرج غريب امس بالظلام عرفتيه وقلتي اخوي قال اسمه .. والحين محد ينقذج غيره .. وعرفتيه انه زيد وين تعرفين شكله ؟!
كادي:ريييييييم بسسسسسسسسسسسس !!!!
ريم منصدمه:خلاااص خلااااص بسكتتتت ..
....
صحى الكل اليوم الثاني واستغربوا الشباب انه زيد مو موجود واتصلوا عليه واعرفوا انه رااح ماقدر ينام برا بيته . واعذروه.
كادي تضايقت من عرفت انه رااح .. تمنت انه موجود وتشكره بأي طريقه كانت ..!
محد عرف بسالفه كادي لانها عدت على خييير ..
بس زيد تتوقعون راح يسكت ؟؟! ويعدي الموضوع ؟!
...
زيد:هلا بدر
بدر:هلا فيك يالغالي .. اقول انا زهقان بالبيت .. تعال عندي
زيد:اوكي اصلا انا قريب ..
بدر:يلا اذا وصلت ادخل الديوانيه انا البس وانزل ..!
زيد : اوكي انتظرك ..!
..
ريم : يلا حتى الشاليه يومين ورجعنا ماكملت فرحتنا لانج صخنتي .. عاد الحين بتقعدين عندنا اسبوع فاهمه
كادي:فاهمه .. بس لاتحنين ياحياتي انتي ..!
ريم:كوكو امشي نروح الديوانيه باخذ السي ديات حقت الافلاام .. امس اخذها عزوز يطالعهم مع ربعه ..
كادي : زين امشي
راحوا البنات الديوانيه وريم تدور السي ديات وماحصلتهم : اوووف هذا وين حاطهم
كادي : دوري هالصووب يمكن تحصلينهم ..
ريم:دوري انتيي .. انا بروح اشووف بغرفته يمكن رجعهم لان مالقيت ..!
تمت كادي بدورها تدور السي ديات بس ماحصلت شيي .. وزهقت من جو الديوانيه وريحتها كلها زقاير وتخنق .. توها كانت بتطلع والا تضرررب فيييييه :: ااااااااخ
زيد:بسم الله عليييج
كادي بصدمه:زييد
زيد:ياحلو اسمي بحلجج
كادي بخجل:ابعد عني ..! بمر
زيد:انتي الي ماسكه فيني ..
كادي عصبت لانه يلعب بأعصابها:قليل ادببب
زيد يضحك:انا زيد حبيبج قليل ادبب ؟؟
كادي كأن احد كاب ماي بارد على راسها:نعمممم
زيد:حبيب طفوله .. يلا ياحلوه دخلي قبل لايشووفج احد ..!!
كانت بتروح وطاحت اسوارتها من ايدهاا ماقدرت ترجع تاخذها راحت بسرعه وزييد اخذها قبل لايدش احد ويشووفه ..
اول ماقعد تم يبتسم ويضحك :هههههه ياحلوهااا .. ياناس والله احبهااا ..
دخل ابو بدر بهاللحظه :السلام عليكم .. حيالله من يانا
زيد يتعدل: الله يحييك يابو بدر .. شلونك شخبارك ؟
ابو بدر:بخير دامك بخييير .. انت شمسوي ؟
زيد:والله عايشين بهالدنيا .. تحاربنا ونحاربها .. والله يستر ..!
ابو بدر:الله يعييين يااارب ..!
دخل بدر ودارت السوالف والضحك بينهم .. وابو بدر كان سرحان بنظرات زيد وفجأه تذكر كادي وزيد من كانوا صغار: معقوله الي افكر فيه صح ؟؟ معقوله كادي تكون للحين متعلقه فيه .. ؟
انا اذكر اخر مره سمعت اسمه على لسانها قبل سنه تقريبا .. واصدمتني توقعت ناسيته طلعت ذاكرته ..ّ!
مادري مادري .. بسسس ماحسس بينهم شي ولا احس انها تدري عن وجوده اصلا << مسكين نايم بالعسل ..
...
كانت بتنام بالليل والا يوصل لها مسج: [ أسوارتج بحتفظ فيها ممكن ؟ ]
كادي مصدومه:هااا ... شلون ؟؟ لا لا من وين اخذ رقمي ؟؟
ترددت بالاول ترد عليه بس تجرأت:زيد ؟
زيد: [ اي ]
كادي: [ من وين اخذت رقمي ]
زيد:[ مو مهم ]
كادي: [ لا والله ؟ ]
زيد: [ اي والله ]
كادي انقهرت من حركته:[ لاتلعب بأعصابي ]
زيد: [ للحينج عصبيه وحساسه ]
كادي استحت : [ الحين شنو تبي ؟]
زيد:[ اذا قلت طلبي توافقين ؟]
كادي:[ ؟؟؟؟؟ شنو طلبك بالاول ؟؟؟]]
زيد : [ كل هذي استفهامت خفت قبل لا اتكلم ]
كادي: [ ههههه يلا قول ]
زيد:[ اول شي اقدر اسمع صوتج ؟ ]
كادي:[ نعمممممم ...؟ لا طبعا ]
زيد: [ شنو السبب ؟]
كادي: [ مابي فضايح ]
زيد:[ انا زيد
] تخافين مني ؟!
كادي طولت ماردت واهي محتاره[ لا ماخاف ]
زيد: زين بتصل ..
طرش المسج من صوب واتصل من صووب ..
رن اكثر من مره تالي افتحت الخط وبصوت متردد : الووو
زيد بصوته الثقيل الواثق:هلا والله ..
كادي : هلا فيك ..
زيد:شلونج؟
كادي:تمام
زيد:حتى انا بخير ..!
كادي استحت:اممم
زيد:اسف على الحركه .. بس اضطريت .. لازم اكلمج ..
كادي:شنو الضروري ؟
زيد:كادي اانا ريال كبير ماحب العب ولا الف ولا ادور .. وانتي عارفه قصدي .. انا ماكنت متوقع بيوم برجع اشوفج .. او حتى نتلاقى صدفه ..
كادي اخنقتها العبره:ايي تدرري كانوا يقولون لي انك مت ..!
زيد يبتسم : ارجعت تشكي له مثل اووول .. وحب يسحب منها الحجي اكثر واكثثثر :Icon24:وشنو قالوا بعد
كادي:كل ما اسأل عنك قالوا لي زيد مات .. وانا اقعد ابجييي كل يووم ..
زيد:وبعدين نسيتيني ؟
كادي:لااا مانسيت لان اخر مره شفتك فيها للحين مرسوم بعقلي .. ليش مادري ..
زيد يبتسم:لان كنتي صغيره وعقلج صغير وفاضي .. اكيد يحتفظ بشي من الذكرياات .. بالاخص اذا كانت تعني لج شي مهم ..!
انتبهت كادي لكلامه واسكتتت اهي شلون قالت الي قالته .. قدر يضحك عليهاا ..! هههه
بعد ساعه كامله من الحديث : انا افكر اتقدم لج توافقين ؟
كادي :هاااا
زيد:يحق لج ترفضين والسبب فارق العمر ..
ادري
كادي والكلام ضاع منها : ااا ااا .. لا
زيد:ادري
كادي:شنو
زيد:رافضه .
كادي بسرعه وعفويه:لاااا من قال
زيد يضحك :هههههههه يعني موافقه ؟؟
كادي بحيا :كلم اهلي
زيد:انا ابيج انتي مو اهلج .. موافقه ؟؟؟
كادي:امممم
زيد:شنو امممم تكلمي ...!
كادي اطرش الرد مسج .. بااااااي
زيد يضحك : ههههههههههههه فديتهاا ياناس سكرته بعد ..
بعد ربع ساعه وصل الرد: اي موافقه
استلم زيد المسج واهو طاير من الوناسه:الله يسهل ياكادي .. !
حط راسه ونام .. واهي نفس الشي .. نامت واهي تبني احلامهااا الورديه مع زيد .. الي حبته ونست ال13 سنه فارق السن بينهم ..
مرت الايام وزيد يضبط وضعه .. قبل لا يخطبها .. وفر السكن اهم شي .. وقبل لايخطبها بيوم كان قاعد مع ابو بدر خالها
وحس ابو بدر من عيون زيد انه يبي شي : تكلم وراك موضوع
زيد: ابد سلامتك ..
ابو بدر :لا والله تقوول
زيد ماحب يدخل بالموضوع على طول .. وقعد يتكلم عن ايام الشباب وسهراتهم وطلعاتهم وبنص الكلام قال ابو بدر:
اي والله ايام ماتنسى .. وتذكر كادي شلون كانت دايم معانا .. من ديوانيه لي ديوانيه ومتعلقه فيك .. ههههههه
زيد بقلبه : حرام عليك وقته تذكرني بهالشي ..
ابو بدر تعمد هالشي وحط عينه بعين زيد والشك اصبح يقين : زيييد للحين يفكر فيها
زيد إبتسم وماعلق وحاول يستأذن:يلا انا اترخص الحين وراي دوام باجر ..
ابو بدر:مو اول ماتقولي موضوعك
زيد يضحك:هههههه ياحبك للسوالف يابوبدر صدقني مافي شي
ابو بدر:بحاول اصدق .. !
زيد:يلا فمان الله ..!
ابو بدر: فمان اللهْ
..
..
..
بعد مرور اسبووع ..!
ام كادي :لا طبعاااااا ماني موااافقه ..!!!!
كادي من ورا الباب تسمع لهم حطت ايدها على حلجها واشهقت:لاااا
ابو كادي:ولا انا .. معقوله ازوج بنتي شايب ؟
ام كادي: مستحيل هالشي يصييييير
ركضت كادي غرفتها واهي تبجيييي ومنهاره:لااا .. مو كيفهم يحرموني منه مره ثانيه لاااااا
انطق الباب عليها مره ومرتين وثلاث وماكانت تفتح ..!
ارجعت ام كادي:ماترد يمكن نايمه
ابو كادي:اذا قعدت كلميها .. طبعا اكيد اهي رافضه بس ردي لها خبر ..
طلعت كادي بهاللحظه :هلا
التفتوا عليها:قاعده؟
الكادي:اي
ادخلت امها وكلمتها بهدووء وكانت الصدمه انه كادي موافقه:شنوووو
كادي:اي موافقه
ام كادي:جنيتيييي ؟؟ تاخذين واحد اكبر منج بـ13 سنه وين عقلللج يوم ترفضين الشباب وتوافقين على الشيااااب ..
كادي:يمه موافقه ..!
ام كادي: مو كيفج.. ايام الدلع راحت زيد لا يعني لااااا
......
وصل الخبر حق زيد وكان متوقع هالشي بس مو بهالطريقه .. الكل كان ضد هالزواج .. حتى بدر وعبدالعزيز
بس ابو بدر واقف معاه وبصفه .. لان مافي شي مستحيل انه هالزواج يتم .. !
وحاول يتوسط له اكثر من مره بس بدون فايده ..
انتكست حالة زيد بهالخبر .. وانصدم اكثر .. وحس انه وجوده بالكويت ماله داعي . . رجع مكان ماكان ارض لندن وترك وراه كادي وحزنه .. وجروحه ..!
سمعت كادي بخبر سفره وانهارت : لييييييش راااح لييييييييييش؟؟
ريم:اهدييي ياكادي .. مو بيده .. حسي فيه الكل واقف ضده
كاااادي بصدمه: تركني ياريم ... ماقدر يواجهم .. ريييم قولوله ماقدر اعيييش من دونه ماقدر
عقب ماصار قريب مني وعندي يروووووح ... !!!!
ريم تبجي:حاسه فيج والله حاسه بس حرام الي تسوينه بنفسج حراااام ..! ربج يفرجهااا ادعي ربج
احذفت كادي نفسها عالسرير واهي تصارخ وتبجي:ااااااااااااه راااااح رااااااااح
ماقدرت ريم تسوي شي لان كادي مو بوعيها موقادرت تصدق فكره انه يروح ويخليهااا
...
مر شهر وكادي صارت قمه بالحزن دموع والم .. والاكل ماتعرف دربه .. عايشه على ذكراااه الحلوه والمررره
من تذكر اسمه انهارت بجي .. تحس شي من روحها طلع .. ترك مكااان كبييير للمره الثانيه ..
عذبها بطفولتها وبكبرهااااا .. خلااااص يازيد خلاااااااااااااص كفايه عذاااااااب يالييييت امووووووت ولا هالحيااااه
..
ابو بدر:انا بكلمها ولحد يدخل عندنا
ام كادي كانت تحاول تتجاهل بنتها بس خلاص راح تموت ان تمت على هالحااال ..
صعد ابو بدر وطق الباب عليها ودخل: اول ماشافها قلبه عوره عليهااا
ضامه نفسها حيييل وتبجييي ..
ابو بدر:خااالي كادي ..!
ارفعت راسها وكلها نظرات حزن ولوم:....
قرب منها وحضنها حيييل:لاتسوين بنفسج جذي .. عشان خاطريْ
تمسكت فيه بكل قوتها وضعفهااا:اااه يااخاااااااالي تعبااانه << تبجي
رفع راسها ومسح دموعها:ماعاش التعب .. مسحي دموعج..
كادي تهز راسها بالنفي :لا ... خلاني ورآآح ياخالي
خالها:ماخلاج .. زيد يتعذب اكثر منج .. انا خالج صدقيني
كادي من بين دموعها:اااااااه خلااص ابي انساه وارتاااح .. ابي انسااه
خالها:انزين انسيه .. بس سمعي ..ِ!
طلع تليفونه من مخباه واتصل ...:الوو
وصل الصوت الهالك التعبان:هلا يا بوبدر ..
ابو بدر:شد حيلك .. مابي اسمع هالصوت .. يلا جهز اغراضك وباجر على اقرب طياره تعال
زيد :: انت متأكيد .. مابي ارجع وانا مو واثق من موافقتهم ..
فتح السبيكر :: انا اقولك ارجع .. اهلها موافقين .. البنت راح تمووت علينا
زيد بخووف:بعيييد الشر عنهاااا ..
ابو بدر :يلا عيل ارجع ياقيسسس ..
زيد يضحك:ابشششر من باجر انا عندكم ..
كادي حابسه دمعتها :....
خالها:خلاااص ابجي فرح الحين .. والله طول هالوقت اقنع اهلج يوافقون .. ها تبين تنسينه الحين ؟؟
كادي تبتسم من بين دموعها:لا
خالها:عوووبه .. للحين ذاكرته وتحبينه .. والله حسبتج نسيتيه من هذاك العمر ..ّ!
كادي تضحك:لا مانسييته ههههه
خالها:فديت هالضحكه عسى تدووووم ..!
.................................................. ..........................
بعد مرور شهرينْ من الاحداثْ وتمْ تتويجْ حبْ زيدْ وكاديْ بالزواجْ
زيد:نورتي بيتج ياعروسْ ..
كادي بخجل:.. تسلم
قرب منهاا ومسك اصابع ادينها وباسهم اصبع اصبع:وحشتينيي
كادي ميته مستحى منه بس ماتبيه يبعد عنهااا..
قعد يمها ولبى الي كان بخاطره وضمــــــــــهااااحيييييل لصدررررره ...!
وتوعدْ علىْ نفسهْ يعيشها عيشةْ الأميرهْ
..
إنتهــــتْ ..~
تَحيتيِ واحتراميْ
الأميرهْ /
غُربةْ الاحْزآآنْ
وقَعْت فِيِ غرآمْ طِفلهْ ..~ قِصهْ قصيرهْ لـِ / غُربةْ الأحزْانْ ..~
