صفحة 1 من 7 123456 ... الأخيرةالأخيرة
النتائج 1 إلى 15 من 99

الموضوع: تجربتي مع برنامج P90X

  1. #1
    التسجيل
    30-09-2001
    الدولة
    جده
    المشاركات
    72

    تجربتي مع برنامج P90X

    السلام عليكم و رحمة الله وبركاته


    قبل فتره كنت ادور بالنت على تمارين رياضيه او برنامج رياضي يعطيك نتائج قويه في زمن محدد. لأني تعبت من كتر ما اروح للجولد جيم ولا الفتنيس تايم من دون ما اوصل للنتيجه اللي ابغها, و لاني عارف متى راح اوصلها.
    دخلت اليوتيوب وكتبت تمارين رياضيه لمدة 30يوم << << طبعاً البحث كان بالعنجليزي
    فطلعلي برنامج رياضي اسمه P90X البرنامج دا فكرته اشوفها صراحتن فتااااااكه
    وهي كالتالي
    اعطيني ما بين 45 دقيزه الى ساعة و نص يومياً لمدة تسعين يوم اضمنك اطلق جسم راح تشوفه بحياتك يعني نسبة البدي فات راح تضرب معاك بالماينس ( يطلع الواحد خالي من الدهون)
    و شفت مقاطع في اليوتيوب كثيره عن ناس رجال ونساء وحتى مراهقين اتبعو البرنامج و سار عليهم فرق كبييييييير
    البرنامج دا مخصص لحرق دهون الجسم و بناء جسم رياضي متوسط العضلات من دون مبالغه في الحجم و عشان كدا بيركز كتير على تمارين اللياقه اكثر من التركيز على تمارين الحديد

    اتحمست للموضوع كتير و قررت اني اشتريه عن طريق الشركه حقته لكن للأسف ما يوصلون الى لأمريكا و كندا عندئذ قررت اني احمله بطريقه غير شرعيه ألا و هي التورنت الله يخليه للمحتاجين.
    حجم البرنامج تقريبن قريب 4 جيجا و هو مجموعه من مقاطع الفيديو و ملفات اكروبات ريدر فيها معلومات عن البرنامج و الجدول حق التمارين و الأدوات المطلوبه.

    طبعاً اول شي قريت الأدوات المطلوبه عشان تبدأ تسوي التمارين و هم حاطين اشياء كثير لكن اغلبها حاطينها عشان يسوقو منتجاتهم. الأدوات المطلوبه هي:
    دمبلز DUMBLES( يفضل تكون ادجستبلز يعني تقدر تغير الأوزان و مايحتاج اوزان ثقيله)
    عقله او PULL UP BARS عشان تقدر ترفع نفسك عليها
    ارض طريه عشان تتمرن عليها و اذا عندك فرش زايد يأدي الغرض او فرشة تمارين رياضيه
    و سلامتكم

    الأدوات دي متوفره في محلات الرياضه و بسعر رخيص
    الدمبلز لقيتها عند الفالح بـ 75 ريال و تقدر تقلل و تزيد الوزن و تتطبق في شنطه صغيره تقدر تشيلها معاك وقت السفر
    العقله لقيت عند باناصر نوع ممتاز يتعلق على الباب بـ 35 ريال
    فرشة الرياضه في البدايه اخدت من الفالح فرشه سفنج ملبسه بلاستك وجه ازرق ووجه احمر( ما انصح بيها) بعدها بدلتها بأرضيه فلين حقت اطفال لقيتها عند محل العاب اسمه ELC عباره عن مربعات تتربط ببعض على الأرض مرررره جيده

    التمارين مايحتجلها نادي او مكان خاص يكون كبير او تجهيزات في الغرفه
    شخصياً بأتمرن يوميا في غرفة المعيشه

    بعد ما وفرت الأدوات قريت الملفات التانيه لكن ما حصلت منها معلومات تفيد (دششش كتير). اهم شي فيهم كلهم الجدول حق التمارين. الجدول مقسم على تسعين يوم وتكون التمارين 6 ايام بالأسبوع و اليوم السابع إما راحه او تمارين استطاله. الفكره العلميه وراء الجدول و توزريع التمارين هي انو الرياضي لمن يتعود على نمط معين في التمارين يبدأ الجسم استجابته تقل. فعشان كدا كل ثلاثه اسابيع يكون نفس الجدول و الأسبوع الرابع يتلخبط الجدول شويه عشان يسوي صدمه عضليه على قولهم و يخرب الروتين. و كل شهر يمشي على هذا النظام مع اختلاف التمارين.

    التمارين تقريبن 12 تمرين من ضمنها YOGA, CARDIO, KENPO, CORE, LEGS AND BACK, SHOULDER AND BYSEPS, CHEST AND TRICEPS وغيرها كمان. التمارين شامله كامل الجسم و تهتم بالقوه و الليقاه البدنيه و تقوية العضلات و حرق الدهون.

    و عشان الناس اجسامها تختلف و قدرتهم تختلف و اهدافهم كمان تختلف. المدرب عمل 3 جداول للتمارين.
    LEAN PROGRAM
    للناس اللي تبغا تحرق دهون و تزيد اللياقه
    CLASIC PROGRAM
    للناس اللي تبغا تحرق دهون وتزيد القوه برضو مع اللياقه (اصعب من اللي قبله)
    DOUBLE PROGRAM
    للناس اللي عندهم مسابقات و بيجهزو نفسهم بسرعه وراح يكون على حصتين في اليوم

    انا كان جسمي نحيل لكن مع كرشه صغيره (من آثار الزواج) و كنت متوقف عن الرياضه ليا تقريبن سنه. فقررت انو امشي مع البرنامج الأولاني لأنو هدفي كان محو الكرشه عن الوجود و استبدالها بسته علب مربعه (SIX PACK)

    صورت نفسي قبل اول يوم بالطول و العرض و من جميع الزوايا. و بسملت و توكلت. الأيام الأولى كانت مرهقه و متعبه و كل ما تكلمت مع أحد عن الموضوع يحاول يحبطني (انت وو جهك تبغا تسير عضلات) ( على بالك ح تسير ارنولد على غفله) ( اقول خفف اكلك و اترك عنك النطنطه) و من هذا الكلام اللي يهد الهمه
    هنا الواحد يحتاج دعم نفسي من شخص عزيز. الحمدلله زوجتي كانت مؤمنه بالبرنامجه و انو راح يجيب نتيجه و كانت تحمسني و توفرلي الوقت كل يوم. الأن كملت شهر و نص يعني نصف المده. ما قدرت التزم كل يوم بسبب الظروف الخاصه (مرض, مناسبات, حمل المدام, خارج دوام) لكن حاولت قدر المستطاع انو التزم و ما ايئس و لا اترك البرنامج و اكمل الين النهايه.

    خلال الفتره اللي انقضت من البرنامج سار في تطور ملاحظ في الجسم و اللياقه. على سبيل المثال:
    ظهرت عندي عضلات الأكتاف
    عضلات اليد سارت واضحه و غير مسطحه و قويه و الحجم زاد طبعاً
    عضلات الظهر قويت
    عضلات الصدر بدأت تاخد شكل و حجم بعد ماكانت مختفيه لزمن طويل
    عضلات البطن سارت اقوى و الكررشه صارت كروشه صغيره<< والله لا أوريكي
    الرجلين صارت اقوى و عضلاتها بدأت تاخد الشكل الأنيق
    و بالنسبه للياقه تطورت كثير

    و ان شالله راح استمر بإذن الله و اكمل التسعين يوم LEAN و بعدين راح ابدأ تسعين يوم CLASIC و بعدها راح ابدأ برنامج P90X PLUS و هذا البرنامج مخصص للناس اللي كملو البرنامج العادي و يبغو شي يستمرو عليه عشان يحافظو على جسمهم.

    شعار المدرب
    DO YOUR BEST AND FORGET THE REST
    شعار البرنامج
    DECIDE, COMMIT, SUCCEED
    قرر انك تبدأ تغير نفسك
    التزم بالقرار اللي اتخذته
    تنجح في الوصول إلى الهدف



    [AMZN]B000TG8D6I[/AMZN] [AMZN]B005PO7ABI[/AMZN]

    و ما معنى الحياة بأن نحيى فلا نحيي بنا الدنيا

  2. #2
    التسجيل
    13-02-2010
    المشاركات
    131

    رد: تجربتي مع برنامج P90X

    حلو ما شاء الله ......... الله يعطيك الصحه و شغلك عدل .. و الى الامام يا بطل ..
    لكن هل من الامكان تنزل صورتك قبل و بعد ... وهل من الامكان تنزل البرنامج ليستفيد منه الشباب .
    والف شكر لك على المعلومات الحلوه .. المفيده

  3. #3
    التسجيل
    05-05-2009
    الدولة
    •.•´¯`•.• KuWaiT •.•´¯`•.•
    المشاركات
    3,114

    رد: تجربتي مع برنامج P90X

    ننتظر البرنامج اخي ليكتمل الموضوع

  4. #4
    التسجيل
    06-03-2010
    الدولة
    جده
    المشاركات
    134

    رد: تجربتي مع برنامج P90X

    والله بارك الله فيك

    ولو تنزل البرنامج
    تكون الصراحه في القمه

  5. #5
    التسجيل
    30-09-2001
    الدولة
    جده
    المشاركات
    72

    رد: تجربتي مع برنامج P90X

    السلام عليكم
    الملف المرفق مع التعليق فيه التورنت حق تحميل البرنامج
    و برضو تقدر تشوف مقاطع في اليوتيوب لناس عملو البرنامج دا و ايش النتائج اللي وصلولها

    و على فكره المدرب برضو عامل برنامج تاني اسمه TEN MINUTE TRAINER مدتو عشر دقايق كل يوم للناس اللي ماتقدر تتمرن لمدة ساعه كل يوم زي الحريم وكبار السن و "الكسالا"

    وفقكم الله
    الملفات المرفقة الملفات المرفقة
    و ما معنى الحياة بأن نحيى فلا نحيي بنا الدنيا

  6. #6
    التسجيل
    20-01-2010
    المشاركات
    318

    رد: تجربتي مع برنامج P90X

    مشكورين يا اخى على المعلومات ون شاء الله تفيد الاعضاء

  7. #7
    التسجيل
    05-05-2009
    الدولة
    •.•´¯`•.• KuWaiT •.•´¯`•.•
    المشاركات
    3,114

    رد: تجربتي مع برنامج P90X

    الان الموضوع يستحق النقل الى قسم المواضيع المميزة

    بالتوفيق اي صاحب الموضوع

  8. #8
    التسجيل
    30-09-2001
    الدولة
    جده
    المشاركات
    72

    رد: تجربتي مع برنامج P90X

    جزيت خيراً
    صراحة البرنامج مميز و يستحق اهتمام المختصين في منتدانا
    و ما معنى الحياة بأن نحيى فلا نحيي بنا الدنيا

  9. #9
    التسجيل
    22-11-2009
    الدولة
    الـــريـــاض
    المشاركات
    220

    رد: تجربتي مع برنامج P90X

    جزاك الله كل خير


  10. #10
    التسجيل
    24-11-2009
    الدولة
    بلادي الحبيبة ( البحرين )
    المشاركات
    693

    رد: تجربتي مع برنامج P90X

    تسلم أخوي على البرنامج

    بس يا ريت تعطيني فكرة كيف انت تطبق البرنامج ؟؟

    هل تتابع الفيديو أو تتبع برنامج معين ؟

    لا إله إلا الله ، محمد رسول الله

  11. #11
    التسجيل
    26-12-2009
    الدولة
    jeddah
    المشاركات
    3,033

    رد: تجربتي مع برنامج P90X

    جاري التحميل من باب الثقافة فقط ,,
    وانا أؤمن بتمارين الابطال امثال جاي كتلر و روني كولمان ودينيس وولف والكثير ,,,,

    الله يوفقك يابطل وموفق ان شاء الله

  12. #12
    التسجيل
    21-08-2004
    المشاركات
    1,550

    رد: تجربتي مع برنامج P90X

    بما انه عن تجربة واستفدت فاكيد شي ممتاز ومفيد للكل ان شاء الله

    وبارك الله فيك وراح احمل اشوف كيف

    الله يحفظك

  13. #13
    التسجيل
    30-09-2001
    الدولة
    جده
    المشاركات
    72

    رد: تجربتي مع برنامج P90X

    بونجورنو
    بالنسبه لكيفية التمارين. عندك ١٢ ملف فيديو و جدول. كل يوم تشوف الجدول وتعرف التمرين اللي عليك وتشغل التمرين على الدي في دي او البلاستيشن وتتمرن معاك الشباب تحاول تتطبق زيهم قدر ماتقدر طبعاً مع الوقت حتتحسن و تقدر تضيف زياده اذا قدرت. الفكره بسيطه و تطبيقها سهل بس يبغالها التزام.
    اهم شي راح تحسو التطور الكبير في اللياقه. بالنسبه ليا اللياقه مع جسم متوسط بس مقسم هو الهدف الافضل.
    والله يقويكم
    و ما معنى الحياة بأن نحيى فلا نحيي بنا الدنيا

  14. #14
    التسجيل
    13-02-2010
    المشاركات
    9

    رد: تجربتي مع برنامج P90X

    جزآك الله خير

    تم التحميل وبديت بالجدول [كلآسيك]

    وإن شاء الله آصل لنتيجه (=

  15. #15
    التسجيل
    02-04-2010
    المشاركات
    7

    رد: تجربتي مع برنامج P90X

    اذيك يا وحش بقلك ايه بما انك جربت الرنامج يعنى موضوع برنامج التغذية ده ايه حواره مهم يعنى لازم امشى علي البرنامج الغذائى ده اصل انا لما قريته تهت واتخنقت طبعا الاكلات اللى فيه مش موجوده فى مصر وبعدين حوارات تركى جيركى ومشروم فا ايه قولك مهم ولا انت مشيت على برنامج من عندك ولو كده ياريت تباصيه لاخوك ويبقى عملت معايا الصح كله

صفحة 1 من 7 123456 ... الأخيرةالأخيرة

المواضيع المتشابهه

  1. عام تجربتي ويا Eye-toy
    بواسطة : MSB , في ألعاب البلاي ستيشن
    مشاركات: 27
    آخر مشاركة: 01-09-2019, 12:33 PM
  2. +**+ تجربتي في السواقة +**+
    بواسطة : Pinkoo , في المنتدى العام
    مشاركات: 34
    آخر مشاركة: 03-12-2005, 02:57 PM
  3. تجربتي مع الميكرو
    بواسطة : HotChocolate , في معرض التصوير الفوتوغرافي العام
    مشاركات: 8
    آخر مشاركة: 27-04-2005, 11:40 AM
  4. تجربتي ثانية على برنامج SWiSH v2.0
    بواسطة : إبن القديح , في منتدى الفلاش و السويش العام
    مشاركات: 6
    آخر مشاركة: 07-12-2001, 03:10 PM
  5. أستفيدوا من تجربتي
    بواسطة : darkness man , في المنتدى العام
    مشاركات: 0
    آخر مشاركة: 02-11-2001, 01:38 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •