اخواني الاعزاء
السلام عليكم ورحمة الله وبركاته
طبعا عايز احييكم في البداية على المنتدى الجميل والناس المحترمة واراءهم المحترمة اللي كلها فايدة ان شاء الله
ببساطة
انا طولي 190 سم ووزني 105 كنت بالعب حديد من حوالي تلات سنين وبعدين جاتلي اصابة رباط صليبي وغضروف واربطة خارجية وداخلية باختصار عملت عملية ترميم ركبة
طبعا الجزء الاهم في العملية كان الرباط الصليبي
وضعولي رباط صليبي حسب كلامهم من العضلة الخلفية قعدت في البداية حوالي شهرين مش بامشي خالص وبعد كده شهرين عكازات وبدات العلاج الطبيعي طبعا وخلصته جلسات ليزر وكهربا وما شابه
والحمد لله بقيت احسن
بس القدم المصابة بينها وبين السليمة فرق 3 سم في حجم العضلة وضعيفة جدا وبدات تتوقف عن التحسن انا رجعت للجيم تاني بس مش عارف ازاي ارجع الفرق ده مع اني بالعب رجل بس مش زي زمان طبعا
اتمنى اسمع ردودكم لاني بثق فيها كتير واريت لو في كرس كويس علشان اعالج الموضوع ده
وشكرا