التحليل الشامل لـ 2 Silent Hill

[Arashi]

أراشي ردودج الليلة تضحكني ههههه ما أدري ليش ههههه أمعاء دينصور

اما امعاء الديناصور يا اروووش هههههه مادري شلون خطر في بالج هذا التشبيه البديعي هههههههههههه

انا اللي لوع جبدي الاصوات اللي تطلع من الطوف كأنها معده تهضم أكل
الصراحه...كونامي أبدعت في هالتصميم
اما عن الصوتيات فهاذي ماده خايسه ولها معمل بكمبيوترات واحنا لازم نسمع الاصوات او نلفظ الحروف بنفسنا ونسجل اصواتنا

عاد المصيبه ان المعمل 203 منحوس وتصير فيه ظواهر غريبه
الكهربا تنطفي عندنا بس..لما نشغل المقاطع الصوتيه تطلع اصوات غريبه
الدكتوره والمسؤول عن المعمل يمرضون وايد
الكمبيوترات تخرف واحيانا تنطفي فجأه
الليتات تنطفي لكن كل شي ثاني شغال
لدرجه ان انا وربعي اللي لعبنا سايلينت هيل 4 شكينا ان النحس بسببنا ان لعبناها

وهاللقطة تطلع فقط بالتريلر واللي اشوفه انها تبين جيمس وهو يحاول يخرج ماري من كبت الذكريات اللي عايش فيها الى عالم الحقيقة والواقع

مب ممكن معاناها ان مشكلته النفسيه بدت في اللحظه اللي قتلها؟
شكله في الصوره هو حتى مب مستوعب انه شايل وحده هو قاتلها

[Mr.Tommy]

مب ممكن معاناها ان مشكلته النفسيه بدت في اللحظه اللي قتلها؟
شكله في الصوره هو حتى مب مستوعب انه شايل وحده هو قاتلها

Hell no, for him it all began (memory suppression) when he saw the litter Mary lift with the nurse before her death
that was the trigger, knowing her true feelings towards him

المهم

بغيت أسأل اذا احد عنده وقت يساعدني بتحليلي من ناحية التدقيق اللغوي فقط
لاني مو منتبه لاخطائي الكتابية حتى وانا اعيد قراءة الموضوع
تقريبا خلصت الربع الاول منه, ابي احد اذا كان متفرغ انه يشوف اذا في اخطاء ينبهني عليها بس اهم شي السرية بالعمل>>> فاتح استديو وعنده مشروع سري مو تحليل

[yami vergil]

^^^
براحتك ^^ انا واراشي فاضيين

[Mr.Tommy]

اوكي اهو مو شغل كتعب مجرد وحدة منكم فقط تقرء الجزء اللي برسله لها وتقولي اذا لاحظت تعدد اخطاء او اي شي غريب لاني مرات ان كتبت وانا سرحان بمخيلتي بعيد اروح بعيد بالكتابة وحتى لما ارجع اقراها اشك بكلامي فاحتاج تقرين كلامي وتعقبين عليه قبل لا انتقل من والتر الى هنري

[Arashi]

^^^^
اوكي أرسل لكل وحده فينا جزء واحنا نراجعه @@

Hell no, for him it all began (memory suppression) when he saw the litter Mary lift with the nurse before her death
that was the trigger, knowing her true feelings towards him

قصدك هو كان 100% في وعيه لما قتلها وبعد ما جاف الرساله بدى يخرف؟

[Mr.Tommy]

لا
اقصد انه ذبحها ببرود وكان عاقد العزم عالشي هذا وغير ندمان لانه ظن انها خلاص بدت تفقد مشاعرها بمرضها وصارت وحدة غير متوازنة بتاتا ولا تدري منو تبي وشنو تحب بدقيقة تعصب وبدقيقة ترضى
ما كان يبي يشوفها تتعذب جذي مع المرض نفسيا وبدنيا ولا يبي يتعذب معاها

لكن عقب م قتلها وقرا الرسالة اللي كلامها ينحط لج بعد ما تختمين اللعبة انصدم من حقيقة مشاعرها وانها " تكره نفسها لانها قاعد تخليه يمر بمثل هالايام" بدء شعوره بالذنب يغمره وعمرف انه ارتكب غلطة لا تغتفر
وتذكر وقتها انها نفسها ماري اللي عشقها وسافروا سايلنت هيل وعاشوا ماضي سعيد مع بعض
بس يبدو ان المرض نساه The whole picture
يوميا يشوفها بهالحال بالمرض خلاه ينسى منو ماري ويفكر بافكار انانية مثل كبته الجنسي واستعادة حياته وباقي ما ذكرته بالتحليل خصوصا فقرتي ماريا ولورا


بخصوص مراجعة التحليل: انا ابي وحدة منكم فقط تراجعه عشان يبقى سري ومابيها توريه الثانية وتوعدني بهالشي
وبنفس الوقت بتلقون ترجمات بعض نصوص الرسايل اثناء التحليل وهالشي بيفيدكم ويفيدني بنفس الوقت
بس من بدية التحليل لي نهايته ابي المراجعة تكون عن طريق وحدة منكم فقط

[Arashi]

بس من بدية التحليل لي نهايته ابي المراجعة تكون عن طريق وحدة منكم فقط

لاااااااااا ليش جذي؟
صعبه صعبه >_<
احنا فوق الترجمات قاعدين مكتب ونرسم للقصه >_>
فلما نساعد بعض نخلص بسرعه


اقصد انه ذبحها ببرود وكان عاقد العزم عالشي هذا وغير ندمان لانه ظن انها خلاص بدت تفقد مشاعرها بمرضها وصارت وحدة غير متوازنة بتاتا ولا تدري منو تبي وشنو تحب بدقيقة تعصب وبدقيقة ترضى

انا فاهمه هالنقطه
لكن لما ذبحها ببرود
ما كان شوي مب في وعيه؟
ماعرف شلون اعبر @@
يعني مثل انت لما تكون معصب على احد وتشوت قطوتك وانت مب حاس
شي جذي
يعني ذبحها بدون تفكير..كان متسرع
وجوفه شلون..ما حس بالذنب الا لما قرى الرساله
الوضع الطبيعي انه بيحزن اول ما يبدأ يخنقها
لكن الحزن والكآبه يات في وقت متأخر مع قراية الرسالة
جيمس اصلا واحد مب طبيعي من قبل ما ماري تمرض
يعني كان صج يحبها بس قتلها بكل بساطه
هو صح ممكن يكون متأثر بمرضها ومنظرها
لكن حسيت انه مب طبيعي لما جفته شلون يقتلها ولما عرفت متى بدى يحس بالذنب ولما جفت الصوره اللي شايلها في طريج السجون

في كل الاحوال


جيمس مب طبيعي بالفطره <_<

[Mr.Tommy]

ههههههههه انا مادري شبينج وبين جيمس اروش بس الظاهر بينكم عداوة مسبقة بالماضي
عموما
انا فاهم بالضبط النقطة اللي بتوصلينها لي وياما فكرت فيها وعن السبب اللي يخلي جيمس يقتلها وبالطريقة هذه بالذات
قريت الرسايل
شفت كل النهايات
رديت لعبت وركزت على تعابيره وطريقه رده
حاولت اشوف الموضوع من منظوري....ثم منظور ماري..والاهم منظور جيمس نفسه

شوفي

الموضوع ما كان سهل ولا نقص على نفسنا بغير هالكلام
6 شهور بالمستشفى بشكل يومي والنتيجة
كل يوم تمرض زيادة
مالها ام بالعلاج
حالتها النفسية من سيء الى اسوء

هذه حقائق



والحين نبدي بمنظور كل واحد فيهم

منظوري خليه على صوب لاني ابي منظورج الخاص


منظور ماري بالرسالة هذه



"ركزي على نبرة صوتها خصوصا بأخر كلماتها"

منظور جيمس....ان قتلها كانت مو بس خدمه لنفسه.....كانت خدمة لها لانها تتعذب كل يوم اكثر وماكو جدامها الا الاسوء..مزاجها متقلب وبدا يحس انها افتقدت حبها له
وباقي الكلام التحليل نفسه مابي افصل اكثر لان يهمني الحين رايج انتي

سمعي وفكري بعمق باللي صار وخطي نفسج بموقف كل واحد منهم وابتعدي عن ميولج لاي واحد منهم وقوليلي شنو اللي تحسين فيه
مو مهم توافقيني والا اتعارضيني المهم اعرف انطباعج النهائي عن اللي صار لانها open ending


تذكرت النقاش اللي دار بيني وبين الدكتورة اليوم عن الموت هل هو شيء خارجي والا موجود داخل الانسان.... فكري بهالشي بحالة ماري هل الموت كان بالخارج متربص لها "جيمس" والا كان متواجد داخل يتغذى على روحها؟



سوري عالاطالة بس لما ادوخ ما اعرف اوقف هههههه

[yami vergil]

متابعه المناظره D:

[Mr.Tommy]

^
^

عاشوا الجمهور الصامت هههههههههههههه

[Mr.Tommy]

خلاص قررت اشتغل عالموضوع هالويكند واخلصه

يوم السبت بإذن الله يكون التحليل نازل

[yami vergil]

امش هناك في المجموعه ... عندنا كلام نبي نقوله

[Mr.Tommy]

^
^
هههههههههه على بو لحية هذا اللي حاطته حسستيني ان الاجتماع السري هذا بيصير فيه انقلاب

الله يستر

[dely10]

يعطيكم العافيه

[Mr.Tommy]

من المعروف ان التيم الاساسي اللي انشأ سايلنت هييل اسمه Team Silent >>> لا مو احنا, تيم سايلنت الياباني ههههه

أحد الاعضاء الاصليين بالتيم اسمه Kiishiro Toyama وهو الاب الروحي للسلسة فهو منتج وكاتب ومخرج سايلنت هيل الاولى. لكن بعد اصدار اللعبة انتقل للعمل في سلسلة Siren المعروفة. واللي كانت بعد عن شياطين وعشيرة واستدعاء مخلوقات. لكنه ترك مستقبل السلسلة في ايد شخص ثقة وهو Hiruyuki Owaku. اواكو اوقف قصة الجزء الاول وراح اكثر لتطوير وتحسين قصة المدينة نفسها بعد رحيل توياما وبنفس الوقت اشتغلوا على انشاء محرك جديد للعبة بما انها ستنتقل للـ......بلاي ستيشن2 ! ( احب هالجهاز لان السلسلة كلها عليه ^^ ). مثل ما قلت سايلنت هيل 2 بدال لا تستمر بالقصة تم التركيز فيها اكثر على حالة المدينة بعد احداث الجزء الاول. وتعطينا معلومات عن تاريخ المدينة مثل كونها ارض مقدسة بالماضي... لا ننسى ان لها تاريخ اسود. وبعد انتاج سايلنت هيل2 Akihiro Imamura اصبح منتج اللعبة وبنفس الوقت انضم لتيم سايلنت الملحن Akira Yamamoka واللي بأول تصريح له يقول انه ما كانت عنده طموح انه يوصل لهالدرجة ( بس شوفو هالغير طموح شنو سوا ). وسايلنت هيل3 ردت للقصة الاصلية وبنهايات اقل من الاجزاء السابقة لانها مرتبطة بالجزء الثالث ونهايات اقل = تعقيد اقل.

المفروض ان سايلنت هيل انتهت بعد الجزء الثالث....المفروض, لكن خلال تطوير الجزء الثالث ياماموكا قرر انه يسوي جزء قادم جانبي. هالجزء اشتغل عليه الستاف الاصلي نفسه وكان مشروعهم انهم يسوون جزء يديد بستايل يديد وسموه سايلنت هيل4 The Room ( موضوع تحليلنا القادم ).لكن بالجزء الرابع ما شارك ماشيرو ايتو ( مصمم الرسوم والجرافكس ) وهيرويوكي ايواكو اما باقي طاقم الجزء الثالث تواجدوا ( لاحظوا ان اكبر اسمين هم الغائبين ) وما شفناهم من بعدها مع السلسلة ( بيبااااي ) وطبقا لتصريح ايتو عن سبب خروجه فهو يقول ان بالنسبة له ان سايلنت هيل بعد الجزء الثالث انتهت!

هذا بالنسبة للاجزاء الكلاسيكية وكنت مخلي هالنقاط لموضوع لاحق لكن لا ضرر من ازالة بعض "الضباب" عن حالة الكاست وشلون تغير اثناء الاجزاء الاولى
شخصيا اشوف ان كونامي نفسها اهية اللي ماسكة السلسة من ناحية القصة اكثر من كون الكاست اهو اللي يتحكم فيها
لاحظوا ان على الرغم من كثرة تغيير الاستديوهات الا ان القصة تبقى متعلقة ببعضها البعض ومتشابكة وماكو جزء كانت فيه قصة فاشلة ( ولا تنسون ان قاعد نتكلم عن اكثر لعبة فيها تعقيد وعمق بالقصة فطبيعي تكون اسهل لعبة ممكن تتفكك قصتها بتغيير طاقم العمل! ).

مابي اتكلم اكثر بترك الباقي لكم.