ما فائدة الجدول الأول مع أني ما أشوف عضلاتي تنمو بشكل ملحوظ وهل التغير في الجدول الثاني بيكون؟
اخوي الجدول الاول نسميه شامل والثاني اهو جدولك الاساسي اللي بتتبعه ان شاء الله وتقدر تغيره على حسب خبرتك اللي راح تكتسبها فمر على قسم المواضيع المميزة واطلع على المواضيع عشان تستفيد وتعرف اكثر عن اللعبه
والإستفسار الثاني هل أستطيع من الآن أن أبدأ بالمكملات "البروتينات ..الخ" وإلا مع بداية الجدول الثاني وإلا في أخره وإلا في اوسطه متى؟
لا اخوي خلك على الطبيعي الاكل الطبيعي والبروتينات بعد ما تكون اساس عضلي على الاقل من شهر الى 3 شهور وانت تلعب
والإستفسار الثالث هل لازم ارفع اوزان اكثر من السابق مثلا أنا اشيل مثلا 20 هل المرة القادمة لازم اشيل 30 ولا 20 ؟
لا اخوي بالبداية لا تزيد شي بعدين زيد لا تفكر بالزياده الحين بعد ما تخلص الشامل وتبدأ جدول زيد شوي شوي
ومرات أنا أكون شلت 30 "مثلا قبل 4 أيام " لا أستطيع أن أشيل 30 اليوم ليه؟ ما اقدر الا اشيل 20 أو 25 "هل الغذاء في هذا اليوم له دور؟
اكيد التغذيه والنفسيه ايظا تلعب دور انا اقولك خلك على اوزان خفيفه الحين وبعدين بتعرف اوزانك عدل
ماذا أكل قبل التمرين بساعتين وقبل التمرين بربع ساعة وبعد التمرين وقبل النوم "اكل طبيعي "
مثلا البروتينات قبل التمرين والكربوهيدرات بعد التمرين والسكريات قبل النوم "مجرد مثال خاطئ بس للتوضيح"
في مواضيع كتبناها عن التغذيه لكن بشكل مختصر افتح الاكل لانك نحيف يعني اكل اللي تشوفه لا تقول ممنوع
ساعات أحس شد في بعض العضلات ليه وما فائدة تمارين الإطالة؟
عادي هالامر بالبداية وحتى بعدين شي طبيعي تشد يدك لان العضل يضغط على الجلد والعظم فطبيعي هالشي ودخلتنا الله يهداك بسؤال ثاني ؟؟ الاطاله تمرين مفيد يمدد لك العضل وفي ناس وانا منهم تستخدمه قبل التمرين وهو عاده بعد التمرين
أريد جدول غذائي يناسبني؟
انت نحيف عزيزي ما يفيدك اي جدول حاليا لازم تزيد الكارب والبروتين بالاكل فزيد بالاكل لحد ما توصل وزن معين بعدين نظم اكلك
فيه اوزان ثقيلة أشيلها مثلا فيه جهاز الي تسحبه من فوق وتلصقه بالصدر العلوي إذا شلت وزن خفيف أستطيع أن أوصل للصدر ولكن إذا شلت وزن كبير يصل إلى مستوى الأنف أو بداية رقبتي وش الأفضل أخذ الوزن الخفيف الي يوصل للصدر ولا الوزن الثقيل الي مايوصل للصدر بس يقرب منه؟
عادي هالامر اخوي واهم شي انك تلعب صح وتركيز ما عليك وزن خفيف ولا ثقيل اهم شي تشوف نفسك تلعب صح وتحس بمقاومة وانت تسحب الوزن لاتاخذ وزن خفيف وتقول يالله خلصت تمريني ؟
عضلة الباي اليمني أقوى "وليست أكبر " من اليسرى ليه ومالحل؟ "يعني أحس انها تشيل واليسرى تتعب ليه"؟
عادي كلنا بالبداية كنا مثلك وفي ناس لحد الان مع انها صارلها سنه او اكثر تعاني من نفس المشكلة والحل بلعب الاوزان نفسها لكلا اليدين ومع الايام يقوى العصب عندك وما تحس بالفرق
يصلح الواحد ينقطع ويرجع لظروف السفر والإختبارات لمدة شهر أو اسبوعين؟
لو تلعب شهر وتوقف اسبوعين لازم تعيد تلعب من جديد اما لو تلعب سنه وتوقف شهر فعادي تكمل جدولك والمبدأ ان هل عندك اساس عضلي وهل عندك عضل بجسمك يساعدك على الاستمرار ام لا عرفت شلون
إذا ما أكل الواحد صح يروح النادي ولا لا؟ وإذا ما نام
عادي يروح ويختلف من ناحية معينه والجدول اللي راح يلعبه لكن بكلا الاحوال راح يحس بتعب اسرع
ما أضرار الجماع "للمتزوجين " والعادة السرية "للعزاب" على لاعب رياضة كمال الأجسام؟
بكلا الاحوال هي متعبه بدنيا ولكن بنفس الوقت ما تهمل بيتك عشان عضلاتك في ناس يدخلون بطولات والحمدلله مالهم مشاكل زوجيه او اهمال اما العادة السريه فبلا شك مصيبه لاعب ولا مو لاعب
إذا سخن الواحد عشر دقايق وصلى لمدة عشر دقايق يسخن مرة ثانية ولا لا؟
وليش يسخن قبل الصلاة ؟ يصلي ويخلص ويروح يلعب !!
وش أفضل البروتينات الطبيعية واسرعها والي تنصحوني فيه بروتين البيض او التونة او السمك او الدجاج؟
قلت لك عزيزي افتح الاكل
بالنسبة للواي بروتين والكرياتين والأمينو المكملات اسعارها من 100 إلى 250 بس كم تقعد معاك شهر شهرين 6 شهور؟ هل آكلها في أيام الراحة؟
اخوي تختلف من شركة لاخرى من ناحية الاستعمال ومن ناحية الكمية
متى راح اوصل للوزن المثالي؟ وفي فترات الاحظ ان وزني يزيد بشكل جيد ثم ألاقيه يزيد ببطى أو يثبت "أغير التمرين أغير الأكل"؟
هذي انت تحددها تغذيتك والتزامك بالتمارين هي اللي تحدد رفع وزنك ام لا
نصائح تقدمونها لي
1- اسال باللي يهمك الحين اخوي انت خبصت بالاساله وفي اساله مالها داعي مع احترامي لك حاليا ؟ اصبر واسال بعد شهر الاساله اللي سالتها عن البروتين والجداول والاوزان الخ
2- اهتم بالتغذيه لانها العامل الرئيسي في هاللعبة وافتح بالاكل وزنك خفيف للاعب كمال اجسام
3- راجع مواضيع قسم المواضيع المميزة واستفد من كل موضوع به
سؤال : عندما أعمل أي تمرين هل أسوية بسرعة أم ببطئ ؟
التركيز اخوي اهم شي التركيز وانك تلعب صح يعني بالطريقه الصحيحه
ماذا أكل قبل التمرين بساعتين وقبل التمرين بربع ساعة وبعد التمرين وقبل النوم
>>> بس أحد قال لك تصير خبره 
ولا وش رايك يا مشرفنا مشكلجي 
....
المشاركة الأصلية كتبت بواسطة abu Lamees
