http://www.bodybuilding.com/store/help/countries.htm موقع بودي بيدلنغ وقف البيع للسعوديه الله يعين ..
http://www.bodybuilding.com/store/help/countries.htm موقع بودي بيدلنغ وقف البيع للسعوديه الله يعين ..
مساء الخير
اخوي Hyatt الموقع ما وقف البيع للسعودية ..
لكنه حدد طريقة الدفع بحيث تكون اما عن طريق مؤسسة الـ Western Union ..
ولها فروع كثيرة بالسعودية
أو عن طريق الحوالات البنكية فقط
يعني ما تقدر تطلب اي شي من الموقع الا بالدفع عن طريق واحده من هالطريقتين ..
والي تغير انهم وقفوا الدفع عن طريق الكردت كارد , والطرق الثانية كلها مثل الـ PayPal وغيرها ..
عذرا على المداخلة ..
تحياتي
قبل اسبوع تقريبا حاولت اطلب من الموقع وتفاجات يوم جيت احدد البد بان السعوديه مو موجوده
مع اني متاكد قبل اقل من شهر انها موجوده
قمت بالتواصل معهم عن طريق شات محادثه في الموقع ورفعو ظغطي حاطين بهايم الظاهر
المهم اني دقيت عليهم وقلت ليه ياعيال الاجواد ماتحطون السعوديه وحاطين الصومال ؟؟؟؟
قال لي ان التعامل بالبطاقات مع السعوديه unsafe يعني غير امن
قلت المهم شلون اشتري وتوضحون لي رسوم الشحن والتكلفه
قال سو طلب واختر اي بلد واذا جيت عند طريقة الدفع اختر الدفع بواسطه شيك
بعد كذا خاطبنا وارسل لنا رقم الطلب عشان نعدله للسعوديه ونعلمك كم قيمة الشحن ,,, الكلام هذا كله امس
عاد انا طالب مجموعه كامله وكبيره حقت ثلاث شهور ومدخلها مدخلها الله يلعن الفقر والمعاش الردي لو اوصلها للاماره قسم بالله شي يقهر
مع العلم ان لي رفيق قريب بالحيل يشتغل في الهيئه العامه للغذاء والدواء وفي قسم الاغذيه
وكلمته بناء على كلام الاخوان هنا في الردود اني ابي فسح بادخل مكملات ومن هالكلام فرد علي بالحرف الواحد
ان الشخص الي في يده هالامر متحجر ومتعجرف ولافيه خير ولاينفع ولايحرك الرابضه وكل شي يبي يدخل المملكه يتسبب في تاخيره وفي بعض الاحيان تعطيله ليس خوفا على سلامة الناس ولكن خوفا من ان تصير مشكله وينشب هو لانه راح يكون في الواجهه
الهيئه لايوجد عندها ممختبرات جوده ويستعملون مختبرات وزارة الصناعه الي مبنيه على وقت الملك سعود يعني اغسل يدك من الهيئه ودبر لك احد في جمارك المطار ان شاء الله البنقالي حق النظافه وبيطلعها لك
وانا والله صامل وباضرب بحد السيف وبقفاه الين ادخلها لو تخرب وتقلب سم بادخلها
لنا عوده ان شاء الله بعد ما يكتمل الطلب ونرد لكم يا ابطال دعواتكم
الله يوفقنا واياكم
يللللللللله انشاء لله البدايه على يدك يا ابو حمد
الله يقويك عليهم
لاننا تعبنا من جي ان سي وطقته
والله معاك
.. هلا وغلا ياشباب ..
.. اخوي ازرق اللون كم حسبة عليك شركة فيدكس الشحن وكيف نسقت معاهم بالتفصيل ياليت ..
.. وننتظر ردك ..
.. AL-Box ..
بعد جهاد وشيل وحط مع الموقع خلصت انا وياهم اليوم
صراحه موقع تعاملهم مخيس
طلبو مني بعد ما ادفع المبلغ اني ارسل لهم الايصال اما عن طريق الفاكس او الايميل
واللي قهرني قالو ترسل لنا صوره من هويتك الوطنيه <<<< انا طارت بوهتي قلت عسى ماشر شاري مدرعه وصناديق فشق ولا شاري سطول بروتين وخرابيط
قال ان معدل الاحتيال في السعوديه نسبته مرتفعه وحنا ناخذ احتياطاتنا ,,,,قلت اني تعاملت مع مواقع وشركات في ضعف حجم شركتكم عشر مرات وبمبالغ كبيره ولاعمرهم طلبو ايصال او خربطه ولا حتى رفضو الفيزا تجون انتم يابياعين الطحين تطلبون صورة هويه ,,, وش حيثكم ؟؟
اجل انقولا تعتبر دوله امنه بالله ؟
المهم ان الشحن جدا جدا جدا جدا جدا مكلف تقريبا نفس قيمة الطلب لاني طالب مجموعه كبيره والوزن كله 62 رطل ويزيد قيمة البضاعه كلها 1135 تقريبا
والشحن بياخذ 855 وزياده والله اني متردد اطلب ولا ما اطلب لان الظاهر ماعاد فيه فرق عن اسعار ربعنا
رايكم يا اخوان شورو علي
أخوي بو حمد كيف حولت لهم المبلغ؟ لأنهم أعطوني العنوان عشان أحولهم المبلغ لكن ماعرفت كيف أحولهم . بالنسبه للشحن أخوي شوف شيك كم راح يكلفك لو اشتريتها من هنا؟ الله يعين على كل حال
يعين الجميع ياخوي ,, بالنسبه لطريقة الدفع شف الرابط هذا اذا كانت انقليزيتك كويسه
http://www.bodybuilding.com/store/help/westernunion.htm
وان كان مافهمت علمني واشرح لك
قريت الرابط قبل كذا لكن أنا احتاج أتأكد إيش البيانات إللي أحتاجها في ويسترين يونين؟ إسم الشركه ورقم الفاتوره فقط؟ يسلمك ربي أخوي وماقصرت
Pay To: Bodybuilding.com
Company Code City, State: Bodybuilding, ID
Country: USA
هذا عنوانهم يابعدي
ومكتوب انك تحط رقم الطلب حقك في الخانه المخصصه لرقم الحساب ,,, عاد حقين ويسترن يونيون موب مقصرين
بعد ماتكمل التحويل تاخذ الايصال وترسله اما بالفاكس ولا بالبريد بعد ماتسوي له سكان
وتمنياتي لك بالتوفيق
يعطيك العافيه أخوي
حد جرب يطلب من الامارات.. ياريت الافاده؟
السلام عليكم
يا شباب التعقيد اللي يصير عندنا بالسعودية من الجمارك او لجنة الغذاء والدواء على الكميات التجارية ولا حتى كميات الاستخذام الشخصي ؟
هلا بالطيبين ... والله كسرتوا بخاطري .. الله يعينكم على هالتعقيد ..ابو علي 1
بس جذبني رد هالطيب
عضو
تاريخ التسجيل: 31-03-2010
المواضيع: 0
المشاركات: 19
الشكر: 1
رد: لمن جرب الشراء من موقع Bodybuildingالأخ السائل: لايوجد منع لاستخدامها في المملكة ولكن يجب ان تكون مسجلة في الهيئة واستيرادها من المصنع مباشرة وعن طريق وكيل الشركة الصانعة المسجل له الصنف والمسؤول امام الهيئة عن كل مايتعلق بالصنف وذلك استنادا إلى ماورد بنظام المنشأت والمستحضرات الصيدلانية الصادر بالمرسوم الملكي رقم م/31 وتاريخ 1-6-1425هــ بالمادة التاسعة العاشرة "يحظر تداول المستحضرات الصيدلانية والعشبية قبل تسجيلها لدى الوزارة ".
نشكر لكم تواصلكم
مو هاذي هيا المشكلة انه لازم نجيبها من المصنع والمصنع يبيع للوكيل فقط و معروفة اسعار الوكيل كيف .
انا بعد التحري وجدت ان سبب التدقيق على المكملات الغش و السبب الرئيسي ((المخدرات)) لأنه الجمارك صادت شحنات مخدرات في المكملات حتى داخل حبوب الأمينوا الحبة مكبوسة وبداخلها مخدر
-------------------------------------------------------------------------------
أنا عن نفسي بعدني ماطلبت .. ولحد الحين متحير .. نوعا ما .. أقارن بالأسعار .. وهل انها توصل للبيت عن طريق فيديكس .. ولا انه لازم اروح لمكتب معين .. ومسافة الوقت والخط .. بعدني أتحرى
لأنه مره شفت واحد طالب ملابس .. ووصلته عن طريق فيديكس لعندهـ ..
للي يبي يطلب من الإمارات .. يقدر يستفيد من هالمنتدى الانجليزي ..
انجليزي يتكلم كيف يطلب وكم تاخذ وكيف السعر .. صفحة الانترنت من اسبوعين وانا بعدني ماابندتها .. ^^ مخلنها لعلي أقرى مره ثانيه .. واعيد النظر ..
هذه الرابط .. الصفحه الأولى ..
http://www.expatforum.com/expats/dubai-expat-forum-expats-living-dubai/46757-body-building-supplements.html
لاتنسون تقرأون الصفحه الثانيه .. وهذ رابطها .. يتكلم كثر
http://www.expatforum.com/expats/dubai-expat-forum-expats-living-dubai/46757-body-building-supplements-2.html
للي مافهم عنده قوقل مايقصر ..
أتمنى لكم التوفيق ..
انا طلبت علبه امينو وعلبه بروتين للاسف اتصل بي موظف الشحن واخبرني انها منعت من الدخول ويجب الحصول على تصريح من وزاره الصحه ، وبعد عده محاولات كتبت تعهد بعدم استيراد اي مواد طبيه الا بتصريح مسبق من وزاره الصحه او وزاره التجاره واستلمت الشحنه . لم يكن الحال هكذا في السابق طلبت كميات كبيره جداا ولم يحدث شي . حسبنا الله وهو نعم الوكيل . يجب ان نتحرى عن الموضوع ونحاول يا شباب ان نفعل شي للاسف هذا استغلال يصب في مصلحه المحتكر الكبير gnc