" جــGYM ــــيم المنتـــدى "

[منادة الليل]

ماشاءالله عليك يا توتو بطل بطل يالغالي مضبط حالك احسن شي تسويه صراحه ... الى الامام

طيب قولو لي .... الحين انا صاير من اليوم جذي

الصباح بعد الاكل مباشرالمكمل الغذائي وبعده عصير فواكه خال من المواد الحافظه ... بعدها بساعه ونصف عصير برتقال معزز بفيتامين ج وخال من المواد الحافظه . وبعدها بساعتين حليب موز + شوكلاته يعني كافي بالكريم .... وبعدها بساعتين اتغدى وبعد الغدى اشرب لي عصير برتقال .. وقبل التمرين اخذ لي سوبر امينو 4800 والباور وبعدها بنصف ساعه اتمرن وبعد التمرين اخذ الامينو والمكمل واتعشى واشرب لي حليب وانا نايم


<------------- يبي يطور روحه الاخ بوكيمون ههههههههههههه

[AmiTy Ville]

منادة الليل هههههه الله يقطع ابليسك

يا اخوان بالنسبة للتشميس له فترة ووقت معين وهذا من منظور طبي وعلمي

فترات التشميس تكون صباحا فقط من بزوغ الشمس لين الساعه 9 فقط اما بعد ذلك فهناك اضرار لذلك وجب التنويه تفاديا من الاضرار

طبعا مابدخل بالتفاصيل واشعة تحت الحمرا وفوق البنفسجيه ومادري كيف

عموما الوقت المطروح اعلاه هو لأجواء الخليج عموما وخصوصا جو السعودية - اذكر سمعت في جلسة طبية عن التشميس واضراره واوقاته وكانت المستضيفة ف الاذاعه دكتورة سعودية وذكرت الوقت هذا بالنسبة للسعوديه

اما عن المده بصراحه انا مادري اوافقها الرأي ولا لا لانها قالت نص ساعه بالكثير وانا نص ساعه ماتكفيني لاني مجرب وساعه حل انسب بالنسبه لي !!

[mashkaljey]

والله يا اخوان مافي من بعد شرم الشيخ شمس والجو منعش الحمدلله كل سنه اروح شرم لكن زوجتي تعارض بسبب الهوايل اللي نشوف هناك طبعا اجانب ماعليهم شرهه

اما بالنسبة للتشميس بالكويت والله عندك اذا تبي صبغه فقط في منتجات تصبغ الجسم بربع ساعه بعد تعرضها للشمس يعني 100%

موفقين حبايبي

[آبو رآشـد]

صدقت يا ابو ابراهيم بعض الاحيان الواحد يبي يروح يمين ويسار لكن ام العيال تصير شديدة علية

[JiuJitsu]

اتشمس مدة ساعة او ساعة ونص وعلى حسب المنطقة اللي احتاجها ,,
مثلا ابغا البطن يصير مشدود اكثر وشكلو يصير برونز , فأركز عليه ,,

وطبعا لو بدي الجسم يكون متوازن اكيد زي ما يكون من قدام 30 د رح يكون من الخلف 30 د ,,

الكريمات انا استخدم الجزر سواءا كريم او زيت واحيانا بخاخ ,, بس بالجزر ,,

تسلم انت وباقي الاخوان على الافادات

وان شاءالله من بكره بيكون اول يوم لي

[AmiTy Ville]

اغلب منتجات الصبغ مدتها قصيرة جدا علاوة على ذلك تأثيرها السلبي مع الاستمراريه عليه

[mazoori]

الاسم : كريم
السن:16
الطول 170
الوزن:55
الدولة:مصر
المدينة:القاهرة
لسة جديد فى رياضة كمال الاجسام لكن بقالى سنتين مستمر على الفيتنيس و ال55 كيلو دى اغلبيتها عضلات :]

و نفسى اوصل لوزن 60-65 وعلى كلامك احنا هنا بنساعد بعض فانا نفسى اى شخص يقولى على جدول امشى عليه و تقريبا هيبقا تضخيم :]

وبجد الموضوع مميز و مفيد جدا
شكرا

[منادة الليل]

الاسم : كريم

السن:16
الطول 170
الوزن:55
الدولة:مصر
المدينة:القاهرة
لسة جديد فى رياضة كمال الاجسام لكن بقالى سنتين مستمر على الفيتنيس و ال55 كيلو دى اغلبيتها عضلات :]

و نفسى اوصل لوزن 60-65 وعلى كلامك احنا هنا بنساعد بعض فانا نفسى اى شخص يقولى على جدول امشى عليه و تقريبا هيبقا تضخيم :]

وبجد الموضوع مميز و مفيد جدا

شكرا

هلا فيك يالغالي .... مابقى الا تحط لنا صورة من جوازك

امزح هههههههه وسع صدرك

ماشاءالله عليك يعطيك العافيه وفي سن صغير ممتاز جداً بس ما نقول الــ55 اغلبيتها عضل ياخوي انت بروحك ناقصك ما يقارب الــــ16 كيلو يالغالي فلا تخدع نفسك وتقول اغلبها عضل

لانه واضح انه جسمك ناشف ونحيف ولكن على كلامك مقسم ...

انصحك اول شي تاكل اقل شي باليوم 6 وجبات وتكون جسمك صح بما انك للحين ما وصلت الــ18 سنة فجسمك ياخذ بسرعه ان شاء الله ويتكون ما ياخذ له وقت

يعني الجسم الي ممكن يكون اغلبيته عضل لابد انه يكون على الاقل مقارنة بطولك يكون على الاقل 70 كيلو هنا عضل ممتاز

ارجع لقسم المواضيع المميزة وشوف مواضيع التغذية

والى الامام يابطل ولا تزعل ترى امزح معاك

[mazoori]

هلا فيك يالغالي .... مابقى الا تحط لنا صورة من جوازك

امزح هههههههه وسع صدرك

ماشاءالله عليك يعطيك العافيه وفي سن صغير ممتاز جداً بس ما نقول الــ55 اغلبيتها عضل ياخوي انت بروحك ناقصك ما يقارب الــــ16 كيلو يالغالي فلا تخدع نفسك وتقول اغلبها عضل

لانه واضح انه جسمك ناشف ونحيف ولكن على كلامك مقسم ...

انصحك اول شي تاكل اقل شي باليوم 6 وجبات وتكون جسمك صح بما انك للحين ما وصلت الــ18 سنة فجسمك ياخذ بسرعه ان شاء الله ويتكون ما ياخذ له وقت

يعني الجسم الي ممكن يكون اغلبيته عضل لابد انه يكون على الاقل مقارنة بطولك يكون على الاقل 70 كيلو هنا عضل ممتاز

ارجع لقسم المواضيع المميزة وشوف مواضيع التغذية

والى الامام يابطل ولا تزعل ترى امزح معاك

هههههه ربنا يخليك على النصايح الى انا فعلن هعمل بيها
و انتا فعلن بتتكلم صح انا مقسم بس عضلاتى صغيرة وعاوزها تكبر
وانا لسة شايف وزنى انهردة طلعت 56
انا بس عاوز اسئلك سؤال انا لو مشيت على نظام غذائى كويس و استمريت فى الجيم حوالى 3 سنين كدة !هعمل فرمة كويسة ؟؟

[منادة الليل]

هلا فيك

الله يحفظك ويخليك

اكيد يالغالي

لا تحط في بالك انه كمال الاجسام هي رفع اوزان ... كمال الاجسام كلها تعتمد على التغذية والتغذية هي راس اللعبه

و3 سنوات بتصير تفجير ان شاء الله

بالتوفيق

[ولد ابوظبي]

هلا اخووااني الطيبين ..
بالنسبه يامزوري .. راح تبقى وحش اذا كملت 3 سنين مع تغذيه جيده ونووم جيد
خذ لفه على قسم المواضيع المميزه .. وشوف كيف نظام التغذيه للضخامه

[mazoori]

بجد يامنادة انت و weld ad متتصوروش انتوا شجعتونى وحفزتونى اد اية !

ربنا يخليكو !

[منادة الليل]

حبيب قلبي والله وشد حيلك ولا تدير بالك اهم شي امش صح وباذن الله

وبالتوفيق(^_-)

[D.D.S]

السلام عليكم و رحمة الله و بركاته .

اشلونكم شباب ؟؟ ما شاء الله القسم نشيط و الله يوفقكم ..

عندي اسئله حبيت كل واحد يجاوب بصراحه .. يمكن الاسئلة تكون اشوي غريبه لاني مو عارف شىء عن واحد جسمة حلو مثلا المهم

ياريت اللي يجاوب علي يكون جسمة تفخييييم فقط مو مقسم عضلات ايد و بطن بس لا لدرجة حتى يحاول يعضل الارداف لول امزح ..

المهم

س1 | لما تركض سرعتك تكون نفس سرعة واحد عمره 13 مثلا صج يعني تأثر العضلات واااايد من سرعتك مو ؟؟ ^^" بصراحه لجسم تفخيم اب تفخيم

س2 | اتعرفون العصايا اللي تحطها بالباب .. الكل عرفها ؟

جم مره تقدر تشيل نفسك صح ؟ + ضط عادي جم مره تسويها ؟

س3 | ما تتضايجون لما تمشي اب اي مول و الكل يخزك ؟ ؟

س4 | جم تشيل حديد عادي هذا اللي تشيله اب ايدك >> اقصى كيلو جم ؟

س5 بكل صراحه |

ما فكرت لين كبرت و خلاص مثال اربعيني الله يطول اب اعمارنا و تركت الحديد ..

ما فكرت جسمك يكون في ترهلات .. اقصد يصير جنه جلي ؟؟ ^^"

هذا اللي عندي .. >> الحين بس

صح

* | انتو الحين تاكلون وايد بعد التمرين ولا قبله ولا الاثنين ؟

هالدرجه لو تاكل كل اللي يمك يمديك تحرقهم اب جلسة ؟

[mashkaljey]

هلا بالطيب حياك ربي ونفيدك باذن الله

س1 | لما تركض سرعتك تكون نفس سرعة واحد عمره 13 مثلا صج يعني تأثر العضلات واااايد من سرعتك مو ؟؟ ^^" بصراحه لجسم تفخيم اب تفخيم

اكيد بالاساس زين منك تركض عزيزي وشي طبيعي تبي الصراحه الشكل نكته وانت تركض فلا تقارن واحد يضخم بواحد عمره نفس عمره ما نقول 13 سنه لان التضخيم يزيدك دهون مع الكتل العضليه المكتسبه فيكون شكلك كانه كبت متحرك

س2 | اتعرفون العصايا اللي تحطها بالباب .. الكل عرفها ؟

جم مره تقدر تشيل نفسك صح ؟ + ضط عادي جم مره تسويها ؟

يختلف عزيزي لكن بكل الاحوال اللعب الحر ما ينفع واحد مضخم ما تحصله يأدي التمارين بالشكل المطلوب وبسرعه يتعب فعادي حده 10 الى 15 ضغط بالجلسه الوحده وبالموت وتكون روحه طالعه

س3 | ما تتضايجون لما تمشي اب اي مول و الكل يخزك ؟ ؟

هاهاهاها لا وازيدك من الشعر بيت لو كان مكرش ولابس ضيق خلاص الخز والضغاط بيكون على اصوله لكن حزتها وين تفكر بهالكلام بتقول عادي وتبرز الباي اكثر

س4 | جم تشيل حديد عادي هذا اللي تشيله اب ايدك >> اقصى كيلو جم ؟

عزيزي بالضخامه عادي تصك اوزان مو طبيعية لو تقصد تمرين الباي فعادي توصل 30 لليد الواحده لان التضخيم اوزانك عاليه وتكرارك بسيط ويختلف من جسم وطول وعرض عن جسم اخر لكن بكل الاحوال اوزانك اعلى بكثير من الشخص اللي يلعب تقسيم فقط ( فتنس )

س5 بكل صراحه |

ما فكرت لين كبرت و خلاص مثال اربعيني الله يطول اب اعمارنا و تركت الحديد ..

ما فكرت جسمك يكون في ترهلات .. اقصد يصير جنه جلي ؟؟ ^^"

هذا اللي عندي .. >> الحين بس

صح

اي عزيزي الترهل حايشك حايشك لو تركت الحديد لكن ليش تفكر بالسلبيات لو بتفكر بالسلبيات ترى في امور اخطر من ترك لعب الحديد مثال الزقاره او شرب البيبسي الزايد عن حده كلها امراض خطيره بالمستقبل

* | انتو الحين تاكلون وايد بعد التمرين ولا قبله ولا الاثنين ؟

بالتضخيم تاكل اكل قبله ولا بعده ما تفرق لكن نوعية الاكل تختلف وعادي يطقله همبرغر وبر من برغر ويقولك هذي بس فتح نفس فلا تستغرب اهم شي ان بالتضخيم بتشوف الانسان وضعه وشهيته مفتوحه لاقصى حد

هالدرجه لو تاكل كل اللي يمك يمديك تحرقهم اب جلسة ؟

اساس التضخيم ليس حرق ما تاكله بل الاستفاده منه لهذا يكون غرضك تاكل لزياده وزنك بالاساس فلهذا تشوف اللي يضخم ما يلعب كارديو يمكن بالاسبوع مره بس حتى شكله الخارجي تشوفه معضل لكن لو فصخ تشوف بلاوي

وعلى فكرة انا من محبي التضخيم لاني بالاساس كنت نحيف فعندي معاناة مع مساله اقسم العضل فاحب اكون منفوخ ولبسي وسيع احس اني بعافيتي اكثر